-
حد يبي شي من مطعم بن عتيق؟؟
ترا جالسه انطر كم طلبيه! اللي يبي يقول لا يستحي هع!
-
عمي العود بيسوي عمليه في الراس!
الظاهر انه هالويكند راح اقضيه بالمنامه :-/
ومره ثانيه السالفه فيها ترتيب شنطه!
-
اوكي يلا تشاو!! وصلت الطلبيات ووقت السواقه :-/
ابي طائره اففففف
-
-
مساء الخيرات والليرات...!
ياخي يصير نذبح موظفين الموارد البشرية! صراحه ماعرف وش فايدتهم في هالحياه!
ماعندهم الا انهم يعقدوا الموظفين!!
يعني بالله عليكم! انا راسله لهم ايميل كامل فيه كل التفاصيل تبع التخرج! عشان اخذ اجازه!
وركزوا ترا هالايميل راسلته من شهر٩!!! شهر ٩!!!
واليوم متصلين يقولوا الاداره وافقت تعطيج اجازه عشان التخرج! بس رسلي لنا ايميل يثبت انج بتروحي عشان تحضري التخرج!!
عفووا؟؟ نعم اخووي؟؟ ما سمعت؟؟ كرر كلامك؟؟
الحين انا راسله لكم ايميل من شهر ٩ فيه كل التفاصيل وبالايام والتواريخ!
جاي تقول لي رسلي ايميل عشان يثبت لنا!!
طيب والطمطمه اللي معكم في القسم! وش الفايدة منها؟؟
صراحه مصاخة!! :-/
-
ياخي سبحان الله!! افتح بعض المدونات واشوف ان الاعضاء حاطين ايقونات العاديه تبع الفون!
بس انا لما احطها تظهر لي علامات استفهام؟
ليش يعني؟؟ فيه شي انا ما اعرفه بهذا الموضوع؟؟
اللي يعرف بليز يخبرني وشكرا مقدما
-
صباح الخيرات والليرات..!
يسلمو لكل من خبرني الطريقه تبع مل ايقونات!! ذخر ذخر 😍
الحين يعني انا جالسه اجرب هع! اذا على كذا غابت مدونتي
بسدح كل الايقونات اللي احبها هع 🙊
-
وصلنا خبر انه عمي العود شوي تعبان بس الحمدلله..! وللحين متنوم بالمستشفى
ف عمي الغالي قرر انه يطلع من مسقط يوم الاربعاء القادم بإذن الله عشان لحد ذاج الوقت راح يكون مترخص من المستشفى!!
وانا على كذا بروح على الخميس بعد الدوام بإذن الله! 🤷🏿♀
هي زياره ومرة وحده اشتري الشي اللي في خاطري هع هع <<~ نذله هالانسانه 😆
-
احم احم صح صح امس سويت دوونات! بس عملته بدون سكر واللي يبي يضيف وحده حسب المزاج!
كل مره اسوي الشغاله تكون جنبي ولازم يتدمر هع
هالمره ضبطت هع!
من يقول انه دف دف تقدر تسوي عجينه هشه كذا😌! لا حد يستهين بقدراتي احم احم🤓
http://up.omaniaa.co/do.php?img=13009
شوفوا شوفوا كيف يشهي هع 🤠🤠
http://up.omaniaa.co/do.php?img=13008
هو صح ما يشبه بالضبط مل المحلات! لانه ترا مسوتنه في البيت وحدي ما بمكينه 😒<<~ ترقع لنفسها قبل لا حد يعلق ويضحك على الشكل النهائي 🤣
http://up.omaniaa.co/do.php?img=13007
وبس والله!
صبروا صبروا اسوي نفس نظام هذول مل السناب!
اذا حبيتووووو<<~ خبروني عشان اعطيكم المقادير🤣🤣
-
صحيح اذا حد اتصل فيكم وقال انا من كول سنتر البنك الفلاني والبنك العلاني!
خلوا بالكم ولا تعطوهم أي معلومات!
لانهم نصابين! 😒
البنوك بشكل عام ما تتصل في العميل، وتطلب منه معلومات! 🙄
وليش يتعبوا نفسهم ويتصلوا فيكم، ماهو من الاساس عندهم كل معلوماتكم 🤷🏿♀!!
