نبض الإحساس .. سجّل احساسك في هذه اللحظه

كتبتك حلم بعماقي

على اوراقي

على جو الشتا الدافي

واصورلك

دفا حزني واهاتي

على غيابك

على اوجاعي

على وهم الحضور اللي

بأعماقي

وتتساقط بي اشلائي

واجمعني

وابعثرني على بابك

كل ماهز الجفا طيفك ذكرت
الأماكن والعيون الساهره

ودي احلم كيف ابحلم لاسهرت
دايم الفرحه تجيني عابره

طاح دمع الشوق لكني ذخرت
للقا دمعات فيني حاضره

العمر خطوة امام ولاعبرت
دايم ارجع لليالي الطاهره

ودي اكتب لك حنيني لاشعرت
حتى عيني تنسكبلك شاعره

الشعر يجبر خواطر ماكسرت
من صور ذكرى تجي متناثره

عفواً انتي فاهمه معنى نطرت
يعني عمري لك (محطه) ناطره

لو ابتعلق على (يمكن) صبرت
بس (يمكن) في غيابك كافره

كنت ابحكيلك ولكن ماقدرت
الكلام احيان يجرح خابره

كل مايكبر غيابك انشهرت
بين غيّاب المحبه الساهره

للغدر شكراً ومن طيبي شكرت
كل مواعيد الغرام الغادره

ياصغيره هذا انا بجرحي كبرت
حتى حزني يكتبك من خاطره

ماخسرتك بس انا ادري بك خسرت
ودي اسأل حلمنا من كاسره؟

*



مابيني وبينك مشارية وعتاب*
شف دربك الي جيت منه تدله
ماراح تغلبني لو الحب غلاب*
من حضرتك علشان قلبي تذله
كنت القريب وكلهم اغراب*
حتى القمر لاغاب شفتك محله
رح واعتبرني واحد اذنب وتاب*
ما ني بثوب تلبسه ثم تمله

دامك نويت البعد ياخل مسموح !!
هذا اختيارك ../ وانت حرٍ بدنياك
ماينجبر قلب .. ولا تنجبر روح !!
حكم القدر مكتوب والرب يرعاك

أنا من وين ماسافر من احزاني تجد احزان*
. . . . وأظل أركض مثل ضحكة غريب ودمعة مسافر*
تعبت أهرب من الذكرى لها كل البشر عنوان
. . . . تجيني بالوجيه أهرب ولا اهرب دامها الناظر*
واناديلك وانا بآخر ليالي بآخر الأوطان*
. . . . أصارع غربتي بين الخفوق وعزة مكابر*
لك الله ماشعرت إلا بعد فرقاك بالوجدان
. . . . شف غيابك عسف مهر العنادوروّض النافر*
ياوجهٍ مالحقه انسان ولا يلحق أبد انسان
. . . . اغامر في مصالحنا وإذا زاعلتك مغامر*
ياليتك لو تجي مرة ، تعيّشني زمانٍ كان*
. . . . تدفي برد أحلامي وأذوب بصوتك الساحر*
هلا منك لها لونٍ يسولف تسكت الألوان*
. . . . هلا منك لها طهر الصلاة ومبسمك كافر*
هلا منك تخليني أحس أكثر ظما الفنان*
. . . . هلا منك تعلمني أذوق بنظرة الشاعر*
هلا منك تسفرني لوجه أمي وأشيب اشجان
. . . . هلا منك على عمدان تقوّم حظي العاثر*
هلا منك ولا أذكر شي بعدها من متى للآن*
. . . . أهيم وماعرف ماشفت ولا سامع ولا خابر*
دخيل اللوم بشفاهك بهمسة طرفك النعسان*
. . . . بلا ونجت بهزة راست تغلي وأنتظر صابر*
دخيل الصبح والنظرة تثاوب تنكسر ألحان*
. . . . وليلٍ ماجمعه الليل على وسادتك متناثر*
دخيل أخطر وعد مهما شربته عدت لك عطشان*
. . . . دخيل موادعك لا حل يعلقني بيّد باكر*
دخيل العشق لا عاتب حنايا العاشق الولهان*
. . . . سترت الشوق بضلوعي إلين أعرج مشى الخاطر*
دخيلك دربها وينه ياناسي بلدة النسيان*
. . . . تعبت أبحث وأبيع سنين لا غايب ولا حاضر*



للشآعر : سليمّآن آلمآنععّ**..

اعترف أنّي فشلت ، أكتبك شِعْر ونثر
...................... كلّما فيني دخلت ، شفتني فيك انتثر
لملميني من شمال ومن يمين
...................... قشرييني للسوالف برتقال*
ينتثر شِعْري جناين ياسمين
...................... يكتمل نصف البدر يصبح هلال*
نبتيني ! النخل فيّني حزين
...................... من نبات أيديك يحمر الخلال*
أمطريني زي ما أنتِ تشتهين
...................... خضري صحرا غيابك كرنفال*
انشليني من متاهات السنين
...................... مآتم الأشواق سويه احتفال*
بهريني ، عطريني بالحنين
...................... علميني كيف تبهير الدّلال*
رتبيني من قبل لا تسافرين
...................... لبسيني غترتي ويّا العقال*
احمليني وين مارحتِ جنين
...................... حلم وإلّا علم ، وإلّا في الخيال*
هدهديني فوق ظهري والجبين
...................... بالركاده ، بالهداوه ، بالعدال*
مهديني زي فعل الأولين
...................... واحضنيني بالحنان وبالدلال


محمد مطر

وحيد .. وأشعر إني في الظلام بخير*
.................*وحيد*.. وأشعر إني مزدحم بالناس !

