سنتحدى كل الظروف معاا
محمد تجاوز السيارات ولكن اعترضت طريقة سيارة ما كان شايفنها وما قدر يبتعد عنها وصدم فيها...عاد تخيلوا الموقف عروس وكذا يصير لها...وصرخت نور بقوة ،قدر محمد يوقف
السيارة عشان يشوف نور كانت جالسة في الكرسي الخلفي وجلس
يقول نور ..نور..بس ما ترد عليه وخرج من السيارة وراح يشوفها والكل وقف ع الشارع ...كانت نور مغمى عليها وحاول يصحيها بس ماشيء فايدة وجت خوله تركض ركض ولما شافت كذا نور ما تمالكت نفسها واخذت عصا محمد وكانت تعرف الي يخمسوا وركضت لوحده من السيارات وهي تصرخ وتضرب السيارة من الامام...ههههه حماس الموقف..بعدين شافوها وراحوا لها يمكن جاها انهيار لما شافت بنتها كذا حتى ما جلست جنبها ولا شيء... المهم قرر محمد يوديها المستشفى بعد محاولات عشان يخليها تفيق بس ماشيء فايدة وراحت معه امه وامها كانت تعبانه وماحاسه بشيء رجعوها البيت ،،وفجأة قالت محمد شو صار...ههههه سلامتك ماصار شيء...
نور:محمد شو صار
محمد:حبي ماشيء سلامتك بس شوية صدمنى بهذلاء البغمان والحمد لله انك بخير...بوديك المستشفى عشان نطمئن عليك
نور:لا حبي انا بخير خلا البيت وبرتاح هناك
رجع محمد البيت ما كمل الزفه وهناك لقيوا خوله تصرخ اريد اشوف نوار وديوني عندها...شافتها واطمنت عليها...
وخلص العرس والكل راح بيته..نور تقول لمحمد...
نور:حبي سبحان الله كل مر يستوي لنا شيء ...
والله يعين من الايام القادمة
محمد:لا تقول لي كذا حبي ...تراه كذا يصير مع واجدين ههههه بعدين احسن عشان ما تنسي يوم عرسك البر وراح تتذكريه
يالله الحمد لله خلص والحين احنا مع بعض،،هههه باكر ورانا لفه في ربوع الوطن العصر ان شاء الله بنطلع من هنا كوني جاهزة..
نور:لا وحدي ما اريد اروح مكان خلنا يومين وبعدين نروح مع تريد
محمد:ههههههه لا ما يصلح انا ما خذ اجازة يومين وبتخلص وما بنلحق نروح شهر العسل في القلاع والوديان
نور:تقول في بالها...بعده ماخذ اجازة يومين وباغي يوديني القلاع والوديان والله بتشوف حموود كان ما اراويك نجوم الظهر وبطفر بك ما عليك....عادي الي تشوفه حبي انت فصل وانا البس المهم بكون معك في اي مكان ان شاء الله نروح صحراء اعتبره شهر عسل معك....هههههه شكلها ناوية عليه..
محمد:الله لا يحرمني منك حبي وربي يقدرني اسعدك طول حياتك
نور:ان شاء الله حبي ما بتقصر.....
في الصباح نور موصتنها امها انها تقوم من وقت وتتجهز وتكون جاهزة لما يجين الحريم يهنينها...هههه تراه لازم في بعض الولايات العروس تقوم من وقت وتجلس في الكوشه عشان ماشاء الله الحريم نشيطات ويروحن يصبحن بالمعاريس من الصباح.. حلو كذا العادة بس للاسف مع بنات الحين خلاص صارت منعدمة وشبه موجودة الا عند القلة القليلة...تو يروحن الحريم ويصبحن بالعروس ويسلمن على الكوشة فاضية,,,ههههه وهل يعود الزمان يوما..!!
المهم نور تخطط ما عارفه شو تسوي وماحابه تروح العصر ويا محمد القلاع والوديان هههههه كما قالها ..فاتصلت ب حنان
نور:هلا حنون ..اخبارك
حنان:وغلا عروستنا اخبارك وكيف حموود
نور:بخير حموود..بنبره حزينه..
حنان:خير شو فيك لغلا اشوفك حزينه
نور:حمووود يريد يوديني الوديان والقلاع شهر العسل انا ما اريد بس شو اقول ..
