نبض الإحساس .. سجّل احساسك في هذه اللحظه

يا رب تغفر .. ما جنو والديني /
وتغفر لي ذنوبي وانا عبدك العاق ،
وعسى كتابي موضعه في يميني /
لا سقت لك والتفتّ الساق بالساق

دايم تقاطع كلمتي .. خلها تفوت /
اخاف تفهمني خطا يا ضنيني ،
يعني ليا من قلت لك : جعلك تموت /
خلني اكمل .. جعلك تموت فيني

هكذا العالم .. مفاهيم وشعور /
الاماني حلم والواقع طريف ،
من تحلى بـ الثقه ، قالوا : غرور /
ومن تواضع للعرب قالوا : خفيف

لحظة غياب الشمس لحظة تأملّ /
فالماضي الفايت وفالواقع الحيّ ،
اواه يا ليت الغياب .. ايتجملّ !! /
ويرجعّ البسمه على وجهي شويّ

ما هو كذا تجرح محاني ضنينك /
دقايق غيابك .. عن عيوني فراق ،
ما دام قلبي فوق راحة يمينك /
تراه في ذمة جروحك ليا ضاق

لو يمتلي الجوال ب اسماء وارقام /
كم واحد" جوه على عكس جوي،
مواقف الشده .. ودورات الايام /
خلتني اعرف صاحبي من عدوي

اسكتْ وتستغرب علي نشفة الريق /
حكي الموادع عسر ما ينحكى به ،
ويلي على آغمض عيوني ولا افيق /
( الا على وجه" ذبحني غيابه )

عاهدت أنا .. ( موج البحر ) ..
لآ خانوا فيني .. ما يخون ..!!
يحفظ ودادي .. ( ساحله ) ..!
مهما يكون اللي يكون ..!!

ليت الحبايب يابحر .. عن المدامع يعرفون ..!!

حتى لو الدنيا مفاتن .. ومشهاه /
وحتى لو ان الزين ماهو بيكمل ،
من صدّ بالنفس .. وترك شي لله /
كان العوض اجمل واجمل واجمل

في زحمة النآس لكن أشعر بعزله /
يآ ويش أسوي بقلب" مآ سمع شوري ،
حشمت نفسي من الهفوآت وآلهزله /
وتعبت أدور على آللي يفهم شعوري