عالمـي حيث لا مثيــل له !!

لا تبالغ في إحسان الظن بي..كي لا اخذلك.. ولاتسئ الظن بي..كي لاتظلمني.. لكن... اجعلني بدون ظنون.. كي اكون كما انا ..

أحدهم كان جميلاً لا أخفي عليه سراً

واليوم هو السر الذي يُبكيني و أخفيه عن الجميع

الزكام يقتل




بس الحمدلله حق حمده

أجبرتني دموعي أن أكتب...
أجبرتني همومي أن أبكي...
ويجبرني قلبي أن أفكر...
ويجبرني التفكير أن أتألم...
ويجبرني التألم أن أنزف...
ويجبرني النزف أن أموت ...
ويجبرني الموت أن أتحسر.

ومن يعيد لنا حلماً سرقته ‏الظروف!!.

حبيت شوي اغير ~

بتكلم عن بعض المصايب اللي سويتهن ف حياتي
وبعض المواقف المضحكه واللي تفشل ~


بغير يعني روتين المدونه وهيك

طبعا لو لا تجارب الحياه كنا ما تعلمنا ~

بدايه

بعد الثانويه
الكل ينتظر النسب وهيك وبعد النسب ننتظر القبول
كانت ايام حلوه وبالذات الفرحه
انا نتحول لـ حياه جديده ومشوار نبني فيه مستقبلنا ونحقق احلامنا

البدايه معي ~
غربه - مكان جديد - ناس جدد - صديقات جدد
طبعا كل شي يكون جديد

ما اعرف اذا كانت بدايتي هي سبب في نهايتي
بس اللي اعرفه
اني تعلمت اشياء كثيره كنت اجهلها وعرفت اميز الصح من الغلط


الغربه كانت شوي صعبه
وبالذات للبنت
بالنسبه لي حصلت صديقات فهمت عليهن وفهمن علي
يعني انسجمنا بشكل حلووو
وتعودت عليهن نفس اهلي

والناس اللي اضفتهم في قائمتي بدون صديقاتي طبعا
اكتشفتهم نوعيات
منهم منافق ، والبعض مصالح ، والبعض اوجه مختلفه ~


بس خليها ع الله ~

اذكر مره طلعت مع زميلتي مشوار وفجأه ترسلها وحده من زميلاتها وتقول لها مري علي اريدك توصليني مكان
طبعا زميلتي ما تداني هالبنت بس ما اعرف وش مصبرنها عليها
وطبعا رحنا لها هالبنت وماشاءالله من اول ما ركبت السياره ولسانها ما دش حلقها
وانا ساكته واسمع
طبعا كان سوالفها كله عن الشباب انا تعرفت ع فلان من المكان لـ فلاني وهو هامور
وكل يوم اخرفه ~

كنت ناويه اعق عمري من السياره بس لعنت بليس وجلست ساكته العب بـ فوني
يعني استغربت من هالبنت بقوه
تفتخري انك تخرفي فلان ؟
طيب وش المقابل تبيعي شرفك واخلاقك ؟
بكم ؟؟؟؟

المهم زميلتي سايرتها طول الطريق ووصلناها المكان اللي تبيه بس تفاجانا انها كانت تريد تقابل احد اول ما نزلت تحركنا احنا
وكلمتني زميلتي تقول ما كنت اعرف انها بتخليني دريول عشان اوصلها ف الاخير عند واحد
وكانت معصبه قالت اخر مره
قلتلها اسألك يعني هالبنت من اي نوووع وكيف انتي مسايرتنها
قالتلي انا ما عرفتها غير معرفه سطحيه
واكتشفت انها تكذب واجد وكل شغلها تخرف فلان وفلان
طبعا نصحت زميلتي وقلتلها لا تمشي مع هالنووع


البنت تتغرب عن اهلها بـ هدف معين
مو عشان تبيع شرفها لفلان وعلان ومقابل كم بيسه ما تدخلنا الجنه

