الجزء الاخيرررر...
هلا فيكم ...
وفي الليل راح عند الجبل ويرسم النجوم في الارض ويشوف فوق بعدين حس بالجن كلهم التموا عليه ما قدر يتحرك ولا يتنفس وما تحمل ...وفي نهاية الامر لقى نفسه بالبيت وهو بالسرير واهله يقريوا عليه...اتصل محمد ب اخوه ليطمئن على عادل بعد ما اتصل فيه وهو ما يرد وخاف يكون صار فيه شيء... خبره بحالة عادل وان كل يوم يزداد سوء فقال له لا يكون يريد يتزوج وظروفه ما تسمح وكذا صار له، رد عليه الاخ لا الامر اكبر من سالفه الزواج كأنه فيه انهيار نفسي حاولت افهم شيء من الي يصير له ما قدرت ويقول كلام غريب دخلت غرفته حصلت عنده كتب غريبة وهو خلاص مافيه عقل معنا كـأنه جثه تتحرك مثل الرجل الالي وما عارفين شو الحل ...وخايفين عليه كثير,,,بعد ما اغلق محمد الهاتف اتصل بحسن وخالد وخبرهم وقرروا يزوروا عادل ولما شافهم ابتسم وما جلس معهم استغربوا من الامر ...محمد تذكر مقوله جده ان الجن لما يتلبسوا الشخص في راسه يكون مجنون وقال يمكن من الجن الي بالبيت استوى له كذا وبعد ما قال كذا محمد ع طول راحوا مع عالم وبعد معاينة حالته قالهم هذا فيه مرض نفسي والافضل تروحوا المستشفى ولما شافه الطبيب قالهم لازم نحوله مستشفى الامراض النفسية هذا حالته مستعصية ومتبلغ عنده الامر وشكله خلاص باقي شوي وبيكون مجنون ...عطوه ادوية مهدئات وغيرهن وهو حالته تستاء جدا لان الجن تلبسوه واصبح شخص بدون عقل...وكل يوم يشرب الادوية وتزيد الحاله
وقالهم الدكتور اذا ما شيء استجابة للادوية لازم يجلس معنا...
خالد كلما راح مكان حس بحد يلاحقه لما يركب سيارته ولما يخلي شيء في المقعد الامامي ع طول يسقط في الارض كأن احد بالكرسي ..يستغرب ويقول مو هذا الي يصير وفي يوم دخل غرفته بالليل الي هي بالبلد شوي يجلس بالكرسي ويسمع صوت يأن ويصرخ بصوت خفيف ..قال بسم الله من هناك ماحد تكلم وقف يغير ملابسه الي حد يمسكه من ظهره بقوة ويقوله مستحيل حد يقرب صوبك انا حبيتك وانت لي برضاك او غيره بس ما يشوف حد بس يسمع الصوت ويحس بالمسكة ويقرأ قرآن بس لازال الوضع لان الظاهر انها مسلمة والقرآن عادي تسمعه فجأة تجي عند خالد قوة وكأنه يلقي بها بالارض ويخرج بسرعه من الغرفه ويركض عند ابوه ويخبره بالسالفه قاله بسم الله من وين جتك هذي لا تخاف بنروح عند شخص يقرأ قرآن وكل شيء بيروح خالد خايف لا تسوي فيه شيء ...لا قدر يروح العمل ولا قدر يجلس في مكان بنفسه كانت لما تحصل فرصه بروحه تطلع له وتقوله نفس الكلام ...
خالد كان جالس يحضر بنفسه وفجأة....
وسمع صوتها بدلع شوي وهي تدلعه ويلتفت ويقول مرة جيتي انتي الله يخلصني منك ومن شرك..ردت عليه ما لك مفر خلاص خبرت كبيرنا وقال بيساعدني وبكون معك طول الوقت وانا لك وبلعب بشعرك الحرير و.... وهو يتعوذ وهي تتكلم وبعدين حس انها تقترب منه خاف بشدة منها وقالها اذا قربتي مني ما بتزوجك كان يريد ينقذ نفسه يسمع صوتها وخطواتها بس ما يشوفها فجأة حس بشيء يلمس خده ارتعب خالد لما بغى يقوم ما قدر كأنه حد مسكة وهو حضر كبير الجن وصل يريد يزوجها سمع اصوات واصوات وخالد يصرخ بس ماحد يسمع صوته...
