عرض للطباعة
طبعاً و انا اشتغل ف لوحة طيف خلص القلم و م كملتها🌚🌚!
و عاد امس طلعت اشتري و كذا استويت النتيجة🥺🤍🤍!!
و خالتي امس شافتها، و قالت تبغى!!! و احس ستل م مستعدة للاحتراف الخارجي😔😹.
https://up.omaniaa.co/do.php?img=8682
More details !!!
https://up.omaniaa.co/do.php?img=8683
🙂🙂🙂.
معصبة ترى؛ و كله بسبب اوريدو!!<< انزين محد سألش!
بس حقيقي كارهتنهممممم، يعني و الله م عارفة موه اسوي، انقهر مع نفسي بس😔😹.
امس كنت فاتحة البيانات!! و غالقة مال الواي فاي، ع اساس عندي اشتراك و اموري تمام😘.
بس انصدمت، جالسة اتصل ب ابوي، الا تكلمني ذك الحرمة انه م عندش رصيد😳😳😳😳!!! قولي و الله، احيد عندي ريال و نص😳، هين اختفين! و رحت اشيك ع الوضع!
حصلت صدق م باقي الا خمس بيسات و اشتراك م مخلص😳😳!
و عرفت انه راحن كلهن بسبب انه فاتحة مال البيانات، بس جالسين يستخدموا الرصيد مش الاشتراك😳😳!!
https://up.omaniaa.co/do.php?img=8725
و للحين انا ف لحظة صمت😶.
قبل فترة بعد صار لي موقف معهم😔😹؛ اكبر موقف سرقة ف حياتي!!
متعودة اعبي رصيد من برنامج البنك و اموري تمام😘.
ف يوم من الايام عبيت ب عشرة ريال، و انخصم من البرنامج البنك، بس م جاء رصيد ف التلفون!! و رحت اجرب مرة ثانية😔😹، بس بريال و بعد نفس المشكلة!! و انتظرت ساعتين قلت يمكن مشغولين😔😹.<< ياخي ع نياتي😔😹.
بس م جاء شيء، و حقيقي عصبت و رحت اشتري رصيد من برا عشان اتصل بهم و انازعهم😔😹.
ف البداية ردت علي حرمة، و قالت اوك انتي جيبي رقم المعاملة من البنك!! و طبعاً دخلت البرنامج ادور رقم المعاملة و م حصلت، و اتصلت مرة ف البنك!! و اعطوني رقم المعاملة و قالوا م منا المشكلة من عندهم ف اوريدو😘.
و اتصلت مرة ح اوريدوا عشان اعطيهم رقم المعاملة، ردت علي وحدة غيرها، و فهمتها السالفة😔😹. قالت لي امورش تمام، خلاص انتظري ساعة و بنحول لش، و اذا ذاك عاد اتصلي مرة ثانية😘😘😹.
المهم انا انتظرت 24 ساعة، و اتصلت اليوم الغيره من الفجر ساعة ثمان كنت باية اروح الكلية😔😹. و رد علي واحد سكران😳😳😹! حقيقي م رايم يقل لسانه! و فهمته سالفتي!!
و فجأة خلص رصيدي😔😹، و عبيت من جديد و رجعت اتصل و رد نفس الشخص، و انا تحمست باية اخبره سالفة من جديد😔😹، قال لي خلاص ريحي عمرش اعرف السالفة 😔😹<< كلب و الله م منك مني انا😔😹.
المهم انا عصبت، سلامات ليش يقول لي كذا و سكرت ف وجهه😔😹.
و خبرت اخواني!
و اخواني و الله يشجعوا السرقات، قالوا لي تغيب خليها صدقة حالهم😔😹.
و انا شجعت ذي السرقة و خليتها تغيب، بس الين تو يعورني فوادي ع 11 ريال و ريال مال اتصالات و السوالف معهم😔😹.
امس تجمعنا بنات العائلة، ح حفلة تخرج بنت عمتي؛ طبعاً اخر مرة مجتمعين شهر 12 ح حفلة توديع العزوبية مال عدون! و استوى بو استوى، و الحين عدون حامل و احنا م شفنا بعض و تجمعنا!!
المهم راسلات لي من الصباح! و قريت الرسالة و م رديت، لاني مستكاودة اروح و من غير م مجهزة هدية و لاشيء!!
