https://up.omaniaa.co/do.php?img=11989
الموضوع ما يطمن🤝😹.
عرض للطباعة
https://up.omaniaa.co/do.php?img=11989
الموضوع ما يطمن🤝😹.
مضحكني عمور و فهاوته😹🤝.
امس اولاد الجيران الصغار توأم جايين يضربوا جرس و طبعاً طلعت لهم انا، يقولوا بايين امش! قلت لهم م هنا ويش باغيين!!
و طبعاً عمور جنبي، واحد منهم يقول هذا اخوش عُمر ضاربني و انا م مسوي له شيء!! و انا اشوف عمور ليش ضاربنه!!! قال لانه هو ضاربني اول🥲😹!
و رد الولد قال و الله ما ضربته، اخوي ضاربنه😔😹😹😹. عبارة التوأم ماله و الاخ عُمر تلخبط من التشابهه بينهم و راح يضرب اللي م عارف السالفة ولا عنده خبر عنها😹😹😹🤝.
حقيقي اتخيل الوضعععع احد يضربني و انا م عارفة السالفة و ايطلع التوأم مالي مسوي المصيبة 🤡😹😹😹😹😭.
و تذكرت ذي من سنين لما اختي رايحة تخبر الاستاذة ع بنت الجيران انها غاشة😔😹😹.
https://up.omaniaa.co/do.php?img=12004
معرف ليش الامهات يتدخلن ف كذا سوالف، خليهم يتضاربوا و يتزاعلوا ع كيفهم ف النهاية اطفال ترى و دقيقتين و تحصلوهم يلعبوا مع بعض و انتن سنين اتجلسن شالات ف قلبكن و ما تهارجن بعض🥲😹.
جدول نومي للناس الطبيعية جداً بريفكت ذا الاسبوع، بس كـ انا ابداً م مناسب لي💔💔🥲.
و امس حاولت اخربه بس ماشي فايدة، م رمت اتحمل الصداعع اللي دقني ساعة 11 ليل🥲💔💔، لدرجة حتى اسناني من الصداع حسبتهن يعورني😔😹😹.
حقيقي يعني م وقته يكون بيرفكت ذي الايام، عندي مليون شغله لازم اخلصها قبل الاسبوع الجاي و انا م جالسة انجز شيء بسبب انه انهض الصباح و انام الليل💔💔💔.<<😳😹.
و الصباح كنت جالسة احاول اكمل نوم الين ساعة 12 ع اقل عشان اسهر الليل بس نوبا ماشي فايدة ساعة ثمان عت ناهضة🥲💔💔💔.
و معرف متى ذا العناد النومي بيخوز لانه م وقته، الاسايمنتات واصلات الين حلقي و لا واحد منهن منجوز لانه م رايمة اشتغل الصباح 💔💔🥲🤝.
بروح اتعالج نفسياً؛ لانه موضوع غلط، باكر وراي وظيفة ابوي بيوظفني اشتغل ف الليل بس😔😹😹😹💔.<< الوظيفة اللي جالسة تنتظرني🤡.
https://up.omaniaa.co/do.php?img=12079
ف بيتنا النظام النومي يخترب لما يجين ام ميرا و ام تركي ينامن عندنا، اساساً ما بس النوم يخخترب، كل شيء يخترب🤝🥲💔.
ام ميرا ف بيتهم متعودين يناموا من 1 و فوق ليل و ينهضوا 10و تحت🤝😹.< هذلا لعبتي.
و ام تركي بو نزوىىى يناموا من ساعة 10 ليل و الفجر ناهضيين😹😹😔.<< نظامي حالياً💔.
و ف بيتنا متعودين حدهم 12 ليل و صباح 9 عاد ناهضيين🤝😹. طبعاً ذلا الناس الطبيعية بو بيتنا، انا خارج الحسبة😔😹.
المهم ويش يستوي لمااا يجين!!!!
ننام ما اقل عن ساعة 1:30 ليل ع نظام ام ميرا و ننهض من سبعة ع نظام ام تركي🥲😹.