اهل عادل واحد من جيرانهم خبرهم انه اكيد فيه جن ووصف لهم على عالم قرآن وفعلا
راحوا مع الشيخ لما شاف حالته قال الله يعينه ... اخذ ايده ومسك رأسة من صوبين مسكة قوية وقرأ له المرة الاولى وبدوا الجن يطلعوا ويتكلموا ....سألهم ليش دخلتوا هذا الشاب خبروه ان هو الي حاول يتعلم .....بس ما قدر وما تحمل واحنا كنا هناك ودخلنا فيه بلحظة خوف وقلة ايمان وما نريد نطلع منه ...قال لهم طلعوا وما رضوا
قال لهم بتطلعوا بالقرآن...قرأ له المرة الاولى وما شيء استجابة ،،، قالهم جيبوه يوميا لمدة اسبوع وبيرجع مثل ماكان...
خالد حالته صعبه في الغرفه ويرتجف خوف ويحس رأسه ينفجر فجأة يدخل اخوه الصغير واختفوا الجن وما قدروا يتموا الزواج
ركض خالد وهو يبكي عند امه ساعدوني شو العمل انا خايف بروح عنكم ساعدوني
امر خالد صعب الجن مو متلبسينه بس يراقبوه ويريدوا تحين الفرصه ويتم الزواج وبيكون بعالمهم
لما يكون نايم بغرفته يحس بشيء جنبة وولما يريد يخرج ما يقدر تكرر الامر مرارا
وقرر انه ما ينام بغرفته ولا ينام وحده ...ينام مع اخوه ويتكرر نفس الامر الاخ يجد نفسه بالارض
وهي تجلس جنبه ...
في يوم كان عندهم عرس ولد عمه وهو صديقة ولازم يكون كشخه بالعرس لانه بيمشي معه
كالعادة في غرفته يتجهزو يلبس الخنجر كلما يريد يصلحه يسقط الخنجر بالارض وتكرر الامر
وما حس بنفسه الا حد يدفعه بالكرسي وجلس ومسكة قوية ما قدر يتحرك
وبصوت اليوم يومنا وين المفر....انا لك وانت لي
امه عند الباب تقوله خلود يالله تأخرنا وهو يرد عليها بس ما تسمعه كأنه بمكان
بعيد...خالد من الخوف والرعب ما حس بنفسه فقد الوعي
ولما صحى في بيت غريب وهناك رجل ملتحي وفيه عمامه هع صرخ خالد يفتكر انه مع العالم الاخر
وضحك الشيخ وطمنه انه بأمان وربه نقذه ...بس كان بجسمة اثار اظافر حبيبته
طلب منه يواظب على القرآن ويبتعد عن اشياء كثيرة وفعلا اختفت حبيبته من الجن وبدت امورة تتحسن وترجع اوضاعه مثل ماكانت
عادل بدأت امورة تتحسن والعالم خبرهم بإلي كان عادل يريد يسوية وبموضوع الكتب
وفي نهاية الامر تم حرق الكتاب الي اشتراه بثمن غالي
حسن كان ليس احسن حظ من عادل وخالد
كان طالع بسيارته وشوي ابتعد عن البيت الي وحد يمسك البريك وانقلبت السيارة بعادل
ويشوف رجال شايب جنبة ويقوله تريد تجي معي وحسن ما فاهم شيء
وفجأة مجموعه شباب يقتربوا من حسن واختفى الشايب نقذوا حسن وفي المستشفى تكرر
نفس الشخص يوقف جنبة ويمسك ايده ....حضر اهل حسن واختفى
كان يتابعه مرار ولما وصل البيت حسن كان بعالم اخر ويهذي
اسبوع بنفس الحال وفي نهاية الامر كتب له شيخ حرز (آيات قرآنية ) وبدأ يرجع مثل ما كان
هههههههه والي كان يخاف بشده هو الي سلم من الجن ....محمد...
بعد شهر انتهى الامر وفهموا ليش الجن كانوا معهم
ويضحكوا على خالد وحبيبته من العالم الاخر ومحمد مسوي نفسه انه هو مطوع من كذا
سلم من الجن هههههههههه
ورجعوا الاصحاب مثل ما كانوا
وانت
هت سالفه الكتاب ونسى عادل كل شيء واقسم ما يتبع هالامور
ودمتم سالمين
واعتذر على سرعه الاحداث ودمجها لظروف وما وصفت لكم بالدقه الي صار مع خالد وحسن:cool:
تحياتي لكم\ورد
نلتقي في رواية اخرى
همسة
روايتي افتقدت تعليق الغالية على قلبي:confused:
