❤
أن تكون موالياً لأحد لا يعني أن تكون ساذجاً، وأن تحب أحداً لا يعني أن تقف مع الظلم لأجله، وأن يرضى الناس عنك لا يعني أن تتخلى عن حقوقك..
#عُلِم؟🌚
عرض للطباعة
❤
أن تكون موالياً لأحد لا يعني أن تكون ساذجاً، وأن تحب أحداً لا يعني أن تقف مع الظلم لأجله، وأن يرضى الناس عنك لا يعني أن تتخلى عن حقوقك..
#عُلِم؟🌚
إنَّ الهرب من الموت موت،
وطلب الموت حياة،
وإنَّ الخوف من التعب تعب،
والإقدام على التعب راحة..!
http://up.omaniaa.co/do.php?img=10312
Separatory funnel
Extraction method😍
يوجعني قلبّي لما اكابر على شخص احتاج وجوده بجانبي وقت حزني وقت تشتتي وضياعي شخص قادر يلم هالبعثره ولُكن كبريائي يمنعني بُكل قسوه .
http://up.omaniaa.co/do.php?img=10348
هلا والله
شكرا جزيلا على صراحتك😍💕
امممم العيب الأول
ههه ماعليكم مني تراني ذيبه ههه
و مع الطيبين اصير طيبه
ومع الشسمه اصير شسمه 🌚
أما العيب الثاني
امممم شدراكم انها أشياء تافهه؟ 😂💔
البعد عن الاهل هو الشي اللي أكثر شي ذاك الشي ههه
ويحفظك يا صاحب/ة الرساله
و اسعدتني وايد 🙈💕
و جاني فضول ابي اعرف من تكون 😂💔
http://up.omaniaa.co/do.php?img=10351
وي استحيت ههه
على راسي والله 🙈💕
شكراً
في البدايه شكرا لك
و ربي يعين الجميع
بس كل اللي اكتبه
ما يمثل حالتي أبدا
يمكن يمثل شخص آخر.. لكن مب انا
الأشياء اللي تخصني وتمثلني مستحيل اكتبها هني.
ههه
وشكرا جزيلا لككككك💕😍
مرحبا 😍
اممممم في موقف صار
مدري غلط والا غلط بس أكثر شي غلط
يالسه بحالي و لحالي
هزني الشوق وذكرتك... 😂💔
لالا والله حقيقي
المهم
يالسه بروحي
والا تجي حرمه كبيره
تقول من وين انتِ و شو اسمك و وين أهلك
و تسأل وايد
خفت منها بصراحه
طبعآ 70% من المعلومات عطيتها غلط..
لأنها ذاك الشي لاه 😢
و بالنهايه تخيلو شو طلعت تبي
تبي تزوج ولدها و تدور ع عروس 😨
يغربل العدو
وانا حسبالي مخابرات وتجسس 😂💔
ياخي معقول تبي تزوج ولدها بنت ما تعرفها 🤔
بس جلسنا أقل من 10 دقائق!!!
ياخي مب لعبه ترا .. مب لهالدرجة
عجييييب!!
المهم لما قلت لها كذا
عصبت وقالت انتن بنات آخر زمن دلوعات 😂😂
طيب انا شلي تعصبين علي 😂
الزبده شرشحتني الغاليه هههه
فديت العيايز انا
عطيتها كرك و طاب خاطرها 😂
http://up.omaniaa.co/do.php?img=10380
هههه شفتوا كيف حظي😂💔
و ينازعوني بعد
ههههه عاد ما سؤال
كف ع عين المرسل😂
http://up.omaniaa.co/do.php?img=10388
Graduation Project
😍😍❤️
Something to kill the cancer cells
-
صَلوا عَلـىٰ منْ تدخُلـون . .
بـ شّفآعته دَآر السّلام ✨🕊.
ماهي ذرابه انك تضحك الناس ع حساب زميلك و تحرجه وتخليه مصخره بينكم
واللي يقهر بالموضوع
انه متدين و صاحب دين
لكن تعال شوف معاملته
غيبه و نميمه و يضحك على هذا و ينكت في هذاك
يا عمي اللحيه اللي واصله الأرض شتبي فيها؟
بالله هاي واحد يمثل الدين؟
ترا الدين مب بس اصلي و أصوم!!!
الدين اخلااااااااااق
ارتقوا
احنا أمه بينها وبين نفسها مب متصالحين
كيف تبون تحببون الناس بالإسلام
وانتوا هاي أخلاقكم
عجييييب!!!
يقولون الكهرباء بعمان مب اوك
اجي انوركم؟
🙄😭💔
ججججد الله يكون بعووووونكم
اذا انا..!
