نبض الإحساس .. سجّل احساسك في هذه اللحظه

اخترت لك باقه شعر من بساتين فكر تحت ظلك رقى للغمامه
والشعر ماهو ينحصر فـ الدواوين الشعر بقى في القلوب احترامه
الا انت وين وين من نافسك وين يا عاتق المجد الاصيل وسنامه
لو قالو الاهرام ورث الفراعين تراك ورث المرجله والشهامه

-

أدور خل ؟ ولا … ما أدور خل ،
أنا خلي … تركني للزمان / وخان !
عشقته لآخر حدود الجنون ومل ،
أنا الغلطان ؟ إي والله أنا الغلطان !

#عبدالعزيز_السبيل

-

يقول أبوي … الله يطول بعمره ،
وأبوي دايم كلمته درس واسراج !
عادي تعيش وعيشتك ربع تمره ،
ولا تمد ايديك للناس … محتاج !

-

ياليت .. إسمك مايسمونه : أحد ،
خوفا على نبض القلوب الساهيه !
فـ كل بيت فـ كل حي فـ كل بلد ،
تشابه الأسماء … ودى بـداهيه !

-

كلك حلا .. من حيث مالا يعلمون ،
يا سيّدة الأرض وجهاتي الأربعه !
الـزول زول اللي تخاطفه العيون ،
ما ينثني .. إلا ( وذكر الله معه ) !

-

من قال لك : يا حظ ساره … بشعري ؟
من حظي أكتب شعر في وجه : ساره !

-

البنت هذي ضحكتي وبكاي ،
خلوها … تفعل ماتبي تفعل !
حتى لو إنها ماهي بـ وياي ،
ياويلكم ويلاه … لو : تـزعل !

-

واللي غابوا : ( بالسلامة ) !
كذبة مليانة ملامة .!
مو عشاني ماأقدر أنسى :
بس بـ صدري فيه حمامة !
طيّروها و عوّدوها
و تْركوها بْلا سلامة !

-

مبسوط بغيابك !
قلبي على حطة يدك
و قلبك مع أحبابك
تغيب ، تشتاق و تجي ؟
بالله : وش جابك !

-

وشلون أبسامح وأنا ماجرحني ،
غير انتظاري وأنت ماراح ترجع !