بارت كثير حلو ضيون
بس اتوقع ان خالد ما بيقدر يقول لاخته
ويمكن يجيب اي سالفه غريبه
واتوقع نوار محجوزه من يوم صغيره وهي ما عارفه
بارت كثير حلو ضيون
بس اتوقع ان خالد ما بيقدر يقول لاخته
ويمكن يجيب اي سالفه غريبه
واتوقع نوار محجوزه من يوم صغيره وهي ما عارفه
يسعد صباحك ضي
راويه رائعه بمجملها
طريقة سرد جميله وانتقال من بارت لبارت أروع
متكمكنه عزيزتي
بإنتظار البارت القادم
يعطيك العافية على ردك وتشجيك عزيزياقتباس:
المشاركة الأصلية كتبت بواسطة رايق البال
بصراحة كلامك عطاني دافع والبارت الجديد راح يكشف أشياء ويفتح مجال لاشخاص بالانضمام لرواية
يعطيك العافية عزيزتي بصراحة انتظر تواجدكاقتباس:
المشاركة الأصلية كتبت بواسطة احساس روح
وبعض توقعاتك قد تكون صح بارك الله فيك
الأجمل تواجدك حبيبتي يسعدني حضوركاقتباس:
المشاركة الأصلية كتبت بواسطة حبي خالص
والبارت الجديد راح يكون دراما اكثر يعطيك العافية
البـــــــــــــــــارت
4
يحبـــي ومعذبني لو مــا تحبني كـــان شسويت
في بيت مروش في الليل
رجع خالد من عند ربعه وصعد لغرفته
انتبهت مروش لصوت الغرفة حجة خالد ومن فضولها
عشان تعرف سالفة خالد اللي وده يقولها اياها
راحت عنده الغرفة ودخلت عليه
وهو كان يستحم لما طلع من الحمام <عزكم الله
شافها نايمة في سريره
خالد : بسم الله اللهم سكنهم في مساكنهم انتي انس ولا جن
مروش: جن
خالد: من وين طلعتيلي
مروش: من تحت الارض
خالد : شو تبي
مروش: ابي اعرف السالفة الي تبي تقولها لي
خالد: اي سالفة (يستعبط)
مروش : ما اعرفك انت خبرتني لما سكرت من مكالمة نوار
خالد\فديت نوار انا\: اها تذكرت بس كنت بقولك لما تكلمي
صديقاتك لا تشوهي سمعتي قدامهن وتقولي عني بلاء وما اعرف
شو ، المفروض تتكلمي عن اخوانك بطريقة تظهريهم للناس بطريقة
حلوه مش وحشه وبس
مروش : من صدقك هذا اللي كنت بتقوله لي
خالد: ايوا شو تحسبيني بقولك ؟؟
مروش : صدق انك دب وانا حسبالي عندك سالفة تبي تقولها
خالد: لا ما عندي شيء غير اللي قلته
مروش : اقول تصبح على خير ما منك فايدة
خالد: عاد انتي الي منك فاايدة عجوز منتهيه
مروش :هاهاهاي ضحكتني اروح ارقد احسن لي قال امدحيني
عند ربيعاتك من زين وجهك امدحك
خالد: وش به وجهي مو عاجبك
مروش: لا مخرعني
خالد: انا الغلطان اني كلمتك ذلفي من وجهي احسن لك
وروحي نامي
مروش : كذا ولا كذا بروح لا احلم كابوس من خشتك،، تشااااااو
وغلقت الباب مروش وراها وطلعت لغرفتها وهي منقهره
استاذة نهى تراسل فيّ بالليل
أ.نهى: هلا فيون كيفك
فيّ: الحمدلله طيبة كيفك استاذة؟؟
أ.نهى: الحمدلله طيبة
فيّ: شو بكرة تجين المدرسة
أ.نهى: ايه إن شاء الله
فيّ: استاذة عازمتك لحفل تلبيس دبلة ولد عمي في العطلة
أ.نهى:ما اعرف فيّ اذا سمحلي الوقت بجي
فيّ: ان شاء الله يسمحلك الوقت وتتعرفي على اهلي امي
حيل تبي تشوفك
أ.نهى : ربي يعطيها العافية وانا ودي اشوف امك واتعرف عليها
فيّ: طيب عيل تعالي
أ.نهى : ان شاء الله اشوف اخوي كيف وبعلمك
فيّ: طيب
أ.نهى: فيون يلا اخليك روحي نامي ونلتقي بكرة
فيّ: ان شاء الله استاذة تصبحي على خير
أ.نهى : وانتي من اهله حبيبتي
في اليوم الثاني في المدرسة حصة الاستاذة خدوج
"الاحياء"
الاستاذة تشرح وطبعا هي مسكينة ما تعرف تفهم البنات
وكل البنات ما فاهمات والاستاذة تشرح مليون مره نفس
المعلومة و ميّ فاهمه فرفعت يدها مداخله وطلعتها الاستاذة
ميّ: استاذة عادي اطلع اشرح للبنات
البنات:ايوا استاذة خلي ميّ تشرح لنا نفهمها
أ.خدوج: طيب تعالي شرحي على السبورة
طلعت ميّ وشرحت الدرس للبنات وفهمنه وحركة نذالة
منهن قامت علوش تصفق وتقول
:بصراحة ميّ تستاهلي تكوني استاذة
والبنات بعد يصفرن ويصفقن لميّ حتى يحسسن الاستاذة
انها ما تصلح معلمة هههه <هذا الموقف نذل فعلا هههه
في وقت الفسحة
علوش: كيف تجهيزات الخطوبة ميوه وفيون
ميّ: مره امورك ضابطة بنروح نستأجر ملابس اليوم من مطرح
فيّ: وخلاص حجزنا صالون
نوار: وين بيسوا الخطوبة ؟؟
فيّ: في خيمة
مروش: من وين العروس؟
ميّ: من وين فيون نسيت
فيّ: الانصب اتوقع ما اعرف
نور: ولد عمك وين يسكنوا؟؟
ميّ: المعبيلة
نور: يعني قريب مو من بعدهم كلهم مسقط
فيّ: يب
علوش: حلو بيكون عندكم عرس
ميّ: تخيلي العرس بعيد نهاية السنة
مروش: وليه ما نهاية الفصل ذا
ميّ: ترا البنت تدرس في التقنية وبتخلص الفصل الجاي
وعاد يسووا العرس
نور: احسن لهم وهي تخلص امورها
فيّ: ايوا ونحن هم نكون فاضين نتعلم رقص <هنا احد مواهب فيّ
نوار: عيل بنجي نشوف ابداعكن
ميّ: تعالوا مع مروش
نوار: ياخي ودي اجي
فيّ: بنصمم رقصة هندية للخطوبة
نور: ودي اجي صوروا
ميّ: ما نصور ونحن نرقص
مروش: نوار تحمست انا شوفي اهلك بشلك معي
علوش: الله ويدنج وحركات بيجيني زوج اجلس عند الحريم <فوادها تتزوج وبقوة علوش ههه
مروش: متكول عليش تدوري معرس هههه
علوش: هذي سنة الحياة اصلا هههه
نور: انتي ما منك امان لبر
نوار: نعم احسك اول وحده بتتزوجي فينا
علوش: يشرفني حتى اعلمكن الحياة الزوجية واكون قدوة
ميّ: عز الله تطلقنا
فيّ: اعوذ بالله هههه
ورن الجرس وصار وقت الحصص
في نهاية اليوم الدراسي ركبت رشا في الباص
مع ميّ وفيّ والغريب في الامر ان رشا تسكن الحاره
الثانية يعني عندهم باص يوصلهم والاغرب ان راعي الباص متغير اليوم ،،أول ما شافتها ميّ
