المشاركة الأصلية كتبت بواسطة حنااايا..الروح
يوم الاثنين رسلت لي الاستاذة نازك معلمة ولدي خلدون بالتمهيدي
قالت ان الأذاعة بكرة (الي هو أمس )بتكون على صفي وعطيت خالد ورقة حفظيه ياها
وبيكون هو الي بيلقي المقدمه..قلتلها ان شاء الله خير..عاد رديت البيت ومسكته العصر وبسطت له المقدمة وبحيث
تكون سهلة الحفظ وفيها سجع..
خلدون ما قصر طلع لي قرون وما حفظ شي..يمسك جملة ويقفز كل مرة سطر او سطرين
عقب فر الورقة وقال تعبت
يا ولد الحلال باكر وش بتسوي؟
المهم امس داومت ومباشرة رسلت للمعلمه وقلت لها خالد ترى ما حافظ فتلاحقي نفسي وتصرفي
وهي ما استلمتالا بعد ما خلصوا دوام بس رسلت لي بعد الدوام تشكرني لان اداء خالد كان ممتاز وان قرا من الورقة
واني حفظته زين ...يا سبحان الخالق,,يعني انا لما احفظه يستهبل وطايحبي (معلماتي الفاضيات) اون الفاضلات عاد
وهناك ياخذ الموضوع جد؟
رجعت وسالته ..كيف الطابور وش قلت ؟
قال :قلت وخلاص..والاستاذة قالت لي شاطر
بس عيل
وعاد المغرب يشرح لي
اون حرف الالف والدال والراء والواو شريرات وعضاضات اذا الحرف الي عقبهن
مسك فيهن يعضنه وهن محد يحبهن ومحد يشبك فيهن بس يمسكوهن من راسهن
ضحكت فداخلي..وين زماننا وزمانهم
