ياهلا بروائيتنا الرائعه
متابعه لك من وراء الكواليس خطوة بخطوة...
خخخخخخ احب النهاية بسرعه :p
موفقه غاليتي ودائما الى الاماام
مودتي،،
ياهلا بروائيتنا الرائعه
متابعه لك من وراء الكواليس خطوة بخطوة...
خخخخخخ احب النهاية بسرعه :p
موفقه غاليتي ودائما الى الاماام
مودتي،،
مساائك وررد يا وردة :)
يااه جد احدااث ولا أرووع
مسكينة رشا :(
انا مريت بنفس الموقف،، بنت كانت بمدرستنا قبل عندها نفس المشكلة وحاولنا ننصحها بس ما استجابت لنا،، والله العليم وش حصل معها !!
الحين بقرأ البارت ١١ متشووقة ع احر من الجمر
تسلمي ع رواايتك الأكثر من رهيييبة جد مستمتعة بمتابعتك
نترقب البارتاات الجااية يا مبدعة
تسلمي
ابتسمي :)
ياربي فاتني كثير 😭😭
جاااري القراءة 😍😍😍
عزيزتي ضيووون
أحداث جميلة جدآ جدآ .. جيت متأخرة للآسف 😤
ما أعرف أعلق على شو ولا شو ههههه على سوالف البنات لما طفوا الكهرباء ولا على رقصهم في اليوم المفتوح ولما وقفوهم في الطابور ولا على شو بالضبط بأمانة عشت أحداث الرواية وبالذات اللي في المدرسة كثير جربنا نفس هالمواقف سالفة اتطفي الكهرباء وسالفة شحت مراييل الرياضة.. وسالفة عشق البنات لسائقي الباصات هههه في وحدة من البنات كانت تتواصل مع سايق الباص ولله الحمد نهايتهم زواج هيه أكبر مني بسنتين وماشاء الله عليها جميلة وحاليآ عندها ولد ربي يسعدهم 😌 .. بس سايق الباص طلع واتوظف بشهادته الثانوية
عجبني التوجه إلى جانب الحب لكن لابد أن البنت تحكم عقلها عشان ما يصير لها مثل ما صار لرشا فمثل هذه الزلات لا تغتفر وتكون فضيحة للبنت وأهلها بعد ..
ومقطع الحادث مؤلم بس فيه إيجابيات فراس تواجد في المستشفى باستمرار ومحمد عبر عن مشاعره
وبالنسبة لتوأم ونوار بيتزوجون بعد الثانوية مباشرة صدقت أستاذة فايزوه يريدن زوج ههههه
أما الدكتور فيصل أظن أنه بيعجب بعلوش هههه بتفوز عليهن دكتور وخير وجمال بس في فرق كبير ما بينهم .. أويمكن التؤام يضبطوه مع أستاذه نهى وينعجب فيها ..!
عمومآ متابعين للأحداث القادمة بكل لهفة .. ربي يسعدك دووم ضيون مثل ما امتعتينا بقراءة هالرواية الروووعة
هههههه لا تخافي النهاية ما باقي لها كثيراقتباس:
المشاركة الأصلية كتبت بواسطة ورد القرنفل
يعطيك العافية على المشاهدة من خلف الكواليس ههههههه
شكراً وروده على المتابعة بارك الله فيك
يعطيك العافية عزيزتي وربي يهديهن ويستر عليهناقتباس:
المشاركة الأصلية كتبت بواسطة أم الإبداع
اممم كأني انتفخت ياخي بارك الله فيك بصراحة
أتشرف في متابعتك وإن شاء الله ما اخيب لكم أمل
هههه لحقي على عمرك عيل فاتك الكثير هههاقتباس:
المشاركة الأصلية كتبت بواسطة ميران القمر
يعطيك العافية
هههه تصدقي ما اعرف من وين أبدا الرد بس ع موضوع البنت ربي يسعدها ما شيء اجمل من حب الحلال لكن اللي سوته رشا ربي يستر عليها منه ومن عواقبه ،،اقتباس:
المشاركة الأصلية كتبت بواسطة ميران القمر
اما عن توقعاتك صدمتيني انا افكر في التوقعين وبعدني
ما مستقره ههههه يسعدني حيل تفاعلك وكوني في القرب
يعطيك العافية عزيزتي
صباحك ابداع عزيزتي
بارت راااائع وصف لنا مشاعر الشوق اللي بالفعل ما توصف
لحظات جدا رااائعه لما تلتقي بشخص تحبه بعد غيااااب
هنا أغلب الوقت تكون التصرفات لا إراديه يا أما تكون هبال وأخضان وووو
أو تكون لحظات صمت تترجمها دموع الفرح بهذا اللقاء
أبدعتي غاليتي ودمتي بروعة قلمك
وما اوصيك على فيصل اختاري له بنت تليق به مش مجنونه هههههههه
أتوقع أ نهى هي الانسب منها السن بيكون أقرب لبعض
ومن ناحيه ثانيه خلاص انسانه هاديه مش زي علووش:confused:
بإنتظار البارت القادم
هسيته استيه عاد عن علوووش ما ارضا عليهااقتباس:
المشاركة الأصلية كتبت بواسطة حبي خالص
يعورني فوادي ترا هههه
حياك الله وصبحك الله بالخير مرور جميل كالعادة كنت في انتظاره
يعطيك العافية ولا تحاتي فيصل اموره مضبطه من زمان بس يدلع ههه
البــــــــــــارت الثـــــاني عشـــــــــــــر
أَأُعلِنُ ما بي أَم أُسِرُّ فَأَكتُمُ؟
وَكَيفَ وَفي وَجهي مِنَ الحُبِّ مَعلَمُ؟
أَثيبوا بِوُدٍّ أَو أَثيبوا بِهَجرَةٍ
وَلا تَقتُلوني إِنَّ قَتلي مُحَرَّمُ
طَفَوتُ عَلى بَحرِ الهَوى فَدَعَوتُكُم
دُعاءَ غَريقٍ ما لَهُ مُتَعَوَّمُ
لِتَستَنقِذوني أَو تُغيثوا بِرَحمَةٍ
فَلَم تَستَجيبوا لي وَلَم تَتَرَحَّموا
رَكِبتُ عَلى اِسمِ اللَهِ بَحرَ هَواكُمُ
فَيا رَبِّ سَلِّم أَنتَ أَنتَ المُسَلِّمُ
تَعَلَّقتُكُم مِن قَبلِ أَن أَعرِفَ الهَوى
فَلا تَقتُلونَني إِنَّني مُتَعَلِّمُ
تُخَبِّرُني الأَحلامُ أَنّي أَراكُمُ
فَوَيلي كَم مِنَ الأَباطِلِ أَحلُمُ
حَجَجتُ مَعَ العُشّاقِ في حَجَّةِ الهَوى
وَإِنّي لَفي أَثوابِ حُبِّكِ مُحرِمُ
يَقولونَ لي أَخفِ الهَوى لا تَبُح بِهِ
وَكَيفَ ؟ وَطَرفي بِالهَوى يَتَكَلَّمُ
أَأَظلِمُ قَلبي ؟ لَيسَ قَلبي بِظالِمٍ
وَلَكِنَّ مَن أَهوى يَجورُ وَيَظلِمُ
#صريع_الغواني
اليوم الثاني من وصول فيصل طبعا مخلينه يريح واليوم اللي بعده
مسوين له صدقه وعازمين كل احد
ع فكرة فيصل ومحمد مرة اصدقاء وحمود مخبرنه عن سالفة ميّ
بس ميّ ما عندها خبر
المهم اجاء اليوم اللي كل العالم معزومة في بيت ابو نوفل
واهل أ.نهى معزمين بس اعتذروا عندهم ظروف بس بطلنا فراس جاي
ما بيفوت شوفة فيّ طبعا وهم واجب عليه ما يردهم
مسوين العزيمة للحريم في خيمة والرجال في سبلة القرية
ومنها تعرف فراس على فيصل اللي كان متشوق يشوفه من فرحة فيّ فيه
ابو نوفل : فيصل هذا فراس العبدالله اللي كلمتك عنه
فيصل: يا هلا والله فراس تشرفت
فراس : يا هلا فيك الشرف لي منور السلطنة
فيصل: منورة بوجود اهلها
فراس: هذي الساعة المباركة يوم اني شفتك
فيصل : والله ما اخفي عليك لي خاطر اشوفك مطرش نوفل يصورك بس اثول ما يعرف يصور هههه
فراس: هههه لها الدرجة انا شحص مهم
فيصل : لا من وين بس عاد من وقفتك مع الاهل شدنا معرفتك
فراس: الناس لناس وكلنا اخوان نعين ونعاون دكتور
فيصل: يعطيك العافية ويطول بعمرك اصيل
حمود ينادي: ابو الوليد اووووه كاشخ جاي الله الله اشتقنالك حتى ما اتصلت بطران
وكبران راسك
فيصل : حمود ما شفتك انت هنا بطران في عينك
حمود: لا هناك عيل وين بالله؟!