ناظرت فيّ وكأنها تقول شو جابها ذي عندنا ؟؟ والنظرات متبادله من فيّ بنفس الحيره
دخلت ميّ وسلمت بعدين ناظرت رشا وسالتها
: ما شاء الله في باصنا اليوم، شو عندك اهل في حارتنا؟
رشا : لا بس رايح عني الباص
ميّ: اها كذا السالفة
رشا بضحكة منزعجة شوي: ايوا كذا
فيّ: حياك الله في باصنا
رشا : الله يحييك
طبعا وصلهم الباص البنات لبيوتهن في نقاط معينه
واخر وحده موصله هي رشا
في بيت التوأم
ميّ راحت لغرفة فيّ بعد ما تغدو وخلصوا
وفتحت الباب ودخلت <ما عندهم دق الباب في البيت هههه
فيّ كانت تسرح شعرها وما انتبهت الا بفتح الباب: بسم الله
ميّ: فيوه هل تفكرين فيما افكر فيه
فيّ: نعم افكر في الاستيلاء على العالم
ميّ: ههه حسنا اليك الخطة
فيّ: هاتها
وجلسن يضحكن على سخافتهن
المهم جلست ميّ في سرير فيّ
وناظرت فيّ وقالت لها
: ليه جيت رشا عندنا في الباص اليوم ما اول مره يروح
عنها الباص وتروح في التريب الثاني شمعنى اليوم
فيّ: فعلا ولا بعد مسبقه ورى السايق اليوم
ميّ: صح واللي يسوق واحد ثاني اليوم ما عمي صلاح
فيّ: تهجين واحد من اهلها يكون
ميّ: ما اعرف بس احس بينهم شيء كل شوي تطالع
عليه من الجامه الامامية وهو يناظرها
فيّ: خلى نراقبها ،، شكل السايق جديد
ميّ: خلى فوقه ، لا شايفتنه السايق يشل تريبهم كان
فيّ: بس بنسأل علوش عن اسمه ونتكلم عنه قدامها ونشوف ردة فعلها
ميّ: فكرة حلوه بس بقولها بكره
فيّ: تم ، الحين تعالي فتحي كتاب وجلسي ذاكري العصر
بيشلنا ابوي نختار لبسه
ميّ: بذاكر في غرفتك زين
لحد ما جاء العصر كان التوأم يذاكرن
دخل عليهن ابوهن
ابو نوفل: بنات قومو صلوا وتجهزوا بروح اصلي وبنروح
ميّ: ان شاء الله يبه
فيّ: يتقبل الله طاعتك ولايهمك تروح وترجع تلقانا مخلصين
نوفل (يتنصت من ورى الباب): باه انا اروح معكم
ميّ: وين تروح معنا ما نشل صغار
نوفل: باه ابا اروح
ابو نوفل : تمام حبيبي بس حليت واجباتك
نوفل: ايوا اسال امي بعد
ابو نوفل : تمام تجهز مع خواتك
وراح ابو نوفل يصلي ولما رجع لقى البنات جاهزات وينتظرنه تحت
ورجعوا على بالليل بعد ما استأجرن ملابس هندية تنوره وقميص مطرزين وشال
في اليوم الثاني في المدرسة
خبرت ميّ علوش على اللي صار امس معهن وعن رشا
وتولت علوش المهمه وتم البحث عن اسم السايق وشكله
وفعلا علوش عندها تحريات في المدرسة تجيب راسه
ولما اجت الفسحة الثانية شافت البقبوقات في الصف
راحت لهن علوش وسألتهن من الي يسوقهم "سالم"
رشا ردت قالت من ذا ؟؟
علوش\هو سايق واحد اسمه سالم اصلاً\: ولد طويل وصغير شكله وحنطاوي وشعره صغير ومربرب شوي
رشا \فديته انا\: شفيه نحن يشلنا
علوش: ما شيء بس بغيت اعرف اخلاقه سمعت انه قليل ادب<كله حش ترا
رشا: ما اعرف ما عمري كلمته ولا ركزت عليه
علوش\كذا السالفة يعني ما كان يطالعك من المنظره\: المهم ترا هو واحد سوالفه سوالف بنات ويلعب
اجت ميّ قاطعت علوش
ميّ: من هو راعي بنات ؟
علوش: ذاك السايق الصغير مربرب كروز
ميّ: ياخي امس شالنا وكل شوي يطالع من المنظره
علوش: ترا ما فيه ادب
رشا: ونحن شو نبيله خليه يغيب \وهي ما عاجبها كلام البنات عنه \
علوش: ان كيس حبيبتي تحذري دامه يشلكم
رشا: شو ابيله انا مالي خص فيه
ميّ: ايه فعلا تحذري
طبعا هذا السيناريو كانوا مخططين له علوش وميّ
حتى ينصحن رشا بطريقة غير مباشره عن فعلتها الي تحسب ان ما احد داري عنها
في نهاية الاسبوع ويوم الجمعة بالليل كانت خطوبة ولد عم التوام
ميّ وفيّ كانن في الصالون مع امهن يتزنين للخطوبة
ميّ وفيّ لابسات هندي ميّ لون لباسها احمر والمكياج ترابي وشعرها الاسود ناشلته
ومسويه رول في النهاية بس
فيّ لون لباسها عنابي ناشله شعرها ومسويه له رولات من فوق لتحت بس على شكل خصل
ومسويه مكياج هندي
واثناناتهن لابسات بدله ع الانف واكسسوار هندية في الراس
وقلادة واقراط واساور وخلخال القدم وخواتم في اصابع القدم يعني كله
على بعضه هندي في هندي وشكلهن ظاهر هندي
أ.نهى رسلت حج فيّ انها بتجي وفيّ زادت فرحتها حتى تتعرف أ.نهى على
عائلتها وفعلا البنات راحوا بيت عمهم
عشان بيروحوا باص لبيت العروس وهناك كان كوشه
راقية لونها ازرق فاتح الاضاءة والكوشة مليانه ورد
طبعا مروش تبي تروح ونوار كذلك فضطرت مروش تكلم
خالد يشلها لان امها ما بتروح معها عندها شغل وما تبي
تروح وحدها فخالد قال شوفي نوار يمكن تروح \هو متعمد
حتى تكون فرصة يشوف فيها نوار\وامرها
وتروحن مع بعض، مروش راسلت نوار بس اهلها ما
رضوا انها تروح مع خالد مسقط ومعه بس اخته بدون
امه فلما خبرت مروش ان نوار ما تروح عصب عليها
قال ما احد عيل يروح وحده ومروش زعلت عليه تبي
تروح ما خلاها وجلست تصيح وهو طلع عنها ،،
في الزفة
وصلوا اهل الخطيب(لانه ما العرس) دخلوا بربشة للخيمة
وجلسوا يغنوا ويحتفلوا قبل لا يدخل المعرس وكانت
العروس موجودة وبالصدفه ميّ وفيّ شافن زلوخ وراحن
جلسن عندها وطلعت العروس بنت خالها !!!
أ.نهى مضيعة وترسل حج فيّ وصف المكان
وخبرتها فيّ والاستاذة ما عرفت فخلت فيّ تكلم فراس
........................................
فراس: ولد حبوب وصاحب نكته وخفيف وابيض عليه
طول وعضلنجي حبه وشعره قصير اسود يعني الولد رزه
وعمره 23 سنة خريج جامعة وباحث عن عمل وقريب جدا
من اخته الاستاذة نهى
.................................
