مساء الورد ..
عرض للطباعة
مساء الورد ..
الورد الورد :)
https://up.omaniaa.co/do.php?img=2976
شكرا لابيل
ما تقصرو والله :D
احسن من واجد ناس ف حياتي:rolleyes:
https://up.omaniaa.co/do.php?img=2977
احيانا ف حياتنا
نمر بأشخاص
يمكن نحس بالارتياح لهم
طبعا هالشعور من طرف واحد غير متبادل
والحياه مبدأ لما تبدأ ما فيه شي يشجعك ع الاستمرار معهم
بكذا افضل شي تسويه انك تبعد
تريحهم منك عشان يأخذو راحتهم
يمكن يكون مهتم لغيرك ..!
وبعدين هذي مدونتي خاصه فيني
ما اتوقع انه احد مهتم للي فيها ..
وعدنا من جديد ..
وحشتكم صح ..
اليوم جميل
من الصباح
عسى ايامنا دوم جميله ^^
اممممم فيه شي الناس لازم تفهمه
ان الانثى صعب تتنازل
مع انها تقوم بتنازلات كبيره
بس مش دائما هي
حلو الرجل لو يتنازل شوي ويحسسها بقيمتها ..
شكله ننام احسن
*صباحٌ جديد*
بإبتسامة أمل ودُعاء
أصبحنا وأصبح الملك لله اللهم إزرع في قلوبنا
راحةً دائمة وأملا ً بك لا يخيب.
*"صِـبّـآحًک خٌ ـيّرَ"*
ليه كل شي ناقص بلاه ؟
ليه مايكملني سواه ؟
لاضعت من نفسي انا
ليه لازم القاني معاه ؟
:p ..
:rolleyes:
صباح جميل وحنين وشوق لأيام الطفوله
كنت بطفولتي كل شي اريده لازم اخذه
حتى بأيام المدرسه لما ينطلب شي لازم يجيبوه لي
امي كانت دوم تعصب مني هههههه
بس بالنسبه لابوي كل طلباتي مجابه
وعلى فكرة للحين اذا بخاطري شي وما حصلته تجيني مثل الضيقه هههههه
لازم اسوي المستحيل عشان احصله
لو لم يكن أجمل الألوان أزرقها
ما اختاره الله لونًا للسماواتِ
انا بصراحه
احب العب ف الوقت بدل الضائع هههههه
يعني العرس الجمعه
وانا اليوم حلمت اروح الخياط
وقالي يجهز الخميس
يا تصيب يا تخيب
الله يستر. ...
صباح الورد ..
مساء جميل كجماله ..
وصارت الامور طيبه
والحمد لله
للاسف
خسارة تربيه الاهالي
تروح في مهب الريح
والسبب تصرفات اولادهم الشياب
يعني بدل لا انذكر بالخير
احصل سب من كل مكان
حسافه
الف حسافه
اللي عنده مشكله مع اي شخص
تقدر تواجهه ما يحتاج رمي كلام
يعني الكلام لك يا جاره
اسمح لي
بس انت مش رجال للاسف
انت من اشباه الرجال
وخسارة الشنباات ع وجهك ..
خلك عاقله
انتي انثى
والانثى ما تليق بها العصبيه
لازم كلامك يكون موزون يا حافيه
لازم كلامك كله يكون عسل..
شر البليه ما يضحك
مساء الورد ..
نقلب صفحات الماضي ولا نظل بالحاضر احسن:rolleyes:
طقوس صباحيه
اول ما اصحى
لحد يكلمني
بالقليل نص ساعه
قبل النص لحد يقرب مني
لانه الوحش اللي بداخلي بيطلع
بعد النص ساعه تلاقي الابتسامه من هالخد لهالخد هههههه
طبعا اول ما اطلع الصباح
لازم اسمع اغنيه موطني
هذا من ضمن االطقوس الصباحيه اللي نادر اودرها ..
والشي الاهم والخطير
ما بخبركم اياه :rolleyes:
في زمان االماضي
كتبت ف التوقيع
وحلمت بأن يتزوجني ابن السلطان
هههههه صارت ضجه عليه
وعمو نصر قالي غيريه توقيعك مخالف
هو مقطع من قصيدة زيديني عشقا ..
مع تحريف بسيط مني
https://up.omaniaa.co/do.php?img=3298
صباح نوفمبري جميل ...
في طفولتي
كنت كل ما اسوي شي
واتعاقب عليه
وطبعا العقاب الدائم كان من امي هههههه
تقول انتو ما جربتوها عصا ابوكم
الجيل الجديد يعني
القديم كان محصلها
نحن اللي جينا ف الاخير
الحمد لله كنا مرتاحيين من العصا
ولا اذكر ف حياتي انه ابوي ضربني مره
وامي يا كثر قرصاتها اللي تخلي الجلد يتحول للون البنفسجي المخضر
ف كانت كل ما تبا تضربني اصيح
اقولها بروح اخبر حبابوه
انك ضربتيني
وعلى طول اروح لباب البيت الخلفي
تقول والله اباك تتحركي خطوه شوفي اذا ما ضربتك :rolleyes:
وطبعا اجلس ع الباب دقايق وبعدها اتراجع
وتنسى الماما سالفه الضرب
ولكن لما تضربني ما يردني شي والله
اروح يعني اروح حتى لو ساعه 2 الظهر
وطبعا امي بتحصل نصيبها
لانه جدي ما يحب حد يضربنا
الله يرحمه ويغفر له ..
متعبه جدا ..
يوم شاق ..
وختامها مسك :)
وانا راجعه البيت خلاص
بنشر علي التاير
وكله بسبب شوارعنا الجميله :)
وف مكان ما تلاقي فيه حد يعبرك الله
انتظرت نص ساعه لين جاني الفرج
تصبحون على واقع جميل
احس اني ما برابر
كأني بمرض
جسمي مرهق
ومتعبه جدا
مساء الورد
فيه ناس نتعرف عليها
بهالحياه
بس ما تعرف معدنه الطيب الا مع الايام
يمكن ف البدايه تشوف انه شخص عادي
بس بعدها تعرف انه هالانسان عظيم ..
https://up.omaniaa.co/do.php?img=3323
احب شكل الورد كذا ..
من سواك يحضنني؟
من سواك يسترني؟
من سواك يحرسني؟
ما فيه غيرك يا امي ..
ربنا يطول بعمرك و يحفظك ..
الام فعلا شي عظيم
فقدانها شي صعب
الله يكون بعون كل من فقد امه
بمجرد ما تفكر بهالموضوع تحس قلبك ينعصر من الوجع
قبل شهر تقريبا
لما كنا نسجل الطلبه ف البوابه
شفت طالبتين امهم هي ولية امرهم
طبعا الفضول خلاني افتش ف باقي الاوراق
شفت شهادة وفاة الاب
الاولى ابوها متوفي قبل لا تكمل سنه
والثانيه ابوها متوفي قبل لا تنولد
وجعني قلبي عليهم
والله عيوني دمعة عليهم
كنت اقول للمنسقه واحس العبره خانقتني
الحين اكتب واحس دمعتي بعيوني
فقدان الاهل شي صعب
موجع
الله لا يذوق احد هالوجع