عرض للطباعة
عقبال ياماخذ فـؤادي ميـة عـام ..
.. ضيعتني منك وانـا مـا اهتديتـك
لا ..ما نسيتك كيف بانساك مـا دام ..
.. ذكرى الفراق تهزني لـو نسيتـك
حبك قدر وانا على ديـن الاسـلام ..
.. مكتوب في وجه الجبين ورضيتـك
لك في الضمير الود والحشمه اتوام ..
.. ولي في ضميرك مثل ما انا بغيتـك
ولك منزلٍ في نايف القلـب وخيـام ..
.. وذود الغـلا ترعـاه ولا شكيـتـك
يفطر عليك القلب وان فارقك صـام ..
.. والله لونك شـوك سـدره كليتـك
القلب طيرٍ لادعـي للهـوى حـام ..
.. والا انت وكره من كثـر ماهويتـك
كن العيون من النظر عقبـك ايتـام ..
.. وكني ماريت الا انت من يوم ريتك
وكنك معي وانا فقدتك مـن اعـوام ..
.. مـع الخيـال القـاك كنـي لقيتـك
من صعب وصلك ما تهنيتك احـلام ..
.. وان جابتك فزيت شـوق ومحيتـك
يعني وصالك صعب واهدافي اوهـام ..
.. يعنـي زرعتـك للقـدر ماجنيتـك
صبرك يقولون العرب كـل الايـام ..
.. يوم عليـك ويـوم لاجـاك جيتـك
ويا قلب ياللي ورثك اجـروح وآلام ..
.. بليتنـي ماهـو بانـا اللـي بليتـك
ولعتني من عادني في الهوى خـام ..
.. واسرفت بي وانا خطامـك عطيتـك
طعتك وزبدة طاعتـك هـم وهيـام ..
.. مالله كتب لي واستخرت وعصيتـك
لوللقلـوب اسـواق بايـع وسـوام ..
.. لاابدلـك وان جيتنـي ماشريـتـك
والا انت ياللي جيش عينيك مقـدام ..
.. لا اقنعت منـك والرجـا مارجيتـك
كني سجين بين..افـراج ..واعـدام ..
.. وكنك سجن وانـا بنفسـي بنيتـك
تنبيك عن حالي محاصيـل الالهـام ..
.. وتخبرك نظراتـي نهـار التقيتـك
عقب الوصال اللي على عين من لام ..
.. قدهو يكفيني عن الوصـل صيتـك
وقدني الى مريت بالشـارع العـام ..
.. لديت من ما في الضميـر ودعيتـك
ادري ان صوتي ماقطع عشرة اقدام ..
.. وادري بي اعود الى مـن نصيتـك
ياشينهـا يامحنـيٍ راس الابـهـام ..
.. ماقدر على شوفك وانا عنـد بيتـك
الاعمار ما تضمن وانا اخاف الاحكام ..
.. ارثيك خـاف اودعـك مـا رثيتـك
ولو ماعلى قلبك أمر ..
جبّ لي عمر !
وخل الحزن لحظه يمر .. وآحسّبه مر بـ سلام !
وجب لي معك 'طعم' الفرح
وإحساس ولسان
وكلام !
الليلة ياشمعه أنا ..
من دون ضيّك ، مو أنا !
من دون غيّك ماأحس ..
إنّي هنا ... وإنّي هنا !
الليلة محتاجك 'سما' .. بـ طيّر أنفاسي حمام !
الليلة محتاجك 'دعا صادق' ،
وطفلة و .. اغنيّة !
محتاجك أكثر .. من ( لقا أحباب ) غابوا ..
وامنيّه !
الليلة محتاجك حزن يشبه ( حزن )
فيني ينام !
الليلة محتاجك 'ملامح ناس' ..
غيّبهم زمن ..
ودي اعرف لـ مين هم راحوا ..
وانا باقي لـ من !؟
ودي اعرف شلون مـ ارتاحوا وانا جرحي ثمن !
ودي اعرف شلون ماصبّوا ..
وبـ يديهم غمام !
غنّي : يقولون الأغاني
هي أماني من دموع !
غنّي : مُحال نموت مثل الصوت / مثل أية شموع !
غنّي ..
انا ماعاد عندي صوت ..
وإحساس ..
وكلام !
هههههههههههه..لما شفت هذه المشاركة متت من ضحكاقتباس:
المشاركة الأصلية كتبت بواسطة قائد الغزلان
انا دارجه فيديووا اخر وليس هذا الفيدوو..شكلي تلخبط :)
بعض العرب حبـه يـوردك الجنـون
ولا يوصف لـه غـلاه احكـاك لـه
مايقنعه وصف الغلا لـو وش يكـون
لو كل حـرفٍ بالحريـر يحـاك لـه
الموت جاك وهـو تقلبـه الضنـون
ولا لك الا الصبر....وش وداك لـه؟
ان قلت ضايق..قال : هونها تهـون
مايدري ان ضيقتك لـه وبكـاك لـه
تقعد تحبه وانـت ساكـت ومغبـون
يمكن بيوم يقال له مـا اوفـاك لـه
وكانك مشكك هو يمون او مـا يمـون
تخيّل ان عفـت الصبـر فرقـاك لـه
غلاه من فوق الغـلا ماهـو بـدون
وحكاه سمعك يجبـرك بارخـاك لـه
ودك تحطه فالعيـون مـن العيـون
وتبسط على رمضى الثرا يمنـاك لـه
وتظله من الشمس في ظل الجفون,,,,
ولا يمر اذنه سوا لباك له
وتسج من غيـره لونهـم يذكـرون
ومنين ما سجت القـدم ممشـاك لـه
فلو ٍ يميله التـرف ميـل الغصـون
غصن ٍ ليان ومكرمـه بسقـاك لـه
جديله الى اقفى ستـر منـه المتـون
كنّـي بريحـه لالتفـت لدعـاك لـه
يزها الملابس ..اي لبس ..واي لون
وفالليل وجهـه لا ظهـر قـداك لـه
كيك وعسل لكن ماهو فـي صحـون
ودعاك من عين الحسود اغطاك لـه
الله لا يعطيـه نـاس س ينضلـون
ويستر عليه مـن النحـل لا ياكلـه
الوصف والتعبير في وصفـه يخـون
غير اطلب الله يستجيب ادعـاك لـه
وعذال قلبك فـي محبتـه يخسـون
سكينهم عـن قطـع حبلـه حاكلـه
اللـي مـن لحـوم الاوادم ياكلـون
وحلوقهـم دافـع البـلا متواكـلـه
ناس ٍ عن اعراض العرب ما يعرضون
ودايم على نفس الشكـل والشاكلـه
في سلمهـم اولا بالاكـل الاقربـون
واطيبهم اللي صيدتـه شكـواك لـه
يدعيهم الشيطـان للذنـب ويجـون
هـذا يقطـع لــه وذاك يواكـلـه
يا جعلهم فدوة ثـر الغـض الفتـون
اللي على الدرب الطويل اخطـاك لـه
طيفه الى نـام البشـر زارك بهـون
وطيفك الى نام البشـر سـرّاك لـه
حبه دفان ومقبـرة خضـر الطعـون
بيـن العظـام العـوج كنـك تاكلـه
اللي كذا حبـه لـو تمـوت مغبـون
ولا لك الا الصبـر .. وش وداك لـه
تصاميم كثير جميلهاقتباس:
المشاركة الأصلية كتبت بواسطة قائد الغزلان
ومجهود طيب منك قائد
يعطيك العافيه...