هلا بالجميع ..
باربي زمان عنها المدونه هههه عاصفه من الغبار نعم طلعت ^^
عرض للطباعة
هلا بالجميع ..
باربي زمان عنها المدونه هههه عاصفه من الغبار نعم طلعت ^^
للمعلوومه ..
سبق ووضحت ان افتتاحي لهالمدونه كان الهدف منه ولازال هو تجميع كل اعمالي اللي نزلتهن تحديدا بالسبله سواء كانت قصايد او خواطر او قصص او قصايد صوتيه وقدمت بالفعل مجموعه هنا وان كانت بسيطه لأن للاسف اكثر من 90% من اعمالي صارت بأرشيف السبله وعانيت كثير اني جبت من هناك كم عمل عشان كذي توقفت ..
الف شكر ولا تكفي لمن قام بتجميع كل اعمالي بالارشيف وموافاتي بها دونما اطلب منه ذلك رغم الجهد الكبير اللي انا شخصيا عشته لما بحثت عنهن بالارشيف ..
بكل امانه جهد كبير وعظيم ومهما قدمت له من شكر وامتنان اجد ماقدمه لي من خدمه جليله اكبر بكثير من عبارات الشكر والامتنان ..
اسأل الله ان يوفقه وان يكون النجاح والسعاده دائم حليفه وماقدمه في ميزان حسناته ان شاء الله ..
راح اقدم بعد شوي كل قصايدي اللي نزلتهن بالسبله وبعدها كل خواطري وبعدها طبعا كل قصصي وبعد ذلك اقدم اللي نزلتهن بهذه النسخه وبهالشكل راح تكون كل اعمالي السابقه بالارشيف وبهذه النسخه مع بعض لسهولة الرجوع لها اما ماقدمته في الصحف والمنتديات اللي سابقا كنت بها قبل تسجلي بالسبله فهذي طبعا راحت مع مهب الريح ..
طابت مساءاتكم
قصيدة :حياك ياللي دندن العود والطار
http://archive.omaniaa.co/showthread.php?t=181591
يسعد مساكم / صباحكم
لكل الأحبه اقدم هالقصيده اللي قبل فتره من الوقت كنت كاتبها
اتمنى تنال رضاكم ...
حيّاك ياللّي دندن العود والطار
ونوّخ ركابه بالحمووول الثقيله
وهزّ الخفوووق الذي كان صبّار
وهيّج مشاعر من سنين(ن) عليله
عزفك شجاني يانسل سيد الاخيار
وشرّف قدوومك روضتي والخميله
ياللّي مثيلي تشتكي وحشة الدار
وكل ليلة(ن) عن الف ليله وليله
مثلي ومثلك بالدنا يلعب ادوار
وكل مننا يشكي الليالي الطويله
ومثلي ومثلك بالدنا دووم سفّار
لا له وطن ولا درووب(ن) تشيله
ياما عشت احلام بس الزمن دار
قفّى وخلّا دمووع عييني هميله
وابحرت ياما في دنا الحب إبحار
والوقت طوّل والأمااااااني بخيله
لاني التقيت بحب يبهرّني ابهار
ولاني رجعت الشّط اهنى بضليله
وقفّى ربيع العمر مع شحّ الامطار
وسيف الليالي دووم يشفي غليله
ورغم الذي القاه من مبعد (ن) جار
لازلت ارجووووو تمّر ليله جميله
ليله تجيني صدفة(ن) دونما اشعار
وفيها التقي باللّي ذبحني جديييله
سيد العذارى فكّها عنك الاسوااار
وان غاب خل(ن) الف تلقى بديله
والّلي خلقني مهجتي لك والابصار
ياللّي غلاك اليوم ناااااادر مثيله
اخوكم / رايق البال
~~~~~~~~~~
قصيدة: عطني قرارك
http://archive.omaniaa.co/showthread.php?t=179989
يسعد مساكم / صباحكم
لكل الأحبه اهدي ماخطه قلمي ....
عطني قرارك إيش هي آخرة حبك
أجيييك يعني ولاّ انته إتجييينييي؟
تعبت اصبّر خفوق(ن) انهكه دربك
ومليّت صبر(ن) على درووبه تمشيني
عمري تقضّى وانا اتبع شرقك وغربك
انهّد حيلي وانته وييينك وويييني
أواااه من قلب كل (م)اذكرك رحّب بك
وانضّم له غصب عني سمعي وعيني
ان جنّ ليلي تمنيته معك .. جنبك
وان لااااح صبحي ألملم مابقى فيني
ومابين هذا وهذا عيييشته صبّك
بين اللقااااا ولهفته وآهاااات تكويني
حسيبك الله فيني خاف من ربّك
ولاّ انت يرضيك يعني حرقة سنيني!؟
عطني قرارك إيش هي آخرة حبك
ولاّ وربّي ارقصّ لك شيااااااطيني
واحطّ قلبي بصدرك وانتزع قلبك
واذوّقك نار ياما اشعلتهااااا فيني
واحبّ غيييرك وهذي آخرة ذنبك
(ع) اللي تسويه فيني وماتراعيني
وانام سااالي وانته الشوق يلعب بك
تمشي دروب(ن) بها كم كنت تغريني
إيش قلت ياللّي كثير أتعبت من حبّك
أجيييييك ولاّ انت بالأوّول إتجييييييني؟
اخوكم / رايق البال
~~~~~~~~~~~
قصيدة:اهواك
http://archive.omaniaa.co/showthread.php?t=164528
يسعد صباحكم / مساكم
الف شكر مقدما لكل من لامست وجدانه احرفي المتواضعه ونالت اعجابه ....
