دائما لكن ما في احد يشجع
عرض للطباعة
دائما لكن ما في احد يشجع
بين مدح اللي عزومه ما تخيب /
وبين ذم اللي فعوله تفضحه ،
كان لك صاحب وبه نخوه وطيب /
ذمه بوجهه والى غاب امدحه
حمد البريدي
:
إحـذر تـمـيل وتـنـكـسر
حـاول تـقـاوم هالزحام
وإن جتك طعـنه فالظهر
تـأكـد .. إنـك بـالأمــام
:
ياسر التويجري
لا تجـلـد بـذاتـك .. ولا تقـطـع السـوط
.. خلك مابين وبين في كـل الاحيان
ودك تكون ( إنسان ) راضي ومبسوط
.. حاول تكون بقد ماتقدر ( إنسان )
ياسر التويجري
حالي بدونك مـ يعلم به سوى ربّك
أرجوك قدّر ظروفي .. وخفّف عتابك !
لو قلت عنّي .. أحبّك ، والله أحبّك
واطريك بالخير فـ حضورك وفـ غيابك
حمود بن وهقه
والله إني علـى فرقاك .. ما مستريــح
أبغي الحــلّ والبريان منك السماح !
أبعدتنا الظروف وصحّ غير الصحيح
غير ذكراك هبّـت مع هبوب الرياح !
حمود بن وهقه
ليش ضايق ليش ماتردّ السلام
والله إن الحزن .. ما يستاهلك !
ابتسم لي الابتسامه مـب حرام
و ( لا تحرّم مـــا أحلّ الله لك ) !
حمود بن وهقه
كم فقدت أصحاب كانوا لي غذا
وكم فقدت احباب كانوا اكسجين
حتـى أنا وانتــه ... بنلحقهـم لذا
لا تواساني - أنا ماني حزين :)
حمود بن وهقه
شف لك وطن غيره
قلبي ، وطن منهار !
خلف المــدى ديـره
وبعد العجاج أمطار
ما قلت لك - خيره
لمّا .. تركــت الدار ؟
حمود بن وهقه
يا راسي المُثقل بكثر همومي
بعض الليالي ما اتهنّى فيها !
والذكريات اللي تأرق نــومي
ودّي أدشّ بمخّي وأمحيها !
حمود بن وهقه