اشتاق لنفسي وااايد
عاد انتووو كيف وضعكم 😂😚❤️
في شي غريب فيني
بسرررعه اتملل
و مب بس أمل من الشي اللي اسويه
لا
امل حتى من اللغه أو اللهجه اللي اتكلمها ☺️
هيه لا تشوفون علي كذا😒
مثلا تجيني ايام اتكلم عماني قحي
مع اني اخبص في اللهجه
أو اتكلم سوداني
ومن املها
اتكلم لبناني.. ولك يؤبرني لي عم يدأدأ بالكيبورد 😎
و عاد الفصله الحقيقه لما انقلب واصير بنت شكسبير
و اتكلم عنجريزي
واذا المزاج فرنسي
اخبص ام لغتهم 😂
جي ني كومبغون با بيكو🙈💔
بصراحه هالايام
الفصلهه ع اللغه الهنديه
بيار كرتيهو 😚❤️😍
انا طبيعيه؟؟!!! 🙃
😭
والله عيـب الناس تتسـحر وأنا اذاكـر
كنـت بكتبها في رمضان
بس فينـي غصـه ما قدرت اصبـر💔
ما ينام الليل غير مرتاح البال. .
ولا يرتاح غير اللى فكره خالى…
نامي يا كوينه الله يرضى عليك😢❤️
في بالي موضوع
يقهر لا مو بس يقهر.. الا يجلط 😒
بكتبه عقب
بس خلوني افجر الامتحان و برجع لكم 🙃
و فجرناه الامتحان 😎
الموضوع اللي ماضغ فوادي
امممم تعرفون شو يعني ماضغ؟ 😂💔
ما علينا
المهم.. في زميلة دراسه
طلبت مني اساعدها بشي
و اللتقيت فيها بالجامعه
بمبنى خاص للبنات مافيه شباب
و طبعآ هناك البنات ياخذون راحتهم بزياده 🤔
هالبنت محجبه ما شاء الله
بس شكلها بهالمبنى تشيله والا شسالفتها ماعرف 🤔
المهم
السيكيوريتيه نادت بالمايك
تنبه البنات أن في هندي داخل المبنى يصلح حاجه
شفت ع البنت.. قلت يمكن ما سمعت!!
ف رديت اقول لها
في هندي جاي..!!!
شافت علي وهي تضحك
تقول عادي ترا إلا هندي!!!!!
كيييييف بالله كييف
صدمني تفكيرها الغبي
ف سألتها
الهندي ما تحتشمين قدامه؟
مب ريال؟؟
ردت علي برد غبي
تقول لا ما يعرف وما يفهم!!
اوك عادي لا تتحجبين
بس مب لأنه هندي ف عادي قدامه
شهالعقوووول
منو علمهم الشرع هذول
طنشتها و كملنا
المشكله مب كذي
المشكله ان المعظم طلع عنده هالفكره
اذا ريال عربي يحتشمن
واذا هندي لا عادي ما يفهم الهندي!😑
ههههه استغفرالله
شي عجييييب بصراحه
ياخي يا تكونين كذا أو كذا
مايصير بالنص مع ناس وناس 😂😂💔
كف ع عينكم 😂
صَباح يَنتظر تراويِح المساءَ ما أجمله مِنْ صباحَ.
❤️
http://up.omaniaa.co/do.php?img=10452
ههه حبييييييت
حتى مطبخهم كيميائي
ابي مثله عشان اتشجع
و اطبخ لكم الفطور 😂😂❤️
و شخباركم مع رمضان 😍
اممممم
اشتقت أجواء رمضان في عمان
😭💔
هني كل أيامنا شبه بعض
ما نفرق حتى بين الويكند و أيام الأسبوع
رمضان أو عيد..!
نحاول نصطنع لنا الجو الرمضاني
لكن مافي شي يعوض
لمة الاهل..😢
ما علينا من هاي
المهم
اي بنت داشه السبله هالوقت
يلا حبيبتي ع المطبخ يلا يلا😂
انا بس جيت اسولف مع نفسي و برجع المطبخ 🙃
رمضان و صيام و حر
و تدخل المطبخ من الظهر
عشان تطبخ لك فطورك
و تطلع منه قرب المغرب
وانت نايم و المكيف فل
ولا داري عن هوى دارك
و يأذن و تقدم لك فطورك
وتبدأ تنتقد الأكل
هذا ما فيه ملح
وهذا مب حلو
وانتِ ما تعرفين تطبخين عدل
و.... و... و...!!!
دامك عارف تنتقد
معناه انك عارف تطبخ
ف ورينا شطارتك يا شيخ
تدري لو اسمع تقول هالكلام لأي بنت
ما بعطيك كف ع عينك
لالا انت تستاهل أكثر من كذي
بأخذ ماي حار.. و اصبه عليك
مب عشان تتعذب لالا بس عشان تحس بالحر
و التعب اللي كانت تحسه بالمطبخ وانت نايم
البعض عنده فكره
أن عيب الريال يدش المطبخ
و يساعد اخته أمه زوجته أو اللي تكون
حط عينك بعيني أشوف 😒
كف ع عينككك👊
و يالبنات أذا احد قالكم كذي
لا تطبخون له ..بس اطبخوا لنفسكم
و قولون له كوين تقولك كف ع عينك 😇😂
و رمضان كريم يالشنب..!😏
http://up.omaniaa.co/do.php?img=10482
انا اليوم هاي فطوري
وانتوا؛؟🙈
المساجد فارغه..