أ.نهى: كلمها توصف لك المكان
فراس: من اسمها
أ.نهى: فيّ
فراس: حلو اسمها
أ.نهى يخس بليسك ما وقته البنت على الخط
فيّ تسمع المحادثة وتضحك بعدين كلمها
فراس: هلا فيّ كيفك
فيّ: الحمدلله
فراس: وين حفلتكم موقعها
فيّ: في الانصب انت جاي من الخط السريع ولا العام
فراس: الخط السريع
فيّ: حلو \فراس في نفسه يقول الاحلى انتي\ عيل
اول ما تجيك دخةت الانصب ادخلها واصعد ع التله و....الخ الوصف
فراس: بس تمام عيل دقائق ونكون في المكان ان شاء الله
فيّ: في انتظاركم ولو ما عرفت اتصل
فراس\ولا يهمك بتصل طال عمرك\: بس ترتيب
سكر فراس الخط ووصلوا الخيمة وقبل لا تنزل
اخته قال اتصلي على فيّ عشان تطلع وهم نتأكد ان في
المكان الصح
أ.نهى تتصل على فيّ
هلا فيون انا وصلت ممكن تطلعي
فيّ: انا طالعة خليك ع الخط
فيّ طلعت ولا على بالها ان ما في احد هناك
راحت للاستاذة ومن خلف السيارة وكان شعرها شوي مبين
ووجها وهي حسبالها فراس نزل مع الشباب
فراس جالس يطالع من الجامات الجانبية واول ما اجت فيّ
خبرت نهى اخوها فراس انها وصلت فيّ
وهو قال وين قالت له خلف السيارة واول ما شاف فيّ انذهل من جمالها
مسك اخته وهي نازلة من عبايتها ودخلها السيارة قالها من
صدقك هذي عمانية؟؟؟ ،، نهى ردت عليه شفيك ايه
5" اصابك عشقٌ ام رميت بأسهمٍ "
طبعا المحادثة كانت جاريه وفيّ سمعت كلام فراس عنها
تحجبت حجابها وسلمت على أ.نهى ودخلتها وقبل لا
تدخل رجعت بنظرها تشوف فراس اللي عجبها
مظهرهوكان طالع من السيارة يناظرها..
هل يا ترى هناك وصلة حب ستنبت في قلب فيّ؟؟
ام انه مجرد اعجاب ؟؟
تعرفوا على الاحداث في البارت
هلا فيك ضي ..
بارت ممتع وشيق وبدأت عدة خيوط تتضح في سياق الروايه وابطالها وتحديدا خالد ونوار وفراس وفيّ اضافة الى ابطال الروايه الآخرين ومايمرون به من احداث ..
مايعجبني بالروايه ان التسلسل الدرامي رائع وينقلنا بسلاسه من مشهد لآخر وكأننا نعيش الحدث وهي نقطه تحسب لك في عالم الكتابه وخاصة الروائيه لأنها الاصعب مقارنة بالقصص ..
احييك على هذا التألق وبإنتظار البارت القادم والذي فيه الكثير من الامور ستتضح كما اتوقع ..
الف شكر لجهدك وابداعك وتفاعلك الجميل
طابت صباحاتك ..
صباحك ورد ضيونه
ضيونه انا بعيد بس اجي اتابع الروايه
بجد روايه جميله تسلم اناملك وابداعك وخيالك
عجبني ف الروايه اكثر ما
1- تسلسل الاحداث وهذا شي جميل جدا
2-وظفتي اكثر من بطل في القصه وانا اعتبره هذا شي كبير ومميز
بالنسبه لي احس صعوبه يكون الكاتب يركز خياله لاكثر من بطل
بس طبعا يختلف كل كاتب ونظرته واسلوبه وخياله وطريقته ف السرد
بس انا اشوف هالشي كثير مميز بالنسبه لتسلسل الاحداث
واشوفك متمكنه فهالشي
رائع
استمري
بارك الله فيك
بارت جميل عزيزتي ضي
في كل بارت أرى ابداع في السرد
وتمكن بطريقة تسلسل الأحداث والانتقال من بارت لآخر
أهم حاجه بالكاتب معرفته بطريقة الانتقال بالاحداث
وكيف يجعل القراء يتعايشوا مع الأحداث وجعلهم في تشويق
لما سيحدث بالبارت القادم ... وهالشي بالفعل لمسته فيك
تابعي غاليتي ... وبإنتظار القادم
مساياااا ..💝
بعلق عالبارت الثالث وبعدين بقرأ البارت الرابع واعلق عليه ^^
ضيوووون بصراحه انتي تحفه وتعليقاتك على خلووود تضحكك وايد ..
يعني بارت ولا احلى واروع حتى محسيت فيه وانا اقراه ..
واكيد البارتات الثانيه ما راح تكون اقل جمال منه ..
يعطيك مليووووون عافيه غلاتووو ..
البارت الراااابع :rolleyes:
ضيون بجد هالبارت وااااااو ..
روووووعه بصراااحه ..
مبدعه مبدعه بجد ..
نتريا البارت الجااااي بشوووق ^^
يعطيك العاااافيه حبيبتي ..💝
هلا فيك ضي الشمس
بارت كثير رائع وجميل ومجهود تشكري عليه
يعطيك العافيه بالتوفيق لك..
يعطيك العافية عزيزي مرورك اسعدني ويا رب تكون البارتات كلها قوية ومشوقةاقتباس:
المشاركة الأصلية كتبت بواسطة رايق البال
بارك الله فيك
صباحك سرور عزيزتياقتباس:
المشاركة الأصلية كتبت بواسطة احساس روح
اشكر متابعتك وفعلا يهمني رايك بارك الله فيك
وان شاء الله ما اخيب ظنكم وتكون النهاية في محل جميل
يعطيك العافية غاليتي يسعدني تواجدكاقتباس:
المشاركة الأصلية كتبت بواسطة حبي خالص
واخجلني كلامك ربي يوفقك
ربي يعاااااافيك غلاتواقتباس:
المشاركة الأصلية كتبت بواسطة اموووره
بصراحة انتفخت من كلامك كثير رفع كلامك معناويتي مثل التعليقات الي مرت هنا
ربي يقدرني على انهاء الرواية بالصغية الي تسعد الجميع بارك الله فيك
فديتك حبيبتي البارت مخلص اراجعه للمرة الاخيرة وانزلهاقتباس:
المشاركة الأصلية كتبت بواسطة اموووره
ان شاء الله
ربي يعافيك عزيزي وبارك الله فيكاقتباس:
المشاركة الأصلية كتبت بواسطة نديم الماضي
يسعدني مرورك حقا وتشجيعك
البــــــــــــارت الخامس
احـــوال اخــفي احســاسي ولكــن بالعشــق مفضــوح
خالد جالس مع ربعه بس حس بضيق وقرر يروح البحر
جلس لحاله اعلى الصخر وهو يناظر لطمة الموج
بين الساحل والبحر
خالد يفكر باللي صار اليوم
\أنا ليه سويت كذا؟ ليه زعلت مروش؟ طيب لو نوار ما تحبني
انا ليه متعب نفسي هالقد بالتفكير فيها؟ معقولة انا حبيتها! لهذي
الدرجة اللي ما خلتني اكترث لدموع مروش!! ،،
اه يا خالد طحت ولا احد سمى عليك\
مروش في غرفتها زعلانه كان ودها تروح بس قدر الله ما
شاء فعل ،، ومن القهر الي فيها جلست تلعب بالميكب
على وجهها وجلست تتعلم تسوي لشعرها تسريحات
في حفلة ولد عم التوأم
استاذة نهى تعرفت على ام نوفل واهلهم وام نوفل كثير