حنان:هههههههه وتضحك من فوادها هي عارفه الموضوع
طيب فديتك روحي تراها عسل مع الحب عادي ...غيرك ما يخرجن من باب بيتهم حمدي ربك انت كذا..
نور:وانت بعد كذا تقولي والله ماكان كذا حلمي..كنت اريد اقضي معه خارج الوطن اجمل ايام عمري..مثل فلانه وفلانه...ههههه هنا المشكلة التقليد فلانه سوت لازم اكون مثلها والاحلام الكبيرة
حنان:حبوية خلاص تجهزي وسيري معه وان شاء الله ما راح تنسي ايام العسل...بجي عندك بعد شوي..
نور:تمام انتظرك فديتك ...
ونور جالسه في الكوشة وتفكر في شهر العسل الي كانت تحلم فيه وضاع حلمها وتقول شو اقول لما يسألني زميلاتي وين قضيتي شهر العسل بقول في الوادي الفلاني ولا القلعه الفلانية احسن لي اظل في البيت
جاء العصر ومحمد يضحك ويستعد للرحله وسلم على اهله وبعد راحت نور تسلم على اهلها وهم كلهم عارفين وين بتروح الي نور..
وفي السيارة شاردة الفكر سرحانه وما حست بالطريق ولا شافت هي وين نزل محمد من السيارة ونزل الحقائب وبعدين قالها نزلي وصلنى ...شافت المطار ،،
نور:احنا وين؟؟؟!
محمد:احنا ههههه في المطار
نور:وشو نسوي هنا
محمد:هههههه بنبدأ من صلاله نشوف المعالم هناك وبنرجع...ما يجوز عن الكذب..
نور:طيب ..على بالها بيقول لها شيء يفرح قلبها
ودخلوا وخلصوا الاجراءات ...الله يهديها ابد ما انتبهت لشيء لان فكرها تفكر شو بتقول لفلانه وعلانه...بعدين سمعت المضيفة تقول الرحله رقم كذا المتوجهه الي النمسا تتجة نحو البوابة كذا..
محمد:يالله خلا
نور:وين خلا
محمد:الطايرة لاه ...يالله بسرعه
نور:تضحك علي يعني كنت ..وعليها ابتسامه عريضة
ولما جلست في الطايرة ..بتصل اخبر امي وابوي وحنان اني بسافر ...والفرحة ما واسعتنها..
محمد:خخخخ حلوة المفاجأة ..لا تخافي كلهم يعرفوا بس انتي
كيف المفاجأة حلووة؟؟!
نور:ووواجد ووواجد ووواجد حلوة...انت اروع شخص بحياتي وبسوي كل ما اقدر عشان اسعدك واريحك...بعيد شر شو تغير امس تقولي بطفر به وما اعرف شوه عيل شو غير وبدل..
المهم جلسوا يتجولوا ما بين النمسا والمانيا لمدة 10ايام...وكانت نور فرحانه كثير لانها بتفاخر مع زميلاتها وين راحت وكانت تصور كل شيء...وخلص شهر العسل ورجعوا ،مرت الايام وكل واحد راح الدوام والتهوا بشغلهم ،وكالعادة الجميع ينتظر خبر من نور ومحمد يفرح القلب ويسعدهم بس للاسف ما شيء مرت السنة الاولى على زواجهم ...
ورتبت نور حفله لعيد زواجهم هههه كالعادة بعض الرجال ما يهتموا لهذي الامور بس وجهه نظر الانثى دائما غير ...
كانت نور مرتبشة ومحضرة كيك وما اعرف شو ...
نور:هلا حبي بتأخر الين توصل..
محمد: وغلا يا روحي انا ...لا بس لحظة اخلص هالشغل الي عندي وبجي طيار
نور:تم حبي وانا بنتظرك بأحر من الجمر..
وجلست مسكينه تنتظر ولا طاعت توكل شيء لا وبعد محضرة هدية...ههههههه ...وفي النهاية نامت في الكرسي وهو بعد يمكن ساعتين قالها بتأخر جاء عندي شغل طارئ ،اضطريت اكون بدل زميلي عنده ظروف ،،وهي ما شافت الرساله ،واصلا هو ناسي هاليوم...شوف عب حد ينسى يوم زواجة غير الرجال..