فيصل: هاهاها وتنكت بعد
حمود: حبيبي انت كيف الاجواء عندك والاخبار
وطبعا يتحاضنوا ضروري
فيصل : على ذوقك مره ضابطه الامور كيفك انت
حمود:مره اضبطك ، اسمحلي فراس ما سلمت عليك انشغلت بذا الكربه
(صافحة ) كيفك ؟ اخبارك؟
فراس : لا باس مسموح والامور تعجبك الحمدلله
فيصل: كربه في عينك ولا ما جالس تدورني من ساعه
حمود: خف على نفسك فاصوليا ياخي مشتاقنك
فيصل : فوقه اليوم بنسهر مع بعض ولا شو تقول فراس
فراس: ما وراي شيء
حمود: باغنها من الله انا اجلس هنا
فيصل تنهد وشاف حمود بذيك النظرة: اقولكم شباب خلى نعاون لاه بعدين بنسولف
فراس: خلى سرينا
وراحوا عند المراجل يوزعوا العيش واحد يصب القهوة واحد يوزع الفواكة
اما عند الحريم علوش ونوار ونور واصلات راحن غرفة فيّ
جالسات هناك عن الزحمة مع ان الزحمة في الخيمة بس حتى البيت مزحوم
اما فيّ \ نفسها لو اجت أ.نهى ع الاقل تعرف اخبار فراس بس
ما في نصيب \
ميون مستويه حرمه ورايحه عند المراجل \طبعا مو من كثرة شغلها بس عشان
حمود كان هناك يغرف ويشلنه الشغالات وحريم الحارة ويوزعنه \
ميون لمحة فراس واتصلت على طول في فيّ
: فيون تعالي بسرعة تحت عند المراجل
فيون: ما اروم هنا علوش والشله
ميّ: فراس هنا
سمعها حمود وشاف عليها : شو تبيله فراس
ميّ: من فراس
حمود: سمعتك تقولي فراس من فراس؟؟ اعترفي
ميّ: تبيني اجيبلك اياه عشان تعطيه مرضعة
حمود: لا خلاص خليه نايم عند امه عبالي تفكري مني ولا مناك
ميّ: تعال اخطبني ونتفاهم عاد
حمود: والله حلفت بجي بس ارتب الاوضاع
اما فيّ استاذنت البنات وركضت عند المراجل شافته من بعيد
حتى هو ما لمحها وراح لسبلة
اما هي رجعت واتصلت مروش عليها ما ردت
عاد اتصلت على نوار عشان احد يجي يوصلها تخجل تدخل وحدها
نزلت نوار حتى تشوف حبيب القلب وهو اول ما شافها ابتسم ابتسامة رضا ترا
وتعشين البنات وسوين ربشتهن ولعبن بالميكب والاستشوار
مع جلسات وناسه ولما صارت ساعة 10 كل احد راح لبيته
وما بقى غير حمود وفيصل وفراس يبوا يسهروا وراحوا المجلس يشوفولهم فلم
اما فيّ نزلت لابسه بجامة نوم مال القطة السوداء والبنطلون اسود منقط ابيض
سمعت صوت في المجلس حسبالها هناك فيصل مع ابوها وراحت لهم
حمود دش الحمام عزكم الله وبقى بس فراس وفيصل وفراس
جالس على جنب كان يعني ما واضح شكله حيل اما فيون
دخلت عليهم: هلا فيصل شو جالس تسوي
فيصل منصدم وفراس داخ راسه من هول ما شاهده
فيصل: فيّ طلعي برا
فيّ: ليه ؟؟ مشغول؟؟ طبعا ما شايفة فراس
فيصل وقف عشان يستر عليها : طلعي فيون ثم نتفاهم
فيّ: شفيك فيصل وتحاول تتحرك وفيصل يمنعها لحد ما شافت فراس صرخت
آووووه هنا احد وطلعت تركض
فيصل وده يقتلها بس متصبر اما فراس نزل راسه عشان خاطر فيصل
وفي الاسبوع اللي بعده
اتصلت ام فراس على ام نوفل
: السلام عليكم ام نوفل
أم نوفل: وعليكم السلام خويتي كيفك وكيف نهى وفراس وابو عيالك
ام فراس: الحمدلله كلنا بخير كيفك انتي والعيال وابو العيال
ام نوفل : الحمدلله يسرك الحال
ام فراس: والله يا ام نوفل بنمر عليكم الاسبوع الجاي عندي لك سالفة
ام نوفل:حياكم البيت بيتكم عزيزتي لو ما يشيلكم البيت تشيلكم عيونا وان شاء الله عسى خير
ام فراس: الخير في جهك ان شاء الله تطمني
الغالية بسير اكمل الطباخ عن يجي فراس
ام نوفل: تعقبك العافية وحفظك ربي
ام فراس: السلام عليكم
ام نوفل: وعليكم السلام
وسكرت الفون
فيّ خير ان شاء الله متصلة ام فراس علينا
ام نوفل: ايه وبيجوا عندنا ع الاسبوع الجاي تقول عندها سالفة
فيّ: عساها خير
ام نوفل : ان شاء الله خير
في بيت ام محمد
محمد راح غرفة والديه ودق الباب ودخل
: هلا بالغوالي صباح الخير
ام محمد: صباح النور يا وليدي
محمد باس يد امه وراسها وكذلك ابوه
: كيفك يا تاج راسي
ام محمد: دامكم بخير وعافية انا الحمدلله
محمد : الحمدلله ها الغالي كيف الحال
ابو محمد: الحال يسر الحمدلله
محمد: الحمدلله بصراحة الغالي والغالية عندي موضوع اريد افتحه
ابو محمد: سم يا وليدي عساك مرتاح وما زاعجك شيء
محمد: ما زاعجني شيء الحمدلله بس ما مرتاح
ام محمد: بسم الله عليك حبيبي شفيك
محمد: ابي منكم طلب ولا تردوني
ام محمد: عيوني لك يا وليدي انا من لي غيركم
ابو محمد: خير يا محمد شو طلبك
محمد: قررت اتزوج
ام محمد: يا هي الساعة المباركة
ابو محمد: ما شاء الله هذا طلبك ؟ نحن حاضرينا ودنا نفرح بيك
ام محمد: تبيني اختار لك واسير اخطبها
محمد: لا اماه في بالي وحده ابيك تحجزيها لي
ام محمد: من هي ؟ من بنته ؟ وكيف عرفتها ؟
محمد: اماه اني ابي ميّ بنت خالي ماجد
ام محمد: والله انها الساعة المباركة يا وليدي خير البنات من اخترت يا قلبي
ابو محمد: بس ميّ صغيره
ام محمد: من وين صغيره ؟؟؟ ما شاء الله عاد ثالث ثنوي
ابو محمد: بعدها تدرس
محمد: انا ما مستعجل اتزوج تو بس ابيكم تحجزوها وبعدين انا ابيها شارنها
ام محمد: ما عليك بكلم اخوي وابشر بالخير ولا انت ما تنرد جمال ووظيفة واخلاق
محمد باس راس ام وابوه : ربي يحفظكم لي ولا يحرمني من رضاكم
ام محمد: ويحفظك لنا يا رب
محمد: استأذنكم وعاد لا تنسوا تكلموا خالي
ابو محمد: اذنك معك يا وليدي
في بيت مروش
مروش سمعت خالد يتكلم في الفون بس اللي يكلمها بنت مش ولد
دخلت عليه وشافته متمدد ع السرير وماخذ راحته لما شافها سكر الفون على طول
خالد: انتي ما تعرفي تدقي الباب وتستأذني قبل لا تدشي
مروش: وانت ما تعرف تحفظ نفسك عن الغلط
خالد: وشو هو الغلط
مروش: تسولف مع بنات الخلق وتلعب بمشاعرهن
خالد : يا كبرها عند الله متى لعبت بمشاعر بنت
