-
جوود مورننج و جود النشاط و الحيوية😍😍.
امس نايمة من الساعة عشر لانه الوايفاي ضايع، و حالفة م اشترك مع اوريدو. << تو بيخسروا عجب😔😹.
و من طول الليل نهضت ساعة وحدة و نص و احسبه عاد فجر🙂! و كملت نوم، و نهضت اربع الفجر و كملت، و عاد اخر قومة كانت ساعة سبع و م كملت شيء😔😹!
ناهضة و انا خاطري اسوي مناكير و اعدل اظافري💆🏿♀😹<< وش ذا المود الرايق، جعله دايم😘😹!
المهم تحمست و بديت الشغل، الين م جرحت صبعي و انا اخوز الجلد الميت و خزت الظفر كامل🙂😹😹!!! و استهديت بالله و كنسلت السالفة😔😹!
https://up.omaniaa.co/do.php?img=8881
-
امس العصر طالعة بنيسان و قبل لا اطلع شميت ريحة بترول فيها!!!
و رايحة اخبر الاهل انه شميت ريحة بترول ف السيارة!!
رد اخوي ابو عزوز: ترى اسمها نيسان بترول!!
فهمتوا الذكاء😐😹! المشكلة اني صدقت و اقتنعت و توكلت ع ربي😘😹.
و من التوتر كنت بخطف بسنورة، هو زين يعني سنورة و لا ادمي🙂😹.
حقيقي انا انسانة واجد توترني الاغلاط في الالات! و خصوصاً الكهربائية! واجد اوسوس ف سوالفهن و اتخيل اني انقع انا و هن😔😹.
عاد مثلاً اذا الالة سويت صوت غير عن المعتاد، خلاااص انا هنا ابندها و اجلس متوترة متى تنقع و اموت<< بعد م في تفاهم بالمرة اموتت🙂😹.
و ي ربيي عاد اخاف واجد من المايكرويف و الاستشوار، لما استخدمهن اجلس كل ثانية اشيك ع الوضع و طبعاً بتوتر😐😹!
+ اخاف استخدم اي منتج م اصلي، دائماً اسأل عن السعر و الماركة اول شيء كله عن انقع🙂!<< الروح غالية.
و بس و الله الكهرباء عقدة حياتي💔💔💔.
https://up.omaniaa.co/do.php?img=8883
-
ف عبارة مشهورة عائلياً من انشاءي🙂🤍<< ترى ناشية عمارة يوم الا كلمتين و بعدهن حصات😐😹!
هي السالفة مستوية قبل ثلاث سنوات تقريباً، بس الين تو يذكروني بها😔😹، م يعطيوا الواحد مجال ينسى ماضيه🙂!
المهم كان طالعين رحلة عائلية ف احد الاودية الجميلة، و عاد الرجال جالسين وحدهم ف صوب و الحريم وحدهن لانه معنا الشماج و م ينفع الاختلاط🙂😹!
و جالسين و مأخذين راحتنا ع اساس بعيدين عنا الرجال، و جيت انا باية اتفلسف ع خواتي و اقول لهن حكم😹😹🌚!
و كانت جنبنا اختي سارة و تروك ولد اختي يلعبوا بالكورة، و كان تقريباً اعمارهم ذك الايام مال اربع سنوات🌚!
و كان تركي يعق الكورة بعيد و سارة تروح تجيبها، و هي تعق له اياها قريب!! عاد انا هنا حبيت اتفلسف🌚🌚.
اقول لهن تصدقن و هن كلهن لفن علي يسمعن موه يصدقن😔😹!
قلت لهن تصدقن الرجال كلهم كلاب سواء كانوا صغار و لا كبار🌚🌚! و طبعاً كانن يبتسمن و يعطني نظرات انه كفو عليش😔😹! بس انا حسيت غير و لفيت ع وراء و حصلت زوج اختي ابو طيف ورانا😳😹! و الرجال منصدم! قال ما شاء الله و ابتسم و خطف!!!
بعد دقايق اسمع سالفة منتشرة مع خواني و العائلة كلها، و طبعاً مال مصخرة🙂😹! و واحد منهم يسألني حتى ابوي كلب، طبعاً رد عليه زوج اختي تقول لك كلهم كلااب، يعني ابوك و جدك معهم😭😹😹!<< الواحد م يمزح يعني😔😹.
و بس و الله امس اراسل اخوي كنت و تحسس من السالفة و رد علي كذا و ذكرني ف السالفة😘😹.
https://up.omaniaa.co/do.php?img=8882
-
شايفين المورننج و الحيوية موه تسوي😭😹😹😹! الف سالفة ف اقل من ساعة 😘😹!
و بس و الله بروح ادور لي جدول انا و ظفري المكسور💔💔💔.<<عليش بنتفليكس😘🤍.
https://up.omaniaa.co/do.php?img=8884
-
قبل شوية مخلصة متابعة فيلم كَفرنَاحُوُم موجود في النتفليكس!
قصة الفيلم بطلة و تناقش كم قضية مجتمعية، الفقر، زواج القاصرات، المتاجرة بالبشر و تمرد عن العائلة و الخ.
