-
هلا بالغوالي كيف حالكم عساكم بصحة وعافية ؟؟
مممم امس رايحة ادوور طبعا انا اطلع بدون تخطيط يجيني اتصال ضيون طالعين تجهزي 10 دقائق ونحن عندك ما عندي فرصة اقول لا مشغولة
ما يمشي معهم وكله اجلس قدام اتولى الديجيه لحد نمر على صديقتي وعاد تمسك هي الديجيه يعني كذا حماس اهم شيء ان الرحلة بدوني ما حلوه لاني
ربشة اصلح خط يعني السائق ما ينام ما في مجال اصلا تنكيت وربشة ونفس السالفة في عمان اخواتي يحبوا ياخذوني معهم لاني فوضوية بس طبعي
هادئ كيف يعني كذا يعني بس انكت وطبعي رزين يعني شكلي رزين طبعا لاني ما اعرفك تشوفني هادئة بس انا غير ذلك وعندي شغله اذا انت اكبر
مني احترمك بزيادة يعني استحي طشه اطفر فيك فتربح لكن لو انك اصغر مني مع نفسك هههه ..
المهم رحت حديقة ورد جميلة في "وربي " فيه كثير انواع للورد وكثير الوان ما شاء الله
بعدين رحنا الشلالات وهناك المغامرة ضيون البطلة تبي تصور عند الشلال خلفه بالضبط
وما جيت علي طحت بين الصخور والنهر او المصب لشلال وترضضت يدي ورجلي بس
عادي كملت وصورت وكذا ولما راجعين جلست مع الديجيه حجنا وابد ما كنا زي الاطفال
ابد بصراحة استمتعت حيل ما عاد جوعانه راحوا مطعم باكستاني اكلهم فلفل ما قدرت اكل
لان عندي مشكلة مع الاكل المفلفل اخرتها اكلت روب وخبز والحماس مستمر راجعة البيت
ساعة 1 تقريبا لان وصلنا البنات بيتهم ووصلوني وراحوا.. المكان يبعد عن ملبورن ساعتين
ونص ومن غير وحده من البنات كانت ترجع لان طلعنا الجبل وكله منحنيات انا بصراحة
ما اتلوع بس جلست عندها لانها تحس بلوعان قلت لها خلينا نتمرجح يمكن ترجعي وتحسي
براحة وفعلا راحت بشوري ههه ورجعت بس بصراحة حماس كان ههه ما غير الطيحة
الي عورتني بعدين
-
شباب وشابات الي يتابعني ويعرف اي احد مبتعث لمبلورن او سدني او استراليا بشكل عام حج الدراسة ويريد مساعدة
يقدر يتواصل معي على السناب شات حجي deialshams وانا احاول اساعدة يتواصل مع احد الاشخاص الي ممكن
يساعدوه يخلص اموره في استراليا .. واي احد عنده مقترح حج المشروع الي تكلمت عنه يقدر يتواصل معي سناب والي
يضيفني عشان يشوف الستوري وهالامور فانا للاسف قد اخيب املك لاني نادر ما انزل شيء في الستوري او ع الاقل الي
بنزله ما يفيدك .. الي يجوا ملبورن ع شهر 11 و12 ترا ملبورن حر جيبوا ملابس صيفيه بس جيبوا كذا لبسه شتوية وكم
جاكيت لان الوضع في ملبورن يتغير وامطار وينقلب الجو برد فجأة والمطر اي لحظة ينزل بس بشكل عام الصيف حر ..
وحاليا نحن في فصل الربيع درجة الحرارة تنخفض ومره ترتفع 30 درجة سيليزية عادي يعني وامطار ..
-
-
-
هلا والله متابعيني شلونكم انا لويني اخضر انتوا شنو ؟
المهم أمس كنا مخططين نسوي ميلاد عزه رحنا عندها الكلاس بربشتنا و كل عام وانتي بخير يا عزه على فكرة تفاجئت لأن يوم ميلادها شهر 8 طايف له دهر بس كذا حبينا نفاجئها هههه صاحت شوي من الصدمة طبعا مخططين مع استاذتهم .. الي ما تنطاق .. المهم كذا استانسنا
-
بخبركم سالفة ياخي حزنوني أهلي ما كأنهم أهلي اهئ أهئ .. عيل أهل من عينك ؟ ولا عينك ؟؟
المهم من وهو صغير قالوله اخوانه أنه هو لقيط وما اخوهم وبعدين عاد امه وابوه الحاليين تبنوه ههههه الي سوها فيه وصدقها يصفط وراي طابور هههه ... للمعلومية انا تهزقت عليها رايح أسأل أمي انا من أهلي قالت تتعلمي المكر انتي ههههه .. بس ياخي اقنعوني يعني دائما كانوا يحسبوني فلبينية وحتى من اروح المشفى يحسبوني بنت النيرس ايام الفلبينيات وينصدموا لما أمي تقول هاي بنتي كل الدلائل واضحة انا ما بنتهم ههههه بس كبرت طلعت اشبه أمي سبحان الله بان الحق الحين أعتذر أمي طفرتك هههه ..
