|
الصدق مبدى والوفا نهـج وسلـوموالنفس ماتجبّر على شـي مكـروه |
والرُجل مايتبع .. ردييـن ورخـومواليا تبعّهم؟ يغدّي الدرب ويتـوه ! |
الرجُل له مبدى وأساليب وهمـوم؟ولاكل همٍ هـز صـدره يعرفـوه |
ياصاحبي موقفك واضـح ومفهـوملا تحسبني ضايـق البـال ياهـوه |
أنا ولد (قرناس) ماني ولـد (بـوم)وأنا الذي لا جيـت للنـاس حيـوه |
أنا الوفا مبـداي وجـدودي قـرومضلع المراجـل بالمكـارم تعلـوه |
أحساسي أسمى والقدر شي مقسـوممارجي سوى اللي كل خلقه ترجـوه |
ماجيت أرد أعلوم ؟ وأدوّر أعلـومأنا الشموخ اللي هل المجـد سمـوه |
ياليتني من صدق الاحساس معـدومميت مشاعر . فاقد العقل . معتـوه |
ماكان يجرحني صدى صوت مظلومفي مُجتمع ضايع وغاوي ومشبـوه |
لي نظرةٍ أرفع بها الـراس وأشـومعن الذي لا جاهم الضيف خلـوّه ! |
ولي بصمةٍ بالشعر ماتقبـل السـومماهزها حاسـد وناقـص ومسفـوه |
ولي هقوةٍ يفرح بها كـل زيـزوملا طوّف الواجب رديً .. تناسوه ! |
أدري بحاله ؟ ماعلى عيني غيـومقولة (هلا) عنده مثل قول (خيـوّه) |
ماقلتها قصدي .. مشاريه .. وألوم؟ألوم رجُلن عـن مبأديـه غـروه ؟ |
أهل الردى والزيف والكذب والزوممالي عليهم يأهل العُـرف مشـروه |
صدري سماء وأهداف غاياتي نجوميابعُدهم عـن منزلـي لـو تمنـوه |
ترقابي أسلومي لـو أطيـح وأقـومأرقى لها واللي على الارض خلـوه |
إرتك على متـنٍ يشّيلنـه أعـزومصميدعٍ لو أقـرب النـاس عـادوه |
يعيش رأسٍ يعشق المجـد ويـدومرأسٍ يضـد اللـي بفعلـه تحـدوه |
ولا عاش رأسٍ عن مبأديه منجـوملا دار فنجال المواجيـب عـدُوه ؟ |
عدُوه للي بالصعيبـات .. شغمـومحرن صفاته ماتشابه سـوى أبـوه |
هذاك (نايف) شوفته تبعـد الحـومنسل الحرار اللي على الطيب ربـوه |
يشوش راسه لا أعتزى فيه مضيومسِمي (أبوي) ويفتخر يـوم سمـوه |
|
