مساء النوير قبل الصباح بدقائق
كان خاطري أكتب بعض الأشياء
بس تراجعت عن الكتابة
بس عاد إذا ولا بدمن الكتابة بكتب عن أمس واليوم
طبعاً أمس بعد يوم شاق بالدوام
بعد الساعة ثنتين الزُهر والزهيرة
وصلت للثكن
طبعا غيرت ملابس الدوام
وتوضأت للصلاة وصليت الظهر والعصر كأني حاس والعادة ما أجمع الصلوات
المهم نمت وما دريت إلا الساعة 10:28 بالتحديد
نشيت متخرع
المهم نشيت ورحت أتنعنش وأخذي دش مع ستلايت
عشان أطلع
وتنعمت ورجعت للغرفة صليت المغرب والعشاء
صارت صلواتي كله جمع أعوذ بالله
بعدييييييييين
بدل لا أطلع رديت أنسدح ع الكرفاية وما دريت إلا الصبح
عاد ما نوم
وسلامتك
يُتبع بالصفحة التالية. .>>>>>>
اليوم الثاني الأثنين...!!
كالعادة الصبح في الدوام اللي ناويين يفنشوني منه
والسبب إنهم يحبون المجاملات ولا يرضون بالوقائع والحقائق
ولهذا السبب في واحد من المسؤولين خاطني براسه
عاد ما أعرف وين بالضبط
أخاف أكون مع القمل خخخخخ
المهم ما علينا الأرزاق بإيد الله
ولقطع الرزق أسباب هذا شي خالصين منه
عشان كذا ادور وظيفة 2
صرت أكره أداوم مع هالبشر
وكل واحد فيهم مثل السكين
أعوذ بالله
المهم
كالعادة نهاية الدوام يبرد رأسي من سوالفهم
وارجع للسكن وأنام
وعاد اليوم بعد النوم والإستحمام
وأداء الفريضة
تزجرتت وكشخت وطلعت
في بالي ألف بمسقط لففات من زمان ما لفيتها
وصلت للسيارة بالمواقف
تدرون شوه صار
حصلت السيارة ما تشتغل
عاد ما كشخه كانت
عاد دفيتها شوي وحظي كان الموقف حاد يعني فيه نزله أو هويّه ساعدتني بالدف
هشكت الموتر ورحت صوب الوادي الكبير أغير بطارية
بعدها رحت صوب الخوير
وتوني راجع
وتوته توته خلصت لحدوته