حبت نهى اما فيّ كانت غرقانه مع خيال فراس
وكل اغنية تجي كانت تتخيل ان هذا الكلام لفراس
او من فراس لألها
اما فراس ما نزل من السيارة جلس بس يفكر كيف ممكن
يقنع اخته تحجز له فيّ وكيف ممكن يتقرب لفيّ
خلصت الحفلة وتبادلوا العرسان تلبيس الخاتم والهدايا
وصار الوقت كل احد يروح بيته كانت ميّ ملاحظة على فيّ
انها متغيرة وصايرة شوي خجولة ومحترمة بزيادة عند أ.نهى
الاستاذة نهى استأذنت البنات انها تروح ،،قامت
فيّ قالت خلاص انا بوصلك \ميّ ليه توصليها تعرف الطريق ترا\
أ.نهى: ايه عادي حبيبتي خلا
راحت معها فيّ حتى تشوف فراس واول ما اجت نهى ع السيارة
شافها فراس وهي جايه طلع من السيارة وخلى عينه بفيّ
فراس: خلصتوا نهى
أ.نهى: ايه
فراس: اهلين السلام عليكم (وهو يناظر فيّ)
فيّ( بخجل) :وعليكم السلام
فراس: انتي فيّ
أ.نهى ردت وهي تطالع عليه \شو تسوي انت فراسوه\: ايه
انتبه فراس لنظرات اخته
رد وقال كيفك فيّ ان شاء الله بخير وكيف الاهل
فيّ: الحمدلله كلنا بخير \يا ربي حتى صوته يجنن\
فراس :ربي يعطيكم الخير والعافية
فيّ: ربي يعافيك
فراس\فديتك انا\ : يلا نهى نروح ، ناظر على فيّ :فيّ سلمي على اهلك
أ.نهى :يلا حبيبتي مع السلامة
فيّ: مع السلامة يحفظكم الله
تبادلن السلام والقبلات الجانبية وركبت نهى عند اخوها
وقبل لا يصعد فراس السيارة شاف على فيّ بنظرة مودعه
وصعد ع السيارة حتى راحوا كانت عيون فراس تلتفت
بحثاً عن فيّ
رجعت فيّ للخيمة وهي داخلة من الباب مسكتها ميّ
: تعالي ابيك
فيّ: شفيك ؟؟
ميّ: انتي قولي شفيك
فيّ: ولا شيء
ميّ: لاه تكلمي احسن لا اعلم عليك امي
فيّ: اوش خلاص بعلمك من نوصل البيت
ميّ:تمام
كلها دقائق جاء ابونوفل وراحوا التوأم وامهم للبيت
في بيت مروش
رجع خالد الساعة 10 البيت وطلع لغرفة مروش طوالي
طرق الباب ودخل
: مروش نمتي
مروش: شتبي
خالد: بكلمك
مروش: مالي خلقك
خالد: لا تزعليمني مروش يعني كيف تروحي وحدك
مروش: ما اعرفك
خالد: انا اسف انزين
مروش: لا تكلمني
مشى خالد عندها ومسك يدها وبوّس راسها
:خلاص مروش انا اعتذرت لك لا تحطي في خاطرك
مروش دمعت عينها وجلست تصيح
ضمها خالد له وحضنها
:خلاص لا تبكين حبيبتي
رفع لها راسها ومسح دموعها حتى رضت
في بيت ابو نوفل
البنات دخلن يستحمن <عزكم الله
حتى يروح الميكب والمثبت
خلصت ميّ وكانت لابسه بجامه بيضاء وشعرها منشول
وراحت لغرفة فيّ وكانت واقفة عند الباب وشعرها
على وجها وفيّ كانت تنشف شعرها مقابل المنظره(الجامه)
والاضاءة قليلة في الغرفة
وهي تنشف شعرها شافت المنظرة وشافت ميّ وشعرها مغطي
وجها وصرخت حسبالها جني كملت معها ميّ صريخ وهي ما
فاهمة السالفة بعدين توقفت ميّ عن الصريخ
:مالك فيّ تصرخي
مسكت فيّ المشط وضربت ميّ على بطنها
:خوفتيني يالدبة احد يجي كذاك ناشل شعره فكرتك سمارا
ميّ: بسم الله علي،، ما علينا فيوه الدبه خوافه وحده
فيّ: لو شفتي نفسك بتخافي عمرك يبالك صورة
ميّ: فعينك هههه
فيّ: عيني حلوه
ميّ: مثلي شكرا،،المهم فيّ علميني شفيك اليوم
فيّ: ما في شيء
ميّ: لاه علي يعني\لعبي مع غيري حبوبه\
فيّ: تبي الصراحة انا اعجبت باخ استاذة نهى ومن شفته للحين انا افكر فيه
ميّ: يا الخايسة شفتي اخوها وما خبرتيني اشوفه ؟
فيّ: اصلا من شفته ما قدرت اتحرك كل ما فيه يجنن خجه يا ربي
ميّ(بستغراب): فيّ بديتي تحبي!!
فيّ: عينك ما كذا بس اعجبني شكله معضل يهبل
ميّ : فيون ما صورتيه
فيّ: ما فضيت اقولك انا واقفه مصدومة
ميّ: فيون خلي عنك هالتفكير يعني فكري لو بتحبيه يمكن ما يحبك ويمكن اهلي ما يوافقوا اواهله مايوافقوا
عليك لا تضيعي عمرك بها الحب الي نهاية مجهول ويمكن ظلام
فيون لا تتخيلي شيء بعيد الامد وهم نحن ع الاسبوع الجاي بندخل 17 سنة يعني كم الفرق بينك وبينه
فيّ: هو شكله صغير
ميّ: ترا الصغير ينخاف منه يعني دامه حلو تتوقعي ما كلم بنات قبلك وهم ترانا صف 11 بعدنا
فيّ: كلامك صح ميون بس شسوي
ميّ: مشاعر طبيعيه وبتعدي لا تخلي في بالك انك تحبيه وان هذا مجرد اعجاب ونحن بسن مراهقة
يعني يعجبنا اي واحد بس ما يعني نحبه هذي هرمونات ، بسألك سؤال وجاوبيني
فيّ: سألي
ميّ: ليه حبيتيه
فيّ: عليه عضلات وكذا غرشوب يعني
ميّ: يعني لو مافيه عضلات ووجه احترق لا سمح الله وتشوه من جانب واحد تظني بتحبيه
فيّ: امممم ما اعرف ميّ بس يمكن لا
ميّ: شفتي انك معجبه فيه وما تحبيه
فيّ: فعلا
ميّ: فديتك حبيبتي المهم شفتي ذيك البنت الصغيرة لبسها يجنن ما شاء الله
فيّ: ايه كيوتيه ودي اشحط خدودها قمر هههه
وكملن التوأم سوالفهن وبدأت فيّ تنسى موضوع فراس
بعد كلام اختها ميون والي كان كلامها كله وعي وادراك
اليوم الي بعده في المدرس
تجمعت الشلة كالعادة في الفسحة وكل كلامهم عن حفلة ولد عم
التوأم بس كانت مروش حزينة لانها ما راحت للاسباب الي تعرفونها
ميّ: لا تزعلي فديتك لما العرس انا بنجي ناخذك معنا
مروش: ان شاء الله
نوار : والله انقهرت من اخوي نعم تمنيت ما يجي بر من الدوام
خرب طلعتي وخربت عليك مروش سوري
مروش: عادي حبيبتي
نور: الحمدلله ما عندي اخ يتحكم فيني وبطلعات
علوش: حظك نعم نحن اذا شافوك عند رز الباب عطول مو تسوي هناك دخلي شسوي يعني اشوف العالم شو ممنوع
فيّ: فعلا بعض الاخوان دعله
مروش: مثل خلود
نوار : وضمي اخوي اليه
رن الجرس وفي الكلاس كان عند البنات "احياء "
استاذة خدوج طايحات فيها البنات
الصف فوضى والاستاذة تقول بنات سكتن(بصوت هادئ)
ولا احد معبرنها بعدين عصبت قالت بصوت عالي
بنات سكتن!!!!