مروش: انت ما تخاف اللي تسويه في بنات الناس يرد علي ولا على عيالك وزوجتك (داخله بقوة ذي)
خالد: شو تهذرين انتي هذي خالتي
مروش: عيل ليه طفيته من سمعتني
خالد: لان بينا اسرار
مروش: سمعت حبيبتي وربي لا يحرمني من وجودك في حياتي ما سمعت شيء سري
خالد: خالتي حبيبتي كيفي طلعي برا وخلني ارد اتصل لها
مروش : طيب واذا ما علمت عليك امي ما اكون مروش
خالد: علميها ولا اوصلك لها ؟
مروش : لا احيد الطريق وراحت عنه
يم الجمعة في بيت ابو نوفل
البنات متجهزات عشان ام فراس بتجي ومعها نهى وخالتها وعمات فراس ثنتين
فيّ متكشخه طبعا تشوف اهل حبيبها اللي نفسها يكون فارس احلامها
كلها دقائق ووصلوا الضيوف الرجال في المجلس والحريم في الصاله
وما شاء الله سوالف من اول ما دخلوا تعرفوا حريم
وبعد كذا عاد تغدوا وريحوا وعلى العصر
ام فراس: ام نوفل نحن جايين بيتكم نطلب القرب
ام نوفل : ما شاء الله من بغيتوا
ام فراس: بغينا بنتكم فيّ لولدنا فراس
فيّ منصدمه ومحمره ومو مصدقة نفسها من حماسها ودها تقوم وتقول انا موافقه متى العرس؟؟ هههه
ام نوفل : ابركها من ساعة وقربكم شرف طال عمرك ناس ما ينرد مطلبكم
بس هم الشور شور البنت وابوها هذا زواج وحياة
ام فراس: والله ادري خذوا راحتكم وهذا ما بيغير اللي بينا ان شاء الله
ام نوفل: راعية واجب حبيبتي ما تقصري
ام فراس : بس عاد فراس يبي يشوفها نظرة شرعية
ام نوفل : شرع الله ما يبله شور يشوفها
عند الر جال
ابو فراس : يا ابو نوفل بصراحة فراس قرر يتزوج
ابو نوفل: ما شاء الله يا ها الساعة المباركة< مليون مره اكتبها هالجملة ما شيء غيرها ههه
متى العرس ان شاء الله
ابو فراس: والله نحن جاين نطلب العروس من عندكم
ابو نوفل: والله انكم اصل ونسب وحسب وفراس وليدي ما عليه كلام
بس عاد انا ما عندي غير بنتين وبعدهن في المدرسه
فراس : عمي انا اريد اطلب يد بنتك فيّ ودراستها تكملها ولا خلصت السنة تزوجنا
اذا الله كتب بينا نصيب ان شاء الله
ابو نوفل: يا وليدي انت ما تنرد بس اشوف البنت وامها
ابو فراس: خذوا راحتكم وان شاء الله ربي يكتب اللي فيه الخير
فيصل : ها بتصير نسيبي يعني
فراس: والله نأمل هههه
طلعوا عائلة فراس وراحوا البيت طبعا بعد النظرة الشرعية
ودخلت فيّ غرفتها وهي كلها خجل وعيونها تدمع من الفرح
ميّ تركض تدخل لفيّ وتحضنها : مباااركن عرس الاثنين ......إلخ
فيّ : حبيبتي ميون والله ما توقعت
ميّ: ربي يتمم لك على خير الغالية تصدقي عبالي حمود بيجي يخطبني
واسبقك بس حب فراس نبيل بصراحة سبقتونا
فيّ: ههه ميون فراس عطاني رقمة
ميّ: كيف ؟؟؟
فيّ: امممم اسرار زوجيه
ميّ: هبله بعدك ما رديت عليهم ولا سلموا المهر حتى تتفلسفي وتقولي اسرار زوجية
فيصل دش عليهم
: ها شو تسوا يا حلوين
ميّ : نبارك لفيّ زواجها
فيصل : متى تزوجت ؟؟
ميّ: زوجناها اليوم
فيصل : على كيفك ؟؟
ميّ : لا هي تبيه وهو يبيها ونسوي عرس ونرقص
فيصل : هههه مره انتي جاهزة ترقصي ، هاي فيّ فكري بعدك
وصلي استخارة ولا تثقي بالحب دائما لان الحياة الزوجية مش حب وبس هي احترام
ولاء وموده وارتياح بين الطرفين وتوافق فكري وانا شايف ان فراس عطاك رقمه
\فيّ صُدمت هنا\ تواصلي معه فهمي شخصيته وبعدين عطي ابوك رد تمام
فيّ بخجل : ان شاء الله فيصل \ذا صدق جني\
فيصل: ومتى يجي حمود يشلك من هنا انتي وهو يطالع ميّ
ميّ انفجعت \ذا كيف يخمن ويعرف كل شيء جني\: تبي تفتك مني
فيصل : بصراحة ابي اخلي البيت لي ولزوجتي وامي وابوي ونوفل حتى نوفل بزوجه
ميّ: عينك لو بتزوج بعيش في بيتنا
فيصل: لاه عيل شو فايدت زوجك دام بتعيشي عند اهلك الواجب يشل مسؤوليتك
ميّ: زوجي يقدم الدعم المعنوي لي ما يحتاج الدعم المادي ما بتقصر علينا دكتور
فيصل : ما احيدني ولدتك ونسيتك
فيّ تضحك عليهم : يلا طلعوا ودي اريح شوي
وعلى طاري الاجازة ترا عرس ولد عم البنات قرب
والاحداث هم قربت تكشف لنفسها النهاية
انتظرونا البـــــارت القادم 13
لا تعليق علئ الرواية بما انها تخص البنات بس :)
ولكن الطرح جميل جدا وتمنياتي لك بالتألق أكثر وأكثر .. تقبلي مروري المتواضع
هههه لا تخص الجميع بس محتوى القصة وابطالها بناتاقتباس:
المشاركة الأصلية كتبت بواسطة عميل 010
امين ولك بالمثل يعطيك العافية عزيزي ،، يسعدني مرورك نورت
صباحات التألق عزيزتي
بارت كالعاده رائع
كانت الأحداث كلها مليئه بالسعاده
جميل هو الحب عندما يكون صادق بين الطرفين ويكلل بالزواج
بعكس حب سالم لرشا اللي كان هدفه اللعب بمشاعر البنت
كأني رجعت ريوووس ههههههه
بس لان الاحداث ببالي وصعبانه علي رشا وقصتها ذكرتني بكثير قصص للبنات
نسأل الله الستر لي وللجميع
يعطيك العافيه عزيزتي
لا تطولي نبغى نحضر العرس ترانا
هلا فيك ضي ..
احداث مثيره كانت في البارت 11 و12 والحمد لله ان معظمها كانت افراح وبالتأكيد في معظم الاحيان اصعب المواقف قد لايستطيع ترجمتها اي كلام وانما تصرفات قد تبدو غريبه للبعض ولكنها كانت وليدة الحدث ومعبره عن اللسان الذي خانه التعبير في تلك اللحظات المهمه والصعبه في نفس الوقت ..
بإنتظار التكمله والنهايه التي اتوقعها عما قريب ان شاء الله
الف شكر لجهدك وابداعك وتفاعلك الجميل
طابت صباحاتك ..
هلا عزيزتي ضي ..
بارت جميل وتدور معظم أحداثه حول في ومحمد
بس أريد أعرف محمد ليش يشوف في تراه حافظ شكلها ههههه وحلوة الخطبة بس البنات ما أظن بيقدروا يكملوا الدراسة بعد الثانوية هههه .. وفيصل ماشاء الله متحمس وعادي يريدها تكتشف شخصيته أكيد لإنه دارس في الخارج سنوات كثيرة ..!
