ḾЎ ЪĿơĝ

ومره واحنا شاردين مسكتنا الشرطة وبهدلونا بهدلة ما لهاش أخير .....هع هع استويت مصري
فالمركز من الساعه 8 الصباح الى 12ونص وجاء الوالد وطلعنا واكلت قشبة ما بعدها قشبة

هذي كلها بأول مع ثاني ثانوي

ثالث ثانوي ووقتها كانت اخر سنه والي أسئلة الاختبارات من الوزارة ونار ع نار
واللي المفروض الواحد يصير مصطفى بهالسنه ويجيب له الاوستاز عوصمان حامل شهادة بكالوريوس في جميع التخصصات وحاصل على جائزة الدلة الذهبية نسبة لعدد مدالي الشاهي اللي يشربها بالساعات القليله اللي يقريك فيها..المهم انا برى السالفه ذي كلها
وقلت اروح لمدرسة ولدعمتي واللي كان مدرس هو فيها واخليه يغششني واجيب نسبه وانا راقد ففراشي ..كانت هذي فكرتي بثالث ثانوي

ولد عمتي كان ملتزم بس قلت بكلمه واشوف ..جيته كلمته قلت له بجي عندك بثالث ثانوي عشان النسبه ..قالي خلاص تعال عندنا مدرسين طيبين وممتازين
انا راح بالي ان الرجال وافق على انو يغششني بس ما يبى يوضح لي وبس يقول انهم طيبين ومتساهلين
توكلنا على الله ورحت ..غياب +اذا رحت المدرسه وحسيت اني ملان استأذنت والباب مفتوح لي
وبالليل مقاهي وشطرنج وتحديات..عاد كانو الطلاب مايطيقون وحاسديني حسد حتى انه استوي خلفان في الاختبارات =(

كنت ما اداوم طبعا وكنت مصاحب لي واحد من الطلاب ومتواصل معه برى المدرسه وكان من اللي لعبت معهم شطرنج وكنت بس اهزمه عاد الرجال يا انه من اولها بيكون صاحبي او انه حقد علي بالشطرنج المهم كانو المدرسين معطينهم ملخصات من 8 او10 صفحات
وكان هو يعطيني ملخصات ماادري من وين جايبها ويقولي هذي هي اللي بتجي منها الاسئله..انا كنت واثق فيه يعني على عماها مثل مايقولون
جات الاختبارات وانا افتح الملخصات بعد صلاة الفجر بيوم الاختبار طبعا.. واقراها على السريع
دخلت الاختبار وكنت حاط في بالي اجاوب بس علي اللي متأكد منه واذا شكيت في الاجابه اتركها فاضيه عشان هم يكتبون لي الاجابه >المدرسين يعني

وعلى هالمنوال الاختبارات كلها..انتهت الاختبارات وقلت الحمدلله الحين برجع مدرستي لأن مدرسة ولد عمتي بعيده
تفاجئت بالشهاده وعاتبت ولد عمتي علي وقالي ليش تتركت الاسئله فاضيه
قلت له اتركها فاضيه عشان تحلها انت ! قالي تبغاني على كبري وهذي لحيتي اغششك ؟ انصدمت من كلامه وقتها..
وصار بيننا كلام زعل وليش ما خبرتني من البدايه ووو

كانت نسبتي 60 وكنت اشوفها معجزه اني جبت هالنسبه ..بس ماكانت طموحي وندمت اني ماجتهدت لكن قلت مثل ما تجي تجي
نقطة بسيطه ..الطالب ماكتشفت انه كان يسوي ف مقلب بالملخصات الا بعد سنتين قابلت واحد من اللي كانو يدرسون معي وقالي السالفه كلها وانه كان يخبرهم عن مقلبه لي بالملخصات..وكان فرحان ..الله يسامحه بس

المهم رجعت مدرستي وكانت من افضل المدارس بمسقط ..واقل طالب نسبه كان 50 ما شاء لله ..رجعت انا وكانو يفتكرو نسبتي 100 لكن قلت لهم انه صارت مشكله مع المدرسين وماغششوني وألفت لهم قصه من راسي
عاد خلاص يعني الفصل الثاني خربت زياده وزياده لأن خلاص بالنسبه لي الوضع انتهى ولا علي من النسبه..
نكمل الفصل الثاني بوقت لاحق

بس بجد والله
نسبتي حلوة ولا ما حلوة


وهالصاحب والله ما انساه طول حياتي كان يسوي المقلب وفرحان ع يريد يشوف ولد عمتي كيف يساعدني ........ههههههههه

وانا كنت اجدب .......راحت علي

يوم سئ للغايه ,,,,آللهم أرجو رحمتك يا ارحم الراحمين

يا مكثر سماع اخبار الموتى


اللهم انا نسالك حسن الخاتمة ,.

