مساء الخير يا جماعة الخير
عندي نقطه صغيره حبيت اوضحها
بخصوص الجلبه اللي صايره عن الجواز والحجاب
انا اقول "من وجهة نظري"
البنت المحجبه المحترمه راح تبقى محجبه ومحترمه لنفسها
لا للجواز ولا للناس
بينها وبين رب العالمين حساب وعقاب
يعني اللي يقول الدوله وضعها صاير سيء والبلد اختربت وغيره
نحن بنفسنا وبعاداتنا وبأخلاقنا نبني بلدنا
واذا هالكلام
"
ولها حرية الاختيار اذا رغبت ان تظهر غير محجبه .
"
تشوفون انه غلط
فأنا اشوفه صح !
قالوا لها حرية الاختيار ماقالوا يا بنت يا عمانيه حطي في الجواز صوره بلا حجاب
من هنا فقط ومن هذي النقطه
راح نعرف اللي تتحجب لنفسها وربها .. واللي تتحجب لآنها تبي تسكت الناس
الحجاب عباده .. ربنا فرضها علينا .. ودولتنا ولله الحمد دوله إسلاميه معاصره تعرف الخطأ من الصواب
وقفه لكل فتاه .. لكل ام .. لكل اب
هنا يكمن دوركم انتم .. في مراقبة انفسكم وبناتكم
ماكتبته هنا مجرد وجهة نظر .. ممكن تكون صح وممكن تكون غلط .. اعتذر على الإطاله