بإنتظار البارت الآخر دور مي هههه ... جزاك الله خير
صبــــاح الـــــورد غـــــــاليتياقتباس:
المشاركة الأصلية كتبت بواسطة حبي خالص
اممم اولا اعتذر لظروف صحية ما نزلت البارت
ربي يستر علينا وعلى الجميع والله يهدينا ويهدي الجميع شاكرة لك مرورك الجميلة
ويعطيك ربي العافية فصلي من الحين وتجهز حج العروسات
يعطيك العافية عزيزي منور بوجودكاقتباس:
المشاركة الأصلية كتبت بواسطة رايق البال
السعادة جزء من الحياة ان لم نجدها في من حولنا ستكون في دواخلنا
بارك الله فيك والنهاية ما بطول فيها بس راح اكتب كل افكاري عاد والوقائع الحقيقة الي صارت
وفقك الله
هلااااوي عزيزتي ميراناقتباس:
المشاركة الأصلية كتبت بواسطة ميران القمر
يا الله بهالمرور الملخبط قصدك فيّ وفراس ههه
وميّ جايها الدور ام لسان وانا بنتظار متابعتك يعطيك العافية وسوري ع التأخير
البــــــــــــارت الثـــــالـــث عشـــــــــــــر
عن كل الاشواق التي احملها إليك اشتاقك
حتى عندما تكون بين مرئ عيني
قبل لا يردوا اهل التوأم على اهل فراس
ميّ: محمد
محمد: عيونه
ميّ: فيّ خطبها فراس
محمد: ما شاء الله ربي يتمم عليهم عقبالنا
ميّ بحزن: امين ، اتركك على خير
محمد: شفيك ميون ؟؟
ميّ: ما فيني شيء عادي
محمد: لا صوتك فيه شيء
ميّ: معلش محمد ودي انام نعسانه
محمد: بس تصحي سوي مسج واتصل عليك اشوف شعندك
ميّ: لا تعب نفسك مجرد ارهاق
محمد: سلامتك من الارهاق
ميّ: ربي يسلمك تصبح على خير
محمد: بدري الوقت على تصبح على خير
ميّ: يمكن ما بلقاك بالليل ههه
محمد: عينك يلا نامي بروح الحلاق انا بكرة بنجي بيتكم
ميّ : طيب حياك الله
محمد: الله يحيك
سكرت الخط ميّ وشافت رسالة من محمد
" تجهزي بكرة قريب بتصيري حلالي "
ميّ
" ما فهمت ؟؟!"
محمد
"ابي منك تتزيني لي بكرة بشوفك "
ميّ
"ان شاء الله"
وجاء اليوم الثاني كانوا جالسين ابو نوفل وام نوفل مع
ام محمد اللي خبرتهم بأنها تبي ميّ لولدها محمد
وعاد نادوا على محمد وابو محمد وفيصل وجلسوا يتناقشوا في الموضوع
طبعا طاردين ميّ وفيّ من الصاله قايلين عندهم موضوع مهم
ومن خلصوا نادوا على ميّ اللي دخلت عليهم وهي مستغربة من نظرتهم
ابو نوفل: ميّ حبيبتي تعالي جلسي جنبي بقولك موضوع
ميّ وهي خايفة مسويه قوة من ضعف ههه وتسحب نفسها لأبوها: خير ان شاء الله بابا ،تفضل ؟؟
ابو نوفل: الخير بوجهك يا بنتي هذا ولد عمتك جاي يبيك شو تقولي
ميّ : بين انها فرحانه بين انها مستحية ومصدومة طبعا نزلت راسها
ام محمد: ها يا بنتي شو قلتي
فيصل : يمكن تبي تفكر عطوها مهله
محمد: لا ما يحتاج تفكر انا احبها
ميّ: ابي افكر يبه
ابو نوفل : خذي راحتك بنتي
وطلعت ميّ تصيح عند فيّ اللي كانت منشغله مع فراس
فيّ: بسم الله ميون شفيك تبيكي ، فراس اكلمك بعدين باي وسكرت الخط من فراس
وحضنت ميون
ميّ: ما ادري احرجني محمد
فيّ: بشو احرجك ؟؟ خير شو صاير؟؟
ميّ: محمد اليوم جاي يخطبني وعشان كذا ناديني ابوي وكلهم موجودين وووو إلخ
فيّ: شفتي كيف محمد شاعري عشان يثبت لك حبه قدام الكل
ميّ: بس استحيت
فيّ: فيصل بيحلها باذن الله ما عليك
ميّ: تتنهد أه ان شاء الله
وكلها اسبوع حتى ردوا البنات على الخطاطيب بالموافقة
اما الاسبوع اللي بعده كان عرس ولد عم البنات
طبعا متكشخات ولابسات فساتين طويلة الالوان بنفسجي ووردي
الفستان قماشه مخمل مطرز من الذيل والصدروالميكب كلاسكي مع احمر الشفاه الغامق
والتسريحة كلاسيكية الشعر فيها مرفوع كامل
كانوا ميّ وفيّ في الحفل مثل الاميرات وما شاء الله زاد عدد الخطاطيب
ذاك اليوم كل وحده تحجز لولدها ميّ او فيّ (هذا شيء طبيعي ترا يحدث في بعض الاحيان مع انه قل)
المهم فيّ كانت تراسل فيصل وجالسة تنتظره في غرفة صغيره في القاعه فيها بابا للخارج
ونهى كانت تراسل فراس وتريد تشوفه فراحت لذيك الغرفة اللي فيها فيّ
حسبالها ان فراس جاي يشوف فيّ
اول ما دخلت الغرفة شافت رجال معطنها الظهر وفيّ كانت قدامه تكلمه
نهى مسكت يد الرجال : كشفتم بعلم عليكم عصافير الحب
فيصل ما تحرك وحاول ما يشوفها اما فيّ متفشله
كيف بتقول لنهى ان ذا فيصل مش فراس
فيصل شل يده وكان يبي يطلع لكن نهى حطت يدها في كتفه : فراس شوف بعيني
فيّ: استاذة هذا فيصل مش فراس
نهى : ها !!!!! منصدمه بقوة شلت يدها وطلعت بسرعة
اما فيصل طلع وهو مبتسم على اخت فراس الهبله بنظره واللي ما شاف شكلها
ولا هي شافت شكله وكانت منحرجه حتى من انها تكلم فيّ
اللي فهّمت فيصل ان هالشيء صار بدون قصد وان نهى ما قاصدة اللي سوته تظنك اخوها
وعدا اليوم
وبعد اسبوعين تم تحديد المهر والخطبه والملكة على فيّ كانت بعد 3 اسابيع
اما ميّ استلمت المشترى والمهر 6000 ريال والملكة في اجازة الفصل
طبعا الملكة وتلبيس الدبلة كان في خيمة ملكية راقية
اما عن جمال فيّ وهي لابسه الظفاري المطور بتطريز من الصدر والخصر والاطراف
ولونه اصفر واحمر ولابسه تاج ورافعه شعرها ومنزله بعضه وميكبها خليجي
هي بدون ميكب جميلة شو لو هي بميكب تكون ؟!