حقيقي نتلعوز فوق تحتتت😔🤝.
و عارفة انه جالسة اضيع وقت ف كتابة سوالف م منها فايدة بس ويش اسوييي💔💔😔!!! م رايمة انجز شيء ف ذا الوقتتتتتت، خلاص باية انام.
https://up.omaniaa.co/do.php?img=12078
يوم جداً غريب و مفجع💔💔💔💔💔💔💔💔.
رحمة الله على جميع اموات المسلمين.
بداية تخريب جدول نوم موفقة🤝.
و السبب خناق الكلية، الله حسيبكم بس🤌🏿🥲.
https://up.omaniaa.co/do.php?img=12182
يوم الجمعة توفيت بنت بنت خالتي ربي يرحمها و يغفر لها! موتها صدمة طبعاً، الله يعوض شبابها ف الجنة ان شاء الله.
و الصدمة الثانية طريقة كيف عرفت انها متوفية! الجمعة دايرة اسواق مسقط كامل، و ف استراحة محارب وقت الغدى، قلت خليني افتح التلفون و اشوف حالات الواتس الين يوصل الغدى!!
الصدمة ادخل و اشوفف الحالات الواتس كلهن كذا😳😳😳!
https://up.omaniaa.co/do.php?img=12184
حقيقي افتح حاله حاله اريد اعرف من توفى!!! ويش صاير! ليش محد راسل شيء! و طبعاً ام تركي و احمد معي و منصدمين نفس وضعي!!
و بسرعة نتصل ح امي، م ترد! ام طيف ما ترد!! كل عمان اتصلنا محد يرد، اخر شيء شفنا وحدة منزلة انه فلانة الفلاني متوفية و عرفنا انها بنت خالتي ربي يغفر لها و يرحمها و يصبر اهلها و يجبر قلوبهم 💔💔.
و يرحم فاطمة و عمي و جميع اموات المسلمين، و يبلغنا رمضان لا فاقدين و لا مفقودين💕.
طريقة الاختيار لـ اي شيء ف كليتنا؛
1 يدخلوش الجروب ف التميز.
2. يرسلوا ايميل و السالفة انه تم اختيارك ل ..........
3. يتصلوا يشاوروش اذا باية ولا لا🤡😹!
حلفوا بس!!! طبعاً الخطوة الثالثة مالها داعي كانت دام سويتوا اول خطوتين ع كيفكم🤌🏿😔😹.
م علينا منهم، مخططة باكر اكون واشية و افت الرمانة كلها مال التعلم عن بُعد😔😹، باية اجر و يدعيوا علي الطلاب نفس صاحبنا 😹😹😹🤝.<< من كذا مختاريني عارفيني افت الرمانات🥲😹😹😹.
https://up.omaniaa.co/do.php?img=12191
اخر شيء م احضر، عندي كلاس فـ نفس الوقت و فيه كويز 💔💔💔💔😔.
https://up.omaniaa.co/do.php?img=12209
قصة الصندوق و اللي داخلة🤌🏿🥲؛
فيه وحدة الله يستر عليها و علينا، قالت لي فلانة برسل لش حاجة توصليها هدية ح دود و ارجوش حافظي عليها بقوة بقوة لانه اللي داخلة شيء ثمين🥲💔.
عاد انا تحمست و سويت له زفة؛ و قلت بروح عند دود بسرعة عشان نوصل ذا الشيء الثمين و نفتحه مع بعض عن اموت م عارفة الشي الثمين🤌🏿🥲.
المهمم الشيء الثمين، درجاتي ف كويز اليوم اثمن منه كانت🙂🙂🙂🙂🙂!<< واضح جايبة العيد ف الكويز💔💔💔💔💔💔.
بس م علينا يمكن هي ثمين عليها🙂💔😹.<< ثمين ولا نحيف😔!
تعرفوا ولا ما تعرفوا انه باكر عرس دود!!!
تعرفوا ولا ما تعرفوا انه قبل دقيقة انكسر ظفري🙂🙂🙂🙂🙂؟
حتى انسدت نفسي عن الاكل🙂🙂🙂🙂.
