-
فاطمة الله يرحمها سبعة فبراير بتكمل سنة من توفت💔💔!!!! ي ربي حقيقي سرعة الايام تخوف💔💔، ولا اعرف كيف اعبر عن هذا الوجع والفقد.
و حقيقي الين الحين انا م قادرة استوعب حجم هذه الخسارة!! و لا قادرة استوعب اني فقدتها! ما في يوم يمر و انا م اذكرها و افكر فيها،ما في يوم يمر و ما تنزل دموعي!! الفقد موجع جداً جداً جداً!! موجع جداً خصوصاً لما تشوف الذكريات و الاشياء اللي تجمعك مع الشخص!! تشوف مكانه، تشوف اي شيء مرتبط فيه💔💔.
غرفتها مقابلة درايش حمام غرفتي! و للابد اتجنب اشوف من الدريشة عشان م اشوف الغرفة، م اشوف بيتهمم م اشوف شيء يعور قلبي،بس لا بُد.
اتذكر لما اريد منها شيء، اطلع الحوش عند دريشة غرفتها و نجلس نسولف من الدريشة، فطوم عندكم خبز!!! بترد ايوة، و خلا طلعي جيبيه نتلاقى عند الباب، فطوم خاطري ف ذرة خلا نشتري، فطوم العصر نطلع نمشي💔💔💔💔!!! ي الله ي فاطمة، جداً جداً فقدش مُتعب ومُهلك.
و ذي الايام كثير حاسة بالموضوع اكثر من الكثير بعد؛ لانه اختي ام تركي احد من اهل زوجها نفس حالة فاطمة لما نوموها ف المستشفى!!! و توفى دماغياً، و احس كل ما يجيبوا طاريه واجد اجلس احاتي اهله، احاتي كيف يحسوا، م اريد احد يمر ف نفس التجربة، اياام صعبة جداً، و ي رب انت قادر ع كل شيء، اشفيه و عافيه.
و ربي يرحم فقيدة قلبي و عمري…
https://up.omaniaa.co/do.php?img=10941
-
الايام الماضية حقيقي صردة، بررد م يمزححححححح💔💔💔، و عاد فيه هواء و مسوي فعايل🥲💔.
احس اول مرة احس ب البرد الين ذي الدرجة هذي السنة، لانه بالحقيقي جاي بقوووة.
+ مطبخنا خارجي بمعنى كلمة خارحي يعني تضرب لفة على البيت كامل عشان توصله🥲🤏🏿!! و كانت فكرة انه نروح المطبخ ف ذي الاجواء صعبة💔💔💔âک¹.< هو اساساً انا م حاشرتنها ف الطبخ، بس لما ابغى شيء استكاود اروحح من الجو و الحشرات.
عاد سالفة الحشرات، اخواني باغيين يتبريوا منيâک¹😹! لازم اشل عُمور معي عشان اذا حصلنا شرصة ف الدرب يقتلهااا🥲🤏🏿.<< يزيدبهن ف البرد، يحتاج ابحث ويش علاقتهن فيه.
و لما انادي امي تقتل اي حشرة جداً جداً استكاود، لانه تضربهن ب الخفيف و خلااااص، حتى الحشرة تحسب احد يدغدغها😳😳😳<< بختش، انا هنا اجن و ابغى اصيح لانه م قتلتهن صح و هي تعصب حرامم م مسويات شيءâک¹😹.
ويش م مسويات شيء!!! و هن مزعزعات راحتي و ثايرات قلقلي💔💔💔🥲.<< ثايرات و لا جايات هاهههاي😘😹.
و عندي اخ بعد معاملتنه معاملة مندوب طلبات🤝😹، اهم ما في الموضوع انه م يقول لي لاâک¹💕💕.<< احس بعد باغي يتبرأ مني😘😹.
بس بلسانه قايل اذا م فيني خير ح اهلي و بديت ربعي و م لبيت طلبات البيت من بيسوي!! من كذا انا ف وضع الاستغلال💕âک¹😹.<< حبيبي الله يحفظه و نشوفه معرس قريب💘.
https://up.omaniaa.co/do.php?img=10960
https://up.omaniaa.co/do.php?img=10961
https://up.omaniaa.co/do.php?img=10962
-
https://up.omaniaa.co/do.php?img=10963
اهلي مقتنعين انه غصب اروح اصور نفس ما الكلية مأذتنا انه نروح نصور😳😹.