اهواك اهواك في أنسي وفي شجني
اهواك دوماً فهل تكفيك ِ اهواك ِ ؟
اهواك لحنا ً شجيا َ شدنّي طربا ً
اهواك نورا ً مضيئا ً من ثناياك ِ
اهواك حلما ً جميلا ً زار مخيلتي
عند المنام ِ فهيّجني لذكراك
اشقاني البعد والاشواق سيدتي
فهل تراه كما اشقاني اشقاك ِ؟
اشواق قلبي بلا تعداد ارسلها
عبر النسيم ِ عسى تحظى برؤياك ِ
آآآه لسهمٍ من عينيك صوبّني
في القلب آآآه ٍ لقد اتقنتي مرماك
ماذا اقول لعين ٍ سال ادمعها
ماذا اقول لقلب ٍ مغرم ٍ باك ِ؟
هيا تعالي لنكتب ذكرى قصَتنا
بدم ّ قلبي فما احلاها ذكراك ِ
هيا تعالي لنشرب كأس صحبتنا
ولتتركيها على صدري ذراعاك ِ
اخوكم / رايق البال
قصيدة :ناشدتك الله
http://archive.omaniaa.co/showthread.php?t=172171
يسعد مساكم / صباحكم
تلبية لطلب شخصيه لها تقديرها التام والكبير عندي اقدم
هالقصيده اللي اتمنى تنال رضاكم .. هالقصيده من زمان شوي
كتبتها ونشرت بالطبع في جريدة عمان ..
كانت هالقصيده رد مني مدري مجاراه على صاحب السمو السيد /
فاتك بن فهر آل سعيد وطبعا نشرت بإسمي الحقيقي مش رايق البال
يعني كما هو لقبي هنا ههههههه ....
كانت قصيدة سموه عنوانها (سفر الليالي) وتبدأ بهذا المطلع ...
افاتح جنة الدنيا ومافيها
واعذّب عين مافيها يكفيها
واخاطب لوعتي والعين سهرانه
وانا علّة فؤادي من يداويها
وهذا كان ردي على سموه واتمنى ينال رضاكم ...
ناشدتك الله ياقاطع فيافيها
إفرد جناحك وحلّق في مراعيها
إفرد جناحك ولو ليلك بدا معتم
واصبر بدرب(ن) على الإخلاص ماشيها
وارمي حمولك على اللي رافع(ن) سبعه
نوّخ ركااااااااابك وسلّمها لبااااااريها
يالوعة الشوق ردّي صرخة العاشق
في ظلمة الليل يشكي ظلم غاليها
يشكي وليف(ن) تباعد رسمهم عنّه
قضّى حياااااااته يدوّر عن مراسيها
يالوعة الشوق منّه كفكفي دمعه
تفضح تجلّده مع انّه يداااااااريها
ياشاعر الحب هزّتني ترانيمك
ولحن(ن) عزفته صحى عين غافيها
صحيّت نار(ن) لها في مهجتي ملفى
وجرح(ن) دملته بدا ينزف ويضنيها
ياشاكي الهّم هذي حالة العاشق
يصبح ويمسي وعينه دووم مشقيها
من عادة الغيد ياشاكي تولّعنا
مهما نحاول صعب نفهم مراااااميها
مهما نحاول نفّك رموز طلسمها
لاشك نعجز نحلل وصف خافيها
تقسى على اللي لها روحه يقدمها
ولا صد عنها إله حثّت خطاااااويها
حاله عجيبه ولها تركيبة(ن) اعجب
ومثلك فهيم(ن) بما تحوي خوافيها
ياشاك هيّد عسى الاقدار لك تنصف
ويعووووود ولفك ولك تخضر روابيها
من يزرع الحب في درب الذي حبّه
لابد وقته عقب إجحاااااااف يجليها
ومن بعد صبرك لزوم الحظ لك يبسم
وترجع سفينك الى مرفأ اماااانيها
اخوكم / رايق البال
~~~~~~~~~
قصيدة الله عليك ياأخر حب والاول
http://archive.omaniaa.co/showthread.php?t=160418
يسعد مساكم / صباحكم
لكل الأحبه اهدي بوووووح قلبي وقلمي المتواضع مع شكري
العميق وتقديري لكل من استوقفته حروفي المتواضعه واعجبته .....
