عرض للطباعة
العـز بالله .. و سيـف الـعـز .. ما ينكسـر
والبيـّرق اللـي على قمة جبل مايطيح
لا فـي بـداية شهـر ولاّ نـهـاية شهــر
أبقى ويبقى على القمة كلام ٍ صحيح
الشعر ماهو عطا من زيد و إلاّ عمر
إليا بغيت أنطق الكلمة لساني فصيح
لو شفت ناس ٍ على دربي تحط الحجر
وترمي عليّ الحجر وتصيح قدام اصيح
لا تلتفت للناس وتقول قالوا
عليك في نفسك ولا تتبع الناس
وان كان هم فى غفلة الوقت مالوا
خلك جبل واثبت على مبدأ وساس
لاا تصدق اللي عباد الله يقولونه
اسمع من هنا ومنا طلع احكاهم
كم واحداً أكثر اصحابه يذمونه
واذا بخسته طلع اطلق من لحاهم
يالله ياللـي تغــفـر الذنب والزلّه
حببـني لسكة التقوى وممشاها
،
من كثرة ذنوبي أونس فالحشا علّه
طالبـك يـارب تغـــفــرها وتمحـاهـا
المرجله بالفعل ماهي بالأشكال
من شي صاير لي عرفت وتيقنت
لقـيـت بـنـتٍ بالمـواقـيـف رجـال
ونفس المواقيف إكشفت كمْ رجل ( بــنـت )
لرجل في صمته مكانه وهيبه
وان كثرت أهروجه تقل المكانه
أحفظ السانك لا يجي منه غيبه
الصمت لرجال يحفظ مكانه
الجاهل اللي بنقل الحكي متكلف
نفسه على العز لو حديتها عيّت
والهرج من يتبعه غادي ومتخلف
الناس من شرهم مايسلم الميت
يالادمي لاعشت بتشوف ثنتين
اللي يبي يمدحك واللي يذمك
لكن ليا كملت مايطلب الدين
باق الامور الثانيه لاتهمك
الرزق مكتوب والأقدار مكتوبة
لا تشغل البال بالدنيا وما فيها
احرص على طاعة المعبود والتوبة
وباقي أمورك ترى ربك يسهلها
عايش على قدي وراضي وممنون
جربت حظي من جميـع النواحي
العب طرب حتى يقولون مجنون
واكتب ذهب حتى يقولون صاحي