فعلا كانت اللحظة اللي تتمناها كل بنت والاجمل لما احبابك يشاركوك الفرحة
كانوا الجاسوسات مسويات فرقة من العصر وهن يطبلن ويرقصن ويغنين
شالتنه البيت فوق راسهن على اثرهن فيصل ما قدر ينام وطلع بيت اخته ينام
اما فيّ كانت شويه متوتره وخايفة تدخل الخيمة مسكتها ميّ ودخلتها
واصطفن نوار ونور وعلوش ومروش في لاين حتى يشجعنها
ويساعدنها في طرحة الظفاري وذيله الطويل
اما دخول فراس اسفر عنه انطلاق سريع نحو الكوشه < ما ادري من لاحقه هههه ولا يمكن بطير العروس ههه
فراس: واخيرا بتكوني ملكي
فيّ مخجله : فراس مو وقته
فراس: متى وقته اذا كل مره مو وقته بس ترا طالعه حلوه
فيّ مستحيه اونها : عيونك الحلوه حتى المصر والبشت مطلعينك زه
فراس: وانا شو كنت متبهدل
فيّ: لا اقصد ارتب وكذا شكلك غير رسمي
فراس : اعجبك يوم اتصفد
فيّ: فديتك
فراس :انا اللي فديت روحك ،، عمتي ام فيّ كيفك
ام نوفل:الحمدلله وليدي انت كيفك ومبارك عليك بنتي عاد ما اوصيك على الغالية
فراس: ربي يبارك فيك ان شاء الله فيّ في عيوني إلا عمه سدكم العيش
ام نوفل: الحمدلله ولدي بعده فاضل
فراس : الحمدلله
وانتهت مراسيم تلبيس الدبلة ورجعت كل الخلق لبيوتها
ورجعت المدرسة من جديد،،
عاد اول يوم مدرسه بوس واحضان وسوالف محمد وفراس
ما شيء سالفة
علوش: امممم فيون يعني شو تقولوا لما تتراسلوا
مروش: ايوا نبي نعرف نتعلم للمستقبل
فيون: اقول كف حالكن وانتن مالكن شو نقول
علوش: حاسده
نوار: صدقها اسرار زوجية
علوش: يعني يقولك احبك
فيون: تنكتي في احد ما يقول لزوجته احبك
مروش: بعدك ما متزوجه لا تتفلسفي
نوار: دامها ممتلكه زوجها
فيون : اوووف ما في سوالف غير هالسالفة
علوش: شكله مزعلنك امس فروس
فيون: فديته ما يزعلمي
مروش:الله قالت فديته ياخي تحمست ابا اتزوج
علوش: تصدقي حتى انا مروش متحمسه ، اممم فيون ما عنده اخوان ؟؟
فيون: لا طاح حظك
علوش: دامك صديقتي من وين يجيني الحظ هههه
رن الجرس للطلقة وانتهى اول اسبوع من المدرسة
في بيت ابو نوفل
اليوم بيجي محمد يتعشى عاد ميون مرتبشه ما شيء مذاكره
كله تسوي اكل ما لذ وطاب عشان خاطر محمد
ام نوفل: اشوفك تتفنني في المطبخ وتخيسي يوم يجي محمد ويوم نحن يجيك العجز
تشلي كوب من الارض < قصفه بري ههه
ميّ: اماه ما زين تقولي كذا بعدين انا اتعلم ترا
ام نوفل: عساك تفلحي بس لا تسممي الرجال
ميّ: اعوذ بالله فالك في التراب اماه
ام نوفل تضحك : ربي يحفظكم ويسعدكم
ميّ: امين يا رب
وهذه الايام تمر والمواقف تزيد
اما في كلاس هذا وطني كانت الاستاذة جديدة توقف
اي احد ما رافع يده يجاوب< احسها سخافة ياخي كذا
وكانت ميون ما عارفة الاجابة وما رافعه يدها وطلعتها
استاذة: قوم وقفي وجاوبي
واستدارت الاستاذة لسبورة وهي تكتب اما ميون سحبت فيّ لمكانها
وجلست ميّ مكان فيّ وجاوبت فيون اجابة مثالية ذهلت الاستاذة
: يوم انك عارفه الاجابة شحجه ما ترفعين يدج ؟؟
فيون: بس استاذة كذا
استاذة :امركم غريب ،ع العموم احسنتي جلسي
اما عند درجات البنات في مادة الكيمياء كانت وللاسف غير مبالي فيها
يعني جايبات البنات فيها 7 و8 و6 وطبعا بفضل البوابة الالكترونية ولله الحمد من قبل ومن بعد
النتائج ترسل لأولياء الامور
عاد ام البنات من شافت الدرجات انتظرتهن يجين البيت
واول ما وصلن راحن يغيرن ملابسهن ويصلين وينزلن للغداء
وهن يضحكن على موقف اليوم وام نوفل ساكته بالعه غيظها عاد
من خلصن البنات الغداء نادتهن يجيببن لابتوباتهن والايباد والتلفونات
وراحن البنات جابنهن مسكت الاغراض امهن وبندت البطاقات وخذتهن
وخذت التلفون وكل شيء
ميّ: اماه شو تبيلهن ؟؟
ام نوفل: ما ابيلهن شيء بس ابي مستقبلكن
فيون: اماه فراس بيتصل
ام نوفل: هذا كل اللي تحاتيه ترا فراس ما طاير اما مستقبلك هو خيارك
ميّ: طيب نحن نسوي زين للمستقبل
ام نوفل: ايوا مبين جايبة 7\10
ميّ: اصلا ما في احد جايب 10\10
ام نوفل: بنشوف عاد تبن تهتمن في مستقبلكن اهتمن اما الزواج ما بيطير وكل
واحد منه ماسك منصبه وجلسن ربات بيوت عندهم زين ؟
فيّ: اماه ما قصدنا والله لا تشيلي من عندنا الفون كيف اطمن على فراس
ام نوفل: فراس يقدر يتصل علي وبعدين اخته معك في المدرسة بتجيب لك اخباره وتلفونات بعد اليوم مافي
ميّ: مااما ارجوك
ام نوفل : كل وحده تقابل مذاكرتها
وشلوهن الموبايلات ما بقى غير الكومبيوتر اللي ما كان احد يستخدمه غير نوفل يلعب
بيه
لكن ما شيء يتغلب على الحب صارن التوأم يأخذن تلفون الشغاله <ههههه يعني
لازم فيه حل \يستعملنه ويرجعنه لها ويسولها رصيد بعد وهي فرحانه سوني ما في خبر
ميّ: سوني يريد تلفون مال انتي يريد يكلم زوج مال انا
سوني : تيب مدام
ميّ: ميون قوليلي ما تقوليلي مدام
سوني: تيب ميون
ميّ: ما يخبر ماما انا يجي يأخذ تلفون اوكيه سوني
سوني: ان شاء الله
ميّ: في خبر ماما؟؟
سوني : لا ما في خبر ماما
ميّ: ذيبه
في مره ام نوفل راحت لميّ اللي كانت مشغولة باتصال محمد
سمعت ام نوفل صوت الضحك وجلست عند الباب سمعت نص المحادثة ودخلت على ميّ
ميّ من الخوف رمت الفون اخذته امها وردت على محمد : الو محمد كيفك
محمد: بخير عمتي كيفك
ام نوفل : الحمدلله محمد ما ابيك تكلم ميّ غير في الاسبوع مره ترا درجاتها نازلة
اذا يهمك مستقبلها اصبر لنهاية الاسبوع وهذا المفروض يجي منك تراها صف 12
لازم تنازعها عن الاهمال وتخليها تهتم بدراستها ولاحقه تهتم فيك
محمد وهو متلوم : عمتي معك حق انا اسف وان شاء الله بشجعها على دراستها
ام نوفل : يعطيك العافية مع السلامة
محمد: مع السلامه
طالعت ام نوفل على ميّ وهي معصبه من فين جبتي تلفون ؟؟؟؟؟؟
ميّ: ماما اسفة
ام نوفل بحده: سالت وجاوبيني
ميّ: تلفون سوني
ام نوفل : بصراخ سووووووني سوووووني تعالي
سوني اجت تركض : ها ماما شو يريد
ام نوفل: سوني ما في تلفون ميشان انتي يريد يكلم اهل خبريني انا يعطيك تلفون
سوني: تمام ماما
ميّ: ما زين اماه كذا الحرمه تبي تكلم اهلها
ام نوفل: وانتي زين تشلي تلفونها وبالساعات تتكلمي ؟؟
ميّ: انا اسفة
ام نوفل طلعت وسكرت الباب وراحت غرفتها
هل العقاب بيرجع ميّ وفيّ لمستواهم الدراسي المتميز ولا الحب يشغلهم عن الدراسه ؟؟
انتظرونا في البااااارت 14
مسااء الوورد
يااه ضيوونة تشووقت للبارت ١٤
اتوقع بيرجعولهن تلفوناتهن لا محاالة
هههههه عجبني اصرارهن لما ياخذن تلفون الشغالة فنّاان
شكراااً لك ع اسلووبك الجميل وروايتك الاجمل
اتمنى لك كل التووفيق الغلاا
لا تتأخري ننتظرك ع احر من الجمر :)
اووبس أنا وش كاتبة أقصد فراااس حافظ شكل فيون ماله داعي يشوفها ههههههه 😂😂اقتباس:
المشاركة الأصلية كتبت بواسطة ضي الشمس
مرحبااااا مرة ثااانية 😌
في الرواية بيرجع مستواهم أظن لكن لو كانت بنت في الواقع متزوجة وقت الدراسة مستواها بينزل ههههه وبالمناسبة هم صغار أعمارهم 17 بس وقت ما اتعرفوا على فراس ومحمد .
