كتابات الشاعر ( بدر الحاتمي)

صباح الخير

يا صباح الخير جملة للجماعة الطيبين
اللي ليا واصلتهم تلقى الوجوه الباسمة
واللي اذا ألفيتهم تلاقى نشاما مرحبين
تلقى العلوم اللي تسر ولا تخلّف واسمه
والطيب عنوان تعرفه من تزهي الجبين
مقرون به ذاك الكرم كأن العوايد راسمه
ناس على جرح الزمن بلسم ماهو أيدين
ما يهتنون الزاد شربة دون منت مقاسمه
أخلاقهم أخلاق لو حفت بطوق الياسمين
بيغار منها الزعفران اللي تفتح مبسمه

حفظ العهود

ما عادتي اخلف وعودي والعهود
بس وضع القلب مشرف ع الهلاك
يا درة تكمل بها... رسوم العقود
بحفظ وعودي قدر ما أقدر بلاك
وليا رسلت وداخلي دمعي سدود
من طيب أصلك وانتي مبونك ملاك
ردي الجواب اللي يرد من النفود
يجزيك ربي وربما يزيد فحلاك
لو يصدق العشاق في كبح الصدود
انتي البداية وكلهم سوا سواك
وانتي التي قد كسرت فكر القيود
وانتي التي قد هام بك قلبي يباك
أدرى أنه الوقت مبحر للشرود
ابحري في إوطان يطلبها هواك
مهما تبعد.. مهما تبحر لا صمود
كل شوقي إعصار يمطربه سماك
وكل صورة تلوحبي مثل الجدود
لو خلفت تاريخ يشهد به ضياك
لا تعذلي اللي لو طلبك زاد جود
ولا تنفري من واحد مات ف هواك

عتاب

من عادة الدنيا التبدّل لأوله
ومن عادة الإنسان تمنع أمنعك
بدل طباعي الريم بالمستأصلة
وغيّر أساليب التقرب لأعرفك
من كل وقفات التأمل مسألة
قد تهت بي وأنا مثبت اتبعك
صورت لي أن الوليف معادلة
تركيبة المحبوب في متناولك
نفس التفاعل ما نطبق جدوله
وأنا هويتك مثلما انت فمعملك
وش عاد غيّر ف الحساب تطوله
ليه انت ما تبغى القصايد تكتبك
ليه انت ما لونت رسم المذهلة
وليه انت رافض ما بنيت بساعدك
ناقش فؤادك في التغيّر وإسأله
وش عاد غيّر يا غلاي وأقنعك
كنا عطورا ف التغلي وم أجمله
وكنا ورود في الحدايق تعشقك
ما هي بسيطة هذا حظك واقبله
وعوضك ربي في بدالي واسعفك
ما عقب ما قلبي ارتواك وظلله
عود ترنم من تردد ضحكتك
لو بس تسمح في الحوار وتقبله
ابغى مبرر يجبر الخاطر ولك
ابغى حنينٍ في الضلوع محمله
يفهم جوابك يا غلاي ويعذرك
إن كان لك عذرا تجمّل جمّله
لأن التدافع من شراعي يعذبك
واما سلاح الهجر لا لا تشعله
في شعلته نار تلظى بتحرقك
وإن كنت تقراء ف السطور الأوله
ما رام من فارق بمثل مفارقك
وانسى كلام القلب عن لا تشغله
اللي تنفسك بحشاه سيعاتبك
ولو ما عاتبك قلبه عليل معذله
إحذر تعازي تجيك لأجل تعاقبك

دموع المفارق

أقسى من دموع المفارق وحراق
بعض التجاهل من ظنين يروحي
الله يعوضني عن المنه ب أرزاق
أن كان مالي في فؤادك صروحي
جيت تسائل عن البسمة ترا أخلاق
نفسي بطيبتها كما بخور* يفوحي
عفويتي تسبق مثل نور الإشراق
ومن صدقي الطاهر إبلسم جروحي
ما عودت نفسي على حقد وشقاق
التواضع والبساطة أكبر طموحي
تبغى تملكني ترى مو شغل سواق
تأمر واقضي في الحوائج بروحي
يا كل ما أملك يا غلا بكل الأعماق
غيّر في برمجتك تردد مروحي
حوّل على موجة الحب* ذواق
وخذني وفاء وافي اجيلك مزوحي
يا قبلة المشتاق على العنق طواق
يا وجه البدر يا البياض الشروحي
حاولت تبعد والهوى عدة أسواق
وين ما صديت هو محلي يا روحي
وأحب ازيدك ترى نشر الأوراق
جملة شعور ولي المشاعر تبوحي*
وأبيك تفهم يا غناتي ب الأخلاق
تملك قلوب الخلق طوع ذبوحي
ما هو تسلط.... ولا! الكبر آفاق
ولا هو تحيز والكلافة شحوحي
شفني بحر في لجتي الكل إغراق
وشفني جبل راسي بقد ملوحي
تعال عطني من حلاتك بإغداق
ومني تحصل كل حب نصوحي

