نبض الإحساس .. سجّل احساسك في هذه اللحظه

مستغرب اليوم ما مرتني جروحك ؟
متعوّد أشوف جرحك .. طارقٍ بابي
إن كان بك شي ، طمني على روحك
محتاج جرحٍ جديد يهدّي أعصابي !

أهم ما يبني العلاقات | تقدير
وكل شي حطه فالعلاقة محله .
ما كل مساء الخير تاصل مسا الخير
بعض مساء الخير " الشر كله " !!

ما فات من موعد الفرقا سوى ساعه
وللحين أحاول أهدّي نبضي الطايش
الفقد مؤلم .. ولكن أصعب أنواعه !!
تفقد لك إنسان بالدنيا و هو عايش

تمرني ذكرياتي ... و أنكسر كلّي

لأن الزمن .. ماهو مرجّع ولا وحده
الذكريات الجميله ، بس هي اللّي
على كثر ما تزيد تحس بالوحده !

قبل لا تطمس البسمة ملامح وجهي المنثور
تثور جيوش تحرقني وهي بالحيل مقهورة

وعدت القلب أحبسها ولكن مخبئي مشتور
غرق هالوعد بدموعن بعدها فيك مغرورة

أصوم دهور لعيونك ولا أفطر فتات شعور
بأمر الحب ما أقبل بقايا عشق وقشوره

إسألتني ليه قلبي يكره العشق و يخافه
و ذكرتني في حكايه اسمها ليل الرحيل
قصة المليون جرح قصه أشبه في خرافه
قصه من يسمعها لازم-لازم دموعه تسيل

من جبين الشمس طاااااااايح..؟!
اسمحيلي مقلتي..
هذا تفكير ٍ عبرني واتبعت له
اسئله..
الصفا والنور آيه
للحسن
وتعددي..
ياوصوفي في مدار الأستواء
بمقدره..
كن حلم ٍ في خيالي
بس ذا مايستوي..
واقع اتحسه دروبي وانتثر
في داخلي..

من غاب غاب الحال لكني !
ماهمني حالي ، كثر حاله ،
انا ماخاف انه مايذكرني !
انا اخاف اني على باله ..

مابين قوسين الهجر و المواصيل
تشربني الذكرى بعيني و تاكل
أتذكر ايامك بـ أدق التفاصيل
أنا مع النسيان عندي مشاكل !

ذاك الحنين اللي له القلب مشطور

يوقد من دموعي على الخد جـمره

مدري انا واقف على شـــــط بلور

يكشـــــف عنا وقتٍ بلاويه مُـــرّه