سكتن البنات وماسكات ضحكتهن وعلوش تدق الطاولة
وتقول استاذة احد جاي والاستاذة تطلع وما تلقى احد<رحمتها ذاك اليوم مسكينة هههه
والبنات يضحكن لما ما تلقى احد عاد زلوخ
:استاذة وحدهن يدقن الطاولة مش الباب
عصبت الاستاذة وطلعت من الصف وسكرت الباب بقوة
بعد ما سمعتهن كم كلمة في الاحترام وهي ماسكة دموعها <مسكينة
وصح اعتبروا الدرس مشروح هذي الكلمة قالتها بعد
طبعا البنات عرس صار من الفرحة عشان صارن
فاضيات ما شيء ضمير
وتعليقات بعد :منزين تدريسك عشان نعتبر الدرس
مشروح
نور: فعلاً مشكلة الثقة الزايدة
علوش: مع نفسها تروح تغسل دموعها
نوار: ما زين رحمتها
ميّ : حتى انا خلا نعتذر لها
مروش: لا نعتذر بعدين تو خلينا فاضيين عن تجي تدرسنا
فيّ: صدقها مروش
وخلص اليوم الدراسي طبعا زلوخ والجاسوسات راحن يعتذرن للاستاذة
عن الي صار عشان يرجعن كرامتها شوي مسكينة
هذي الخميس ميلاد التوأم ومسويات حفل قبل الاختبارات الفاينل
باسبوعين ،، وطبعا عازمات الكلاس والشلة عشان بيسون ربشة،،
يوم الخمس في المدرسة
التوآم جايبات شوكلاته ويوزعن للبنات والمعلمات بمناسبة
ميلادهن في الفسحة الثانية
ا.نهى طرشت بنات ينادن فيّ تجي لها في المكتب
راحن بنات صف خامس يدورن على فيّ واحد اشر لهن على ميّ وراحن يسألنها
الصغيرات :انتي فيّ
ميّ: انا فيّ شو تبن ؟؟
الصغيرات :الاستاذة نهى تبيك في المكتب
ميّ: ان شاء الله تو بجي
ميّ تصارخ على فيّ لان ميّ كانت جالسة عند الباب وفيّ
في الصف داخل:فيون روحي مطلوبة عند استاذة نهوي
الصغيرات لما شافن فيّ انصدمن
لانهن ما يعرفن انهن توأم يعني من قبل معجبات بميّ
عشان شكلها وعاد صغيرات بسرعة لصقن
جلسن عند ميّ يحاولن يصادقنها ههههه
راحت فيّ لاستاذة نهى وطقت الباب على مكتبها
أ.نهى : تفضلي فيّ
فيّ: السلام عليكم استاذة امريني طلبتيني
أ.نهى: وعليكم السلام فيونه ما يامر عليك عدو
جلسي ابيك
فيّ: ان شاء الله استاذة تفضلي
طلعت استاذة نهى من الدرج هدايا وعطتها فيّ
: كل عام وانتي بخير فيون العمر كله حبيبتي
استحت فيّ : شكرا استاذة من ذوقك وانتي بخير وصحة وسلامة
ليه متعبه حالك كل هذا
أ.نهى : هذي الهدية مني الك وهذي مني لميّ وهذي الهدية
فراس موصنها لك
فيّ\يا ربي ليه فارس كل هذا توني ناستك\: ماله داعي كان شكرا استاذة
خجلتيني ووصلي شكري لاخوي فراس
ورن الجرس للحصة
أ.نهى : ما بيينا شكر حبيبتي تستاهلي اكثر يلا روحي كلاسك الحين
فيّ: طيب استاذة ربي لا يحرمني من طيبتك
أ.نهى : ولا منك حبيبتي
طلعت فيّ وفرحتها ما واسعة الدنيا عشان فراس اهداها
في نفس اليوم العصر بيت مروش
مروش تتجهز ذاك اليوم طبعا خالد تبيه يشلها
:خلود بايه اروح بيت عمي ابو ميّ وفيّ عيد ميلادهم
ارجوك حبيبي ونوار ونور بيروحن معي ولو ما شليتنا هن صديقاتنا واجد
بيزعلن عاد لا انا ولا نوار ولا نور بيروحن
خالد: لاه ليه ماخبرتيني كنت حلقت
مروش: سلامات ليه تحلق تراك ما معزوم ذا مال بنات
خالد: يمكن احد يشوفني ويعجب فيني من صحباتك
مروش: تطمن ما مستعجبات وانا هم ما بزوجك اياها نبلي البنات
خالد: عينك ترا ما اوديك
مروش: زين اخوي حبيبي عمري انت شلني كنت امزح (بعياره)
خالد: طيب بشلكن عالمغرب بروح العصر الحلاق خبري نوار
مروش: ونور بعد فديتك
خالد: بعد تمام ولا يهمك
مروش:ربي لايحرمني منك
خالد: عارف من ورى قلبك بس امين
مروش تضحك ههه :لا لا صدق
بعد المغرب من يوم الخميس في بيت ابو نوفل
كل عام وإنت عيد ميلاد حبي
كل عام وإنت في حياتي حياتي
لك أحتفل وأشعل لك شموع قلبي
وأهديك ورد لك زرعته بذاتي
البنات متجهزات
فيّ: لابسه فستان قصير لون وردي مخصر ثم منفوش كان بعد دانتيل به كرستال لحد الخصر ثم شيفون عاد ولابسه عليه
هيلا هوب بيج وشعرها منفوش ومكياج خفيف
ميّ: لون فستانها مشمشي بنفس الديزان ونفس طريقة المكياج ما
عاد الالوان تختلف،
ومسويات السفره ومضبطات الديجة وينتظرن المعازيم
خالد جاي مضبط اموره وصابغ لحيته ومحددها وطلب بخور
وتعطر مره معرس صاير لما خلص نادى على اخته
:مروووش وينك خلا يلا انتظرك في السيارة
مروش: لحظات وبنزل طبعا مروش كانت لابس عبايه تحتها
نفنوف(فستان)استرتش لونه اسود مخصر وعليه كرستال من الوسط ممتد كالشعاع لصدر ومن فوق لحد اليد دانتيل كامل
نزلت مروش وريحة العطر كله في السيارة
: خلود من وين هالعطر
خلود : كيف عجبك
مروش: مره فنتاستك بشله
خلود: روحي زين ب40 ريال ذا
مروش: جيب ارش منه عيل
المهم راح خالد مرنوار اول \عشان يشوفها فترة اطول\ ثم
مر على نور وطبعا نوار كانت في السيت خلف خالد وهو
يتعمد يشل الكمة من راسه ومسح على شعره<مال فشره ههه
ونوار تطالع على شعره وهو يطالعها من المنظره الامامية
لما وصلهن لبيت
نزلن كلهن ونوارجايه تنزل علقت عبايتها في الباب وهو فيه مقفل من داخل وكان هناك
سيم من الحديد دخلفي عبايتها وطبقت وجرحها السيم وعورها
.............
نسيت اخبركم شولابسات نوار ونور
نوار: لابسه تنورة منفوشة سوداء وبها دوائر بيضاء
وقميص شيفون لون ابيض وعليه كرفتا سوداء منقطة ابيض
نور: لابسه هيلاهوب اسود غامق ونفنوف كركمي عليه كرستال من الكتف والصدر لبسها رسمي به شريطة من الخلف ولابسه
جوتي كركمي لحد الجوزة متسكر
...................
نرجع للحدث ،، او لما قالت نوار أاأاي
نزل خالد من السيارة ونور تنز عباية نوار ماشايفة انها تنز السيم
معها ونوار يعورها، عاد خالد عوره فواده على نوار لما شافها تتألم قال لنور قومي نور شوي وراح هوفتح الباب من داخل
وخلاها تجلس في السيت الخلفي وجلس يطلع السيم من
رجل نوار وسوالها استكر (لصقة جروح) على قدمها بعد ما
نظفها بمطهر ونور ومروش يضحكن عليها وهي مستحية تناظر خاالد وفعله وشعره الي جذبها ولما خلص سألها
: نوار يعورك بعد؟اوديك المشفى ؟
نوار: لا خلاص مايحتاج
خالد: متأكدة ؟؟حلفي (بخوف عليها)
نوار: ايه والله
خالد: طيب مروش تعالوا مسكوها ودخلوها لا تتألم
مروش: وهي فاطسه ضحك تمام
خالد: مروش لو صارشيء اتصلن علي تمام وانتبهن على البنت
مروش: تمام
خالد : ما تشوفي شر نوار
نوار : الشر مايجيك خالد
خالد\فداك خالد كله يا عمره\: يلا بروح انا
مروش :تمام مع السلامة ودخلن للحفل
معقولة سهام الحب اصابت نوار بعد الي صار ؟؟
انتظرونا في البارت 6
ما شاء الله عليك ضي ..
روايه جميله جدا اعادتنا لايام البراءه والشقاوه
تسلمين والله يعطيك العافيه
يسلم حالك عزيزتي أسعدني مروركاقتباس:
المشاركة الأصلية كتبت بواسطة جلنااااار
بارك الله فيك ،،، وربي يعطيك العافية
السلام عليكم ضيوون :o ..
رواية جدآ جميلة و كتابة حلوة وتعليقاتك على كلام مي وفي وزميلاتها تضحك هههه
بصراحة تحمست أشوف التؤام ..! ضحكتني المديرة يوم راحت تنازع البنات وآخر شي يصفقن لها هالعادة ما أعرف متى بيتركها الطلاب بعد النزاعة لهم يصفقون ..!
