•• شــو تقــول للي في بــالكك ••

اللهم جنبنا أذى الدنيا ، وحيرة النفس ، وحزن الليل وبكاء القلب وموت الضمير ، وسوء الخاتمه

طاب خاطر قلبي منك وهذي الفرقى رهان
وحتى لو قلبي يحبك ربي بفراقك يعينه*

تدري لما قلت أحبك قلت وما عندي ضمان
وإختياري كان خاطىء تجربه بالحيل شينه

كنت تخطي وكنت أسامح مره مرتين وثمان
أدمح الزله عشانك وأكتم أنفاس الغبينه

عسى العافية ما تفارقكم ^

كنت أحبك وكنت أعزك والغلا فيني جبان
اخاف تزعل لو ألومك ضعت ما بينك وبينه

في عيون الناس عادي بس في عيني جنان
وكان قلبي من يشوفك تفضحه نظرة حنينه

ماني أول من يحب ومنت آخر شخص خان
المحبه في زمانك بحرها من غير مينه

الفشل .. كان النتيجه وأعتقد آن الأوان
أبني مستقبل حياتي وأنسى قصتنا الحزينه

وخطوتي الأولى غيابك وراح أطبقها عشان
يبكي قلبك لا فقدني والندم .. يملي سنينه*