اصدغائي، م فيه غصب😔😹، و اذا تصورني بفلتر الورد عادي.<< طاح سوقه ذا الفلتر تو.
بس حقيقي باقي شوية و يدقوا جرس بيتنا انه تعالوا صوروا، و هم كذا بس معطينا خيار اللي باغييي! دام اللي باغي يكفي مرة وحدة بس م كله رنج رنج رنج، حمار انتي!!!<< اللي متعود ع الميمز بيفهمها😘😹.
-
https://up.omaniaa.co/do.php?img=10964
الوجبة المُنقذة ف كُل زمان و مكان🤝.
خبز و جبن و بطاطس عمان و رشتين داغوص و سيحهن بعصير و لا ماي يكفي🤡.
و بالعافية ع جلوبنا🌚💕<<< بادية اغير لهجتي شوية.
-
اليوم طالعات النتائج؛ و نقدر نقول حسبي الله عليهم🤌🏿🥲.
المادة اللي م ناقصة فيها شيء ابداً ابداً و ضامنة فيها حياتي معطاية معدل خايس فيها😳😹!
و المادة اللي محاتتنها و متوقعة المعدل الخايس فيها، معطاية معدل حلو😳😹!!!
صراحة معرفت هل اضحك و لا اصيح 🤌🏿😹😹!!
بس كان فصل طويل، صعب، غبي، و الظلم فيه بيسة؛ و حذفت مادة بسبب الشبكة و ظلمهم؛ و من غير اوردي منزل لي اربع مواد، ف كان يعني فصل جداً **، بس الحمدلله اجتزناه ع خير.
https://up.omaniaa.co/do.php?img=10984
-
https://up.omaniaa.co/do.php?img=11010
رسالة تبعثر امة🤌🏿🥲.
تحمست و عزمت بنات عمي باكر ف بيتنا🤌🏿🥲!! معرف ويش نوع ذا الحماس؛ لانه حقيقي متورطة الحين🤌🏿😹.
و هو حياهن الله و البيت بيتهن و بيهجلن علي و حركات، بس استعجلت الله يهديني😔🤌🏿😹.<< اتخيل وحده منهن تقرأ، بتعذر تجي😘😹.
حقيقي هن من فترة قايلة لهن تعالن عندي كذا نسوي فعاليات غبية! و قالن بنشوف يوم و انجي، و الحمدلله باكر اليوم😔🤝.
عادي اساساً بسهر الليالي عشانهن🤌🏿🥲.<< امتحانات ما بنات عم، حسبي الله🥲🤌🏿.
اول شيء مخبراتني انهن بيجين ساعة تسعة ليل🤌🏿🥲. و بسرعة رسلت قائمة كمشيء كبرها ح مندوبي و اخوي الحلو، و م قصر اشترى لي اللي اريده😔💕.
و رادات علي و انا ما في البيت اصلاً و اضطريت اعجل ب اهلي عشان اواحي اجهز الفعاليات لانه بيجين ح غدى🤌🏿🥲. يعني لازم من الفجر كلشيء جاهز.<< و الله لو جاي الشمج م اسوي كذا😹😹😹💕.
وصلت غرفتي. انصدمتت انه الثلاجة مطلعة مااي، يعني كل الماي اللي ف الفليزر ذايب و غاااش البقعة🥲💔💔💔! قويت قلبي و جلست اطلع كل الاغراض من الثلاجة، و جالسة احاول انتظر الباقي يذوب عشان انظفها زيادة🤌🏿🥲.
و ف عملية الانتظار جلست ارتب اشياء و فعاليات سخيفة🤌🏿🥲.<< ( 🤌🏿🥲 ) ترى عارفة اني حللتهن😘😹.
و انا ارتب و كنت جالسة انشف علبة ب فتحتها صغيرة و ضيقة، نشبت صبعيييي🤌🏿🥲< محد دب غيركم 😘😘.
