ليتك تشوف شلون فيكم تعلقت
وحتى مع الاحلام طيفك يجيني
أصد عنك وانت فيني تحكمت
صدة غلا والشوق زود حنيني
عرض للطباعة
ليتك تشوف شلون فيكم تعلقت
وحتى مع الاحلام طيفك يجيني
أصد عنك وانت فيني تحكمت
صدة غلا والشوق زود حنيني
لا تـامن الوقت يالغالي على هونك
الوقـت طبعـه كــذا معـاد به ..قوه
أحيان تلقى جميع الناس .يغلونك
وأحيان تبكي على المعروف والخوه
يا ملفت الأنظار من غير : كلمه
يا سارق أيامي غداً و أمس و اليوم .
لو يقدر الشخص يتحكم بحلمه
سكنتك أحلامي و عشت العمر نوم
لك من عيون الحكي كل الحكي
ولك من عيون المساء غيمة وله
لو سألتني على وش أرتكي .. ؟
قلت روحك و المطر ، و الاسئلة
-
طين .. يِتعالى فوق طين
وانا بحالي .. لو حكوا /
أنا ' شعور' المُحبطين
اللي من الهمّ ضحكوا
-
أنا النسّاي
وانا حزن امس
وجروح الحنين الجاي
اوقّف لـ اكثر احبابي
و على بابي .. يوقّفني التعب
ما وقّفوا ويّاي ؛(
-
تبي تشره على قلّ الوصال ! اشره
أنا | ماعاد فيني حيل واعاني /
ورب البيت والدمعات والعِشره
أحبّك فوق ما تحتاجه احزاني
-
يا سيدة كـل : الإناث ،
قلبي لـ هجرك ما نوى !
ما أغتني عن هالثلاث ،
الماي ، وأنتي ، والهوا !
-
إرتجلت الأمنيات وقلت اخونك
واستعنت بغيبتك والليل ساكن /
رحت ادوّر عن عُمر يكبر بدونك
مالقيت الا الفنى بكلّ الأماكن
ورود الأشواق ما تذبل على الطاري
كـم وردة ذبلـة وعيـني تناظـرها
كمية الكبت والتقصير الأجباري
خلتني أسكت عن الضيقه واسايرها
الشــوق يذبح والمعانـي لها بوح
والوصـل درب للمحبيـن ضــاوي
بسمعك شطرٍ له الصوت مبحوح
فرقى الحبايـب جرح ماله مداوي
لاتشكـي ياخاطري ضيقـة اليـوم
اصبر على الضيقه زمـن واحتملها
بعـض الهمـوم تعيش وتولـد همـوم
وبعض المشاعر قاسيـه مثـل اهلهـا
تسألني شلونك و أقول لك مرتاح
حتى و أنا واضح علي انزعاجي
أكافح العبره و لو دمعها طاح
الين صرت تقول عني مزاجي
-
ما عطيت الا و انا قد .. العطا
و لا خذيت الا الجحود و ضيقته -
ما دريت إن الخطا كل الخطا
ترتبط بـ : إنسان يعشق غيبته !!
-
قولي : ( ألـو ) لاتسمعين .. وتسكتين !
قلت أتّصل وانسى بـ : صوتك ماحصل ,
من كثر ما 'صوتي ' من ألفرقى حزين
احس بـ إن ( ألدمع ) من صوتي نزل !
-
في شموخي فخر ولطبعي مهابه
ما شغلني حكي نــاس ولا نقـيده
من سعى يبغى الوصل يا مرحبابه
ومن سعى يبغي الجفا فرصه سعيده
-
أشوفك أخر أمآلي " على فكره "
و أشوفك من على الدنيآ تكثرني '
أعيش الوقت عيش الخآيف المُكره
و لآ غيرك على وقتي يصبرني '
#بدر_السعد
-
تجي الاحزان من لـ عيون
ركض قلبي ورا ذوقي
اذا " وجهك سحابه " شلون ؟
ابنسى .. والسما فوقي (:
-
كانت الايام في عيني مسرّه .
ماعرفت الضيق الا يوم رحتي .
طالبك خلي المعاتب والتشرّه .
انا مشتاق لحنانك لو سمحتي . . .
#محمد_النصافي
أسمع !!
صدى صوتك وأدورك وين أنت
وأصيح بين ألناس سـامعك وينك
ردوا علي ألناس مسكين يا أنت
أللي سمعته بين نفسك وبينك
ألصوت هذا مصدره داخلك أنت
في وسط قلبك ساكنً نور
عينك !
إن حكيت لا تزيد .. ( الكلام ) !
. . . . . . . . حطّ ( اعيونك ) بعيني , وافهمك
في حضورك شوقي فبرد , وسلام
. . . . . . . . وفي غيابك كل ( عرقٍ ) يزهمك .!