أنا بصراحة ضد زواج البنت وهي في المدرسة لا بأس لو كانت تدرس في الجامعة عادي عكس بنات المدارس ..!
عموما متااابعين للأحداث القادمة .. ربي يعطيك العافية
حتى سوني المسكينة خذوا تلفونها زين تسوي فيهم مريوووم ههههههاقتباس:
المشاركة الأصلية كتبت بواسطة أم الإبداع
هلا فيك ضي ..
تطورات خطيره وسريعه كانت بالبارت 13 حتى سوني ماخلوها فحالها نعم البنات ههههه ..
واتوقع يعود لهم مستواهم الدراسي الممتاز بعد حركة اخذ الفون منهم
بإنتظار البارت القادم والذي من المحتمل يكون اكثر سخونه من ناحية الاحداث ربما لقرب نهاية الروايه ..
الف شكر لجهدك وابداعك وتفاعلك الجميل
طابت صباحاتك ..
عزيزي ضي استمري فأنتي الابداع والتميز. شكرا لمداد قلمك وفكرك . لي عودة اخرى لاتلذذ بالباقي. تحياتي لك
صباحووو ..
السموحه ضيون تأخرت بالقراءه ..
البارحه قريتهم كااامل ..
بجد رواااايه شي شي عجبتني مبدعه غاليتي ..
اما فعلا سوني مخلوها فحالها هههه ..
وشووو بعد ضحكني امممم صح لما دشت في على فيصل وفراس بالبيجامه هههه
العليم الله لو صاير هالشي بعمان كانت البنيه فخبر كان :p
بجد استمتعت واااايد ..
ننتظر البارت 14 بشوووق ^^
متابعيين للروايتك رائعة واحداثها اختي ضي
وبأنتظار البارت14
وفقك الله وبارك فيك
تسلمي غاليتي على هذا التفاعل الجميل ما عليكاقتباس:
المشاركة الأصلية كتبت بواسطة أم الإبداع
اصلا ام نوفل كله ولا مستقبل بناتها
ربي يوفقك ويسعدك بارك الله فيك
عشان يعطيها رقمه لاه عياره يعني ههههاقتباس:
المشاركة الأصلية كتبت بواسطة ميران القمر
بيكبرن وبيصيرن 18 ما عليك هههه انا معك في كلامك عن فترة الزواجاقتباس:
المشاركة الأصلية كتبت بواسطة ميران القمر
بس عاد التوفيق من الله ،، يعطيك العافية على المتابعة الجميلة
عاد الاحداث القادمة اجمل اضمن لك مع حزن شوي
ربي يوفقك
يعطيك العافية عزيزي والله عاد ما لمست الاحداث اذا ساخنه او باردة ههههاقتباس:
المشاركة الأصلية كتبت بواسطة رايق البال
بارك الله فيك مرورك يسعدني وفقك الله وتابعنا
تسلم مرورك اسعدني حقااقتباس:
المشاركة الأصلية كتبت بواسطة السفينة
شكرا لمتابعتك لي استاذ وبارك الله فيك
يعطيك العافية
مساااايا طال عمركاقتباس:
المشاركة الأصلية كتبت بواسطة اموووره
عاد بخبرك ولا تخبري احد انا طلعت ببجامة نوم ولحاف معفوس وبدل فيصل كان ابوي
واللي موجود كان من اهل الوالد ولا بعد جايه اصلح التلفزيون بس ربك ستر الرجال ما شاف شكلي بس
يعطيك العافية وحياك الله باي وقت مستمتعه بوجودكم بارك الله فيك ههه
ربي يوفق الجميع ويعطيك العافية عزيزتياقتباس:
المشاركة الأصلية كتبت بواسطة اميرة الروح
من ذوقك تسعدني متابعتك
البــــــــــــارت الــــرابـع عشـــــــــــــر
لا تتخذ الناس لك لعبة فالتسلية
لا تعني انك تتلذذ باعراض الناس واتهامهم
اعلنت ام نوفل اجتماع في بيتها بعد سالفة سحب الموبايلات
واجتمع في المجلس كل من ازواج بناتها وبناتها
وابو نوفل وتم الاتفاق على الاتي ان الازواج ما يكلموا زوجاتهم
غير 3 مرات في الاسبوع ويوم واحد يقدروا يطلعوهن في الاسبوع فقط
طبعا القرار قهر فيّ وميّ من الخاطر
وكان الاتفاق راح ينكسر لو ان البنات اجتهدوا في دراستهم وجابوا درجات عالية في اختباراتهم
وبالفعل العقاب جاب نتيجة وصار البنات ينشغلن
بدراستهن اكثر من قبل ونتائجهن بدأت تعلى بالاضافة
ان فيصل جاب لهن مدرسين خصوصيين لمادة الفيزياء والكيمياء
اما علوش كانت جادة بدراستها وودها فعلا تدخل الجامعة بس بعدها
مرتبشه هههه وعشان ظروفها ما فيها تجيب معلم خصوصي بس ترجع للملخصات
والبنات حتى تستفيد منهم
نوار امنياتها تصير قانونية وبما ان الشلة كانت كلها مجتهدة هالفصل قررت
تنضم اليهم وعندها معلم خصوصي لمادة الرياضيات والكيمياء اما الفيزياء
فاختها اميرة مستلمتها استلام صحيح
مروش لها طموح اخر انها تكمل دراستها في الخارج ع الاقل خارج عمان
مو لازم امريكيا او اوربا او استراليا حتى دول العربية تفي بالغرض
بس احتاجت لمعلم خصوصي لمادة الكيمياء شكل البنات مبتلشين بالكيمياء هالمره
نور كان طموحها بسيط انها تكون المثل الاعلى لأخواتها ودها لو تصير ممرضة
او حتى مهندسة وكانت تجتهد على نفسها حيل لانها البكر واستعانت بمدرس
يعلمها كيمياء وفيزياء وانجليزي
ميّ طموحها تصير مستشارة نفسية وتدرس في بريطانيا بس عاد الطموح موجود
باقي موافقة محمد عليه
فيّ كانت رؤيتها المستقبلية واضحة ودها تكون مهندسة مثل زوجها فراس
واكتفت انها تبقى في عمان قريبة من اهلها
بس ترا الطموحات الكبيرة يحتاج لها جهد كبير ونسبة مشرفة
في المدرسة
البنات ما عندهم مجال يتنفسوا منه حتى الفسحة ينحرمن منها عشان معلمة الرياضيات
اللي ما مبقية لهن كلاس فاضي اما اذا فضين فيسعن بكل ما اتاهن الله من
قوة الهرب من الكلاس ويخلنه فاضي حتى ما تجي لهن استاذة وتشرح ههه
وفي يوم من الايام اجوا 3 بنات لعلوش كانن من الصف 10
وطلبنها حتى يتناقشن معها وتكون وحده منهن من اهلها (شيخة) والثانية تخصها من بعيد (سهى)
والثالثة صديقة البنات (شيماء) يعني ما تعرفها علوش المهم استمرن البنات يجوا عند علوش
يسولفن معها وفي يوم من الايام في الفسحة اجن لها وقالن لها نبيك بسالفة
وودنها ورى المدرسة وكان الحوار كالاتي:
شيخة : نحن ترا نعرفك علوش
علوش: شو تعرفي ؟؟
سهى : ما تسوي نفسك مطوعة
شيماء: نحن نعرف ألاعيبك ، مسويه نفسك شريفة مكة وما شغلك سوالف اولاد
علوش: شو هالكلام احترمي نفسك
شيخة: انا شافيه الرسائل بينك وبين عمي
علوش: بسم الله من عمك
سهى: اعترفي بس لبس اقنعه وعمها محمود اذا ما تعرفيه
شيماء: اللي يشوفك يقول هنا الدنيا انخدعنا فيك
علوش: انتي وياه احترمن نفسكن احسن وانتي اللي تقولي اراسل
عمك شو كنت كاتبه له
شيخة: شايفه رسائل الغزل بينك وبينه