مواقف حلوة تصير في المدرسة من خلال قرائتي لروايتك إتذكرت مواقف الشلة الشبيهة وبالذات أوقات التفتيش إحنا في المدرسة مساحة الطابور ضيقة وكل صف يصف قريب من بعضه وعند التفتيش من معلمات الرياضة وبعض من الإداريات ومربيات الفصول ... البنات يدخلوا في طوابير الصفوف الثانية يعني لما المعلمة تفتش البنات الواقفين قدام .. البنات اللي ورا المخالفات يدخلوا في طوابير الصفوف الثانية ....
بس أكثر موقف يضحكني لما كنا صف 9 .. كانن معلمات صفنا غايبات تقريبآ 4 رايحات عزاء أخو وحدة من المعلمات متوفي .. فكانت عندنا حصص فاضية كثيرة وكنا نسولف الصف كله مع بعض المهم ما أعرف شو جاهن بعدين ههه راحن وجمعن الطاولات على شكل مربع وفي النص فاضي المكان طبعآ وجلسن يرقصن ..! المهم إن طاولة المعلمة قربنها من الصبورة وخلن عليها كرسيين والمفارش اللي نخليهن على الطاولة خذنهن وعلى الكرسيين ههههه مسويات كوشة وصفقوا وغنوا ..! ع أساس عرس وفي هذه الأجواء دخلت علينا مساعدة المديرة وشافت المنظر .....!!! ووحدة من البنات الفتانات خبرت وقالت فلانة رقصت وفلانة ضحكت ووو مع العلم إنها كانت مشاركة في الطقوس هذه المهم وقفوا الصف كله في اليوم الثاني في الطابور وعطونا تعهد هههههه
ربي يعطيك العافية بجد راوية ممتعة
هههههه يعطيك العافية عزيزتي ميران ايام المدرسة كثيرة واتوقع الي قلته حصل بس هناك المزيد ع العرس في قصة صارت بذكرها في الرواية هههههه وسوالف المديرة والوقوف على أرض الطابور ياما خسر علينا كلاسات < من زود العلم يعني ههههاقتباس:
المشاركة الأصلية كتبت بواسطة ميران القمر
أسعدني تواجدك غاليتي بارك الله فيك وعساها ضحكة دائمة يا رب
البـــارت 6
لــيتهم بــس يفهــون صــدق المشــاعر ويصدقــون
في حفلة ميلاد ميّ وفيّ
علوش لابسة دراعة بيج وعنابي مطرزة
ومستوية الحرمة تقرب الفوالة هو اصلا كله جاهز بوفيه
المهم البنات سوالف عن المدرسة وديجيه وفوضى
يعني تعرفوا حفلات البنات رقص وحش واكل
صار وقت الاكل وكل شويه نور ومروش
يتعمدن يجلسن ورى نوار ومن باب الظرافة نور تنادي مروش
: آآآي خلّود جوعانه بس رجلي تعورني سويلي اكل
نوار (بعصبية): ماصخاااات نعم ع الاقل فيه خير ما انتن جالسات تضحكن
مروش: ما علينا خلّود وتغمز لها
نور : يا حظك خلّود يخجلوا من طاريك بعد
نوار: ما بتكلم معكن غيبن (متنرفزه)
نور وهي تضحك : تفكينا من صوتك المزعج
مروش تضحك معها فعلا اصبتي نور ههههه
بعد العشاء وتقطيع الكيك البنات كل وحده تروح بيتها
بقى بس شلة التوأم (مروش نور نوار وعلوش)
اتصلت مروش على خالد يمرهم وبيوصلوا علو ش
خالد جاء بييييببيييب
وهن طالعات نور ومروش يطالعن على نوار
مروش : جاء خلود الطبيب المداويا هههه
نور : نوار \وهي تقلد صوت خالد وكلامه \متأكدة ما فيك شيء؟ حلفي
نوار(معصبة): ما فيكن ادب نعم
علوش: شو السالفة اسمع خلّود
نور: وصلنا السيارة سكتوا برسلك السالفة علوش
رسلت السالفة حج علوش وعلوش تضحك وتناظر نوار وتهمس لها
ها كذا سوالفك يعني خلّووود
خالد : ها كيف الحفلة (وهو يطالع مروش)
مروش: ابو الحماس
خالد (يناظر نوار من المنظرة الامامية) : كيفك نوار
كل البنات طالعن نوار بنظرة \ها خلّووود يعني ما منك \
نوار مبرطمة ترد بدون نفس :زينة
خالد حس ان سؤاله ضايق نوار فسكت
ووصل علوش وبعدها نور والاخيرة نوار ورجع ع البيت
وهو مضايق عشان رد نوار اللي كان نفسية
ما قدر ينام
طلع رقم نوار وكتبلها رسالة مع الاعتذار
"السلام عليكم نوار معك خالد اخ مروش انا اعتذر عن
سؤالي يمكن مش من حقي اسأل بس ما قصدت شيء
غير اني اطمن عليك لا اكثر فارجوا منك تسامحيني "
في بيت نوار
نوار مشغول بالها بردها لخالد كيف كان وقح \هو ما سوى
غلط معي وماله ذنب اتنرفر منه من نظرات البنات يا
ربي شو بيقول عني الولد بعده ساعدني واتفلسف\
فجأة وصلتها الرسالة من خالد اندهشت نوار
لما شافت الرسالة وفرحت واول ما قرتها
\يا حبيبي خالد ماتعذر فديتك صدق انه محترم\
رسلت له رد
" لا اخوي لا تعتذر انا اعتذر منك نفسيتي كانت زفت"
وصلت لخالد رسالة نوار وطار من الفرحة
وهو يقرأ الاسم بس من دون النص ؛< مال نزقه يعني ههه
رجع رسلها
"سلامة نفسيتك ما تشوفي شر اكيد مروش مطفرتبك
هي تطفر كل احد ترا لا تضايقي منها ولا من شيء
ثاني ترا بالنهاية دنيا ما تسوى تضيقي نفسك عشانها "< ما منك من رسائلك يا ولد الحلال
ضغط خالد على زر الارسال
نوار تستقبل وترد وتبادلوا الرسائل لحد
ساعة متاخرة من الليل عاد نوار انتبهت لنفسها < حست على نفسها زين بعده
ورسلت لخالد
" تصبح على خير اخوي واعذرني تاخر الوقت عاد "
استلم الرسالة خالد ورد وهو ما قادر ينام من السرور
ان نوار كلمته وسهرت معه بالرسائل
اليوم الثاني يوم الجمعة في بيت التوأم
ساعة 4 العصر
فيّ ماسكة بطاقة فراس وتتأمل خطة وتطالع هديته
دخلت ميّ على فيّ وشافتها سرحانه بالي في يدها
ميّ: ووووه(بصراخ)
فيّ : بسم الله خرعتيني
ميّ: شفيك سرحانه وتتأملي البطاقة ها
وسحبت ميّ البطاقة من يد فيّ وجلست تقرأها
فيّ تضاربها: ميّ ياخي هاتي
ميّ تناظر فيّ هذي صدق راسلنها فراس
فيّ بخجل: ايه
ميّ: كيف؟ وليه؟ومتى؟
فيّ: شوفي كيف؛ وصلتني هدية منه مع ا.نهى
متى ؛امس طبعا
ليه ؛لان يوم ميلادي
ميّ: وليه ما جابلي هدية انا
فيّ: ما يعرفك ترا وبعدين يمكن معجب فيني
ميّ: يا حليله حسيته كيوت من كتابته