الحمدلله حمداً كثيراً طيباً مباركاً فيه

Come2me......!

تصبحون على ما تتمنون

قررت اغير معرفي للونيس ......ماحد يفهم السبب الا رواد الدردشة يعني رغود السبلة

ششششششششششششششت كيف نسيت

وصلت الالفية السادس والعشرون

وما هنيت نفسي

لو سمحت ا.يوسف امسح مشاركاتي 146 وبعدين رجعهم ترليون اضعاف ع ما حد يكون مثلي ......فديتني

يالله الى سبلة المناسبات والاجتماعات

الاجتماعات يعني تساوي الاجتماعية


اهم شي روحو هنوني

يالله للحين ما احتسيت قهوتي الصباحية ...........خف البريطاني صاحب القهوة


ابوي نحن عمانين نشرب كوب شاي مع خبز عماني وسمن ....هع هع

باك يا مدونتي العزيزة ....

كم احبك وكم اعشق احاديثي معك

ع فكرة ترى اكثر مكان ارتاح فيه



يعني لا تزعليني منك

اعرف انك زعلانة لاني أكون ف موضوع وفجاة اطش ف موضوع ثاني

بعد هذا طبعي

تو برجع فوق وبشوف الحكايات الي ما مكملة

وصلنا في الفصل الثاني من تالتة تانوي

نكمل

بل ما اكمل قبل لا انسى

وانا رايح المستشى زيارة حد من الاهل
مريت عند حمدون
اختي صرعتني تبى تشرب منه شي
اقولها بس شكل لكن طعم اشيائاته ما حلوة


وقشبني الوالد مو نوبة ذي اشياءات اشوفك صرت تتكلم مثل البنيات المتفنعات ................هع هع هع

الفصل الثاني بثالث ثانوي ..كانت مرحله انتقاليه بالنسبه لي
لأن بهالمرحله بدال ما اذاكر |تعمقت بالشطرنج وأحترفت فيها ..ونقلتني نقله فكريّه كبيره على مستوى الذكاء والتخطيط والتركيز على ماهو مهم
كنت مجنون شئ اسمه شطرنج ودايم احب افرض ذكائي واحترافي فيها..وكنت لما اروح مقاهي اروح العب شطرنج
لعبت مع ناس كثير .مصرين وعمانين وبكستانين

اذكر موقف لي ..كنت اول مره ادخل المقهى وحصلت ثنين يلعبو شطرنج..قلت لهم بأتحدى واحد فيكم ؟ نظرو فيني نظرة مثل اللي يقولك خير؟ يعني من صدقك دخلت معهم عرض ههههه قالولي ماتشوفنا نلعب؟ وكانو مصاره .قلت مومشكله انتظركم تخلصون والعب مع الفايز >ياذا النشبه ههههه
طولو وهو يلعبو ومن خلصو لعبت مع الفايز..نص ساعه وهزمته وانصدم الرجال انه انهزم بهالسرعه ..لأن الشطرنج تاخذ وقت من ساعه واكثر
لكن هو ماطول معي وتفوقت عليه بسرعه ..المهم الرجال قالي انت لعبك كويس لكن فيه اللي افضل منك
قلت له انا ادور اللي افضل مني واتعلم منه..قالي خلاص انا اكلمه واخليه يلعب معك ..قلت عيل عطني رقم تلفونه عشان نتواصل