ووصل البيت ولما دخل الغرفه شاف كذا ،،قال في نفسه ماله مو عندها اليوم ..خخخ حشا البر ما يفهم ...المهم نهضت نور وكانت حزينه سلمت عليه وعطته الهدية وراحت تنام لا وبعده زادها
محمد:شكرا حبي ع الهدية بس ليش متعبة نفسك ما كان له داعي هههههه وشو المناسبة تعطيني هدية وينكت بعده يوم الشرطة بعيد
نور سكتت عنه وراحت تنام..ولا قالت كلمة
محمد قرب عند الطاولة وشاف الكيك ومكتوب فيه يوم زواجهم وعاد تذكر..
محمد:ياربي كيف نسيت ما تذكرت هاليوم تو مو اسوي
حاول فيها ويكلمها بس بدون فايدة..بصراحه عندها حق مسكينه كل هذا وبعد يسألها ليه...اخبرك عتي اعتبريه اول مرة واخرة مرة تسوي كذا نسي كما ينسى وعيشي حياتك بدون حفلات ووجع راس ..ههههه نصيحة لاه بس سوين مثلهم ..
نور تمت زعلانه كذا يوم ..بس تعرفوا ما يقدرن يزعلن واجد ونست السالفه ورضت ...
مرت الايام والكل يسأل كيف نور حملت ولا بعدها وكانت تسمع الكلام وتتجاهل وتطنش لان تعرف هالامور بيدين الله تعال ما بيدها مرت السنه الثانية ههههههههه ونفس المرة الاولى سوت حفله ياخي ما تاخذ دروس ..المهم هالمرة حظر من وقت بس كان نسيان بس سمع نوف تقول يوم زواجهم ووراح محل واشترى هدية ...قال احسنتي نوف نقذتيني
مرت الايام ونور يزيد حزنها وتتضايق من الكلام الي يوجع القلب وكلمت محمد وقالت له..
نور:حموود ارجوك طلعني بيت بروحي ما اقدر اتحمل كلام الاهل والجيران وديني مكان بعيد بعيد ما اسمع فيه شيء...كانوا دائما يسألوها عن سالفه الحمل...للاسف يتدخلوا في اشياء ما تخصهم ..
محمد:تم حبي بس الحين ما اقدر اتسلف واشتري بيت عادي تعيشي في شقه
نور:خلاص انا بتسلف واشتري بيت في العاصمة
محمد: لا طبعا مستحيل اسوي كذا...ههههه البعض ع طول يوافقوا بدون تردد..
نور:انت تحب راحتي
محمد:اكيد بدون ما تسألي
نور:عيل راحتي سوي كذا
وبعد الحاح شديد وافق محمد بشرط يكون البيت بإسمها ومن تتطلع الجمعية ماله يعطيها الفلوس ويحول البيت بإسمه هي كانت رافضة تكتب البيت بإسمها بس هو اصر وكذا شرطه...والله البعض ياخذ الفلوس ويكتب البيت بإسمه لاه وبعد يروح يتزوج ويسكنها في نفس البيت هع...وافق محمد وتمت الامور وانتقلوا وحدهم في بيت
بعيد عن الكل..
نور كانت رايحه تتسوق مع محمد ولقت جارتهم وسلمت عليهم
وجلست تضحك مع محمد وهو يحاول يبتعد ..هههه بس هي شكلها معجبة فيه ..بعدين سألتها ما عندكم اولاد..الله يهديك يعني هم جيرانكم ولو كان عندهم بتعرفي...قالت لها نور لا بعده ربك ما امر ..وبضحك تقول ل محمد ههههههه تزوج على نوار ،،
محمد دائما يحب يضحك على نور..ما يفهم فيه امر ما تتحملها الانثى..قالها صدقك والله فكرة حلوة ههههههه امبونه بيتنا كبير ويوسع حال اربع ما بس زوجتين وعصبت نور من خاطرها
ووصلت البيت وكانت تصيح وقالت في نفسها اكيد بيتزوج لاني انا ما جبت له اطفال والحين كم سنه واتصلت بحنان..
نور:هلا حنون انا تعبانه واريدك تجي معي باكر ما بروح الدوام باخذ اجازة..