استخف الناس , واحيا بـ ( الغرام )
. . . . . . . . الله يخليك , وجعلي ( معدمك ) .!
مادام الورق له صدر واســــع يضـمّ البـوح
أبهدي عيونك بــــــوح روحٍ معـــــك ذابـت
وانا الليّ قَريْتَك ياكتـاب الغـــــــلا المفتـوح
ولك صــــــورةٍ مـن محجـر العيـن مـاغابـت
أتْجَاهَلْ النَاسْ لا مِنْ قَالَوا اشْلُونِك ؟
. . . اخَآفْ انْطِقْ بِدُونْ ( شْعُور ) مَوْجُوعَه "
مِثِل الذِي صَاْبِرِن عَ العِيشِه بْدُونِك
. . . وبَيْن كِلْ الخَلايِقْ . . / خَانَتَ ( ادْمُوعَه )
القلوب إن رفرَفَت , راحت علينا
ماتعَوّد عشّها .. قبل : المغيب
والسؤال اللي جوابه : في يدينا
وش طَعَم هالدنيا لو مابه : حبيب ؟
يفداك من شافك علـى مـرّ الايـام
ياتاج راسـي فـي ليـال الشدايـد
إن رحت زارتني هواجيس وأوهـام
وإن جيت راح الهـم عنِّـيْ بدايـد
لبى الحياه اللي غرامك نمطها
أمشي على سطر الغلا وأكتبك حرف
وأغمض عيوني وأشوفك وسطها
آنـاظرك وأغض عن غيرك الطرف !
يآوجْـد حَـالـي كِل مـاحَـلْ طـاريـه
أحسْ قـلبـي يـنْشِلع مِـن مـكـانـه
ذاك الذي من بـد هـ الناس معطيه
رووحي وعمري والخفوق بـكيـانـه
من زود حبْه لـ ألتفت قلت: لبيـه
الله وأمـانـه جـيـت كِلّـي عَشـانـه
مشتاق انا لشوفتك ومشتاق لطاريـك
وينك ياضيا عيني ونورها مع هدبها
انت نظر عيني وداخل القلب اباريـك
العين تتمناك لان كل شي فيك عجبها
من رافقك والله حشي مايخليك,,,
لو عاشرك كل الدهر مايملك ..
انا اشهد اني حرت مدري شسميك ,,,
كل الخصال النادره ينتمن لك..
الطيب كنه شابك ايديه بأيديك ,,
ان كان له صاحب فهو صاحبلك ...
" فديت من هو داخل القلب ساكن
يا جعلني ما افقده و احزنه و ابكيه"
" حبه في قلبي احتل كل الاماكن
يالله طلبتك تحفظه لي تخليه
كثر إشتياقي لك (عيوني تمناك)
ودي أضمك في عيوني وأداريك
أنت الوحيد إن غبت ماغاب طاريك
وأنت الوحيد اللي حياتي تناديك
وأنت الوحيد إن جيتني عقب فرقاك
أطفا بشوفك أحترق يوم ألاقيك
الورد ياخذ له من اوصافك وصوف
والعطر ياخذ له من انفاسك عـطـر
واللي قدر يجمع وصايفك بحـروف
مثل الذي يقدر على جمع ٠٠المطر
انا والليل والعبرة وجرح وخاطر مكسور
ونفس من هجير البعد والحرمان مقهورة
وقلب ظامي لشوفك ولايروى ظماه بحور
وعين تحتري لحظة غياب الطيف وحظوره
وانتو غلاكم مثل شعر الغزل راقي ..
ان غبت يومين او غبت العمر كله
يبقى الولاء للمحبه داخل اعماقي
نلقى لنا ب البعد حشمة ومقدار
و مهما الليالي والظروف اشغلتنا
يبقى الغلآ سايد على بعد الانظار
ولا تزعل على شعري ولا تعتب
انا ما انفع اكون .. الاّ مع الغرقى
ابكتب عن رجوعك ماعرفت اكتب
وعرفت ان الشعر مخلوق للفرقى
اللي يحبّك وفجأه يكرهك شالسبب ؟
هذا يبي شي منّك ماقدر .. ياخذه :d
هههه صدقت ياابه
-
طار المنام اسراب من غصن الغياب
و اجدبْت من فرقاك و امطر مدمعي /
احترت ما بين انتظاري و العتاب
و تاب العتاب و صار ينتظرك معي
-
سيدي وانت جرحٍ ما ظهر سرّه
جيتك بقلب سامح ماله إراده
عذري بكل مره: مثل هالمرّه
من يلوم الغريب؟ ان حن لبلاده.