نبض الإحساس .. سجّل احساسك في هذه اللحظه

-


و أسامحهم :
عشان أنام راضي البال
أنا أتذكر فضل ربي
و أحب أنسى : ملامحهم ..

-

ابسألك .. وانا معك " مُنهك "
ملامحك ... من وين مقطوفه ؟
ماكنت اشوف الزين في وجهك
فـ الزين وجهك كنت انا اشوفه

#شريان_الشريان

.. [ شبيه آلريح ! ..
تعآل وطيح ,
ف : حضن أحلآمنآ ,/ وإنسى ,
وأنآ مثلك ./ بعد بَ : أنسى ..
ولآ تسأل ، ولآ بَ : أسأل :
.. " من آللي علّم آلتّربَه تخُون آلشِّيح " ! ,
.. [ شبيه آلريح ! ..
تعبنآ وآلجفآ كذبه ,,
تمر آشفآهنآ /, وتصيح ! ,,,:

-

عايش على حد الكفاف
وبذكرياتي " مكتفي " !
روحي تبـلّاها الجفاف
جسمي بعدْكم مختفي !
شايل من الدنيا خْـفاف ،
صورَتْكِ شوقي مِعطفي !

-

كن الحزن غيمه جفا ،
عاقر سوى من دمعتين !
دمعه "على هيئـة" وفا ،
ودمعه على هيئة حنين*

علقت لك ب/ضلوع صدري أماني,.
....... وإنت إعتبرتها في غيابك (مراجيح)
إن كنت تلعب لا تمآدى عشآني ,.
.......أخاف تاخذ راحتك حييل و (تطيح)

-


انت اصبوحة شعر لٰكن .. جديده
كنت فيها شاعر .. وقلبّه خجول !!
كلّ شي ضيّعته ؟ بنصّ القصيده
يوم شفتك تبتسم ( مدري شقول )

بَـ أسألك : هو قد سمعتِ بـ .. حآضر يحس بغيآبه ..؟!
لأن كل [ كله ] معك
حتى ظله يتبعك
خذتِ منه حتى .. \ نفسه ..!


ومآ تجّرأ يمنعك !
ومآ تجّرأ يمنعك !
ومآ تجّرأ يمنعك !

-

اللي غيابه عن عيوني يبكيني !
وتضايقه دمعتي ولايواطنها "
يارب عن كل دمعة عين من عيني
(تغفر له ذنوبه) اللي مادرى عنها ..

على الموعد بلهفه
جيت لامانع ولا تاخير
لفيت من العصر هايم
مع ان الموعد المغرب
وجتني بس انا مدري
شعرت الجيه هذي غير
وهي تقرب من عيوني
شعرت ان الممات اقرب

وقلت الله يهونها
غسى في جيتك لي خير
انا من شفتك اقبلتي
وانا خايف ومستغرب


على كثر الحكي مدري
كانه خانها التعبير
قالت لي جمل واشياء
لاتكتب ولاتعرب
هدت فجاة تطالعني
وانا في حالة التفسير
لجل نحكي بهدوء اكثر
سالت الحلوه وش تشرب


وصاحت بي انا
احبـــــــــــــــــــــــــــــــــــــــــــــك
ولك فالحشى تقدير
وتدري ان المثل فينا وفـ احساسنا يضرب


صحيح انك وفي
وبريء من تهمة التقصير
ولكن ذي عوايدهم
من ايام وزمن يثرب


تكون البنت لـ ابن العم
ورغبات الكبار تصير
وتدري الاقربون اولى
مع انك للحشى اقرب



وتدري للقدر كلمه
ولعادات الاهل تاثير
لذا ارجووووووك
تتركني وانا من واقعك بهرب



شعرت بحكيها كنه قصاص
وامر بالتعزير
شعرت الدنيا ضاقت بي
من المشرق الى المغرب


مشت وخلت وراها طفل
مايجرك وش التدبير
يحسب ان الغرام اشعار
شاعر واغنيه ومطرب


ضحكت وماقدرت
الاقي لضحكتي تبرير
من اللي بوقتنا مره ضحك
من لدغة العقرب



رفضت استوعب اللي صار
ولا استسلمت للتغيير
ثمان شهور
اجي نفس المكان بحزة المغرب


برغم ان الثمان شهور
جرح وكلفتني كثير
انا لليوم اجي وادعي
تجي يــــآرب
تجي يــــآرب