علوش: خير ان شاء الله ما نقيت غير عمك اراسل وبعدين
جيبيلي نسخه منهن عيل ذاك الرسائل
سهى: نحن بنخبر الاخصائية عليك
علوش: ذاك الدرب روحي خبريها ما سويت شيء غلط عشان اخاف
شيماء: بعدك تبري نفسك على شو
علوش: وانتي شو دخلك بعد
شيماء: يدخلني صديقاتي
علوش: طيب اوديكن مكتب الاخصائية ؟؟ ولا تعرفنه
شيخة: انزين بنشوف نحن ولا انتي
وراحن البقبوقات رقم 2 يفتنن على علوش
وخبرن الاخصائية وطبعا كلامهن زور
رجعت علوش مضايقة وبلعت الغضب في نفسها وهي تقول في داخلها
\يا ربي شو يبن ذولي الله يصرف بليسهن من وين طلع عمها ذي
حسبي الله ونعم الوكيل على كذا بشر تطلع علينا سوالف ما ندري من وين
ولا انا شكل وحده تنحب ولا تحب \
راحت جلست عند الجاسوسات بس هالمرة كانت هادية ما تشاركهن الحوار
وعلى الحصة الخامسة اجت بنت طلبت علوش تريدها الاخصائية
راحت علوش وهي رافعه راسها ودقت الباب ودخلت على الاخصائية
: السلام عليكم استاذة طالبتني خير ان شاء الله
الاخصائية: وعليكم السلام علياء جلسي تفضلي هذولا البنات عندهن
مشكلة معك
علوش: بسم الله شو من مشاكل ؟؟
شيماء : تسوي عمرك ما تعرفي يعني
علوش: لا ما اعرف خبرني عن مشكلتك
الاخصائية : بنات قولن شعندكن على علوش نسمع
شيخة: استاذة علوش تراسل عمي برسائل غرامية
سهى: ومصورة معه
شيخة: ايوا استاذة شايفه صوتها وهي تبوس خده < فعلا قلة ادب هالكلام
علوش: شو قلتي؟؟؟
شيخة: اللي سمعتيه ما تسوي نفسك بريئة
الاخصائية منصدمة : مستحيل علياء انتي تسوي كذا
علوش: والله استاذة ما سويت اعوذ بالله من الشيطان ومن نفسي لو انا سويت كذا
سهى: ايوا ترا عم شيخة يكذب
الاخصائية : جيبن اثبات طيب
شيخة : بجيب اثبات عادي بكرة
الاخصائية: طيب واختارن عقاب للي عنده الحق اتفقن بنات اذا
علوش مذنبة وطلع كلامكن صح شو تبن يكون عقابها ؟؟
البقبوقات رقم 2 اتفقن انه يتم فصلها
الاخصائية: طيب وشو العقاب اللي تبيه لهن اذا طلعتي براءة علياء
علوش: منعهن من دخول الفاينل اجزام
الاخصائية :كيف كلكن رضيتن بهالاتفاق
البقبوقات رقم 2 : موافقين
علوش: موافقه عادي يجيبن دليل علي وانا برضا بس عاد
يتطبق عليهن عقابي
الاخصائية : ولا يهمك علياء
علوش: عندي كلاس اقدر اروح ولا في قصة غيرها ؟؟
الاخصائية: تقدري تروحي
ومر اليوم واجاء اليوم الثاني وعلوش تجي المدرسة متكدرة من اللي
صار وما قادرة تنسى الكلام اللي لفق عليها
شافتها ميّ شاردة بفكرها ومتغيره عليهن
ميّ: علوش شفيك
علوش: ما فيني شيء
ميّ: لا تكذبي في شيء كله شاردة لا تكوني بديتي تحبي
علوش تنهدت: يا ليت الله يسمع منك يا بنت الحلال السالفة كبيرة
ميّ: اعوذ بالله شو هي السالفة
وقاطعتهن فيّ هلا علوش كيفك
علوش: نشكر الله فيون كيفك وكيف فروس
فيّ: الحمدلله مع اني ممنوعه اكلمه يومياّ
علوش: عيل متعذبه هههه
فيّ: سكتي عني ربي يفرجها هههه
ميّ: ها علوش عادي نفهم ولا شيء شخصي
علوش: بالامانه اثق فيكن عادي خاصة انتي ميّ تعرفييني
فيّ: شو صاير معك علوش قولي نحن نسندك ما عليك
علوش: والله ادري بيكن ما تقصرن والسالفة كذا وكذا ,,,إلخ
ميّ: حسبي الله عليهن من بنات لعنة الله على الظالم
فيّ: اعوذ بالله منهن حبيبتي نحن نشهد لك لو تبي شهود وما عليك كلام انتي
علوش: ما تقصروا فيون
ميّ: بكسرهن لك لو تبي قليلات الادب والتربية
علوش: ما تستعجلي خلنا نشوف الاثبات مالهن اول
ميّ: بروح معك
علوش: بس تمام
وفعلا على الفسحة راحت علوش للاخصائية هي وميّ
البقبوقات رقم 2 لما شافن ميّ قالن حج الاخصائية نحن ما نبي احد
يدخل في الموضوع خلي اللي معها تطلع برا
علوش قالت عادي ميّ انتظريني ولما اخلص بجيك
وفعلا ميّ طلعت وهي متوعده عليهن ضرابه < ما شيء تفاهم هههه
علوش: راحت ميّ شو دليلكن الحين جبتن الصور
شيماء : ما جبناهن
علوش: ليه ؟؟؟ تقولن شايفات الصور بعيونكن
الاخصائية : وين الدليل تكلمن لاه ؟ نبى نشوف
شيخة: استاذة ما لقيتهن مسحهن عمي حتى الرسائل
علوش: مسرعه امس شفتي المحادثة كلها واليوم امتسحن عاد
سهى: عادي ترا ما شاء الله ما كنتي مخليه رسالة ما كاتبتنها في الحب والغرام
علوش: جيبيهن اشوف رسائلي انزين
شيخة: ما لقيتهن مسحهن
علوش: طيب استاذة اتصلي على عمهن عشان نتأكد منه
شيخة: ما عندي رقمه بس بجيب لك رقمه
الاخصائية : تمام ننتظر الرقم عيل
علوش: بس تمام يلا بطلع عنكن الحين
وراحت عند ميّ وخبرتها السالفة وميّ تغلي من داخلها عليهن
وتوالت الايام والبقبوقات رقم 2 كل يوم يجيبن كلام عن علوش
من تأليفهن و كل يوم تطلب على مكتب الاخصائية
وكمل شهر ع الموضوع وسبحان الله حق الحق وزهق الباطل
في مكتب الاخصائية
علوش: استاذة تو انا طلعت اواعد عمهن واقبل خده واسولف معه
وكل يوم سالفة يطلعن وانا بصراحة مليت من هالكلام
اللي كله افتراء وتتصلي على عمهن اليوم ما يرد ليه يعني ما يرد ؟؟
وليه عمهن هو قايل لها هالكلام ان انا اراسله ؟؟
ليه يمسح الدليل وكل يوم افتراء وبدون دليل ودام كذا السالفة
انا وحده عندي مستقبل ما افكر بهالتفكير وما احب تضيعوا لي
وقتي وراح اتفاهم معهم بطريقة ثانية وخلوا اهاليهم يعرفوا
الاخصائية : شو بتسوي علياء
علوش: بنشوف لها حل بالقانون دام ما عرفتي تحليها استاذة
البقبوقات رقم 2 خافن: شو يعني ؟؟
علوش : برفع قضية ولو انا على حق بكسبها ولو انتن على حق بتكسبنها
وطلعت علوش معصبه وسكرت الباب طااااااااخ
وعلى العصر من نفس اليوم اجى خال شيخة وزوجته وشيخة يتفاهموا مع علوش
علوش: طلعي من بيتنا يا قليلة الادب الحشمة مو لك البيت يتعذرك
اما خالك وزوجته على عيني وراسي لكن انتي وحده ما اتشرف فيها في بيتنا
شيخة: انا مالي خص عمي قالي اسوي كذا
علوش: شوهتي سمعتي في المدرسة عشان كلام عمك عادي بيرد القضاء حقي
خلي عمك ينفعك
خال شيخة: يا بنتي لا تعصبي ونحن جاين نعتذر منك والبنت عارفه انها
غلطت