المهم بعد اتصالات ومرمطه اسابيع ..جاء اليوم الموعود اللي بلعب معه فيه .وكنت صراحه مررتبببك مررره وبنفس الوقت متشوق للتحدي
جيت قبل الوقت بعشر دقايق والرجال تأخر علي ..وكان مصري "عاد اللي لعبت معه كان جالس ينفخ فيه ويقولي بيكسر راسك ويعلمني على المباريات اللي شافه يلعب فيها وانه محترف وماعمره شاف احد مثل لعبه وجالس يحاول يأثر علي
وكنت اقوله مومشكله اتعلم منه وارجع اهزمه وكنت مثل اللي متقبل بالهزيمه من وقت ويحاول يبرر
الموهم جاء الشخص المحترف وكان ضخخخخم طوول بعرض ماشالله ..مع اني طويل انا لكن طوله هو كان زايد
سلمت عليه وانا اتنافض من الارتباك وقلت بنفسي انا وش ورطني معه ههههه
وقتها خلاص بس ابغى العب واطلع ..بعد الانتظار الاسابيع والمرمطه كلها كنت بس ابغى اللعبه تنتهي ويفوز علي واروح ولاعاد ارجع للمقهى هههه
بدى التحدي ..ثم والله ربع ساعه او ثلث ساعه وهزمته ماكمل معي حتى نص ساعه !!!! كان اسهل من اللي جالس ينفخ فيه ههههه
والحق اني انا اللي انصدمت اني هزمته بهالسرعه وكنت متوقعه محتررف بعد النفخ اللي فيه
طبعا كلهم سكتو فجأه وكانو خمس مصاره وزلمات حولي وانا و ولد خالي فيه ما فيه يقولي ورطتني هههه ومومستوعبين كيف انتهت اللعبه وكيف فزت بهالوقت القصير ..لأنها تعتبر اهانه .مثل الكف بالشطرنج
بعدين قمت وسلمت عليه وقلت له هارد لك..ومسك يدي هو بقوه وشدها وقالي لي ف مباراة ثانية معك وموتجي تكسر راس افضل واحد بالمقهى وتروح..قلت له رقمي عندك في اي مكان وفي اي وقت تبغى تتحدى اتصل علي ولايهمك....مسوي قوة من خوف دقات قلبي سريعة
بعدين طلعت ولا عاد اتصل علي بعدها لكن بشكل عام كل اللي لعبت معهم ولله الحمد ماواجهت صعوبه باللعب معهم وفرضت نفسي
إلا شخص واحد كان مدرس فيزياء ..عاد قصته قصه معي ..لكن نخليها برد ثاني وبوقت لاحق

اللهم صلي وسلم على نبينا محمد صلى الله عليه وسلم

طبعا اخوي كان مسوي نفسه الزعيم فالبيت
وهو الي بدا يلعبها وعلمني إياها
وبعد فترة من تمرطيشة المقاهي وتمرست فاللعبة ما يقدر يفوزني

اذكر كان كل ما نخلص لاعبين يرميها ف شكلي ويحلف ما يلعب معي


هههههههههههههههههههههاااااااااااااااااااااااااي

بس بجد ما كنت متوقع اني بتمرس ف بهالشكل


عاد فالكلية كنت مبدع بس لسه ما وصلنا لمرحلة الكوليج

لا اله الا الله الفضول يقتل بعض الناس يريدوني اكمل القصة ..........هع هع

المهم نكمل قصتنا مع مدرس الفيزياء مع انها تفشل
ا. جهاد اذا تعرفوه ما اذكر قبيلته عنده ماستر ف زمناتنا
انسان رائع وقيم وذكي ومبتكر
الله يحفظه

بدايتها كنت ألعب مع صاحبي بنفس المقهى اللي كسرت فيه روس المصاره هههه
بعدين جانا مدرس الفيزياء ومعاه واحد المهم قال ابتحدى واحد فيكم >نفس بدايتي=) خخ
وبصراحه وقتها كنت لعبت مع ناس كثير وكنت اقول بنفسي انهم اغبياء وما محترفين
فيوم قالنا ابتحدى واحد فيكم ماعطيته وجه وقلت له ابشر بس بعد ماتنتهي اللعبه مع صاحبي يعني مرره ماكنت متحمس له هههه
المهم خلصنا لعب وطبعا فزت على صاحبي
فا اول لعبة لي معه كنت ناوي اهزمه بسررعه وما باغي اضيع وقتي معه هههه
فتفاجئت أن الرجال مربطني باللعب وقدر يكسر راسي وفاز علي بجداااره !!
كان اول واحد يفوز علي بجداره صراحه ..وقتها حسيت بالحمااس ومثل اللي متفاجئ وفرح أنه انهزم خخخ...هع هع

طبعا الكل بيسال كيف مدرس الفيزياء عرف


نحن كان عندنا يوم مفتوح
وبسطت انا ع الأرض فالساحة
وكنت العبها مع الشباب مجرد تسلية
وجاء واحد قال انا اهزمك ف دقايق
جلست انا اتمدح قدام الرغود اني فزت ع فلان وفلان وعلان
هذا المدرس بغى يقصف جبهتي
قالي افلح ف دراستك مثل لعبك وخلي عنك الهياتة فانصاص الليالي وشردات من المدرسة
المهم قلتله اقل شي أستاذ افح ف شي فالحياة بدل هالرغود ما فالحين ف شي
قالي جوابك جاهز ع لسانك

الله يهديك

المهم
ع نهاية الدوام جاء وخذ رقمي
قلتله ليش ؟؟
قالي حاجة ف نفس يعقوب
قلتله تم
يوم الأربعاء المساء جاني اتصال وسالني عن مكاني
قلتله فالمقهى الفلاني
قلتله ليش قالي حاجة ف نفسي
الا وانا العب مع صاحبي واشوفه قدامي