عاد ع العصر قلت خلا برسل ح طيوف اذا اتروح!! قالت عادي نروح! و اتصلت ح محل الهدايا اذا يقدر يجهز لي هدية ذاك الوقت! قال مزحومين بس لعيونش بجهز<< م فلبيني من خير😘😹.
و بس و الله صح رايحة متأخر بعد المغرب! بس عادي استمتعت؛ و خلصنا فعالياتنا ساعة 1 ليل، و عاد قالت زوجة اخوي انام عندهم بما انه مجتمعين ف بيتهم!! قلت لا براية، لانه الكل بينام هناك، و احس زحمة!! ف اروح بيت اختي ام طيف بما انهم جنب بعض ساكنين!
و اشكر ربي ع نعمة بنت الاخت اللي نفس القياس نلبس😘😹. اساساً حتى لما اجي عندهم قاصدة و جايبة ملابسي، م البس ملابسي، البس من عند طيف😘😹!
و بس و الله حياتي سادة بدون فعاليات و الحمدلله🤍🤍.
https://up.omaniaa.co/do.php?img=8729
انا لما احد يقول لي سالفة، و يقول م تخبري احد، احس اموت اذا م خبرت😔😹😹!!
و امس وحدة من بنات عمي خبرتني سالفة و قالت م تقولي ح احد، و الحين احس تعبانة نفسياً، متى ينفع اخبر احد، انتظر بفارغ الصبر😔😹😹.
و بعد انا اريد اسوي شيء، و اول شيء مشاورة امينا و خواتي! و قالن قولي ح ابوش و اخوش الكبير ابو عزوز، و اخوش الغيره محمد!
و امس قلت ح محمد، قال لي حلو، بس خبري ابوي و اخوش ابو عزوز😳😹! طبعاً بخبر ابوي و لازم يعرف اول واحد، بس اخوي ابو عزوز اخبره ليش، و بعده هو ف الدوام، و احس الشيء م خطير عشان اخبر كلهم مال العائلة و اخذ موافقتهم😔😹😹!!!
و شكلي بكنسل عشان م يقولوا لي بعد اخبر عمومتي و خوالي😔😹!
https://up.omaniaa.co/do.php?img=8727
مساء الخير ي دنيا😯.
تو ناهضة من النوم و شالة قبة بليس ف رأسي. << اكرهه المزاج و التنفيس ذا اللي بدون سبب🙂.
ذي الايام عندنا امطار الحمدلله تقريباً يومياً، و لما ينقطعن تدقنا الشمس بقوة بقوة.
مستوى الاشياء اللي اندم عليها ف الفين و عشرين الحمدلله قلن! احسني الحين اكثر صواباً دائماً و اتخذ القرارات بشكل اصح.
و بس م عندي سالفة💆🏿♀.
https://up.omaniaa.co/do.php?img=8744
اليوم احلامي العصر غريبة😭😹😹!
معرف كيف صراحة، بس تو يوم ناهضة تذكرت كورس الستاتيك مال الفصل الماضي، هي مادة من الباكلوريس و كلهم اللي كانوا معي اكبرعني و م من نفس دفعتي، يعني بالمختصر م اعرفهم🌚😹!
و كنا 11 طالب فقط، سبع اولاد و اربع بنات! كان كلاس حقيقي احلام العصر.
كان الكل مأخذ راحته ف الكلاس بنات و اولاد، تحس انهم جالسين ف صالة البيت😯😹.
مناقرة و قشب و سوالف و تعليقات، الا انا كنت وضع المزهرية دفشة😔😹.
و ف يوم تحمست و تكلمت و انقلبت مصخرة🙂😹!
كان ف فترة كورونا و بداية انتشاره، و انا كان فيني كحة و زكام😔😹، و كلهم يخافوا مني!!
و ذاك اليوم ف المحاضرة جلست اكح و اتعطس، و فجأة المستر وقف الشرح🙂🙂، و جلس يشوفني!!! و انا كذا وجهي🤡🤡!
الا واحد من الاولاد يطش، و يقول له، مستر دونت وُري، ات از نوت كورونا فيروس😭😹! و عاد جلس يناقشنا انه انا اخاف و م عنديمناعة و الخ!