المهم انا زعلانه مش زعل ثقيل يعني حز على خاطري اختي ام سُليمان مستوي لها حادث وسيارتها متكنسله كامل وانا ما عندي خبر وولد أخوي رسغ يده اليسار منكسر هو عمره 5 سنوات وانا آخر من يعلم ... زعلت بصراحة اوكيه الحمدلله اختي ما تعورت واجد بس رضض لكن تراها أختي شفيكم يا ناس ع الاقل اتصل عليها اتشكرلها بالسلامة ماكوا ضمير ما تعلموني لا المصيبة زوجها يرسلي سنابات لسلومي ويسلم علي ولا خبرني نفسي اناقره الشمج بس أكبر مني مشكلة يخبر علي بعدين وزير الداخلية واروح فيها عاد...
-
ليه لما تصارح الناس يزعلوا ترا ما من حقك تغصب احد عليك خلي الناس براحتها ياخي كلنا لنا ذوق معين ما لازم يعجبني انت ولا انتي مو شرط ذا ولازم تتقبلوا الكلام بصراحة مو تسولنا نفسية وتطلعونا مذنبين عليكم ولا تردوا على مواضيعنا ترا الموضوع عادي ما يستاهل حقد .. ما أحب هالتصرفات احسها تصرفات طفولية انت هنا مو شرط تعجب الكل ولا شرط الكل يعجبك انت تتعامل بأخلاقك اذا عندك أي خلاف مع شخص مو لازم كل الناس تعرف عادي يكون الخلاف مستور بين الاثنين او المجموعة .. أما انكم سالفة ياخي �� هههههه ضحكتوني لكن ههههه الله يسعدكم يا أولاد الحلال ما مطلوب منكم شيء غير ربي يصلح لكم الحال ويهديكم وتدعولنا بالخير بعد الإختلاف رحمة ما نقمة زي ما انتوا فاهمين ربي يصلحكم
-
ياخي أمس طبعا انتوا ما خلص عندكم اليوم ..
رسلي أستاذي مال عمان رسالة مرحبا رديت اسلم عليه وأسأله كيفك رد علي ما تسألي نذله ... عاد انا من شفت كلمة نذله فطست ضحك لأن في العادة هو ما يقول كذا لي يعني واجد نايس ويتصل علي أحيانا يعني زي ابوي كبير في السن بعد اكبر من ابوي ولما يبي يتكلم عادي عندي اسمعه وانكت معه بس نذله قوية ياخي هههه وفعله من باب حرص يعني ما احد يقولك كلمات كذا إلا إلي يعزك اذا نحن بين الصديقات ونستخدمها مو مشكلة نعرفها مزاح.. المهم رديت عليه " هههه شت نذله مرة وحده ليه معصب أستاذ ظروف زين .. الحين سألت " بس رده صح يدل على إني نذله قالي أختي توفت من 15 يوم ما شفتي البروفايل .. ما انكر اني شايفه البروفايل بس قلت يمكن عادي لانه هو يحط آيات قرآنية وكذا فسويت طاف قلت ما اسأل وأحيانا انت شخصيا تجيك فترة ما تبي تفتح نقاش ما تبي تتكلم كذا بعيد عن الكل انا أهلي يمر علي أسبوعين ما ارسل لهم خبر عني كذا مزاج .. لكن بصراحة تفشلت يعني هو زي والدي وواقف معي ورجال كبير ويعزني معزه أولاده ويمكن أكثر حسيت نفسي شو ما صغيرة وما راعية ذوق عزيته بس متأخر جداً مسكين هو رسلي انا رسلت لك من معزه اعتب عليك انتي زي بنتي هذا الكلام أثر فيني جد حسيت بغبائي ..يا الله ... ربي يرحم اخته ويرحم أمواتنا وأموات المسلمين يا رب العالمين وربي يعقلني شوي ويجعلني سعادة على قلوب الغير ( الكثير من الناس يا رب ) واتحرر من ذا الطبع الي ما نفسي ومالي بارض أكلم احد او اسأل آمين يا رب
-
خاطرة جديدة نزلتها اليوم خبرتكم عنها سابقا اذا تذكروها إمراة في عمر الستين ،،
الخاطرة فكرتها مستوحاه من قصص حقيقية حاولت ادمج كذا فكرة في الخاطرة ان شاء الله تنال اعجاب القراء ،،
إمرأة في عمر ال60
-
هلا بالجميع جمعة مباركة علينا وعليكم يا رب ...
ممممم تعرفوا امس كان متعة حقيقة سويت أشياء أول مرة بعمري أسويها في أستراليا .. كان واااااو من كثر الحماس راجعة البيت متأخر بخبركم بعدين الحين بروح أذاكر وعاد ارجع متفرغه لكم .. إن شاء الله