الله عليك يآآآآخر حب والأول
مهما يقولوا تظل الغالي الغالي
مهما يقولوا تظل الأروع الأجمل
سيد العذارى ودوم النايف العالي
محال اهوى وليف(ن) عنك واتحوّل
بالأول انته وغيرك كلهم تاااااالي
واللي خلقني احبك موووت واتأملّ
لحظة تلاقي بها ترتاح اوصالي
ضناني الشوووق ياللي طلّتك تخجل
غيرك من الغيد وانت بدنيتك سالي
تعااال وينك؟ تعبت اناظرك واسأل
افواج شوووق(ن) تدكّ حصون آمالي
تعااال إلحق خفوق(ن) زهرته تذبل
وخلهم يموتوووووون عذالك وعذااالي
اخوكم / رايق البال
~~~~~~~~~~
قصيدة: لاتحبسس الشووق خلك مثلما انته
http://archive.omaniaa.co/showthread.php?t=160060
يسعد مساكم / صباحكم
لكل الاحبه اهدي نزف قلمي المتواضع ....
لا تحبس الشوووق خلّك مثلما انته
تشرق بدنيا المحبه وترسم البسمه
اشرق واشرق بكون(ن) انت زينّته
(ف) عيون راهب ومنّك استمد اسمه
اهواك عشق(ن) بصّم القلب سكنّته
واهواك عطر(ن) يتوق لعاشقك شمّه
واهواك عهد(ن) بروحي وخافقي صنته
لا من ذكرته سلااا عن خافقي همّه
تعااال حلم(ن) رغم بعده تبينّته
وان غاب عني يظل بداخلي رسمه
تعااال حب(ن) على قلبي تمكنتّه
وارحل كطيف(ن) رقيق(ن) يشبه النسمه
ارحل وخذني انا من لي سواك انته؟
ارحل وخذني نصيبي انت والقسمه
اخوكم / رايق البال
قصيدة :مساء الخير مساء السعد والفرحه
http://archive.omaniaa.co/showthread.php?t=159128
يسعد مساكم / صباحكم
للجميع اهدي هالمساء وربما اتوقف بعده شوي لأنه بكرا رمضان واتوقع صعب اكتب غزل ههههههههه
مساء الخير مساء السعد والفرحه
مساء الورد على كل البشر اجمع
على غايب وعن داره بعد نزحه
على ام(ن) لأجله تبتهل تركع
على محروووم ينّن ويشتكي جرحه
على دنياااا نناديها ولا تسمع
على وقت(ن) تخالط جدّه ومزحه
وهو يدري غموضه ماغدا مقنع
على هم(ن) كساني وطال بي شرحه
على خل(ن) بوصله صاريتمنّع
اذا جيته مسااا يوعدني بصبحه
وان اصبح يواااعدني بمساا امتع
مساء الخير مساء السعد والفرحه
مساء الورد على كل البشر اجمع
اخوكم / رايق البال
~~~~~~~~~~
قصيدة:شقاني بعدك الدايم شقاني
http://archive.omaniaa.co/showthread.php?t=168662
يسعد صباحكم / مساكم
آخر ما اكتبه ربما نظرا لظروف العيد وإنشغالاته بالطبع .. كل عام
وجميع الأحبه بكل خير ان شاء الله ..
شقاني بعدك الدايم شقاني
وضيّع حلم عمري والأماني
وشتّت مابقى لي من عزيمه
بها اخفي ضنا قلب(ن) يعاني
وعرّبد في خفى الوجدان شوقي
وزلّزل ماااااتبقى من كياني
وربّك هدّ حيلي انتظارك
وانت بدنيتك سالي وهاني
احاول اخفي اللوعه لعلّي
اخفف بالصبر شوق(ن) ضناني
وارقب لا دخل ليلي واظلم
عساني التقي طيفك عساني
واتّوله لصوتك لا تجلّى
ثقيل الهم لا صوبه دعااااني
ترانيمك لها ايقاع سحري
لها عندي مفااااهيم ومعاني
ولكنك بكل قسوه اتمادى
بتعذيبي ويحلى لك هواني
فلا همّك معاناتي ووجدي
ولا نار اشتيااااااقي يا اناني
وراح الليل والفرحه تلاشت
وضاعت فرحة العمر (ف) ثواني
فلا انته جيت والخافق تهنى
ولا صووووتك بعد غيبه لفاني
اخوكم / رايق البال
~~~~~~~~~
قصيدة: يابنت أسف
http://archive.omaniaa.co/showthread.php?t=169221
يسعد صباحكم / مساكم
اتمنى مايخطه قلمي ينال رضاكم ....