و اهم فكرة فيه انه اذا م عندك شيء و لا تقدر تعيل عائلتك لا تجيب اولاد تظلمهم!!
دائماً احب افلام و مسلسلات الدراما اللي تذكرنا انه في حياة ثانية في عالم غير عن الحياة و العيشة اللي احنا عايشينها!!
و الحمدلله ع النعمة.
https://up.omaniaa.co/do.php?img=8893
-
و بعد من فترة قريت رواية الطفلة ايمان!!
كنت م مستوعبة فكرة انه ممكن يصير متاجرة بالبشر و سوالف خطف في بلادنا خصوصاً دول الخليج!!
الين قريت الرواية، و حتى خليت امي تقرأها، و باية ارويها ح خالتي و حبوتي! قالت امي لا، م تخبريهن احداثها مرعبة و تخوف انه في كذا اشياء تستوي في الدنيا!!
بس حقيقي الدنيا م فيها امان 💔💔.
https://up.omaniaa.co/do.php?img=8894
-
من فترة ذقت اللقيمات مال زوجة ولد عمي الجديدة، و حبيتها مقرمشة من برا و من داخل هشة!!
و قلت بجرب اسويها وحدي، و تحمست😘😹!
و اليوم طبقتها!
و حقيقي طلعت حلوة بقوة بقوة، لدرجة مسوية 80 حبة، و لا حبة بقيت ف نص ساعة😳😹🤍.
و شكلي بعتمد طريقتها خلاص🥰😹.
https://up.omaniaa.co/do.php?img=8909
-
الله يرزقني بارض طيف ما شاء الله، لما تروح تبحث عن الاشياء اللي م لها داعي للبحث و التقصي🙂🙂!!
نبغى نشوف فيلم، قبل لازم تروح تشوف اراء الناس و الفلافسة و مفكرين، و بعدين تقرر تشوفه!!
تقرأ او تشتري كتاب، بتروح تبحث عن كلشيء في الكتاب!!!<< موه الفايدة تشتريه حبابي!!
انا كذا تنسد نفسي🙂! و احس خلاص م باية الشيء يصير لاني بالفعل عرفت عنه و شفته اعتبر، ف خلاص م اتشوق اشوف!!
و اعيد و اكرر الله يرزقني بارضها و برودها💆🏿♀💆🏿♀.
https://up.omaniaa.co/do.php?img=8912
-
امس طالعة جبل هاط، و الوالد موزعنا كل واحد في بقعة!!
يقول جلسوا سمعوا و تأملوا صوت الطبيعة😳😹!
المشكلة انه زعيق خواني شال صوت الطبيعة كامل😔😹.
https://up.omaniaa.co/do.php?img=8927
-
https://up.omaniaa.co/do.php?img=8928
ع¤يرست اوف اول، من الصورة واضح انه تسعة اشهر م طلعنا رحلة عائلية و فيها استجمام، كله نروح بس دكاكين و بكمامات🙂🙂!
المهم كانت وجهتنا مجهولة! بحكم انا باية الشرقية صوب الاشخرة، بس طالعين متأخر ساعة 10 و من غير ابوي طالب اللحم من صلالة و بيوصل ف البريد تبع نزوى! و من غير انه خواني الصغار بايين وادي يتسبحوا فيه🙂🙂🙂😹!
المهم خلينا المهمة للوالد القائد، قال ربيعه واصف له مكان فنان و تارس ماي و خضرة و وجوه حسنة!! بس للاسف هذا الاماكن اللي يوصفوها دوم تكون م موجودة ف الخريطة و دائما
نغيبهن😘😹! و م حصلنا اول مكان! يعني هو وصلنا بس م نفس توقعاتنا!
و بعدها رحنا تنوف!
https://up.omaniaa.co/do.php?img=8929
بس زحمة من الخاطر، الشارع واقف؛ تحس المكان انه دربات اللي فصلالة من الزحمة🌞! و كنسلناها!
و عاد ما في مكان غير الحمراء! وادي معرف موه اسمه بس حلو و هادي و ما في زحمة، ع الرغم مكان جميل و الماي فيه جاري!!<< جاري و لا عمي😘😘.
بس مشكلته شوية حر، يعني كذا فجأة يجي هواء بارد و فجأة ثانية تدقك الشمس.
https://up.omaniaa.co/do.php?img=8930
https://up.omaniaa.co/do.php?img=8931
و على العصر طلعنا جبل هاط!
https://up.omaniaa.co/do.php?img=8932
الجبل اللي دائماً يفوز بقلبي💕🥰.
https://up.omaniaa.co/do.php?img=8933
https://up.omaniaa.co/do.php?img=8934
و طبعاً جلسنا الين ساعة 11 ليل و نزلنا، لانه بررررددددد، بردد برد بررد، و احنا م شالين ملابس ثقيلة ولا لحف، لانه م ع اساس بنطلع جبال🙂.
و بس و الله رحلة فقلبي، جميلة و بسيطة ولو انها ناقص فيها واجد اشخاص متعودين يكونوا معنا💔🥺.