و رجعنا نكمل المحاضرة🌚، و فجأة واحد من الاولاد تعطس😯😯، و المستر مرة وقف لحظة صمت، و انا تحمست😔😹؛ قلت له مستردونت وُري، ات از نوت كورونا فيروس!<< سيم سيم الكلام بو اول.
المهم كلهم ضحكوا😔😹! الا واحد قال من هين تعرفيه انه م في كورونا😣!! و ذك اللحظة تمنيت اني مكملة ع وضع المزهرية دفشة طولالفصل!
و كنت حقيقي دفاشتي م تطلع الا ف ذاك الكلاس، معرف ليش يعني😳😳😹! لانه فاضي يمكن و كل ينتبه😭.
كنت دائماً تطيح حسابتي، قلمي او اوراق🙂😹. عاد ف مرة تحمسن الاغراض! و طاحن كلهن😘😹.
كنت اجلس وحدي ثاني سيد و ذلاك الثلاث البنات ربعات و يجلسن قدام عند رجول المستر🌚🌚.
و الاولاد كلهم يجلسوا وراء، مخلينا بروجكتر حالهم🙂😹!
المهم ذاك اليوم جالسة اكتب! و اغراضي كلهم محطتنهن ف الكرسي اللي جنبي، اول شيء طاحن الاقلام وراء! و قلت بعدين اشلهن لانهيحتاج اقوم! فجأة طاحت الشنطة😳😳! و سفهتها، و فجأة اخرى طاح التلفون😳😹😹!!! خيرررررر😳😹!!! و الحمدلله حصلواسبب يضحكوا عليه😘😹.
و بس و الله، اشتقت ايام نداوم!!
https://up.omaniaa.co/do.php?img=8748
صباح الخير من شخصة معدلة نومها ليوم واحد✅.
اليوم بالغصب جالسة اتذكر ف اي يوم حنوه!! و متعاجزة افتح التلفون و اشوف، و كنت شاكة يا الاثنين او الثلاثاء، بس ف النهاية طلعت الاربعاء!
مشتاقين نرجع ندرس، و يكون عندنا التزامات، اما كذا الوضع صعب🤡!
و بس و الله صباحح الخير ي بلادي.
https://up.omaniaa.co/do.php?img=8757
محد مجبور يرد على اي انسان او يجاوب ع اي سؤال انسأل اياه، و كان خاص!! و لا احد مجبور يبرر تصرفاته لاي انسان عابر!<< ذا اضطريت تجاوب او تبرر، قبل شوف نفسك هل الاجابة بتفيد في شيء مستقبلي! و لا بس فضول!! << عاد انا حياتي كلها فضول😔😹.
كنت ايام المدرسة اتذكر ملوعة بالبنات ب معلومة انه ^الفضول نص العلم!^ و معرف من هين راقطتنها، بس عاجببتني و احسها صح!
خاطري اروح البحر، احس مشتاقة له😣😣!<< تمام الحورية.
اتوقع اخر طلعة استجمامية و مقصودة انها طلعة، كانت شهر 12 السنة الماضية! و كانت الوجهة الرستاق!
باقي كم شهر، و اذا م طلعت خلالهن لرحلة، باعتبر ذي السنة انجاز قوي 💪🏿😭😹.
https://up.omaniaa.co/do.php?img=8758
الرستاق من البلدان الجميلة اللي زرتها مرتين ف حياتي بس!
و ف المراتين لازم يستوي لنا حادث سيارة فيهن!!! و احس خلاص مرتين كفيلات اني م ازورها مرة غيرها😔😹.
اساساً ابوي تشائم منها🤡!
و بين المرة اولى و الثانية 4 سنوات! بس الحادث م ناسينه، لدرجة طلعنا ب اعجوبة منه و السيارة تكنسلت!
و حتى قبل لا نروح ذي المرة جالسين نتذكر الحادث و نضحك🙂😹! م عندنا خبر انه في حادث غيره ف انتظارنا🙂😹!
و م احكي لكم كيفف وضعنا و احنا يصدمونا ف الحادث الثاني و ف نفس المكان و نفس التوقيت تقريباً و نفس اللحظة اللي جالسين نرجع فيها البيت بس الحمدلله كان خفيف😳😳!
تفوز باغرب بلاد ف حياتي زرتها الين الحين!
https://up.omaniaa.co/do.php?img=8760