سججل حضوركـ بـ " بيتـ شعري " على ذوقكـ :/

-



من الليل وسوادة لين تشرق شمَس
ترا ظني على شعِري .. ماقد خيّب
ٰ
رغم هجرك ونسيانك عهود الأمس؟
"ترا عندي أمل في قلبك الطيّب".

-



لا تعذر بالظروف .. وبالزمان وطيشه
وانت من عظمة لسانك قلت ببعد عنك
َ
ولا تحسب اني بعد فرقاك مالي عيشه
قد خذت شهب السنين احب و اغلى منك :))

-


بتنساني ليامن رحت ، وليا جيت
بتلقاني .. ذكرتك .. أوّل .. وتالي
َ
يجيبك عطر شالي ما يجيبك بيت
ويبقى البيت لو تنسى عطر شالي .

-



انتي عنيده وطحتي في غرام العنيد
اللي ليا من بغى له طرقةٍ ما استشار
َ
جيتي مثل ضحكة الأطفال في يوم عيد
ورحتي مثل دمعة الفرقا بـ صالة مطار .

-



شسولف لك ؟!!
عن شموس العواذل والجفا ظلّك ؟
عن غيومٍ تمر وعيّت تبلك ؟
عن احساسك .. مطر لـ الغير
ولا جاني رذاذك خير
انا الأول انا خلّك !!

-



وش فايدة احباب قد " كنّا " ؟
وغصن الغلا ما عاده بْـ وارق !
َ
لـ ذا : تغانمني ترى " حنّا " ؟
على شَفَا ( دمعه ) و نتفارق !!

-


والله ان الشاعر اللي مالي الدنيا قصايد
كنّها تربط لسانه مثل ما تربط شعرها

الغزل صار بنظرها عادةٍ ضمن العوايد ،
نادر اللي لا مدح في زينها يلفت نظرها .

-



يا أيُّها الصوتُ الّذي أحببتهُ
ورأيتُ فيه هدايتي ورَشادي
ٰ
لكَ في الحضورِ تلهُّفي وتودُّدي
لك في الغياب محبّتي وودادي !

-


أعتذر لك و نادم .. و أقبل الاعتذار
قبل تذبل ورود وقبل تطفي شموع

لايطوّل زعلك .. و عندك أنت القرار
يايطيح الحطب .. ولّا تطيح الدموع !

-


شلت من حزن الليالي مايكفّي
من يقول أن المفارق شي عادي

ناصحٍ قلبي ليآ قفّى يقفّي
بس قلبي ( لاحياة لمن تنادي )