إسمه عجيب يبتدي بسين الصواب

هلّت عليّ وقت الصبح مثل الضباب
الجو منعش* ....* والهواء بارد عذب
اترقاصت بعض المشاهد كالسراب
من حلم وطى في فؤادي العجب
من توتها المذبوح تسقيني شراب
ارشف حلاته ... كأنه معتق عنب
أثر الهواجس تشعل القلب الشباب
وتلّحن الأشواق ... بألحان الطرب
مدرى شحصل راجو يناديني جناب
مي كيا كرتا هملوج ميرا ديل خرب
يقطع بليسك حاضر وغايب عذاب
قطّعت خط السير ف أحلام المحّب
الزين خذ له في التنفس فتح باب
وأنا اتمم فلفل وما أنتو شنب
والزين يسأل منتظر مني جواب
الموتر اللي ما يودي بيني وبينه عتب
يشرح مصيبة كايدة ك الاضطراب
وأعطال أخرى بعضها يمكن صعب
يقول فاهم قلت فاهم.. بإرتياب
مسمع كلامه ولا فهمت بلا كذب
بس خَذني من حضوري للغياب
في تقاسيم المحيى والسبب
مختلف في كل شي حتى الحجاب
وما دعى لي بد يسلبني سلب
شف قلتله لوهو على الموتر مُجاب
ما يحزنك لي به تعطّل وانعطب
حنا لأمر اللى لفانا كالثواب
وحنا على فتك التردي لو وصب
بس ابغى من جنابك في الكتاب
تشرح تفاصيل البلاء وانا اكتب
ما رمت أقول اني مغيب للجواب
اللي سبق شرحه بإسهاب وطنب
سجلت إسمه بادى الأمر العذاب
ثم مسحته لا يشوف اللي انكتب
إسمه عجيب يبتدي بسين الصواب
واللي تلى يسعد ويعداه العتب
عديتها سطور المشاكل والخراب
وبنيّت له حسن التعامل والكسب
نختم على تسليمك الموتر حساب
يتضمن في طياته المدة انتسب
جودة وضميرٍ ما يغش ولا يهاب
في الله حق القول والفعل انحسب
في خاطرك اية طلب ولا جواب
مع قول شكرا والتبسم انسحب
تل الفؤاد اللي سرح به واستصاب
وأشعل بجوفي نار ما فيها حطب
موترك عندي يا الغلا مثل الشهاب
اللي لضوه.. تسخن تحر وتلتهب
مهما صعب عندي علاجه كالشراب
ندمي عروقه من دمى نبت الشبت
بس العليل اللي تردي في الخطاب
يجمح لسانه في التشكي والعتب
من هو يداوي اللي على لفح التراب
حط الوصايا ثابتات كالنصب
أن كنت ترحم حالة المظني ثواب
تكسب لأخرتك وتزداد الكسب

الصديق

ما يتهم بك غير شخص يعزك
ولا ينصحك غير باغي صلاحك

خل العواذل هرجهم ما يهزك
تمسي صحيح منور بمستراحك

وخذلك ربيع لأنتخيته تحزك
نفس بذلها في فداك ومراحك

عودة

لامني عن وصل الحبايب غبت دور
ولامني هملت التواصل للفرق
تأخذني الدنيا بمشاغل ما هي جور
والحر يكسب... بكد زنده والعرق
ودامني ما أنسى محطات العبور
ما عاد بنسى من سطى مثل البرق
يا سيدي دوم النهر يتبع بحور
والشمس ما راد الولي تطلع شرق
في حبكم صغت المشاعر في سطور
ومن حبكم يحيى فؤادي من الغرق
قد جيت أحمل في ترانيمي زهور
أهدي نداها بالغلا كل الخلق
الله يعطيكم خير ع طول الدهور
يا من رسمتوا لشخصكم حسن الخلق

