نبض الإحساس .. سجّل احساسك في هذه اللحظه

إذا قـلبك نفذ صـبره وصرت بدنيتك تعبان
أجل شـتقول لاشـفت الفراق وشـلون يرميني
يمين الله من بعدك أنا .. تشــعل بي النيران
ولا مني تذكرتك لهيب الشوق يكويني
ألا يـا أجمل عيون صدفها شاعر ولهان
كتب لك في آخر أبيات القصيد ((لا تخليني))

صباح الـخـير هالـمره بـلاش آسف على التأخير
مـدام الـرد بـعـيونك ( دمــوع ) بكل تـأخــيـره
ثـقــل دم الـعذر وألا كـسح وجـه الخـطا تـبريـر
مــدامك عـارف ٍطـبعي اجـل وشـهو لـه الحـيره
تـرى ما جيت لأجل اسمع سواليفك عن التقصير
اعـرف أن الخـطـا مني بـلاش نعـيد هالسـيره
>> انـا وأنـته تــحـملنا بعــضـنا كثــير >>
تعودت إنته على عنادي وصرت أحب هالغـيره
اهداء

لك ثلاث أيام في عيونك عتب
ليتك تسولف قبل دمعك يسيل
ليه مختار السكوت بلا سبب
انتظرتك والظاهر إن صمتك طويل
سولف ما كل صمت من ذهب
كم عزيز راح من صمته ذليل

الناس في بسمة المجروح منخدعه
كم بسمه من وراها النار بأنفاسي ؟؟
بعض المواجع لها ما تنفع الفزعه
وبعض المواجع وجعها من وجع ناسي
عودت نفسي على الصدمات و الفجعه
ولو دست جمر الزمن ما ينحني رأسي

يعين الله يا دنيا تسوق أفراحها أحزان
يعين الله وأنا مثل قــفلٍ ضاع مـفتاحه
يعين الله جروحي لها في كل يومٍ شان
كذوب اللي يقول إن الزمان يداوي جراحه

شوقي لك أكبر من حدود إحتمالك
يشبه صباح العيد بعيون الأطفال
اهداء

لولا (الوفاء) ما احتاجت الناس للناس
ولولا المواقف ما عرفنا بعضنا

( وقــــــف )
وقلي من قتل فيك الأشواق
خلاك تنسى حب حطم كياني
تبقى عزيز وجرحك اللي بالأعماق
ذكرى عزيزة من حبيب كواني

خـذ فـؤادي وآنـا راضي تجرحـه
لـي فـؤاد ٍ قد مـا تجرحـه مسمـوح
بـس سؤالـي الـلي ودي أطرحـه
هـو بقـى بي أي مكـان للجـروح ؟
ليـه دمعـي لا نـزل ما تمسحه ؟
وليـش دمعـك قبـل لا ينـزل أنـوح ؟

دنيـا غريـبه والـبشر مثـلها أغراب
لو هي صـفـتلك ماصـفـولك بـشـرها
تعـطـيك من لـذتـها كل ماطـاب
تغـريـك ثم تـغرك في بـحرها
وانا عطـتــني دنيـتي زيـن الاحباب
اللي بنى دنياي ثم ٍ دمــرها
لكن حسافــه من عشـقـناه لعاب
لـعب بأحاسيسي وقـطع وتـرها !!

راجع حساباتك بلحظه سكونك
وخذها نصيحه جعل ربي يعافيك
مافيه أجمل من صديق يصونك
ولافيه أقسى من قريب يعاديك
واكبر خطا نسيان من يذكرونك
وأعظم وفا ذكر شخص ناسيك
واكبر قهر لا صار ناس ٍ يبونك
وانته تبيهم بس حظك لعب فيك

حكمه
غريبة قصة الدمعة واهي تغسل جفون العين
تريح جفن باكيها وهو في قمة أحزانه

لا بغيت في يوم تسوي فيني معروف وجماله
يا تجي كلك معايا يا تخليني بحالي
حبه حبه أنت ظالم والهوى يبغي عداله
خلنا نطلع من الواقع على الجو الخيالي
أنت عمرك شفت واحد يسولف مع ظلاله ؟
هذا انا وكثر ما اشعر فيك أحس انك ظلالي

إن حكوا فيني بوجهي أو حكوا بي من وراي
ما لقوا غير البياض اللي قهر سود الظنون

يا شوق تكفى لا تخليه يرتاح
يا شوق تكفى داعبه في غيابي
خله يحس إني معه وين ما راح
خله يحس شلون لذة غيــابــي
عطر الفراق اللي مع غيبته فاح
عطرت به قلبي وباقي ثيابي
غصن تعلقت به هزني وطاح
وعانقت بأوراق صمته عذابي

كل ماجيت ابتدي فيك انتهيت
وكل ماجيت انتهي شفتك بدايه
كل ماجيت أنحرم منك اشتهيت
طعم حبك لين صارت لي هوايه
إن كتبتك حرف شفتك ألف بيت
وان كتبتك بيت صرتي لي نهايه

يارب عجل بالفرج وانت راعيه

كم ساعةٍٍ ضاقت وعندك فرجها

صح فيني شعور بس ما ينوصف ..
او صراحة ما عرفت ويش فيني ..!