يابنت ياللّي تظن فراقنا حالي
بكره تموتي من الحسرات لاذبتي
لاالشوق هزّك وصحتي ياهوى بالي
ودّي التقي بك يرد الصوت لك خبتي
خابت امانيك كثر ماخابت آمالي
ذوقي كؤوس(ن) لصبّك كم شرّبتي
ياما عشانك تكّدر خافقي السالي
ومن التبااااااااريح ياما وكم سببّتي
كم كنت احبك يااول حب والتالي
ورغم اقتنااااااعك بهذا بس كذّبتي
الحين جيتي عقب ماارتاح عذالي
والشعر الابيض ينادي يالغلا شبتي
جيتي تقولين ويينك ياهنى فالي
ودّي التقيبك .. نسيتي كم عذّبتي
يابنت آسف لقيت اللي تصافالي
اللي شراني مدامك للهوى بعتي
للحب ناسه وقلبك للأسف خالي
الغير شرّق بقلبي داااام غرّبتي
هذا انا مثل مانا صامد(ن) عالي
ماهزّني للأبد فرقااااااك لا غبتي
منتي الوحيده على يمناي وشمالي
غيرك ترا كثيييير ذابوا مثلما ذبتي
اخوكم / رايق البال
~~~~~~~~~~
قصيدة:هذا سناء الشمس والا نور اشراقك
http://archive.omaniaa.co/showthread.php?t=160723
يسعد مساكم / صباحكم
اهداء لكل الاحبه وعسى ينال
رضاكم ماسكبه قلمي المتواضع هنا ......
هذا سنا الشمس ولاّ نور اشراقك
ولا ّ حلم ليل مر وهيّج اشواقي
ولا احاسيس قلب(ن) شاقه عناقك
ولاّ لظى نار تنوي فيك احراقي
وهذا التواصل حقيقه كان واشواقك
ولا خيال(ن) يداعب حبر اوراقي
قمت آتسائل وادوّر (ع) الذي راقك
مني واسباب عزمك فكّ اوثاقي
هل ياترى جيت رحمه بحال مشتاقك
ولا حضورك زيادة هم للشاقي؟
ان كان هجرك يعاكس خط اخلاقك
وانك مثيلي على درب الهوى باقي
اوكان شوقك لملتاع الهوى ساقك
وجيت تهدي جروحي رقية الراقي
وشاركت قلب(ن) ضناه وهدّه فراقك
ليلة تلاقي بها كل الهنا ذاقي
اهلا(ن) وحياك ملبوس الوفا لاقك
لنّه حقيقه بمثلك زاهي(ن) راقي
رد التساؤل .. صحيح المشتقي شاقك
ولا انت ناوي ببحر الشوق اغراقي؟
اخوكم / رايق البال
قصيدة:ياساهر الليل تنطر جية الغايب
http://archive.omaniaa.co/showthread.php?t=161076
يسعد مساكم / صباحكم
شخبطه متواضعه لقلمي اتمنى تعجبكم ..
ياساهر الليل ترقب جيّة الغايب
ريّح خفوقك وشيل الضايقه عنّه
ياساهر الليل لايهمك ابد نايب
وخليك صابر بدرب(ن) انت ماشنه
لا تستمع فيه قول الحاسد العايب
واحفظ عهودك مع التشريع والسّنه
دامه يحبك .. اكيد لشوفتك ذايب
وشي(ن) مؤكد بعادك دوم شاقّنه
لوطال بعده لزوم لديرته آيب
ولو طال همّك اكيد السعد تالنه
وان دق بابك وجالك يعتذر تايب
واقسم ودادك محال يكون ناسنه
راعي ظروفه وقدّر صيحة الثايب
داري خفوق(ن) تترجم لوعته أنّه
يكفيه شوقه .. عذابه .. حظه الخايب
ياساهر الليل لاتخيّب ابد ظنه
اخوكم / رايق البال
~~~~~~~~~~~~
قصيدة: شريط الذكريات
http://archive.omaniaa.co/showthread.php?t=164807
يسعد صباحكم / مساكم
لكل من اعجبته محاولاتي المتواضعه اقدم بوووح قلمي .....
ومع ذاته وقف لحظه .. وقف يسترجع الذكرى
شريط الذكريات يعييد مشاهد سالف اعوامه
شريط الذكريات يعييد له الذكرى مع الذكرى
وهو غااارق بأفكاره مع الماضي وايامه
وفجأه والشريط يدور لقى له وقفة(ن) حيرى
بمشهد كان به ياما سبح في عالم احلامه
عجيب(ن) ذلك المشهد قلب من صحوته سكرى
وشتّت له موازينه واشعل نااااار ضراّمه
تحرّك به عظيم الشوق وحنّت مهجة(ن) حرّا
وهاجت ثورة الماضي وزاد الجرح إيلامه
وقف يستجمع القوّه وتمتم يانفس صبرا
عسى دنيا عبوس اليوم تحّن تعود بسّامه
وقفّى والامل عنده غصون(ن) مورقه خضرا
من الخناس يتعوّذ وشر عيووون لواّمه
لك الله ساري(ن) ليلك بدرب(ن) موحشه قفرا
عسى الخلاّق بك يلطف ويسبغ فيض إنعامه
اخوكم / رايق البال
~~~~~~~~
قصيدة:قسمة ونصيب
http://archive.omaniaa.co/showthread.php?t=174115
يسعد مساكم / صباحكم
هالمره ماراح اقدم غزلي كالعاده .. مب كله غزلي عاد دوووم ههههههههه
لكل الأحبه اتمنى ان ينال ماخطه قلمي المتواضع رضاكم .....