إنتي مين؟

مرحبا بك.. وأنت مين؟
كنت ماشي في طريق الحالمين
لا كلافة ولا أنين
لي طباع في حضوري كم تزين
مرحبا بك.. وأنت مين؟ ..
..
..
كنت أظن أنه لقافة ..
أو سذاجة م الرفاقة
ترسل حروف بطلاقة
مخليه ع الوضع باقة
بس هلت.. وسألتني أنت مين؟
قلت أهلا.. عبد رب العالمين
وانتي مين؟!
مرحبا بك وأنت مين؟..
..
..
قالت أرنوبة لطيفة
أضحك وربك خفيفة
رايقة بك لا سخيفة
بس أخاف من الفضيحة
معجبة بزولك حقيقة
كنت تفهم وش هو يعني... المعجبين..
مرحبا بك.. وأنت مين؟..
..
..
حس قلبي باللطافة
وقلت شكرا ع الإضافة
واضح أنها مش سخافة
بس بعدك وش تبين؟ وين إنتي تسكنين؟
وش إسمك؟ وكيف رسمك؟ وليش لقبك أرنبين؟
مرحبا بك.. وأنت مين؟..
..
..
قالت أخلاقي نبيلة
وأنا مثلك ع القبيلة
أنتمي لأسرة جليلة..
م البنات العارفين.. وف المدارس دارسين
وللثقافة فاهمين.. وللقهاوي شاربين
مرحبا بك... وأنت مين؟..
..
..
أقتنعت وقلت مرحب..
ولبنات العم نطرب
أنا فعلا فيك معجب
دام إنك من عداد الصادقين
ودام إنك للمحبة تطلبين
مرحبا بك.. وأنت مين؟..
..
..
أسمع لصوتا بحوح..
وأنظر دموع تلوح.. لا صحاري ولا سيوح
من وسط كل الألوف.. ويش عندك م الظروف
ليش كل هذا العزوف..
لا محبة لا تلاعب لا دفاتر.. فيك خوف؟
وتبدأ بقصة حزينة.. من زمان الغابرين
مرحبا بك.. وأنت مين؟..
..
..

وتكمل القصة بغصة..
من حديثا ما فهمنا حتى نصه
وتعزف بلحن حزين..
كيف لبلادي بتغرس..
مقضية عمري وأكرس
للتفاعل صرت أدرس
ويرغموني بشخص يرفس
من غباء طب لعيين؟!
مرحبا بك.. وأنت مين؟..
..
..
قلت هذا الضيق هيّن..
ينعدل من قول ليّن..
بس انتي تسكتين؟!!
أشرحي شرحا مبين
وعندي خطة واسمعين
كنسلي الضيق المشين
وقومي عندي تسافرين
مرحبا بك.. وإنتي مين؟..
..
..
قالت أنت شخص فاهم
وتعترف لو كنت واهم
كم أحبك يا المداهم
أنت للقليبي سجين..
وأنت أزكى من عطور الياسمين
مرحبا بك.. وأنت مين؟..
..
..
صرت أشربها عدن
وأحسب اني لا رحلت..
تكون لي أغلى وطن..
صرت أذكرها كثير..
وأعشق القول الشهير
مبشرا بعلوم خير.. واتفقنا نكون غير
غير كل العاشقين..
مرحبا بك.. وأنت مين؟..
..
..
غيبت عني لفترة
وفي الحقيقة صرت أشره
قلت وينك؟ في غيابك صرت أكره
كل شي حولي ثمين
وكل زين يصير شين
مرحبا بك.. وأنت مين؟..
..
..
فجاءة سكرت كل الخطوط
وما ترد لطوط طوط
خلت شعوري أخطبوط..
أي عذر بتشرحين.. وأي عهد بتذكرين
وأي مكر بتمكرين.. وانتي حزب الجارحين
مرحبا بك وانتي مين؟..
..
..
وش هو ذنبي فيك مغرم..
فهميني وأنا أفهم.. مو ضروري تصيري مجرم
لا تقولي ما تعنين
وانتي سيد العارفين
مرحبا بك.. وأنت مين؟..
..
..
تقولي كيفي ما هو كيفك
ما عليه بتضحكين..
انتي فكرك ف أعوجاج
وأنا قلبي من زجاج
كل ضلوعي ف احتجاج
ما هو كيفك ترحلين..
ولا هو كيفك تذبحين..
ولا هو كيفك تقتلين..
مرحبا بك.. أنت مين؟..
..
..
كاذبة لو قلت قلبك في أنين
والمصيبة ما تعرفي أنا مين!
تكذبين.. وتلعبين.. وتحلفين..
بالله قولي أنتي مين؟ وليه تجين؟
مرحبا بك.. وأنت مين؟..
..
..
كنت ماشي في طريق الحالمين
لا هموم ولا سهر.. ولا يراودني ضجر
القراءة والكتابة شغلتي منذ الصغر
لين جيتي تسرقين.. من وسط صدري مقر
ما أبيك ولا أحبك..
ولاتجيبي خطوط دربك
بس لو جالك ف يوم وعند ربك
تُسألين؟ ليش عذبتي البنين؟
وش هو ردك؟
مرحبا بك.. وأنت مين؟..
..
.. مرحبا بك وأنت مين؟

