نبض الإحساس .. سجّل إحساسك في هذه اللحظه

-


يمر الصبح.. وانتظرك مثل ماني
واخاف ان قهوتك تبرد ولااقربها

واذا القرسون جدد قهوتك ثاني !
يجدد حزني لين اضيق واشربها

-


لو عقارب ساعة الموعد بُكم !!
لا تواعدني !! و تاليها ؟ شقى !

وقّت الموعد على صدفه حُكم
ملّت الساعه : بـ وعد الا : لقى !

-


يامترفه طبعي كذا لو تشوفين
مارضى اقاسم لو ظلالي مكاني !

ماني اناني مثل مانتي تقولين
الا على قلبك - أصير الاناني !

-


حرارات الزعل... "وعتابه البارد"،
كفيل بـ كل صدّه، والزمن يعطي!

من أخطائي عرفت إن الخطا وارد،
لذا بدمح خطا المخطي ولو يِخطي!

-


أنا حبيبك تذكرين؟
أنا اللي خانته الليالي والسنين
ولو تعرفين
إن السهر بعدك عمر
وإن الليالي ماتمر ولو تمر
كل ليلة من دونك أمر
الله يعين

-


من عذرهم بنات جيلك يغارون ،
أنتي حدث محدٍ تخيل حدوثه !

ومٓ لومهم لو كان عنك يصدون
دام بـ حضورك ؟ يفقدون الأنوثة

-


اعيش في وحده واحب : الخلوه
كن الحمام مْن الحزن يسجع لي !

أنا صديق ... الذكريات الحلوه
اللي تبكيني .... ولا : ترجع لي !

-



ليتك تمّهلتي البارح وفكرتي ،
ولاتسرعتي ( بمنطوقك الجارح )

أنتي على طول نمتي يوم سكرتي !
وأنا على جلستي هذي من البارح ،

-


أتابعك من متصل لـ اخر ظهور
واتذكرك واحتاج لك : وانساق لك

ما بين لحظات المكابر والغرور
عادي أدق وأقول لك مشتاق لك

ليت مالك بالعمر لحظة غياب
او فراق ديار او سكة سفر
اصعب الحالات واكثرها عذاب
غيبة اللي نظرته تسوى عمر ..!