اعزف على ناي القوافي واغني ..
اعزف على ناي القوااافي
وأغني
واكتب مواويلي على ذوق
فني
واسري انا لا نامت النااس
عني
سري المزون اللي مطرهاا
هماميل
واسهر اذا بااان القمر في
العوالي
في مهمهن قفر من الناس
خالي
واقنب قنيب الذيب في
راس جالي
واقند القهوه على رااايق
الهيل
واردد الونااات في كل
وادي
ونة خليع(ن) هو من الدار
غادي
سراااي ماااابين السرا
والحمادي
مثله اناا ياصاحبي ساري
الليل
في منزل(ن) مافيه غير
القطامي
ياااوي الي وكره بجنح
الظلامي
ويذوق من عذب الكراا
والمنامي
ولا انا سهران من نجمة
سهيل
بسباب خلن في المحبه
جفاني
لا مانسيته لو بعد هو
نساني
وش حيلة المهجور غير
التماني
وش حيلة المهجور غير
المواويل
في شف خلن باهي الخد
هادي
كنه قمر شوااال فوق
العبادي
حبه سلب روحي وادما
فوادي
اهواه اناا ياصاحبي جد
بالحيل
اهواه انااا من يوم وقت
الطفوله
من كنااا نسكن بدااار
حوله
لاكن عذاال الهوى هم
سعوله
وقام يتسمع منهم القال
والقيل
واليوم عني يااااعلي
مايسالي
ولا من سألته ماايرد
السوألي
ياويل حالي ياعلى ويل
حالي
زادت همومي في الهوى
والغرابيل
وتمت حروف قلتها في
الغلاوي
وليته مثلما هو جرحني
يداوي
ويطيب جرحي بعد ذيك
البلاوي
ونرجع على درب الهوى
والتساهيل