فيّ: فديته انا
ميّ ضربت فيّ بالوسادة على راسها : شو من اهلك جالسة تتفديه
في بيت نوار
استلمت نوار رسالة الجمعة من خالد مع رسالة اطمئنان
على وضع رجلها<يابوك عاد ذا ما سيم طعنها كذا الاهتمام ردت
عليه برسالة عادية حجة الجمعة وطمنته عليها وسالته عن حاله ،،
بس الفضول كان يتملك نوار من بعض رسائل خالد
\ياخي كيف خالد جاب رقمي؟
معقولة اخذه من مروش بدون علمها ؟\
وعشان تكسر الفضول قررت يوم السبت ترسل
لخالد تسأله من فين جاب الرقم
خالد اول ما شاف رسالة من نوار طلع قلبه من صدره
من هول البهجة لانه المرة الاولى اللي ترسل فيها نوار
لخالد بدون ما يكون هو المرسل الاول
وتفاجئ من سؤالها ورد عليه بكل امانة لانه يبي فعلا نوار
تكون جزء من حياته" رقمك موجود في سجل المكالمات
والرسائل من ذاك اليوم اللي كنتوا تدرسوا فيه للاختبار ما
حذفته ، واتمنى ما اكون مضايقك برسائلي "
ردت عليه نوار" ابد ما في ازعاج اخوي بس فضول "
خالد" لاعادي نوار من حقك "
نوار " تسلم"
خالد" ربي يسلمك ويسلم غواليك"
نوار "امين"
الاسبوع اللي بعدها نشغلوا البنات بالتحضير
للاختبارات النهائية
وكانت أ.نهى تتصل على فيّ حتى تطمن على وضعها
في المراجعة
أ.نهى : ها فيون شو سويتوا انتي وميّ في المراجعة
فيّ: الحمدلله خلصت كل المواد باقي فيزياء وميّ
باقي لها احياء وفيزياء
أ.نهى: الحمدلله شدو حيلكم ولو بغيتي اي شيء اتصلي علي
فجأة فتح فراس :من تكلمي ؟؟
أ.نهى : لحظة فيون
وانت شتبي طلع برا
فراس: ابى اكلم فيون عيل انا
أ.نهى: فراس عن السفالة اطلع (تحن عليه )
فراس: زين بسلم عليها بس
أ.نهى انا بخبرها
فراس: حاقدة
أ.نهى : طلع زين
فراس: اول قوليلها يسلم عليك فراس وبعدين بطلع
طبعا المحادثة سمعتها فيّ وهي ميتة على فراس من الضحك
رفعت أ.نهى السماعة: سوري فيّ تاخرت عليك
فيّ:لا عادي استاذة
فراس يناظر نهى يأشرلها بيده على اساس
تقول حج فيّ فراس يسلم عليك
أ.نهى: فيون يسلم عليك فراس
فيّ: الله يسلمك
فراس وقوليليها يتمنالك التوفيق
أ.نهى: ويتمنالك التوفيق
فيّ بضحكة بسيطة :جميع ، يلا استاذة اعذريني بروح اراجع
أ.نهى ربي يوفقك حبيبتي وانتوا قدها
فيّ: امين استاذة مع السلامة
أ.نهى: مع السلامة
فراسوه ارتحت الحين من فعلتك
فراس: ايوا كثير يلا مع السلامة وطمنيني على فيّ
أ.نهى : عينك يلا طلع
فراس : طالع مشغول ترا لا تحسبي طالع عشان خاطرك
أ.نهى : ما يخالفهم اطلع
فراس: طيب يا الحاقدة باي
أ.نهى : ماني حاقدة
طلع فراس وسكر الباب وراه وطبع في قلب فيّ
امنية وصله
في موعد الاختبارات كانت القاعات فصلية
يعني بقائمة الفصل وبالابجدية
وفي اختبارالاحياء كانت المراقبة على البنات استاذة حامل
في الشهر الثامن ومالها بارض
ما صالة اختبارصار تناقل اجوبة واوراق
سعده: فيّ شو الاجابة
فيّ: انزيم الانين
سعده: شو ؟؟
علوش: شو فيّ بصوت عالي
فيّ بصوت مسموع:كتبن انزيم الانين
طبعا الاستاذة موضوعها عادي وجالسة في الكرسي تعبانة
وتروح تنقل الاجابة من فيّ للبنات
وزلوخ تصرخ لمروش: شو الاختياري السابع
مروش: د
زلوخ : والخاامس
مروش: أ
زلوخ: والعاشر
مروش:اقول خذي الورقة ونقلي الاختياري بسرعة
والاستاذة تنبه البنات عشان ما يطلع صوتهن
واليوم الي بعده غيروا اللجنات وصار كل صفوف 11
مع بعض يختبرن حسب الاسماء ههه ادب
بس بعده في غش
طبعا اخر يوم اختبارات
جالسات البنات جلسة جماعية من الفرحة يغنين ويطبلن لحد ما تجي الباصات
وتروح كل وحدة على بيتها
وبدأت اجازة الفصل
في بيت ابو نوفل العصر في الصاله
ميّ : بابا
ابو نوفل: هلا بابا
ميّ: بروح صلالة مع عمتها
ابو نوفل: شو تسوي صلالة
ميّ: اتمشى تكفى بابا
ابو نوفل: فيّ وتبي تسيري بعد انتي ؟
فيّ: لا مالي بارض بروح عند جدتي
نوفل: بابا انا اروح عند انس انام (ولد خالته )
ابو نوفل: لاه كللكم تروحوا ومن بيبقى معي
ميّ: امي بتبقى معك جددوا شهر العسل لاه
ابو نوفل: اما انك ام الافكار
ميّ: اعجبك بنت اسد طال عمرك
ابو نوفل يضحك :الله يغربل بليس سوالفك ميون
ونزلت ام نوفل من الدرج وهي تسمع ضحك الاولاد في الصالة
: ما شاء الله شو يضحكم شفيه وجهك احمر ابو نوفل
ميّ: ماما ابوي يبي يتزوج
ام نوفل : (بشهقه)حسبي الله عليك يا ابو نوفل بعد هالعمر
تبي تتزوج علي وانتن تضحكن بعد
ابو نوفل: وانتي كل شيء تصدقي ، صبري ميون صبري
علي تطلعي كلام على ابوك (بعصبيه شوي)
ميّ: اووووه بابا لا تعصب اعرفك تحب مريوم(امها) ترا بالمناسبة
ابوي يبي يتزوجك ماما تعيدو شهر العسل بس الله يهديك
عكرتي مزاجه
ام نوفل: قولي كذاك من اول
فيّ: انتي خليتي فيها اول وتالي ماماه اكلتي بابا بقشورة
ابو نوفل: الله يهديك انا اقدر اصبر عنك ولا اخذ عليك انت حلاوة الدنيا
ميّ: يا عيني عالرومنسية بابا عندك
ام نوفل: بخجل فديتك حبيبي ربي لا يحرمني منك ، وانتي ميون
عن الدوادين
ميّ: اسويلكم جو بعدني ، ع العموم بروح اجهز ملابسي
وبروح مع محمد ولد عمتي بيتهم اليوم انام وبكرة نروح صلالة
ام نوفل: يلا توكلي وشلي ملابس صوف عن يجيك برد
ميّ: توكلت على الله ،، ولا يهمك بشل
ابو نوفل : ربي يحفظك
ميّ : جميعا يا رب
جهزت ميّ حقيبتها ومرها ولد عمتها محمد
........
محمد: 23 سنة اخصائي اشعة ، طويل العائلة كلها طويلة
معضل يلعب جودوا وهادئ بطبعة بس من داخله مرح ،
عينه لونها عسليه فاتحه ووجه ابيض وعليه سكسوكة
ولحية قفل
.....................