هذا اول نوع عرفته ~
ع قولهم صارت الدنيا عكس الحين البنت هي تركض ورا الشاب ~

طاب مسائي يا انا
من جديد


طبعا مصايبي كثار ما تنحسب هههه

كانت معنا شوي مشاكل مع مشرفة السكن
كانت ما تدانينا ابد والسبب مجهوول
ويمكن يكوون لانا نعرف كل شي عنها وم كانت تقدر تسيطر علينا مثل باقي البنات
المهم مره من المرات دشت علينا المشرفه بعصبيه
وكان الكل ملتهي اللي تلعب بفونها واللي جالسه ع الاب واللي ترتب اغراضها وكذا يعني
المهم هي تصارخ علينا الكل معطنها سفه وسبب هالعصبيه كلها
عشان الدريشه مفتوحه وموقع الدريشه مقابل الشارع و كان وقت الليل

بس احنا كان ما هدفنا حاجه بس ترا يعني لازم نهوي الغرفه

وهي صارت تصارخ كذا ع الفاضي ومحد معطنها فيس اخر شي عصبت زياده لانه محد رد
وطلعت الغرفه وسكرت الباب بقوه من الغم
المهم كانن ربيعاتي شوي تجيهن حالات يفصلن وحالاتهن انواع
وحده من بينهن فصلت علينا وم استوعبت الموقف اللي صار الا لما سمعت دقت الباب
راحت وفتحت الباب وقالتلنا ياخي حتى انا اعرف اسكر الباب بقوه
قلنا لها لعني بليس واستهدي بالله
قالت توني مستوعبه السالفه
بس تقول خلني اتفاعل مع الموقف
المهم قامت تفتح الباب وتمت تصارخ وتقول تعالوا انا حتى اعرف اسكر الباب بقوه مو بس بعض الناس وجلست تجرب فوق عشر مرات واحنا نضحك

وما بس كذا ما اكتفينا سوينا لنا نفس العزبه ف الصاله وسوالف وضحك واللي رايح واللي جاي يسمعنا ف السكن وكل هذا عشان نقهر المشرفه
والله من خجلها مرت من عندنا وهي منزله راسها تحت
كل ما اذكر الموقف اضحك
لانه مالها حق تصارخ علينا كذا وكل شي يصير بالتفاهم
مو تصارخ بهالطريقه وكأنا اصغر عيالها

هالنوع من الناس يعني كيف اوصفها
مدري
بس يعني من قدامنا الشريفه والعفيفه ومن ورانا اشياء واشياء
يعني لو جينا نحكم ع الكتاب مو نحكم ع غلافه وانما ع محتوى الكتاب
كان نظامنا عكس قانونها
لانه قانونها يناسبها هي

احيانا تمر ف حياتنا لحظات ما نحس بقيمتها
لأنه في بعض الاحيان تغرينا الحياه
وننسى كل شي...

حياتي كانت اشبه بمغامره
دمرت كل شي ف نهاية المطاف...

في نااااس صنعوا لنا معروف ف حياتنا ما نسيت شي
من اللي سووه لي
بس كل ما ترجع صفحه من الماضي اتذكر كل شي واقول وينهم؟
يمكن هالناس ظلمناهم بسوء الظن..
ولما تركتهم مو القصد نسيتهم بس كنت ابا اعرف وش هو الغلط وليش ما برر لنا الغلط...؟


مرت الايام والشهور والعالم الله ما نسيت
بس الكرامه هي اساسي

لكن ف يوم وبعد كل اللي صار رجعت
بس رجعت ك معرفه سطحيه بهالناس

غابوا وما نعرف شي عنهم
بس كان الغلط راكبني من راسي لين رجلي
لاني كنت بالنسبه لهم حياه
وما كنت اعرف قيمتي
لين راح كل شي
وعرفت ف النهايه اني خسرت اشياء ما عمرها بترجع
كانوا غير الناس
ولحد الحين هم غير الناس
وللحين اذكرهم بالخير لو انهم بعيد
بس بالنسبه لي هم اقرب الناس لي


كل اللي اتمناه هو ليت الزمن يرجع خطوه ورا
كان غيرت في حياتي اشياء كثيره وأولها أنا
...........