صدفة

مقسى همومك ليا زادت بلاويك
وتعسرت الأيام وغدى الحل مبعد
مخصوص لاكان البلا من مخاويك
ويشوف همك وساحب الود بالعد
مكلوف تصبر من معاني مباديك
وجموح نفسك ب توطي لها حد
تخيل معي صاحبي كان يعنيك
مخرج أنا والشعر موثق بمشهد
عقب الكدر طل الفرج جاء يحيك
ويعلن زمان الهم ما عاد يسعد
خذني غلا ينغرس في محانيك
وخذني هوى كل حبي مجدد
ماني على طراز المزاعيل أفنيك
غرامن تعتق في فؤادي ملبد
أصدق مشاعر في حياتي أهنيك
أمك وأبوك وطفلك اللي توعد
وأعذب غرامي ساكبه مع طراويك
وأندى كلامي في محياك يفند
بعدك معي يا زين وا تقارن هقوايك؟
ودك تعرف الخاتمة حب أو صد
محد يرد الحب لو جاء بيغليك
واللي له.. توق نفسك ... ممهد
صدفة تحل ف عالمك ب تخليك
تسعد ولو كانت حظوظك بتجحد
صدفة في حياتي... كالمماليك
زنت بها روحي والقلب مسعد

ابفهم مكسبك

ابفهم مكسبك يا ناوي الصده
وابفهم مكسبك من طيحة أركاني
تحلف غيابك ما ينقري حده
وأنا اليتيم اللي موادعك ممداني
اشكى الوزرا في شدة الشده
مريض واحتضر قد جف شرياني
يمم فؤادك شطٍ ملتجي سده
واسرج عنادك طوع ليك وداني
لو تحسب الأيام وزادتها مده
ما يسعفك في روحتي تواني
وظف شعورك لو بقى بوده
ترتيب الأحداث وقارن الفاني
يا زين إسمك في شرعنا رده
وضحكتك عندي جرمك الثاني
متعلق فيك ونومي مكده
وليا غفيت! جاء طيفك الجاني
وين أنت من هذا الوزرا وعده
وين أنت مني؟! بعد وجداني