ي ربي كيف كنت محافظة عليهن، اكثر عن درجاتي🙂🙂🙂💔.
و كله عشان افتح المايكرويف و ضرب صبعي شوية ف المقبض انكسر الظفر😳😳😳🙂.
اخخخ ي ربي ي حبيبي🙂🙂🙂💔.
استغفر الله💕🙂.
و لا حول ولا قوة الا بالله.
دعواتكم، شايفة حبة جالسة تطلع ف خشمي نوبا🙂💔.
https://up.omaniaa.co/do.php?img=12247
الحماس اللي الله يحرمكم منه🙂😹🤝.
الناس بعدها ب بيجامات النوم و انا عاد جاهزة، اخر مرة يعزموني ع عرس🤡😹.
+ صداععععععع، الله يستر.
ف اخر جلسة حوارية مع الطلبة، كان المستر يقول انتوا عندكم حقوق في الكلية مثل ما عليكم واجبات!!! و لازم تطللبوا بهن.
رديت عليه؛ بس حقوقنا ذالينا عليهن؛ الواحد حتى يخجل يطالب بهن من الاسباب اللامقنعة و اللي تخلي الواحد ما يتطور و تنعدم ثقته من نفسه!
و من هذه الحقوق اللي مهضومه علينا انه ننقاش ف درجاتنا! كل واحد يعق اي درجة و لما نروح ننقاشهم يعطونا اشياء تنبهر منها و من السبب!
اخر موقف اللي من بعدها يأست اسأل ليش اعطوني ذي الدرجة او اناقشهم هو انه ف براكتكل اعطاني المستر 8 من عشرة ع الرغم متأكدة من انه الاجابة صحيحة مئة بالمئة و السبب انه اعطاني ذي الدرجة؛ انه حالتنه نفس حله عوين😳😹!!! يعني الحل ما له الا طريقة وحدة و نفس ما هو حالنها!! انا اروح احل غلط ليش!!! و الله تستغربوا منهم🙂💔.<< ترى نفس سالفة القلم انه م نقبل اجاباتش لانش ماسكة قلم ف يدش، يعني احل الامتحان بعيني🙂💔💔💔!
المشكلة البنات الغيرهن حالات نفس حله و معطايات الذرجة كاملة الاااا انا 😔😹.
و ترى ذي الحركة ما بس لمستر واحد! كل مساترة ذا الفصل كذا اكتشفتهم، انا اعطى درجة و ربيعتي غير ع الرغم نفس الحل و لما تناقش يقولوا لك الخط م واضح ولا اي سبب ز* كما عينهم🙂💔.
https://up.omaniaa.co/do.php?img=12297
و سبب ثاني ف الصورة😔😹، هذا شوية كنت فيه انانية؛ لانه معطاية الدرجة كامل و ما كاتبة الريفرنس، و ربيعتي نفس حلي بالضبط و منقصننها درجتين و قال لها السبب انه م كاتبة الريفرنس🙂😹. حقيقي اسبابهم للابد تجلط و بعد ما يقتنعوا و يخلوش انتي الغلطانة💔💔💔.
و ترى الكلية نفس اوريدوو مستحيل يطلعوا هم الغلطانين😔😹.<< مالهم نوبا ذلا موه مسويين لش🤡😹!
بس خلوني ساكتة، ولا اقول ليش اسكت م لازم اغتم وحدي🙂😹.<<< بموتتت مني😹😹😹😹😭.
تخيلوا لاه، نفس سوالف العادة يقصوا الرصيد و انا عندي اشتراك يكون و م مخلص الجيبي ولا مدة الاشتراك 🙂😹.
و انا دوم اكتشف اخر شيء لما اجي اتصل ح احد و يقول لي م عندش رصيد💔🥲.
اخر مرة تلفوني كان فيه ريالين و اربعة مية كذا، و رايحة اتصل و ردت ذك م عندش رصيد!! هاااءه بس🙂🙂، امس معبية بريالين ويش م عندش رصيد!