هذا نصيبك وكل(ن)تشمله القسمه
الكلّ ياخذ نصيبه ان كثر اوقلّ
أحد(ن)تلاقييه مضنى ناحل(ن)جسمه
قضىّ حياته يدوّر عالم(ن)اجمل
وجا يشتكي لك زمان(ن)افقده حلمه
لا شاف حلمه ولا عنّه الحلم يسأل
وأحد(ن)تلاقيه سالي يرسم البسمه
من راحة البال وبثوب الهنا يرفل
دنياك هذي اما عشت في نعمه
ولاّسقتّك شراب السم والحنظل
دنيا عجيبه صدق من قالها حكمه
اغنم صفاها وحاذر غدرها لا طلّ
هذا زمان(ن)تخالط حربه وسلمه
ولا جيت تفهم تظلّ الأحمق الأجهل
اخوكم / رايق البال
قصيدة :زاير الفجر وينك
http://archive.omaniaa.co/showthread.php?t=169654
يسعد صباحكم / مساكم
لكل الأحبه اهدي ما خطه قلمي المتواضع ....
زاير الفجر وينك
وين طلّة جبينك
عوّدتني حنينك
لا تطيل الغياب
شوف حال المعّنى
كم بإسمك تغنى
ولوصالك تمنى
خافقه فيك ذاب
انته انته رفيقه
انت ورده ورحيقه
لو جروحه عميقه
فيك يحلى العذاب
كيف انساك قلّي
وانت وردي وفلّي
خافقي بك يهلّي
وعن هوى الغير تاب
فيك حلمي لقيته
ولك طريقي مشيته
وان شعوري خفيته
يفضحه الإضطراب
ياعسى بس تفهم
للذي لك تظلّم
تستمع له ويغنم
منك رد الجواب
اخوكم / رايق البال
~~~~~~~~~
قصيدة:وقالت لامتى بصبر
http://archive.omaniaa.co/showthread.php?t=169962
يسعد صباحكم / مساكم
الإهداء لكل من تعاني نفس الوضع مع تمنياااااتي بإنفراجه .. والإهداء
اكيد موصول لكل الأحبه .....
وقالت لامتى اصبر وامارس لعبة الاحلام
تعبت من الصبر وانته مريح(ن) سالي البالي
فنيت سنين من عمري اطرّز فرحة الايام
واقول اليووووم او بكره يعوّد حلمي الغالي
وراح اليوم مع بكره ومرّ العام تلو العام
وقلبك ماااسأل مره ولا لحظه رثى لحالي
وتتركني بقايا انسان محطم تخنقه الاوهام
ادوّر دربك الضايع عسى القى سعد فالي
اعاند فيك من ينصح واخاصم قولة اللّوام
واناشد روحي الهلكى تكايد قول عذالي
واكتم لوعة الشكوى وادندن باعذب الانغام
عسى تسمع صدى صوتي وترفع هامتي عالي
وارجع مثقل الخطوه اصبّر خافق(ن) بك هام
وادوّر لك عذر لجله نويت اليوووووم إذلالي
وفجأه التقي شخصك يبدّد وحشة الايام
ويطلب مني الرجعه لحب(ن) قطّع اوصالي
وتهمس لي احبك دووم واني مصدر الإلهام
وانك بس لي وحدي واني مامضى وتالي
تذوّبني مناجاتك ويغسل دمعك الاسقام
واحضنك بالفرح واهتف هلااااابك ياهوى بالي
اخوكم / رايق البال
~~~~~~~~~~
قصيدة: همس القلوب
http://archive.omaniaa.co/showthread.php?t=176843
يسعد مساكم / صباحكم
لكل الأحبه اهدي ماخطه قلمي ...
