نبض الإحساس .. سجّل احساسك في هذه اللحظه

حاول تكون اليوم أفضل من الامس /
ولجل تحسّ بقيمة إحساس ذاتك ،
قرآنك ، أذكارك ، صلواتك الخمس /
هي الثلاث اللي تزينّ حياتك

للموت احبك وحبك أجمل اسراري /
والقلب بيديك وأسقه قبل لا يهلك ،
يكفيني إني الى خلصت اذكاري /
اقول آمين .. مره لي ومره لك

ثنتين خذها معك يا من يهمك لامر /
وصى عليها الحكيم لـ طيب مفعولها ،
لا تمدح العود لين يحط فوق الجمر /
ولا تمدح الناس حتى تظهر فعولها

صبحي على طاريك رغبه وارتياح /
أجمع حطب مشاعري .. وآشبها ،
حتى أني يوم آخلص أذكار الصباح /
أنفخ على طيوفك وآحصّن حبها

من رافق الشخص في فتره عرف قدره /
لخصتْ مجمل قناعتي على خانه ،
ما داني اللي يخبيّ حقده بصدره /
واحب طبع اللي بقلبه على لسانه

من يقول إنك عن عيوني بعيد /
وانت سارق شوف عيني كل ابيه ،
كل ما ناظرت لي وجهٍ جديد /
يرتسم وجهك على كل الوجيه

أسلى مع طيفك .. إلين أنتعشتك /
عشان ما آحس بغيابك على طول ،
يا جعلها في ( ذمتك ) ما وحشتك /
تراك واحشني ولا أدري وش أقول

انت الوحيد اللي اشكي لوعة غيابه /
ناقد على مواصلك يا زين من مده ،
تو المساء ما بدا تعال وابدا به /
الحق ما تلحق .. ترى صبري وصل حده

سآفر بقلبي وين مارحت وياك /
دامه معك ماني بخايف ضياعه ،
لكن بشرط الله يحفظك ويرعاك /
كل يوم كلمني ولو .. ربع ساعه

اترك كلام الناس .. لا يزعجونك /
حياتنا فيها نجاحات واخطاء ،
اعشق ( عيونك ) زين نظرة عيونك /
حتى ولو صارت بدل نونها باء