تدوينتي اليوم هي يوميات حابه اوثقها لنفسي للزمن يومياتي مع الغربة وحابه أشارككم فيها ههههه احم احم
راح تكون على شكل سلسة *ربما اكتب فيها عن يومياتي من مشاعر مواقف أحداث أفضفض فيها لي ولكم بعفوية وبدون تكلف . .*
هههه فديتني والله
تدوينتي اليوم هي يوميات حابه اوثقها لنفسي للزمن يومياتي مع الغربة وحابه أشارككم فيها ههههه احم احم
راح تكون على شكل سلسة *ربما اكتب فيها عن يومياتي من مشاعر مواقف أحداث أفضفض فيها لي ولكم بعفوية وبدون تكلف . .*
هههه فديتني والله
____*_*______
في يوم " م اعرف جم بس اتوقع احين بشهر /مارس*
خلوني أكلمكم عن مدينة تبليتسه مدينه منغلقه شوي يعني أغلبها مصحات علاجيه ومستشفيات عسب هالشي بتشوفون كميه خليجيين هنا موطبيعيه ويقولون لكم بالصيف الاعداد تزداد بشكل كبيير يعني ووايد هنا مافيها مولات فخمة فيها تقريبا مولين او 3 مولات متواضعه تلبي احتياجاتك البسيطه من ملابس وقطنيات ومواد غذائيه وصيدليات جماليه بس عندك مجال تزوري المدن القريبه منها تلاقيها أكبر وأفخم وحتى من ناحيه تمشيه أحسن لان تبليتسه جي اسمها المنطقه نقدر نقول بدائيه ليست مدينة سياحيه . .
وجذي يعني
بالفتره الي كنت فيها هنا زرت العاصمة التشيكيه براغ اسمها تبعد ساعه عن مكان أقامتي كنت أروحلها أيام الويكند لانه شوي كنا بيزي وجذي*
ويت بحط الفون بالشرجج وبرجع لكم:p
باكككك وجي يعني احين بكمل
اقتباس:
المشاركة الأصلية كتبت بواسطة هنائية وأفتخر
انزين فتحي مدونة خاصه لاه.
هنا ما يصير تكتبي يومياتك يابه.
الأجواء عندهم بارده إلى احين اقولو اونه بدأت تدفى شوي قبل كانت اكثر مع اني اجوفه وايد برد وجي
بعد خل عنك م افتح غير بالسنه مره يعني فلها تراه السبله في اعداد الموتىاقتباس:
المشاركة الأصلية كتبت بواسطة مؤنس الحياة
هنا المطاعم الله يديم النعمه م تنبلع بالذات المطاعم العربيه أولا طعم سيئ ثانيا أسعار مبالغ فيها صراحه وعشان هالشي فضلت أطبخ في البيت اشتري من السوبر ماركت اللي احتاجه وأسويه في البيت لان صج مافي أحلى من أكل البيت تحسين بالأمان حتى انه نظيف وطازج مو أكل بايت ومدري وشو يحطون في م نعرف ههه فديتني والله .طبعا السوبر ماركت عند الاجانب بشكل عام يشوووق تشوفين أشياء ماشفتيها من قبل ياني الفضول أيرب كل شي بس المشكله في لحم الخنازير وزيت الخنزير و الكحول تلاقونهم دايم في أكلهم الحلويات والعصاير و البسكوت و الالبان والحليب وجي تعرفون هالسوالف والأصعب من هذا أن هنا لغتهم تشيكيه مايكتوب ابدا بالانجليزي وانا توهقت ابي افهم شنو محتويات هالمواد مو قادره واكتشفت برنامج خطيييير في الايفون حق اللي متوهقين مثلي في هالسالفه اسمه google translate نزلوه من الآب ستور هذا الله يسلمكم عنده الماسح الضوئي يعني مثلا في كلام ماعرفتي تقرينه في علبه دخلي على هالبرنامج وصوري الكلام اللي بالعلبه ويترجملك اللي بكتوب باي لغه كانت :)) جدددددا فادني هالبرنامج تشوفوني في السوبر ماركت امشي واصور واترجم :d* ههه قولو خبله بعد