مدونتي الغريبة

اسال المشتاق وش يعني الرحيل
يوم شمسك ل الموادع مايله
ياشذا وردٍ على غصونه يميل
يابطى غيمٍ يشوق امخايله

ماحيت إلا على الوصل الجميل
ولا ذبحني إلا الظروف الحايله
ودي اب كلمة رجا تشفي الغليل
تقصر اللي في خفوقي طايله

غير عجل علينا
كان ودك تجينا
وينه و وين خله
والمسافه قريبه

ليت عيني مالمحت ليت قلبي ماهوا
وليت مالي فالبشر لا حبيب ولا خليل
ياهجوسي اسري الليل وكله لاضوا
واتركي كثر التفاكير والمعنى طويل
شينها لازان لك غالي ثم التوا
مثل بارق غيمة واختفى منه المخيل

كنت له صفحة ولكنه انكرها وطوا
دون مايكتب بها والله ماخبره بخيل
الليالي جرح والتجربه خير الدوا
حظ من عانه زمانه ورد له الجميل

ألا يا بحر قلي كم في بطنك ناسٍ أحرار
ذبحهم موج طامي وراحوا مع عطاويها

انا مثل الذي شاف الموج اقبل عليه ودار
ذبحه وطارت أشلائه (قطع)من يواريها
عرفت ان الفراق اقسى من إلي داخل الاسوار
ما يقدر يطلع لبره ولا يقدر يخفي ما فيها

البارحه مر طيفك يوم بان القمر
وارهيت عذب القوافي واجمل لحونها

اسامر طيوف من لأجله عشقت السهر
والعين ما تسهر الا لأجل مضنونها

يازين عود ترى ماعاد فيني صبر
بعدك عذابي ونفسي باح مكنونها

علميهم يالمحبة وش هو علاج المحبه
زاد خلي في صدوده وأنا مابقوى وصاله
ياعيوني ياعيونه خافي من ربي وربه
وارحمي حال المولع مايشوف الا خياله
اه ياقلبي علامك
لايطول في غيابه

اثر الالم في سكره المـــوت قاسي *** ماهالني مثله وانا انسان حـــساس

جابوا كفن ابيض مقاسه مقاســــي*** ولفوا به الجسم المحنط مع الـراس
وشالوني اربع بالنعش ومتواســي *** عليه ومغطى على جسمي البـــاس
وصلوا علي وكلــــــهم في مــآسي *** ربعي ومعهم ناس من كل الاجناس
ياكيف سوا عقبنا تاج راســــــــي *** وامي الحبيبه وش سوى بها الياس
اسمع صدى صوت يهز الرواسي *** قولولها لاتلطـــم الخــد ياناس
قولولها حق وتجرعت كاســـــــي*** لاتحترق كل يبي يجرع الكـــــاس

اصبحت في قبري ولابه مواسي*** واسمع قريع نعولهم يوم تـــــنداس

من يوم قــــــفوا حل موثق لباسي*** وعلى رد الروح صوت بالاجراس
هـيكل غريب وقال ليه التــــــناسي*** صوته رهيب وخلفه اثنين حـــراس