و رحت اشيك، البيانات نفسهن م متغير منهن شيء بس الرصيد ماشي 😔😹. و صراحة الواحد عاد صار يتعب يقول ليش🙂💔💔.
لو نغرف فلوسنا و درجاتنا من البحر ولا مال حرام ما يستوي لنا كاك😔😹.<< اسيرة الاحزان بارت 2🤡.
اخر بداعاتي الفنية، ما شاء الله:
اذا ما الشاشة الامامية، الزجاج الخلفي🤡😹؛
https://up.omaniaa.co/do.php?img=12301
إننا نكبر بالليل جداً ياصاح، إن الليل هو عالم النفس، وأما النهار فهو عالم العيون والأسماع والأبدان ..
https://up.omaniaa.co/do.php?img=12314
الله لا يحرمني من ذكاءي ما شاء الله🤡😹💕.
https://up.omaniaa.co/do.php?img=12327
و تو اتوقع وقت انه اكمل نومي الين الامتحان الغيره ساعة 2 🤝🤡.<< ايوة م افوت اي فرصة للنوم😔💕💕💕.
https://up.omaniaa.co/do.php?img=12328
-حركات الدحاحين🤌🏿😉-
لقد هرِمنا، و تكادست علينا المسلسلات و الافلام🤌🏿🥲.
https://up.omaniaa.co/do.php?img=12343
شايفين تكادس المسلسلات، تبعه تكادس كويزات و اسايمنتات🥲💔💔💔. بس نسوي عمرنا م متكادس علينا شيء💔🥲🥲.
المهمم م عليناااا، ف الويكند طلعت شوبنج وعيان مع التيم القوي؛ ام ميرا و ام تركي و ام طيف.
طبعاً كلهنن يشترين ح بيوتهن، الا انا رايحة معرف موه اسوي🥲😹😹.
بس الحمدلله بيضتْ خشم الوالدة و اشتريت لها من ذاك الزين🥲💕🤝، و طبعاً امي ذي الايام فخورة فيني الين سنة قداممم😹😹.
اكتشاف م مخباي- انه الوعيانن طلعن يغايرن للمتزوجة و غير المتزوجة و اللي عندها بيت و اللي عايشة ف خيمة، يعني طلعت سالفة وراثة نسائية🤝💕😹. -
و اخر شيء ف رمضان بنستخدم الاغراض دسبوسبل🤝🥲😹.
https://up.omaniaa.co/do.php?img=12374
واضحة نيتي ف رمضان كيف، باقي اقناع الوالدة😉😹.
اللهُم يا واسع العطاء، و يا مُنزل الشفاء، و يا رافع البلاء، و يا مجيب الدعاء؛ اشفِّهِ، و عافِهِ يا رب🤍.
و الله؛ انها لأيامٌ ثقالٌ، مرّت و ستمرّ بحُسنِ لطفكِ و تيسيرك.
اللهم؛ انهُ سندي، و احُب الناس إلى قلبي، اللهم بلغنا شفاؤه قبل دخول شهرك الفضيل.
-
اللهُم قوِّني بِك حين يقِل صبري.
عمتي لو كانت تدرس معي ف الكلية؛ كنت كما تو انا اولى عليهم😔😹😹🤌🏿.
https://up.omaniaa.co/do.php?img=12497
للعلم الدرس يبدأ وحدة و خمسطعش دقيقة🙂😹.
و رمضان مبارك باذن الله، و ربي يتقبل طاعتنا و يغفر لموتانا، و يشفي مرضانا و جميع المسلمين.
https://up.omaniaa.co/do.php?img=12504
وحدة من بشارات اول يوم رمضان الجميلة، خازوا عنه التخدير، و ي رب قريب يطلع من غرفة العناية، و نشوفه معنا ف البيت بخير و عافية ي رب.
الله يجبر بخاطر المُنتظرين، ببشارة خير.
15/4/2021م
وفاة خالتي، حبيبة قلب امي، و رائحتها، و أُختها الكُبرى.