على همس القلوب المتعبه بالحب والآهات
عزفت من اللحن احلاه وراقتهم مواويلي
تنااافض كل مافيهم وبانت لوعة الحسرات
تناثر حارق الدمعه وكل (ن) صاح ياااويلي
شجاهم عزفي الراقي وذكرّهم بما قد فات
هلا بكل من شكى فرقى وجا صوبي يناديلي
هلا بكل من حبيبه راااح وعنّه طوّل الغيبات
هلا بكل من شكى حظ (ن) تعمد عنّه ايميلي
سلام الله سلام الله على كل مغرم(ن) مابات
سلام الله على خل(ن) مديم (ن) دوم يضويلي
متى مالهّم نوّخ بي لفاني بأعذب الهمسات
واشعل بالفرح صووووته وطلاّااته قناااااديلي
هلا بالغالي الغالي هلا بك عمري اللي آت
هلا باللي احبه موووووت واشكيله ويشااااكيلي
اخوكم / رايق البال
~~~~~~~~~~
قصيدة: اهداء خاص لأعز الناس وأغلاهم
http://archive.omaniaa.co/showthread.php?t=166231
يسعد مساكم / صباحكم
الى روح امي الغاليه - رحمها الله - اهدي نزف قلبي ولواعجه ..
والإهداء موصول لكل من استوقفته احرفي وقلمي المتواضع ..
عودّتني التسامح والخفوق الحنوني
شايل الهّم عني لو بقلبك حريقه
تبتسم رغم انه بك عظيم الشجوني
تحتضن ود عمري لو دموعك دفيقه
بالصبر تحتويني ان تزايد جنوني
كم تراعي ظروفي والجراح العميقه
ماتخليت عني يوم كل(ن) جفوني
لا حشى يامداوي جرح قلبي وضيقه
ان تباعدت تعذر.. ماأسأت الظنوني
وان تقربّت زهرك يسقني من رحيقه
وان شكيت الليالي كنت افراح كوني
يااااامنوّر مسيري ان تعتّم طريقه
يارفيق الليالي ياملاذي وعوني
كم تجلّى وفائك بالعهود الوثيقه
كل مافيك آيه ضافيه كل لوني
وكلّ مافيّ يهتف انته انته رفيقه
آمر , انهي , تدلّل فيك عمري يهوني
ياسليل الأصاله والخصال العريقه
يااصيل المشاعر لو اقدم عيوني
ما اوفّيك حقك والحقيقه حقيقه
والذي زان صنعك ياللطيف الفتوني
شي مؤكد فراقك يالضنا ما اطيقه
اخوكم / رايق البال
~~~~~~~~~~~
قصيدة:ايها القلب كفاني
http://archive.omaniaa.co/showthread.php?t=173497
يسعد مساكم / صباحكم
لكل الأحبه اهدي ماخطه قلمي المتواضع ....
ايها القلب كفاني
منك شكوى وعتابا
وحنيناً وعذاباً
وبكاءاً وانتحابا
واشتياقاً لحبيب ٍ
زاد هجراً واغترابا
ياحبيبي ردّ روحي
ردّ عقلي والصوابا
فحياتي في يديك
وفؤادي فيك ذابا
كم نهيت القلب عنّك
ليت عن حبك تابا
كلما اوصدّت بابك
فتحت اشواقي بابا
انت لي اجمل حب ٍ
انت حرفي والكتابا
انت اشعاري وفنّي
انت لحني والربابا
فتلطّف بوصالك
وارحم الفلب المذابا
الف مره لك اشرح
ان بعدك والغيابا
يرهق القلب ويذهب
بفؤادي والصوابا
وختاما ً لك حبيّ
قبل موتي والغيابا
اخوكم / رايق البال
قصيدة: همس الجواري
http://archive.omaniaa.co/showthread.php?t=174820
يسعد مساكم / صباحكم
لكل الأحبه اهدي ماخطه قلمي المتواضع ....
هذا انا .. الحب عشّي وداري
رغم العنا والشوق اتبع بروقه
لي خافق(ن)يشتاق همس الجواري
ولي عين تهفو للجمال وتتوقه
تحييني الهمسات رغم انصهاري
وامووت في دنيا غرامي وذوقه
واحساس ياما وكم للوصل ساري
ينثر على الأسماااع همّه وشوقه
انصب خيامي له واشّب ناري
واسهر بليل(ن)ماتمنّى شروقه
واقطع فيافي الدرب واللّيل عاري
والليّل طوّل في صحاري خفوقه
ياراحل(ن)بالحّب ظلّل نهاري
القلب من فرقاك زادت حروقه
لا لا تروح بعييد خلّك جواري
وهذا البعاد ارجوك اتفّك طوقه
اخوكم / رايق البال
~~~~~~~~~
قصيدة: عافك خفوقي
http://archive.omaniaa.co/showthread.php?t=178318
يسعد مساكم / صباحكم
لكل الأحبه اهدي ماخطه قلمي ...