حنان:تمام لغلا وباخذ اجازة وبجي عندك
راحت حنان عندها وجلست تشكي همها وخوفها من محمد يروح يتزوج عشان يجيب اولاد،،وتعرف ان اهله دائما يسألوه وما عارفه شو تسوي نصحتها تروح عيادة تستمر معهم فعلا راحت وكانت عندها مشكله بسيطة عطوها علاج واستمرت كذا شهر وكان محمد ما يعرف شيء ،،بعد اشهر فعلا حملت نور وكان خبر سعيد لكل العايلة ..مضت الاشهر وكانت نور في الشهر السابع تعد الايام والليالي وتنتظر اول مولودها وكانت عارفها انها بنت وتم اختيار اسم (مودة)..وبدت تشتري لها فساتين وكل شيء مستعده لاستقبال المولودة ..ولما كانت تتسوق هي وحنان قابلة نفس البنت جارتهم وشافتها قالت لها نور تصدقي ما عرفتك مو مستوي لك كذا صايرة سمينه واجد بتكون هذي الراحه مع محمد مسوية بك كذا...على فكرة هي معجبه بمحمد كثير...حنان تضحك تقولها ما تفهمي تراها حامل ولازم بيكون كذا وزنها ابد ما قالت ما شاء الله ولا شيء..قالت في اي شهر قالت لها السابع ,الله يهديك حنان ما ترومي تسكتي تراه فيه ناس حساد ما لازم نقولهم اي شيء...هيه في السابع عات حتى ماقالت ماشاء الله ولا ذكرت ربها راحت من عندهن وبدت تنشر الخبر لو شفتن نور كيف صايرة سمينه وواجد كأنها اربعه عوين حامل وعات في السابع وكأنها فيها توأم حشا متى واحت تجي السابع وما من زمان شايفتنها وبعدها البر ما حامل...
سبحان الله فجأة نور حست بألم وراحت ع طول العيادة قالوا لها احتمال الجنين بينزل وبنحاول نخليه ما ينزل ...عطوها ادوية وسويوا لها سقاية بعد ضربوها ابر وقالوا لها حاولي ابد ما تتحركي نامي واذا زاد روحي لاقرب مستشفى او عيادة وكانت نور خايفه وعندها توتر شديد لان كلام الدكتورة ما كان مطمن
محمد:لغالية خفي شوية توتر وخوزي عنك الحزن والي كاتبه الله بيصير..
نور:خايفه حبي ينزل الجنين وترجع معاناتي ،،الدكتورة كلامها واجد يخوف..في الاساس ما كل كلام الاطباء الصح ...والله خايفة حموود خايفة ينزل الحمل...
محمد:يا نور عيني ولو نزل الحمل شو يعني كله مع الله خير المهم عندي انتي تكون بخير...
الله يعلم انتي عندي اهم من الاولاد ومن كل شيء انا راضي اعيش معك طول حياتي وبدون اولاد ...كل الي مع الله حياه الله ومستعدين لكل شيئا وبنتجاوز كل الظروف واحنا مع بعض
نور:فديتك لغالي بس انا اريد منك اولاد
محمد:الي يكتبه الله كله خير لنا....وباكر بنروح عيادة ثانية وبنشوف شو يقولوا..راحوا وقالوا لهم نفس الشيء لازم راحه تامة مع احتمال انه ينزل والله يعلم..
بين الترقب والخوف نور ما عارفه شو تسوي تحس بالالم وما راضيه تقول لمحمد خايفة تروح المستشفى وينزلوه لانه خبروها بيكون خطر على حياتها ومحمد قالها انتي الاساس وراح اوقع انه ينزل ان لزم الامر..
نور حالتها الصحية تتدهور وما قادرة تقول لمحمد انها تتألم بشدة قالت بتحمل بتحمل المهم (مودة تعيش)،،ومرت الايام ونور على حالها فجأة تعبت كثير واضطرت تقول لمحمد وراحوا على طول المستشفى ونور تصرخ من الوجع قامت الدكتورة بعمل اللازم وع طول سقاية وبعد الفحصوتات قالت الدكتورة بكت نور وواجد من كلام الدكتورة ومحمد.......
شو تتوقعوا قالت لهم الدكتورة وهل بكاء نور من حزن او فرح كونوا بإنتظار الجزء القادم...