اول ضحايا كورونا في العائلة؛ لم نودعها، لم نحَضُر جنازتها، و لكن لم و لن ننساها من دعائنا، و عزائنا.
حيث تظل فاجعة الموت؛ هي الفاجعة التي لا يعتاد عليها أيُّ قلب، مهما سبقها من اشتداد الحال، و شدة المرض إلا انها قاسية على القلب.
فـ اللهم ارحم من انقطع عمله، وارحمنا إذا صرنا إلى ما صاروا إليه.
الله يسلمش، الحمدلله امس نور البيت بوجوده💕💕.اقتباس:
المشاركة الأصلية كتبت بواسطة وفاء العبري
الله، قبل شوية خلصت الـ فاينلس، و الحمدلله الحين اقدر اعيش حياة طبيعية لمدة كم اسبوع🤝🥲.
https://up.omaniaa.co/do.php?img=12628
من بدأ رمضان ما دخلت المطبخ الا مرة وحدة🥲💔!!
و اليوم قررت ادخل، و للاسف كسرت كوبين و صحن😔😹.
الحلو فـ الموضوع؛ انه امي كانت مروقة-الدنجو مالها ضابط🤝😹.- و طبعاً م نازعوني، بس اعرفها بعدين بتنشر ح كل الناس انه هاجر كاسرة عاد كوبين و صحن😔😹.-طبعاً اول كسور رمضانية ذي-.
و صح اليوم احمد بعد كاب الع¤يمتو، و نوبا اول كباب ذا🥲😹.
و اتوقع تو بادي الخير عندنا🥲🤝.
https://up.omaniaa.co/do.php?img=12634
تعرفوا لاه ويش طابخة🥲🤌🏿! اكلتي المعتادة شوارما، و بعد مسوية بف باستري و داخلة جبن كيري.
و من الاستخفاف ف قدراتي، احمد يقول خلاص لوعتينا، ترى كله الاا بف باستري و مدخلة لها جبنة!! م مسوية شيء فيها عشان تتمدحي😳😳😔😹. و طبعاً هذا كله عشان قلت انه ما شاء الله بو مسوتنه كليتوه شكله عجبكمم😔😔💔😹.
المهم؛ سكتنا عنه احتساباً للاجر💕🥲🤌🏿.
لما يكون م عندك احد يحس فيك🤝🥲😹؛ -اعتمدوها، نفعت مع خواتي-
https://up.omaniaa.co/do.php?img=12635
اخبركممم لااه؛ لا تمدحوا خوانكممم🤌🏿🤌🏿🥲، بس اخبركم يعني؛
https://up.omaniaa.co/do.php?img=12686
مُذكرة فاطمة الله يرحمها، سنة 2012م.
https://up.omaniaa.co/do.php?img=12733
https://up.omaniaa.co/do.php?img=12735
و من ضمن الرسائل المكتوبة، رسالتين مني، كنت ذاك الوقت صف تاسع تقريباً!
الرسالة اولى، بالحرف الواحد سويته بس واقعياً قبل لا تموت هذه الفترة، كنت اروح المستشفى ابكي و اردد ذي العبارة!! ع الرغم ناسية سالفة اللي مكتوب ف المذكرة!
https://up.omaniaa.co/do.php?img=12737
و الرسالة الثانية كاتبة فيها يومي معها ف المستشفى؛ اشتقتت، ربي ي بةيجبر ب خاطرنا ع ذا الشوق.
https://up.omaniaa.co/do.php?img=12734
رحم الله من بقيت حية في قلبي أتنفس حبها بأدعيتي، اللهم ارحم فقيدتي واعفُ عنها و اغفر لها، اللهم اجعل قبرها روضة من رياض الجنة.
https://up.omaniaa.co/do.php?img=12738
الحمدلله🤡🤝؛ درجات مشرقة، تدخلني بيتنا:
https://up.omaniaa.co/do.php?img=12768
كان الهدف ذا الفصل انه اسطر في كل المواد فور، بس الله م كتب، لازم ف احد يتنذل ع النهاية، و حسبي الله عليهم🥲💔.
