صباحو
الاسبوع الماضي بنص الدوام كنت ابغا شاي سليماني اعدل به المزاج
بس عامل الشاهي ما كان موجود
فكنت مضطرة اروح اسويلي كوب شاي بيدي وطبعا كل شي ردي مجرد مكس وانتهى الموضوع
عادةً ما احب اروح المطبخ مب تكبرا او والله لازم تسولي وتجيبولي (انا ما احب الاتيكاليه والاعتماد على الغير )
بس عشان ما احب حد من الموظفين يطبوا علي او اصادف حد
الموهيم
لما فتحت الادراج حصلت مع الاغراض علبه نعناع بري(حبق)
وريحته تطير الرأس واخذت منه شوي ..أنا اعرف ان هذا ملك شخصي لواحد من الموظفين واحنا مانوفرهالرفاهية
الشيطان قام يسويلي إغراءات اونه عادي خذي منه..صاحبه لو ما يبي أحد ياخذ منه ما كان حطه بالمطبخ على مرأى الجميع
(عجبتني على مرأى الجميع)
عقب تلومت وصار ضميري يأنبني وانتظرت عامل الشاي لحد ما رجعت
سالته قال هذا مال المدير
كلامه طشه مريح لان المدير منا وفينا بس كان الاسبوع بطوله كورس خارج الوزارة
عاد اليوم خبرته اني اخذت من نعناعه واني تلومت...قالي افا عليك اخذي متى ما بغيتي
انا عجبني جبت لكم منه وحطيته بالمطبخ حق الي يبي
والحمدلله ارتحت شوي ..شي يمكن بسيط بس احسن الواحد يبتعد عن الشبهات