ياهيه ياللّي علينا شاف احواااله
وقام ايتعذر(ف) وصله ومايراعيني
ورغم التجافي علينا يعيد مواااّله
(ب) انّه وفي(ن) وانّه يفتدي عيني
وانّه ضروري اصدق كل ماقاله
لنّي حياته ومثل (م) اشريه شاريني
بالهون بالهون ياللّي تدحّض افعاله
اللّي يقوله وعلى باله سنت عيني
وظنّه اصدق حكي شروااات امثاله
وانّه بقوله على باله (ب) ينسيّني
ياما سقيتك لذيذ الحب وزلاله
وشريت ودّك وانا اللّي الكل يشريني
وياما خفوقي توالي الليل غناّلك
ونااار التياعي لجل فرقاك تكويني
وياما عيوني مناها تنتظر فااالك
واتبع دروب (ن) لجل لقياك تغريني
وياما وياما وياما يالغلا جااالك
مرسال شووووقي يناديلك تراعيني
والحين عافك خفوقي (ع) الذي ناله
من زيف حب(ن) سنين(ن) كان معميني
عاااافك وعفتك معه ماهمّني وصالك
دام اتضحلي بأنك بعتهاااااااا سنيني
اخوكم / رايق البال
~~~~~~~~
قصيدة: مافي للعتب داعي
http://archive.omaniaa.co/showthread.php?t=175835
يسعد مساكم / صباحكم
لكل الأحبه اهدي ما خطه قلمي .....
ومافي للعتب داعي ولا همس الهوى الهادي
ترى اسلوبك تعوّدته تثيري العاطفه فيني
كرهت الوعد واعذارك كرهته صوتك الشادي
تظلّي انتي مثل منتي بلا احساس في عيني
ظننتك في بدايااااتي شمعة عيد ميلادي
وحسبتك ياهوى بالي مثل (م) اشريك تشريني
هديتك امسي ويومي هديتك عمري الغادي
سقيت ازهااااارك الذبلى تمنيتك تنااااديني
لقيتك ناااكره للحب وعنوان الهوى السادي
ولقيت الهّم في قربك تغلغل في شراييني
كفرت بحبك العذري كفرت وزاد إلحاااادي
نثرتك يالرمااااد اللي كسى دفتر عناويني
نسيتك يالغرام اللي تجسّد فيه اصفادي
وعوووودك ياشقا عمري ترا ماعاد تغريني
كرهت الوعد والواعد غديتي بناظري عادي
كسبت كثيير من بعدك وانتي اللي خسرتيني
وداع(ن) يالملاك اللي خساااره كان جلاّدي
دفنت الحب في لحده امااااانه لا تصحييني
اخوكم / رايق البال
قصيدة : بيح مكنون قلبك
http://archive.omaniaa.co/showthread.php?t=185060
يسعد صباحكم / مساكم
لكل الأحبه اقدم هالمقطوعه البسيطه عسى ينال
اعجابكم ماخطه قلمي ...
بيح مكنون قلبك لا تداري غرامك
خل همس المشاعر للحبيب اتغّنى
اشرح الحال وضّح كلمّه عن هيامك
عن خفوق(ن) تولّع عن عيون اتمنّى
عن ليال(ن) كئيبه غاب عنها ابتسامك
عن حياة(ن) بدونه مالهااا اي معنى
علّ قلبه يقدّر لووووعتك وانسجاااامك
والهنا لك يناااااااادي ارتوي يامعنّى
ارتوي ياعويشق قد تحقق مرااااااامك
جااااك محبوب قلبك كلما الليل جنّى
جاك خل(ن) تودّه جااااك منحل عضامك
ارتوي من وصاله دام ظرفه تسنّى
اخوكم / رايق البال
~~~~~~~
قصيدة:تعبير الحروف
http://archive.omaniaa.co/showthread.php?t=186368
يسعد مساكم / صباحكم
لكل الأحبه اهدي ماخطه قلمي ...
الحكااايه تبتدي نظره وكسوف
صدفة(ن) ياصاح ساقتها الظروف
بعدها تبدأ علامات التساؤل
ويبتدي مشوار تعذيب(ن) وخوف
والخفوق تزيد دقاته وعينك
بعد رااااااحه صارت الدمعه ذروف
وكم تشارك نجمتك سهد الليالي
وكم تصبّر نفس ذوبّها الحسوف
ولا تغيّب تسرح بهوجاس فكرك
وتلتمس له العذر دومك له عطوف
ومن شكاتك والضنا ياما تكابد
ومن تصاريف الزمن ياماااا تشوف
هكذا الدنيا غريبه في التعامل
حد عااااايش بالهنا يصفق كفوف
وحد يشوف الويل من زود التياعه
عايش بهم(ن) وحرمان(ن) وخوف
ماهو قادر يسعد بلقيا خليله
كل لقيا صااااااااار يرهن بالظروف
ذي حقيقه كلها وتجسيد واقع
وهذا مابه جاد تعبير الحروووف
اخوكم / رايق البال
~~~~~~~~~~~
قصيدة: رضى الناس
http://archive.omaniaa.co/showthread.php?t=177529
يسعد مساكم / صباحكم
لكل الأحبه اهدي ماخطه قلمي ....