و ما يمنع نجدد نفس الهدف للفصل الجاي🤡💪🏿.
-إنجاز- مقاومة النوم الين تو🥲💔.
من دخل رمضان و انا اخلص مصلية التراويح و انام😔😹؛ ايوة بو نزوى م سويوا ذي الحركة.
بس حقيقييي، مستوية من الناس اللي تفطر و خلااص يدقني كسل و خمول ما طبيعي و بالغصب اسيطر عليه🥲😹- بي و الفضيحة بس🤡-
و امس من كثر م غاشني النوم، صليت العشاء مرتين🤡😹.
والحسنة الوحيدة ف الموضوع اني انهض من ساعة 9 صباح🤡🤡🤡🤡🤡🤡🤡!!!!!!!!! ؛ و لانه رمضان و ماشي فعاليات، اجلس اتقلب ف الفراش الين الله يفرجها 🤌🏿😹.
و الحين عسى يخترب الجدول؛ لاني جالسة احس اني الوحيدة فعُمان اللي مرتبة جدول نومها و تنام من وقت😔😹.
و الشيء اللي يطرح نفسه، اسهر اسوي ويش🥲🥲🥲🥲؟ بتقولوا تعبدي! ذكري ربش، حقيقي الحمدلله عندي وقت مخصص لتعبد و ذي السوالف! بس ذا السهر بو تو ويش اسوي فيه!!!
جالسة اتذكر الرمضانات الماضية ويش كنت اسوي لما اسهر نفس ذا الوقت🤡! و طلع انه كنت مكروفة ف التقنية😔😹.
الحمدلله نوم و لا كرف التقنية🤌🏿🤡.
https://up.omaniaa.co/do.php?img=12774
بما انه العيد جاي و قرب و لازم نكون كشخة و يونك و نظّاف، و بشرة صحية، قررت ابدي روتين العناية الحلو- من ضمن القرارات اللي كل شهر تنزل و استمر فيهن اسبوع و كنسل 👍🏿🥲-
ف سنة من سنين و عيد من الاعياد، م اوصف كيف كنت متجهزة و كان ذاك العيد بيسجل ف التاريخ من كثر الكشخة؛ ماشي مصممة ف الدنيا م طالبة من عندها لبسة، يعني كان كل شيء بريفكت! و ناوية افجر القبيلة بكشختي🤌🏿🤡.
بس الزين م يكمل🌚.
كان العيد الاضحى، صباح يوم عرفة، تاسع يعني! تحمست و قلت اخر يوم للعناية و اسوي لكم ذاك الماسك اللي فيه اشكال و انواع من المكونات و الكريمات🤡💔.
و سويته و انتظرت ربع ساعة و هو يتحارق ف بشرتي، و اقول عادي ذا المفعول🤌🏿🥲!!
و لما خزته، وجهي احمررررر ناقعع، و مُصرة كنت انه عادي المفعول الين الامور تهدأ🤡😹.
و جاء العصر، و الاحمر ستل احمر، و كان يحرقني بقوة! ابدي اصيح!! لا لا؛ انتظر شوية يمكن اتهدأ البشرة🤡.
جاء المغرب، الاحمر استوى كأنه حروق ف وجهي😳😳😹! م اتفقنا كذا والله😢😢😢.
و ما بيدي حيلة كانت💔💔💔😔، رحنا الصيدلية بما انه ف البلاد م عندنا عيادات جلدية؛ و لازم نروح نزوى و ماشي وقت ح ذي السوالف!
راعي صيدلية يضحك علي💔😢😢!! كان اول المتنمرين!! اعطاني مرهم بس طبيعي م ايجيب مفعول من اول استخدام 😔😹.
وصلنا البيت؛ و بديت اصيح انه خلاص كنسلوا العيد🤡💔. وجهي محترق، خصوصاً منطقة اللي حول الفم و الخدود. حتى كوّن طبقة جلد جديدة مال حروق!
