https://up.omaniaa.co/do.php?img=9284
متى كنت ارسم اصلا هههه
"من الماضي"
عرض للطباعة
https://up.omaniaa.co/do.php?img=9284
متى كنت ارسم اصلا هههه
"من الماضي"
اقتباس:
المشاركة الأصلية كتبت بواسطة وفاء العبري
هههههه لو كنتي ترسمي وحدك راح تكوني ممتازه مثلي
يطلع الابداع
يمكن معك مواهب دفينه
الخميس انقص ظفري مع جزء من لحم الصبع "ما اول مره"
الجمعه استراحه
السبت كدمه ف اصبعي ف يدي اليمين "اصابات محترفين"
والمساء جرحين ف كل رجل "السبب سر"
اليوم حرق ف اصبعي ف يدي اليسار "من الظهر للحين احس فوادي منعصر"
الله يستر من اللي جاي
الله يسلمكم فيه واحد ضافني ف الانست
المهم لما قبلت اضافته خطف ع كل البنات المضافات معي
وما بس اكتفى كذا ، فضحني عند العرب والقبايل "هع"
الذكي راسل لهن كلهن
يوم الجمعه الصباح كل مره وحده تسال من هذا ومن هذا ..!
انا ما اعرفه ، قبلت اضافته لانه حسابي ف الانست ما فيه شي خاص يعني
بس لانه هن شافن انه يتابعني انا من اللسته اللي معهن ف ع بالهن انه يعرفني
المهم عذب صديقتي واختها اهتلكن منه
سون له بلوك والرجال بعده مصر عليهن ،،
انا طبعا سويت له بلوك عشان يصير لي انفولو من عنده
الحين الرجال راسل لاخت ربيعتي سوي جروب انتي وخواتك ودخولني معكم هههه
اللي استحووو ماتو ،،
والغم انه عارض صوره ، يعني فيه ناس كثيره تعرفه
وين يودي وجهه اذا وحده فضحته ،،!
مساء جميل
مساء بعد غياب عن المدونه الجميله
امس كنت طالعه تسوق المهم كنت باغيه غرض ورجال واقف مقابل الرف متكي ع الترولي وتركيزه ع الفون
كنت بقوله لو سمحت بس اخرت وحشرت نفسي من حس حد قريب منه تحرك
خلصت ماخذه اللي اريده وتلاقينا عند الكاشيير
هو ف الكاونتر اللي جنبي
وخلفه 2 وافدين
لما بدا يحط اغراضه ويتقدم اللي خلفه تقدمو
وفجاه صرخ عليهم انه لازم تحط مسافه مترين ولا تخاف ولا تستعجل بعدهم ما راح يقفلو وغير من الكلام العامي اللي له داعي واللي ماله داعي ولا يتناسب مع الموضوع
والله انا انحرجت بشكل ما طبيعي
والكل يشوف عليه ولو كان كلامه صحيح فيه اسلوب ما لانه وافد يتكلم معه بهالاسلوب
الوافد بعد انسان ويخاف ع نفسه
الوافد من الاحراج راح الكاونتر اللي جنبه وهو لما حس كل الانظار عليه قال اختي اليوم متوفيه من كورونا يبرر لنفسه
بس لما تركز ع المشتريات اللي ماخذها ما راح تلاقي انها اشياء ضروريه والواحد ما يعيش بدونها
اذا خايف ع نفسك لا تخالط الناس واجلس ف بيتك
بس الاحترام مطلوب ف كل الحالات
لو كان اللي بعده مواطن ما راح يفترسه ويكلمه بهذاك الاسلوب
طبعا الوضع عندنا له اسبوعين شوي مخربط
اخوي انصاب بكورونا والحمد لله ، كمل اسبوعين وصحته منيحه نشكر الله
اول ثلاث ايام كانت فيه حمى ، وبعدها تحسن وضعه ، هو طبعا اول ما حس باعراض راح العياده وحجر نفسه
واليوم الثاني راح يسوي الفحص وطلع مصاب
زوجته بعد ما تحسن هو هي حست بالاعراض ، وطبيعي بدون فحص 90% مصابه لانها معه بنفس المكان
امورنا كلنا ف البيت الحمدلله تمام ، بعد اسبوع امي صابتها حمى ، واللي احتقان واللي غيره ولكن الحمدلله ع كل حال
عاد ختامها امس لما سمعت انه عمي مسوي حادث
وله اربعه ايام من صار له الحادث ، حقيقي كورونا خلانا ما نعرف اخبار احد ولا ندري وش صاير بالعالم ،،
https://up.omaniaa.co/do.php?img=9519
https://up.omaniaa.co/do.php?img=9520
بنت عمي معها العيد
امس كانت ترسل صور قديمه لنا ف الجروب
شي صور لهن اكثر من خمس سنوات وشي لهن قرابه العشر واكثر
بس حقيقي الاشكال تضحك
الحمد لله لي صورتين بس وحده كنت بالابتدائي والثانيه كنت كبيره خلاص
بس الضحيه بنات عمي صور مش ممكن حتى ما نعرف كيف وصلن لها
وصلني خبر موت اكزافي ف الواتس قبل لا اشوفه ف السبله
وصلني باسمه الحقيقي طبعا
اول شي ما كنت مصدقه توقعت انها مزحه بس لما شفت الخبر ف السبله بديت اتأكد
بعدها شفته ف تويتر تأكدت 200/200
الله يرحمه ويغفر له
كنا نتصادف زمان كثير ف دردشه السبله كان مسالم ولحاله
الله يصبر اهله ع فراقه
الم الاسنان قصه لا تنتهي معي
طبعا امس بالليل الم ووجع وتميت مواصله طول الليل ما نمت ، انتظر متى يصبح الصباح
س 8 انا قدام العياده ، ماشي عياده ما رحت لها وكلهم يفتحو س 9
المهم ع الساعه تسع انا عند مستشفى النهضه
اول موقف عند مدخل المستشفى ، حارس الامن قال لاختي لا تدخلي ، اللي عنده موعد هو فقط اللي يدخل
دخلت انا واختي تبعتني من مدخل الطواري
دخلت قسم الجراحه وانا افتح ملف تسالني المضمده
عمرك اقل من 20 استغربت قلت لها لا ، قالت عيل ما يحتاج مرافق
انا واختي شوي ونموت من الضحك
دخلت بعدها عند الدكتور اللي شالع لي قبل
وكان معه دكتور ثاني ، ف يسالني ما رحتي المركز الصحي قلت له لا
رحت كذا عياده وكلهم يفتحو س تسع
ف قالي انتي واصله هنا تسع وربع يعني لو منتظره بس شكلك جايه تشوفي دكتور فلان ،،، صدمني حقيقي حتى الدكتور سكت ما تكلم ، يقولي عندك التهاب ويحتاج علاج عصب
اذا تريدي اشلعه بشلعه لك
قلت له لا ابوي بروح عياده احسن وشرده
الف قصف جبهه حصلت