والدعاء يملأ مواقع التواصل الاجتماعي..!!
*انه النفاق الالكتروني..!! ✋*
سبحان الله
من دخل رمضان وانا ولا مره ضبطت الشاي
مدري شو جاني!!!
اكيد ضربوني بعين 😂💔
أو تأثير الصيام!
صرت اركز لما اسوي الشاي ضعف تركيزي لاختباري
و بعد ما يضبط 😭💔
السالفه فيها إن
لازم ارفع قضيه بصراحه
تعبت
http://up.omaniaa.co/do.php?img=10514
عندي سؤال غبي!!
هاي كيف تلف يمين ويسار؟؟ 🤔
الحمدلله مدونتي في الصفحه المليون..!
مساء الخير للجميع و لي انا
http://up.omaniaa.co/do.php?img=10552
اممممم
منو يقدر يقطع احبابه؟ 🙈❤️
هع
موجودة بس مشغوله بالنوم و الأكل وكذا 😇
شكرا ع السؤال يا جميلين
تدرون ليش في حيوانات انقرضت من الوجود؟
أو متوقعين انقراضها؟
لأن يا طويلين العمر..
في بدالهم حيوانات بشريه!!
وانت..!
يا تكون انسان بشري
يا تكون حيوان بشري
و تصرفاتك و أخلاقك و قيمك تحدد اي واحد انت!!
خلك انسان و اترك عنك الحيوانيه..!
مساء الخير والا صباح الخير 🙈❤️
وشلون اصبّحـكم بالخيـر وأنتوا صباح الخيـر والخيـر كلّـه
بس يا بنت عيب 😂
في شي مب حلو مدري هالعقول للحين موجودة!
عندها شهادات العالم.. و عقلها هالقد صغره و أكثر!!!
تضحك ع زميلتها ليش انها دبه أو مب جميله أو فيها شعر ابيض بشبابها
بالله أسألك.. أنتِ اخترتي شكلك أو مظهرك؟
لك عين تضحكين ع خلقة ربك؟
ما تستحين من الله؟؟
خسارة الدراسه و الشهايد اللي مجمعتهم
تفكير عقيم
((عشان شكلها ما برابعها؟؟!!))
سبحان الله.. و كأنهم يقولون يالله خلقتك مب حلوه
استغفر الله العظيم
مع اني ما لي دخل بالسالفة
بس قلبي عورني اشوف هالافكار الخايسه
تدخل علينا و تضحك ع زميلتي
"" ويييييع ليش كذا دبه كأنك فيل ""
ما اقول غير الله يكون بعونك و الله يشافيك من تفكيرك
الحينه في رمضان ما يطرشون صراحه
الحمدلله يصومون عن السب 😂😂
يعني صدقني يعني
و يقولون
الديره تشتاق أهلها
إلى أرض السلطنة 🇴🇲✈️
استودعكم الله أصدقاء العمر 😭❤️
صباح الخير يا حلوه
اشتقت نفسي الجميله كثييير 😍
يا بعد حييّ يا انا ❤️🙈
يووووربيييه
ياخي حر عمان
من كذي نفسية الناس تعبانه
من اللاهوب ما شاء الله 😂
ذلك الصوب يقولون عندهم 4 فصول
وين هالاربع فصول?
الحمدلله احنا معنا فصل واحد
طول السنه 😂💔
بعد أيام بسيطه بتطلع نتائج الثانوية العامة
و أماكن القبول
ما ابي اشوف واحد فيكم يطلع برع عمان
و يتغير.. تمسكوا بعاداتكم و تقاليدكم
لا يأثرون فيكم و تتغيرون.. انتم تحملون اسم بلد شريف
في الخارج.. خلكم سفراء هالبلد
ما ابي اشوف سلاسل ع رقبتك و وشم و حركات
و البنت شيلتها طايحه
خل عنكم هالحركات 😒
لا خيزرااااان تملح ظهرك انت وياه
والله يوفقكم و يرزقكم اللي تتمنونه يا بعد حييّ 😍❤️
❤
لماذا تاء الموت مبسوطة كاليد!
وتاء الحياة مشدودة كحبل المشنقة!!
في بالي شي
و ودي اقوله
بس مب كل الحكي ينقال
حطي راسك
و ربك كريم ويحلها الف حلال
الحينه بتجيني وحده تتفلسف
لحيتها للأرض واصله!!
و تقول حرام تقولين يحلها الف حلال!!! "
لأن محد يحل المشاكل غير الله
اقول كف ع عينك زييييين ،?
افهمي عدل و تفلسفي ع غيري😒
اخ بس 👊