في كل حالتي شعوري مختلف ..
مبسوط رايق.. بس حزني يحتويني ..

هي ظروف.. خلت أحزاني تطوف ..
لا مناماتي منام.. والزمن عيا يروف ..

أسامر الليل والنجمة تسامرني/

الليل هو وحدتي والنجمه احزاني

واناظر الليل والنجمه تناظرني
فالليل غربه وطن والنجمه اوطاني

الناس في حياتنا كـالعطور...

بعضها تزول رائحتها بعد عدة ساعات....

وبعضها يبقى عالقاً في الذاكرة........

ينعشك كلما مرّ طيفه .!

لو صآر بكره ومآلقينا بعضنا
ولو صآر وآنآ من هالدنيآ رحلت
آبغاك بس علشآن خاطر ولهنآ
تنتبه لروحك كآني معاك ماآبتعدت

ما ادري وش اكتب لك علشان تقرأ
ما دامني ما عدت قادر أكلمك
أهم شيء ان انت بشعوري أدرى
سواء اعلمك و الا ما اعلمك
ما دامك الجلاد و افراحي اسرى
ما فيه داعي اشتكي و اتظلمك
الجرح دامه منك جعله ما يبرى
يشفيني الله و انت ربي يسلمك

مساء الحب يا حب يعيش ودنيته طرياك
احس انك هنا ايامي ولو ما كنت تطريني
يفوح من الزهر عطره ويبقي القلب مع ذكراك
وهج ذكراك في قلبي بعد صدك يدفيني

أنتظر شخص لآ يعلم . .
! . . ب / أنتظآري
وينتظرني شخص أخر . .
لآ أعلم ب / إنتظآره ..


فيغدوآ عمرنآ ونحن ننتظر
خلف نآفذة آلصمت ♥

منو فاضي !
وياخذ بالي المشغول !؟
ومنو مشغول !
ياخذ وقتي الفاضي !؟
شلون امشي الى المستقبل المجهول !؟
وانا مستقبلي مبني على الماضي !!

افهم اللي ينكتب بين الحروف
انت وينك؟كيف يومك؟وش تسوّي

كلها تعني ( أبي صوتك ) بخوف
لاطغاني هالوله والشوق جوّي ❤️

إلا العيون ابخل بها ما قدر اعطيك ** وش فايدة دنياي من دون شوفك

ماني بزعلان لو الحزن بي يرقا .!
ولا همك اصلاً انا زعلان اوراضي .!

بس حزة بخاطري ياشاري الفرقا .؟
العشره اللي معك راحت على الفاضي .!

كل ماضاقت بوجهي ظروف الحيـاه
اذكـرك والحيـاه تـزيـن فـي ناظـري

مسآاء الخير آخي ثآابت :)

أنت العذاب وكيف أنا بك اعذبك
يامن جرحت القلب .. جرحك علاجي
كل يعاتب بعض الاحيان غاليه
والحب يبقى فوق كل الجروحي

ٱلنٱس وظروفك وسلم ٱلقبٱيل
وٱلدين وعيون ٱلقريبين ۆٱھلك

وٱلوقت وٱلحظ ٱلردي لا تمٱيل
ھذي تسع ٱشيٱء تمنعني ٱۆصلك'

اقتباس:

---

المشاركة الأصلية كتبت بواسطة اهلي ملاذي

مسآاء الخير آخي ثآابت :)

---

مساء المغفره والرضوان استاذه

يآخآطـري … لو مـر بك حزن عآبـر
'واجتآحتك ذكرى ، واهآت ، وجروح'

ضم الوجـع بين الحنآيـآ … وكآبـر
'تـرى البشر مآتحتمل كثرة البوح'.

مالي علاقه مع أهل الحُب بالمرّه
ولاني غرامـي لو أبياتي غراميه
حتى ولو شفتني فالحُـب متشرّه
علاقتي مع جميع الناس سطحيه"

زلـهِ لسان الادمـي. بعـض الاحـيان
تـقطـع. عـلاقات الرفيـق..برفيقـهِ

كم من رفاقه دامت ازمان وازمان
عقـب المعـزه تنتهـي فـي دقيقـهِ

جئت في كفي غصون وسنابل

بين أضلاعي ورود وجداول

أحمل الدفء بهامات المشاعل

وفمي ردد لحنا

من أهازيج الخمائل

والتقينا نرسم البسمة في وجه المقاتل

ننثر الأفراح من أحلى البساتين

على كل المحافل

عائدا..

خلفي هموم ومعاول

عندما ألقاك كل الهم زائل

وأرى الساعات لحظات قلائل

‏​ عفواً يَ خلق اللّه خلوني شوي
بيني وبين ضلوعي العوج #ونـھ

وعفواً يَ قلبي لآ جبرتک على شيء
الجبر ف بعض المواقيف #سنـھ

يا مختلف في كل حاجة عن الغير
ألغـيتـهم يـا خلي سـاعة حـضورك

مدري مساء الخير وإلا صباح الخير
تلخـبط الـساعـات لـحـظـة مرورك