معي إحساس .. لكن ما شعر بالغير*
.................. معي إحساس إنه .. ما معي إحساس*

تحرّتني السنين آكبر .. عشان آصير
.................. طفل .. ياخذ من [ الضيقه ] هوا وانفاس !*

كبرت .. وكبرَت أحزاني وصدري صغير*
.................... وعجزت ألقى لعيني في الليالي [ نعاس ] !

كثير آقول إني ما بعيش كثير*
..................... وإذا حآولت آسكت .. يهمس الوسواس ..*

واشوف إن الوفا ( غصن ٍ ) فقد له طير*
..................... وآشوف إن البشر ما تشبه إلا [ الفاس ]*

وآخايل في الصباح .. إن الظلام ينير*
.................... وآخايل في الظلام إن الضيا محتاس*

كأني من كثر صدقي .. نفخت الكير*
.................... لأني ما كذبت وصرت من [ ألماس ] !*

مشيت الدرب وحدي .. ما قدرت آسير*
.................... مع اللي شكلـّوا [ عالم ] بطين الباس !

عطشت .. ورحت أدوّر فِ الخلايق بير*
..................... ومِت من العطش .. كل البشر يبّاس !


نايف العمر

اضيع بهمسة أشفاتـك وأنفاسـك تراهـا إبـلاد
......................شعوب الورد تسكنهـا ونبراتـك شـذى فيهـا

يبلل سفرتـي ذكـرى تجينـي والمسـا قصّـاد
.....................وأنـا المغـرم مقيـم بـدار عشـاقٍ حكمتيهـا

سلاح المترفة همسـة ونظراتـك عتـد وإعتـاد
..................خيـول الـذوق والرقـة بأحضانـك عسفتيهـا

جيوش الزهر تتبع لك تجي لـك مذعنـة تنقّـاد
...................تقـول : الأرض تتبختـر إذا مـرت خطاويهـا

يا ألله وش كثر إنتي ملاك الليـن وفيـك عنـاد
.............كأنـك كلمـةٍ توجـع سكتـي ومـا حكيتيـهـا

اسولف لك وافضفض لك وأقول : إن الحزن جلاّد
....................وأنا أدري بكلمة وحدة يضيـع إن مـر طاريهـا

حبيبك شاعرٍ يصنـع مـن الحـزن المعتـق زاد
....................جلس يرقب معاني الحزن ويرسـم لـك مبانيهـا

غريب أوطان لو عانى رحل يمك وفيـه إجهـاد
......................وهـو يـدري بـأن اوطانـه اتشابـه منافيهـا

دخيلـك مـاك لا صـدّر أجيلـه منتشـي وراّد
......................مع أسراب الحمام اللـي تجمـع مـن حواليهـا

غرست الحب بأعماقي ركزتي الشوق فيه أوتـاد
...................ثبت كـل الغـرام اللـي نبـت لعيـون غاليهـا

وجودك والغـرام ابداخلـي صدفـة بـلا ميعـاد
................لقيتـك أجمـل ادروبٍ مشيـت وكنـت عانيهـا

أنا لو غبت عن عينك بقى فينـي الغـلا وقـاّد
..................مثل نـارٍ يغطيهـا الرمـاد اللـي عثـى فيهـا

تبين ولا تغيب أن جت عليها الريح هـي تـزداد
...................تدفـي الظـن بغيابـي ولا تخـيـب هقاويـهـا


لــفارس بدر

تمر ايامنا لاهين ..ما نفتح كتاب الله
نعاني وسط دنيانا وكل اصحابنا معنا

نعيش بضيق مجهول السبب وندور العله
نظن الشر في ناسٍ بريئه لين ما ضعنا

تركنا ربنا ( فحاجه ) وكل يتبعه ضله
وربي جلت اسمائه بكامل غنوته عنا

ترى هـ القلب مزرعة الـفطين ولازم نبله
سجوده داخل اكناف الظلاماللي بينفعنا

جميل الغرس / يعطيناوريف الزرع والغلّه
وكل ٍ بأوله .. يا كيفها صارت مزارعنا

ذليل الجبهه لربي عزيز الراس والملّه
شهد بالصوره العليا ..مع التشديد واقعنا


تركي الميزاني

أحتريتك ...
في*شتآ*الليل /*الطويل !
واكتفيت بنظرتي صوب [*السمآ*]

ماهقيت أنه كذا "*رد الجميل*"
الدوآ في إيـدك ...
وأنا {*ميّت ظمآ*}