علوش: انت على العين والراس بس ما بسامحها وجيتكم اتشرف فيها بس ما بتغير شيء
ودخلت علياء الغرفة وكلمت اخوها الكبير بالسالفة واليوم الثاني تم استدعاء اولياء الامور
للبقبوقات رقم 2 واخ علوش لان ابوها متوفي
في مكتب المديرة
ابو شيخة : خير استاذة شو السالفة
ابو شيماء : شو مسويه بنتي؟؟
المديرة تفضلوا بالجلوس واستدعت جميع البنات
وخبرتهم ان هن بيخبرنكم بالسالفة
علوش: السالفة ان البنات ذولي قالن عني صايعة واني مش متربية
واني اكلم عمهن واطلع معه وانا بحياتي ما سويت كذا وخنت علاقتي بربي
ابو شيخة : ايا قليلة الحياء
ابو سهى وهو يناظر عليها : يطلع منك يا عديمة التربيه
اما ابو شيماء كان يناظرها بنظرات : دواك في البيت
علوش: وبصراحة انا على كلام بناتكم ما بسكت وبرفع قضية انا صح اني
ما عندي اب متوفي بس متربية ولله الحمد
ابو شيماء : النعم فيك بنتي بس ماله داعي تعقيد الامور
علوش: عمي انا صف 12 وواجد اطلع من الصف عشان تأليفاتهن اليومية
وافترائهن علي انا وحده عندي مستقبل وهن يبن يضيعنه
ابو شيخة مسك الخيزران ورشخ بنته رشخ وهي تصيح و المديرة تبي توقفه
وهو يضرب: يا اللي ما تستحي على وجهك سودتي وجهي قدام الخلق
شيخة : عمي محمود هو قالي انا مالي خص
ابو شيخة: جاينه الدور عمك يا فاصخين الحياء
علوش : المهم نفذوا الاتفاق يا استاذة الاخصائية
ابو سهى : اي اتفاق
الاخصائية: كان في اتفاق لو انا علوش برئية بيمنع بناتكم من دخول الاختبار النهائي
ولو طلعت علوش مذنبه بتفصل من المدرسة
ابو سهى : شاف بنته وقالها كلام قوي وهي تصيح : بعدكن لكن عين
تسوين اتفاقات وانتن كذابات يا خسي عليكن خسارة فيكن التربية، وهو متلوم
اعذرينا بنتي على اللي صار لك
ابو شيماء يقول حج البقبوقات : روحن تسامحن منها يلا اشوف
علوش : خوزن من قدامي ما ابي منكن شيء وملتقانا المحكمة
واما الاتفاق اريد الحين ينفذ
الاخصائية: هذا شأن عائلي ما للمدرسة فيه خص
علوش: دام مالك خص ليه كنتي تطلبيني وهالشيء صار في المدرسة وسيرتي
على كل لسان
المديرة: هن غلطن وسامحيهن والمسامح كريم حبيبتي علياء
علوش: عيل هن ما عرفن كل هذا الشيء قبل كل يوم يطلعن لي بشيء و
ما اهتمن اني في اخر سنة
ابو شيخة : عندك الحق بنتي والله ما بخليها لحد ما اخذ حقك منها ومن
اخوي ولا يهمك بس لا تمنعيهن من الاختبار
اخ علوش: خلاص صار خير ما بنمنعهن
ابو سهى : وانا هذي بنتي بادبها قدامك لو تبي لا ترفعي عليهن قضية
وتضيعي وقت دراستك
علوش: عمي ما بسكت عليهن اللي سونه فيني ما شويه
ابو شيماء: ربي يسامح يا بنتي هن غلطن وانا باخذ حقك من شيماء في البيت
بس لا تكبري السالفة
اخ علوش: ما يخالف بيصير خير وما بنرفع قضية بس بشرط
تكتبوهن تعهد انهن ما يتعرضن لها لا من قريب ولا من بعيد ولا شو تقولن ؟؟
وهن يصيحن لكن شيخة من الضرب اللي ضربها
اياه ابوها تتشنج من الصياح بزيادة : ان شاء الله اهئ اهئ
علوش: تمام
ابو شيخة : تسامحن بنات
علوش: ما مسامحتهن لا دنيا ولا اخره وطلعت
اخ علوش: منكم العذر بس بناتكم اللي سونه ما شويه
ابو شيماء : سامحنا يا اخوي حقكم علينا
اخ علوش: ربي يسامحكم
راحت علوش الصف وميّ تنتظرها : ها علوش بشري
علوش: ما بردت فوادي بعدني افوادي ارشخهن
ميّ: في الطلقة انا معك
فيّ: وانا بعد نفسي انزهن من شعرهن
مروش: شو صاير من هن تبن تهاجمنه ؟؟
علوش حكت لنوار ونور ومروش عن السالفة كلها
مروش: كل الناس تعرف ونحن اخر من يعلم
اليوم بتولهان عشان خاطرك حبيبتي ما فيهن اخلاق سويدات الوجه
واتفقن ان في الطلقة بيأدبنهن
وفعلا في الطلقة علوش مسكت شواخ وميّ مسكت شيماء
ومروش مسكت سهى ورصنهن في الجدار وفيّ ونوار ونور
معهن مكملات حاجز ردع وعلوش سمعتهن كم كلام وهن يصيحن
وبعدين خلنهن
ميّ: الحين سيرن فتنّ عند الاخصائية لو فيكن خير
ومن ذاك اليوم صارن يخافن يتكلمن او يمرن على الجاسوسات
وشيماء مردغها ابوها في البيت عبره لمن لا يعتبر
\ترا كلامك في اعراض الناس مو شيء سهل شيء يألمهم
عمر العرض ما كان شيء نستهين فيه الانسان ذو الاخلاق
يحفظ عرضه ولسانه مو يستسهل ما حرم الله ويلقى الناس
كالسلعه الرخيصة اللي ممكن يتكلم فيها ترا اذا هذي دنيا
تسرح وتمرح فيها ربك عادل وفي اخره \
انتظرونا مع بقية الاحداث التي من شأنها ستتغير
وتغير حياة البنات اما للاسوء او الاحسن
البارت ال15
ذكرتيني بربيعتياقتباس:
المشاركة الأصلية كتبت بواسطة ضي الشمس
ما كانت عارفه ف مجلسهم صديق اخوها
وطالعه بالبيجاما وتغني
نافشه شعرها هههههه
وناهضه كانت من النوم وبسرعه راحت المكتبه تدور كتاب
اخوها بسرعه راح سحبها خارج هههههههههه
وعصب
الشي الجميل ربيع اخوها قاله اخوها
هدك الشغاله ما عارفه ان حد هنا ههههههههههه
ههههههههههههه مستحيلة هالبنت ياخي الحمدلله حالتي كانت احسن ع الاقل شعري مو كله طالعاقتباس:
المشاركة الأصلية كتبت بواسطة احساس روح
وابوي ساتر علي مع اني سمعت ضحكة يحاول يمسكها اللي وراه والمشكلة انا لما اتكلم مع ابوي
يعني كذا اسلوب: هلا بالطيب عاش من شافك ياخي تو ما منور البيت متخلية هالكلام كله انا قلته هههه
بس عدت على خير وهم انا ما طلعت من الغرفة إلا اليوم الثاني
هلا فيك ضي ..
بالفعل سحب الفونات جاب نتيجه وتعدل الوضع الدراسي للافضل وهو المطلوب بالتأكيد ههههه ..
سبحان الله الكل يشكي من الفيزياء والكيمياء مدري ليش ههههه
بارت جميل وبدت بعض الاحلام والطموحات تتضح كما ان الكل نال عقابه
احييك على هذا الجهد الرائع وبإنتظار البارت القادم والذي واضح من خلال الحديث عنه انه سيكون اكثر تشويق بمجمل احداثه ههههه
الف شكر لجهدك وابداعك وتفاعلك الجميل
طابت مساءاتك ..
بارت جميل وحدثت فيه كثير من اﻻحداث وخصوصا اﻻشاعه مال علوش بنات كيدهن عظيم وهن طبعا ماقصرن فيهن مردغنهن ههههه
بأنتظار البارت القادم من صاحبة القلم المبدع