نبض الإحساس .. سجّل احساسك في هذه اللحظه

حاول من الـ لا شي لو تخترع شي /
لا يخذلك يأس الطموح وسكوتك ،
انجازك اللي ينحتهّ قلبك الحي /
هو الحديث المنتشر .. بعد موتك

من دون هل يُعقل وكيف وليش ؟ /
هذا هو الوقت .. وتجاريبه ،
قد قلت : من دونه مُحال آعيش /
والحين انا عايش ولا ادري به

يا زين لا تحسب محبتك سولاف
تمادا بها الشاعر لنظم القوافي
لي موقف (ن) ينعز له كل ميقاف
لجلك وطيت الشوك بالرجل حافي

ابتسمت بوجهك وقلت الوداع /
وقتها ما كنت ضامن .. رجعتي ،
صح انا قدامك آلقلب آلشجآع /
بس لا صديت .. طاحت دمعتي

احيانا" اغيب عنك ولا تواخذني /
انا اكثر انسان يشتاق لمواصيلك ،
لو لم اكن في جوارك والزمن خذني /
تأكد اني بكل اوقاتي ادعي لك

لا كثروا اعدائك ومنٍ يكرهونك /
حاول ٺكون ( الابتسامه ) سلاحك ،
كل ما تزيد اعدادهم في عيونك /
اكبر دليل انك وصلت لـ نجاحك

وجانا البرد

رحلت وقلت لي

" راجع .. قبل ماتمطر الدنيا وينبت ورد "

وراح الصيف..وراح الورد

وجانا البرد

وأبد ماجيت

في ذمّتك.. ماحنيت ..؟!

أبي اسألك

ولامره فـ خيالك جيت..؟!

تجرحني ، ما تجرح ، انا مستسلم /
خلاص مليت العتب .. يوميا"
فعايلك ماهي فعايل مسلم /
كرهتنّي .. في عشرتك كليا"

تدري وش أخر ما كتبت البارحه ..
كتبت دنيا رايحه .. يعني ولا تسوى
تعبها ... وهمها
من ضمها خاسر .. وخاسر
ومن تركها في ضلوعه سارحه ..
دنيا على كبر الأماني والوهم ..
دايم تضيق وجارحه !!!

مع احترامي لك ولاسلوبك القمعي /
والله ما كان قلبي .. ناوي الفرقا ،
غلاك دمعه وطاحت يا سبب دمعي /
حاولت اردك لكن الدمع ما يرقا