محمد وصل بيييببييب
طلع له نوفل :تعال دخل محمد يقولك ابوي
محمد : جاي لحظة ابند السيارة
نزل محمد يسلم على خاله ابو نوفل وطرش نوفل ينادي
ميّ حتى يروحوا
نزلت ميّ من الدرج طبعا بلا شيلة ما عبالها محمد موجود
لانه ما رن جرس ونوفل بعده ما كان متحرك من مكانه
محمد كان رايح المطبخ انصدم لما شافها يعني وقف
مال دقيقة يناظرها
ميّ: وقفت منصدمة بعد وبعدين صرخت وقالت استغفر الله <هالبنت فيها تدين مرات عنيف ههه
وركضت تلبس شيلتها
نزل راسه محمد ولكن سهما اصاب قلبه بالاعجاب
لان صارله فترة طويلة ما شاف بنات عمه بسبب
دراسته في الهند
كمل طريقه محمد للمطبخ ورجع جلس ينتظر ميّ
وهو كله مشغول بالتغيرات اللي صارت لميون
هل ستحرك الصدمة قلب ميّ؟؟
اما سيبقى الاعجاب اسير لنظرة ؟؟
تعرفوا على الاحداث في البارت 7
عزيزتي ضي . لك فكر عميق في استخراج هذه الرواية. لم اكمل قراءة الرواية كاملة . لكن ساعود مرة اخرى لاستكمال باقي القصة . اتمنى لك التوفيق واتمنى ان يشقى قلمك الى دستور خاص بكم خارج المنتدى
ماشاء الله عليها مي جميلة كل من يشوفها ينخطف قلبه هههه والله ما ينلامون
بارت جميل وممتع ذكروني بسوالف المعلمات الحوامل يوم يراقبن ههه ما فيهن بارض البر طول الحصة جالسات على الكرسي ..
يعطيك العااافية ضيووون ..
هلا فيك ضي ..
بالبدايه عذرا لتأخري بالوصول والتعليق على البارت 5 و6 من هذه الروايه التي بالفعل عشنا احداثها وكأنها حصلت معنا ..
تقمص الشخصيات ودمجها مع بعضها البعض في قالب روائي صعب للغايه وبدون مجامله ارى لقلمك تألق ليس عادي خاصة وان هذه الروايه هي التجربه الأولى لك في عالم الكتابه الروائيه تحديدا وكلنا ندرك ان كتابة الروايه اصعب بكثير من كتابة القصص لذا فإنني ارى قلما جدا رائع هنا يسجل حضوره وبقوه وسيكون له شأن كبير في عالم الكتابه ..
من سياق الروايه كانت مي وفي اللاعبتان الاساسيتان في مجريات الاحداث ولكن هذا التوقع اصبح خلاف ذلك ربما لأنك ادخلتي وجوه عديده في الروايه وكنا نتوقعها فقط تدور حول مي واختها فيّ ولكن اتضح ان هناك فراس وخالد ونوار وارى الآن محمد .. الخ وهذه النقطه تحسب لك رغم انه من المتعب جدا عندما يلعب الكاتب على اكثر من رتم ولكنك بإقتدار اجدتي ذلك سواء من خلال تحريك المشاهد وتسلسلها واشخاصها او من خلال عملية السرد والإنتقال من مشهد لآخر والذي توضحه عملية الاخراج الجميله لكل بارت ..
فقط اتمنى ان ان يكون التركيز بشكل اكبر حول في ومي لكونهما بطلات الروايه مع اعطاء فسحة اخرى بالطبع لباقي الابطال ومشاهد احداثهم لأن كثرة استحداث ابطال في كل مره سيكون له وطأه على مجريات الاحداث وهو امر منهك للكاتب ولقلمه ايضا اضافة انه قد يتّوه القارئ عند قراءته لكونه يرى وجوه اخرى جديده ظهرت بأحداث اخرى جديده وقد يصعب عليه عملية الربط بينهم ..
رغم ماذكرته اعلاه الا انني احييك وبشده لكونك امسكتي بخيوط الروايه بكل احداثها وابطالها وتحريكها بكل اقتدارحتى الآن ..
الف شكر ولا تكفي على هذا الابداع واتمنى ان ارى لقلمك المزيد من التألق في عالم الكتابه ..
طابت مساءاتك ..
مساياااا ..💝
بعلق عالبارتين ال5 و ال6
بجد بجد رهيب وما شاء الله حاسه اني اقرأ روايه لكاتبه معروفه مش لكاتبه هذي اول روايه لها ..
بجد لك مستقبل كبير فهالمجاااال ..
ابدعتي حبيبتي ..
سرد جدآ راااائع غاليتي عيشتينا معهم بصراااحه ..
بس ضحكتني سالفه لحيه قفل هههه ..
نترقب البارت الجاي بشوووق ^^
يسلمووو ضيون ..
اتوقع محمد
ما ايحب مي
لان كان يحب هنديه
وبعد سالفة خالد يوم رسل لنوار وقالت محترم
تراه البنات مسكينات
كذا
يقول اسف ومن فضلك وما قصدي
اتقول مسكين شكله محترم ههههه
استمتعت بالروايه ضيون
واصلي عزيزتي
شكرا لك
هههه عجبتني انه محمد كان يحب هنديه بس سبحان الله كل شي جايز ^^اقتباس:
المشاركة الأصلية كتبت بواسطة احساس روح
ههههه نعم صدقتي صدق إنا جنس ناعم :rolleyes:اقتباس:
المشاركة الأصلية كتبت بواسطة احساس روح
بارت رااائع عزيزتي ضي
ودائما أكرر انتقالك من بارت لآخر جدا متمكن
فقط اوافق استاذي رايق البال بقوله ركزي على مي وفي
كوننهن بطلات الروايه،،،،،
غير هذا فأنتي مبدعه وقلم قوي قادم على الساحه يبدع بكتابة الروايه دون شك
واصلي عزيزتي ونحن بإنتظار البارت القادم لتتضح لنا حقيقة بعض الصور
التي تبادرت بأذهاننا ...
يعطيك العافية استاذي مرورك اسعدني واتمنى تنال اعجابكاقتباس:
المشاركة الأصلية كتبت بواسطة السفينة
انتي الاجمل عزيزتي يشرفني متابعتكاقتباس:
المشاركة الأصلية كتبت بواسطة ميران القمر
استاذاتك سيم سيم نمونه مال انا هههه
على العين والراس رأيك عزيزي اشكر لك متابعتك المستمرةاقتباس:
المشاركة الأصلية كتبت بواسطة رايق البال
فقط لتوضيح ميّ وفيّ هن احد ابطال القصة لان في القصة ابطال تستحدثهم الاحداث وهذا ما ذكرته في البداية
وكون التعريف بهم صعب في البداية حتى لا تفقد الرواية عنصر المفاجئات ،، ولكن رغم ذلك فيّ وميّ سيكون لهن
نصيب اكبر في باقي البارات لان الاحداث ولدت لهن ،، بارك الله فيك والقادم باذن الله افضل
هههههه عاد البارت الجديد قربي تيشوا عندكاقتباس:
المشاركة الأصلية كتبت بواسطة اموووره
اخبرك ترا جالسة اتذكر اسماء الستيلات للحيه واسهل شيء القفل عشان بدل ما اقولكم اماراتي ولا لحيه قطرية جبتها من اسهل كلمة لا تتيهون هههه
وبصراحة شكرا كثيرا وفيرا جزيلا ممتعا مشوقا ... الخ اوووه سوري تحمس بس نفختيني حبه ههه
يعطيك العافية وكلك ذوق
ههههه سبحان الله ما جاء في بالي كذا او بالاحرى ما سمعت احد سواها راحت علي ههههاقتباس:
المشاركة الأصلية كتبت بواسطة احساس روح
يعطيك العافية حسوس تواجدك يسعدني وافكارك جميلة
ما تعرفي القلب وما يهوى ههههاقتباس:
المشاركة الأصلية كتبت بواسطة اموووره
هههه ما يغرك الجنس الناعم ترا مرات يطلع يلعب حديد هالجنس هههههاقتباس:
المشاركة الأصلية كتبت بواسطة ميران القمر
يعطيك العافية
يعطيك العافية على الرد المفعم بالايجابية <على اساس انه في ردود سلبية بس ترا ما اعرف شو اقول هههاقتباس:
المشاركة الأصلية كتبت بواسطة حبي خالص
لكن فعلا يعني ردودك كذا اتفائل بها سبحان الله وعلى موضوع البطلات هم ابطال مش بس بطلات فالقصة مكونه من عالم
انوثي متقلب في شلة من بينهن التوأم بس هذا ما يمنع اني احاول اركز على ميّ وفيّ بعد
بارك الله فيك