قالوا رضى الناس صعب(ن) اننا نناله
حكمه قديمه صدق من قالها والله
هذا لأجلك يقدم رووووحه وماااله
ولجلّك يجسّد عظيم الوّد والخلّه
يشري ودادك وتغدو كل آماله
يحمل همومك ويسعد روح معتّله
وان له تشاكي يقدّر واقع الحاله
مايستمع فيك قول الحاسد وعذله
وهذا يجنّد عليك الهّم وانكاله
دووووومه يدوّر لك الإشكال والذلّه
منّه تلاقي خسيس القول وافعاله
عنه تبعّد وحاااااااذرطبعه وأصله
الناس هذي وهذا الوقت واحواله
ناس(ن) تداوي وناس(ن) تبعث العلّه
اخوكم / رايق البال
قصيدة: الحلم
http://archive.omaniaa.co/showthread.php?t=182338
يسعد مساكم / صباحكم
لكل الأحبه اهدي ماخطه قلمي ...
تدثّر في سواد الليل وطفّى ضي قنديله
وحثّ الخطوة الهلكى تناصر دق خفقاته
يصبّر هاجس(ن) صوته بدت تعلا مواويله
يناظر (ع) البعد حلم(ن) لعلّه يلتقي ذاته
لعلّه يلتقي طيف(ن) يفكّ غموض تأويله
يحلّل رمزه المبهم وينهي طول مأساااته
تسربل بالصبر ثوب(ن) مراده يقتنص ليله
بها يرتاح من هم(ن) يزااااحم كل اوقاته
ولكن الهنا خاااانه فرش بالهّم منديله
غرز شوكه بكل قسوه وزوّد مر آهاااااته
رجع من رحلته واهن ضعيف(ن) ماإله حيله
تلاشى حلمه الزاااااايف على انغام أنّاته
لك الله ساري(ن) ليلك على حلم(ن) تنادي له
على حلم(ن) تلاشى وراح وتاهت عنك خطواته
اخوكم / رايق البال
~~~~~~~~
قصيدة: باهي الطله
http://archive.omaniaa.co/showthread.php?t=189044
يسعد مساكم / صباحكم
لكل الأحبه اهدي هالغنائيه متمنيا ان ينال رضاكم ماخطه قلمي ...
هلا بك باهي الطلّه
هلا بك وردي وفلّه
هلا بالغالي الغالي
هلا بسيد الحسن واهله
هلا بك باهي الطلّه
هلا باللّي تمنيته
وياما وكم ناديته
وبالأشواق ناجيته
وجمّ الشوق له كلّه
هلا بك باهي الطلّه
تعال اسكن بخفّاقي
تعال وطفّ اشواقي
بدونك تذبل اوراقي
وقلب المبتلي من له؟
هلا بك باهي الطلّه
احبك مووت لو تدري
وانته لي امل عمري
عظيم الشوق لك يجري
بدم المغرم المدله
هلا بك باهي الطلّه
اخوكم / رايق البال
~~~~~~~~
قصيدة:مسكين من خله بعيد
http://archive.omaniaa.co/showthread.php?t=399927
يسعد مساكم / صباحكم
لكل الأحبه اهدي بوح قلمي من بعض قديمي الذي نشر ..
مسكين من خلّه بعيد ..!!
ماينعرف عنّه جديد ..!!
حاله صعب .. فكره شريد
والعين ذوّبهاااا السهر
مقدر اعاند خطوتي
تسبق خطااااي لهفتي
انته مناااي ودنيتي
وياسيّدي كلّك نظر
رغم التباعد ياحبيب
واثق لقانا عن قريب
إمتى تحّن وتستجيب
وتعووود ياحلو الثغر
لاجتيني كلّك دفا
قلبي هدا جرحي شفا
وانت الوعد .. كلّك وفا
واناااا لوعدك منتظر
كلّي امل كلّي فرح
وينك يابو خد(ن) سمح
ياما خفوقي لك شرح
وانته تعااااملني بحذر
اخوكم / رايق البال
~~~~~~~~
قصيدة: يامن سكن قلبي
http://archive.omaniaa.co/showthread.php?t=421803
يسعد صباحكم / مساكم
دندنه ع الطاير من الرايق اتمنى تعجبكم ....
يامن سكن قلبي
واشتاق له وربّي
واشري وداده دوووم
وهو كل آمااالي
الراقي الغاااالي
اللّي اذا ماغاب
الشوق يلعّب بي ..!!!
يامالك الإحساس
اغليك دون الناس
امووت انا (ف) صوتك
واتووه (ف) سكوتك
ولا قلت لي قرّب
كلّي لك إيلبّي ...!!!
ارجوك حس فيني
تكفى وراعيني
واشري الذي يهواك
و (ف) وحدته ناداك
اخاف اموووت آناااا
وانته مهو جنبي ..!!!
اخوكم / رايق البال