و جلست اصيح لانه م عارفة كيف اطلعها😔😹.<< كنت بتصل ب الدفاع المدني بس استهديت🤝😘.
و كل ذي الاشياء و اهلي نايمين و م عندهم خبري طبعاً🥲🤌🏿، م حبيت اقلق راحتهم<< عافية بنتنا الشاطرة😘.
المهم ف اثناء ذي الاشياء كنت شاكة ف انه الكهرباء مال غرفتي ما برابر، يعني من يومين شاكة بس جالسة اتأكد من السالفة<< الين تنفجري و تنقع فيش الكهرباء انا اقول لش تأكدي😘😹.
بيني و بينكم عقدة حياتي الكهرباء بس كنت ساكتة و متحملة و كنت انام و انا متوترة الايام الماضية حتى احلم انه منفجرة البلاد كامل بسبب العمود مال الكهرباء من كثر التفكير🤌🏿🥲، بس صبروا جالسة لاه اتأكد.
و الحمدلله تأكدت بعد م شفت الليتات ينتفضن😳😹! يتبندن و يشتغلن كذا ع كيفيهن مال ثواني و تجيهن نفضة و الله😔.
المهم بالمرة شليت عمري ولابتوبي و التلفون و عقيت كل الفعاليات من يدي و التنظيف و الترتيب و رحت غرفة امي🤌🏿🥲. بما انه امي اليوم نايمة ف غرفة خواتي الصغار.
و من ساعة جالسة ع مسلسل، و طز ف الفعاليات و لا م طز في بنات عمي، يسد غلطت عليهن قبل واجد🤌🏿😘😹.<< خوافووووه🤡.
و بس ي رب باكر انهض لهن و ارحب فيهن بكل حب، ي ربي حبيبي😭🤝.
-
اعوذ بالله رواية ما مشاركة🥲🤌🏿.
احس باية اروح اخبر امي اني نايمة ف غرفتها عن تنهض الصبح و تروح غرفتي و ما تحصلني موحودة و اتحسب اني هاربة من ضغوطات الحياة🤌🏿😹😹😹.<< العاملة كريمة ترى🤌🏿😹😹😹😹.
احس حقيقي اتحسب اني هاربة لانه غرفتي اتوقع من الماي و حالتها اللي يرثى لها؛ بتأكد عع ذا الموضوع و اتعطيها دليل😳😹.< خيالش واسع حبيبتي🤏🏿🌚.
و ي ربي ي حبيبي، حقيقي باية اناممم💔💔💔🤌🏿🥲، م اوكك افصل باكر ع البنات🥲🤝.<< اتوقع اخر مرة ايجين بيتنا😳🤌🏿.
https://up.omaniaa.co/do.php?img=11011
-
https://up.omaniaa.co/do.php?img=11012
من ذكريات الانستا ف نفس هذا اليوم من السنة الماضية😳😹!!! معرف ويش اقول!! بس ستل ترو🤏🏿.
-
شكلي بتعقد من بداية كل سنة🤌🏿🥲.
حقيقي بداية هذه السنة احس م مرتاحة ابداً يعني مشاعري واجد واجد متضاربة فيها و كله خيفانة، بس معليه نتفائل.
قبل ايام توفى اللي يقرب ح اختي ام تروك، ربي يرحمه، واجد حزني خبر وفاته لدرجة ما قدرت انام طول الليل افكر ف اهله و مشاعرهم، الله يجبر قلبهم و يصبرهم.
اليوم عمي ابو فاطمة الله يرحمها دخل المستشفى تعبان ربي يشفيه و يعافيه.
و بعد اليوم احمد سوى حادث و نجى ب سلامة منه، الحمدلله.
و بيتنا من العصر زيارات م توقفنا ابداً، كل مرة احد يسمع و يجي يزوره و من غير ربعه.
و ايام و اتعدي ع خير ي رب🥲💕.
https://up.omaniaa.co/do.php?img=11095
-
ع الرغم مودي زفت الا انه مصرة اسوي كيكة زفت نفس المود🥲🤌🏿😹.
بس عادي كلوها الصغيرين، دائماً يدعموا الفشل.
https://up.omaniaa.co/do.php?img=11096
https://up.omaniaa.co/do.php?img=11097