وفالاخير هزمني ف اقل من نص ساعة ............ هع هع

المهم انا مستحيل اقبل الهزيمة وساعتها كنت مستعد العب معه الف مرة لحد ما اعرف حركته فاللعب واقرا أفكاره واقدر اتغلب عليه
قلت له بنلعب مره ثانيه قال لا خل صاحبي يلعب معك ..قلت له لا ابتحداك انت ولازم تلعب مرره ملزم عليك
قال طيب ولعبنا ,وكان فعلا خرافي بصراحه ..فزت عليه بطلعة الروح بعد اكثر من نص ساعة لعب
وبعدين لعب صاحبي مع صاحبه وفاز صاحبه على صاحبي >يلعن ام اللغه خخخ
وبعدين لعبت مع صاحبه وفزت عليه بسهوله
ولعبت معه اكثر من مره
وكنت انا متفوق عليه بفوز واحد ..اعتقد النتيجه كنات 5 فوزات لي و4فوزات له.....بطلاع الروح طبعا

وبعدين انقطعت عنه ,,لأني تخرجت من الثانوية وصابتني مرحلة وسوسة من الشطرنج وأتعبتني في نومي وفي احلامي...هع هع كوابيس
وصرت اتعب لما انام من كثر تفكيري فيها وفي الخطط اللي فيها ..طبعا اللي مايلعب شططرنج مستحيل يعرف صعوبتها وتعقيدها
ما بعد الثانوية تركت الشطرنج عشان ارتاح ..وفعلا ارتحت وقطعت الشطرنج 3 شهور وانا ما العبها
وبعدين رجعت العبها لكن على خفيف ..وطبعا مدرس الفيزياء ضاع رقمه من عندي وماكان لي عهد فيه
وبعدين سبحان الله اقابله بالصدفه بنفس المقهى وكنت رايح استرجع ذكريات مع الشلة بس كذيه تسلاية ..فسلمت عليه وقلت له اني تركت الشطرنج
وقال يالله عيل نلعب ..و لعبت معه وفاز علي بطلوع الروح ..وقالي انت مثل أول
وجاء صاحبه يبغى يلعب معي ..لأنه ما ف حياته فاز علي ويبغى يفوز ..ماقدرت اقوله لا ولعبت معه وفاز علي
تحطمت انا صراحه لأن مستواه كان متطور وانا انقطعت عنه ونزل مستواي بعض الشي بس لساتني ما يفوزو علي بسهولة
وبعد ماهزمني صاحبه قلت له العب مره ثانيه وكان يلعب وهو يضحك ..يعني مثل اللي يقول مافي امل تفوز
وبصعوووبة فزت عليه ..ماعتبره فوز مشرف لي ..لكن اهم شئ انه بردت دودته وقهرني يوم ضحك علي

المهم وقتها كان متبقى عن زواج مدرس الفيزياء ايام قليله >يعني من خلال حديثه مع صاحبه سمعتهم انا وهم يتكلمون وهم طالعين
فاا استغربت انه ماعزمني لزواجه ..لأني كنت اعتبره صديق لي وكنت احترمه لكن جحدني خخخ

بعدها ماتواصلت معه ولا صرت اهتم اني العب معه >>بس يالحزين خخخ
وصرت اكتفي بلعبي مع اقرب اصحابي وبشكل خفيف على الشطرنج
يعني فقط العبها للمتعه وماصرت العبها للتحدى والبطولات

لكن أساسا هو يندم انه ما عزمني
كيفه خلوه ع راحته

طااااااااااااااااف أساسا

أشتقت لبنت أخوي ..عوااااااااااشة

بعد 28 ساعه بسافر لجينيف

اكره هالمدينه لكن م بكيفي =( غصب بروح لها

دعواتكم

من واقع أشاهده /

الفتن كثرت./والقلوب ضعفت./ والنفوس مرضت./
واقع المفسد فيه مثقف ومتحضر ومنفتح .. والمحافظ على دينه معقد وجاهل وغير مسليّ
واقع القلوبفيه هاويه ..فتلقى من اول الاسئله المتداوله بين الناس ..كم مره حبيت/ي ؟
واقع النفوسفيه مررريضه ..فهذا يحسد وهذا يحقد وهذا مفرّق وهذا يسب ويأكل من لحم اخيه بغيابه

قال رسول الله صلى الله عليه وسلم: (يأتي زمانٌ على أمتي القابض على دينه كالقابض على جمرة من النار)

صدق رسول الله صلى الله عليه وسلم...//

نسال الله العفو والعافية
والرحمة والستر
والغفران
وحسن الخاتمة