اتذكر اني نايمة اتنشج😢😹! و حالفة انه م اروح بيت جدتي عشان نعيد بما انه متعودين نجتمع عندهم اول يوم!
بس صبح الصباح؛ و نازعوني و قالوا لي غطي وجهش محد بيسأل ماله🤡🤡🤡😹!< و كلهم سألوا ماله😔.
و صياح من صباح الله خير؛ و رايحة مشلولة انا و كشختي و وجهي المطاغي كأني عروس😔😹.
و بس كلهم عرفوا السالفة و تنمروا، و صاروا يضربوا علي الامثال انه لا تلعبوا ب بشرتكم🤌🏿🤡.
-الخلاصة- صدق لا تلعبوا بالبشرة، و اذا بايين تلعبوا؛ لعبوا قبل عن المناسبة بفترة واجد عشان يواحي يصح و تخوز الاثار🤡.
نصائح هاجر كير🤝🤡.
https://up.omaniaa.co/do.php?img=12773
https://up.omaniaa.co/do.php?img=12821
صايرة عقدة حياتي من وفاة فاطمة الله يرحمها؛ انه احد يرقّد في المستشفى.
واجد الموضوع يضايقني؛ كنت اول عادي بس تو صااايرة حتى لو داخل المستشفى عشان جرح بسيط؛ اجلس انا متوترة طول الايام الين يطلع الشخص بخير و عافية.
ربي استودعك اهلي و صحتهم و عافيتهم، اللهم لا تريني باحدهم مكروهاً ابداً.
ربي اسألك الشفاء العاجل لـ أخي أحمد ي ارحم الراحمين، ي الله.
21 رمضان؛ اللهم اشفي مرضانا و زدهم قوة، اللهم طهر اجسادهم و انثر فيها العافية -يا رب العالمين-
https://up.omaniaa.co/do.php?img=12873
بداية فصل خفيف، لطيف، ناجحة فيه ب اذن الله🤡🤏🏿:
https://up.omaniaa.co/do.php?img=12904
https://up.omaniaa.co/do.php?img=12905
السحبة الثانية؛
https://up.omaniaa.co/do.php?img=12907
و كله بسبب انه جالسة اخرب جدول نومي المتقطع جداً جداً🥲.
https://up.omaniaa.co/do.php?img=12967
كيف عرفت انه ما افوادي ع دراسة ذا الفصل🤡💔: اوزع السكاشن الحلوات ح ربعاتي.
الله يدخلني الجنة ع طيبتي 🐍 🐍🐍🐍💕😹.<< اسسس اس انا السعبان🐍😹.
من الصباح ادور احد يوصل لي ماهو، كلها عمان رسلت لها و كلهن ما يوصلن عادن 😳😹!
و مال بلادنا احسهن اختفين، معرف احد منهن. حقيقي جاااي خاطري فيها بقوة، و احس معرف اسويها😔💔.
م عععلينا؛ العصر طالعة انا و عمور.
و اتوقع هذه الطلعة بتكون سبب في انه صومي م مقبول🥲💔.
سلامات ويش ذي الزحمة!! اوع¤ر الوضعع، كل احد يدخل عليك من صوب، و كل احد يسب من صوببب😳😹! زين هو ما وقفت السيارة و جلست اصيح ف نص الشارع😔😹.<< ترى كنت اسويها لو م ذاك الشيبة اللي الله يهديه🥲💔، لو متقابلين بعد المغرب كان فنان.
اخر مهم لليوم؛ البيت بدون حِس أحمد و فوضته صاير م حلو؛ و لو انه موجود بيننا بس ي رب قريب ترجع عافيته و صحته.
و صح واصلتني ايداعه معرفها من عند من، بس ي ليته م رسلها و احتفظ ب ريالين لنفسه😔😹!!<< امزحح جزاه الله خير، اخاف باكر اقوم و احصلهن مسحوبات😔🤝.
https://up.omaniaa.co/do.php?img=12968
^^
المشاركة ساكتة و متحملة، باقي اكتب فيها الCV بس😹😹😹.