يا ليل

البارحة ونيت ونات العليل
يوم الخلايق نايمة ماهي بسهر
الليل موحش وانا ما عندي خليل
اتجرع الوحده من الحنظل ثمر
لا من صدى يسري ولو حتى دليل
والهاجس اللي قد هقيته ما حضر
يا ذا العنا لو كنت تدور لك بديل
حد يعوضك الشقا دوني ف شهر
مليت من صحبتك ما ابغى معيل
لو كان قوت الحال نهجل به الفقر
ولفت لي كل البلاء ما انت جميل
وارديتني من سلم الفرحة قهر
اللي تداوربه السراب كأنه وسيل
في شدة المحنة تلاشي ما ظهر
ارقت لي جفن المنام ليل طويل
كأنه الشهور اللي في عده تنتظر
اللي تمناه الطفولة في الحصيل
ما ألومه شاف النكال بلا عذر
ليت الليالي تأتمن روح الوجيل
لين الدهر يمسح من الخاطر غدر
يا لليل بلغ من بقى عقبي عليل
لا فس جوس الزرع يتوخى الحذر
يعرف دواب ما تمل من الخبيل
اللي مرق فيه السقي وضاع الجذر
واسمح من العيدان ما تطعم ذليل
بات المرض ينخر محاجين الفكر
ولا تبذل عذولات من طب قليل
ما تنفع الدويات في صد الخطر
يا ليل قله في الأثر عندي مقيل
يوم الروابي في ريها يزهر شجر
حنا الروابي وكنا في الدنيا ظليل
وهذا جزاء الوافر بما أنه نظر
حيات يا الخاطر فلا تجسر تشيل
أنت وشلالك لو تواحيت ف عسر
ما بينهم زمط ولظى كسب العميل
ولو هم على وائد النوايا ك القبر
يا لليل بلغ من بقى عقبي عليل
من كل ضحكات البشر خذلك عبر
بعض التمسكن في خبايه العويل
والطيب حرفة من تقنها انتصر
يجنى عليك وغاية الراهي قتيل
يفرح بنار في فؤادك تستعر
ودموع عينه كأنك الغالي الخليل
والناس حوله تصّبر الغالي قدر
نسف القيم كأنه المطر يسقى مخيل
ولو تكترث بطران تبغاها جهر
لعب العواطف من فنونه بالمكيل
ولسع العقرب في كفوفه مشتهر
ما غير ربي الواحد الفرد الوكيل
اللي يعرف الحق وينه مستقر
وفوضت أمري مثلما قال الخليل
يوم تكالب كل من حوله غدر

رثاء للفقيد الغالي سلطان العبري

نزلت اليوم قصيدتين تعويضا عن غيابي وانشغالي

موضوع القصيدة رثاء
في يوم 25 سبتمبر انتقل الى رحمة الله المغفور له بإذن الله
سلطان بن مرهون العبري،، من اعز أصدقائي إثر حادث مؤلم والسبب حد طلع عليه فجأة،، لذا نقول دائما لو أنت متحذر بس غيرك ساهي والقدر ما عنه حذر
ولله الأمر من قبل ومن بعد ولا حول ولا قوة الا بالله

إليكم القصيدة

الله من غصه فجت فؤاد واشجون
وأخبار جتنا ف آخر الليل بحزون
قالوا توفى وانا أقول لا لا تمزحون
لا يمكن يكون الخبر صدق تكفون

قالوا بلى واللي حصل قدر بقاضيه
جته المنايا عذر في الموتر تعازيه
آآه.. ليت المنايا شخص أقدر أجازيه
واحاسبه من مأخذه صرت مجنون

سلطان يا عين بكت فقد طاريه
سلطان يا ليل عتم بعد غاليه
سلطان يا عز السند وين اوحيه
معروف قدمته في حناياي مكنون

التيه من عقبك محطات وجسور
وشرود نفسى للبكى تعرف حضور
والنور من بسمتك سلطان وينه النور
يا من رحلت وخاطري يقول م تهون

ارثيك بحروفي وارثيك بدموع
وارثيك بالخافق ليا كان مسموع
وافيدك يا سلطان لو كان مشروع
فدوى الحبايب يرجع الموت مضنون

اللهم ارحمه بواسع رحمتك واجعل قبره روضة من رياض الجنة ووسع له ونقه من الخطايا كما ينقى الثواب الأبيض من الدنس وأجمعنا به في جنتك يا ارحم الراحمين... اللهم آمين

مزحة

أعتذر عن غيابي.. مرت بي ظروف



واليوم جايب لكم الجديد

ارسل لي الصاحب صورة بها فيس
وأرسلت له أضحك أبين سروري
قال وش ضحكك ولا تبى تحيس
تعليق مرفق تحتها في السطوري
أثره رسلها يوضح إنه خلي الكيس
والراتب المقروف ف انتظار ضروري
قلت العذر ... حنا كماكم مفاليس
بس نفرد الهمة... ونرقى الأموري
وانا الحقيقة في التبسم ترى اقيس
أن التبسم ينفع ليوم النشوري
ومقصد تفاخر لو غدى فهمنا تعيس
عفويتي تسبق ... ظنون الشروري
يا صاحبي في طية العمر تخميس
من زود ثقله قوس الصلب الصبوري
ما عاد لا ربك نعم نعمة نخيس
ولا يتكبر ع الخلايق حضوري

شوق

يا شوق قلبي والوزا عم
للي لهم في قلبي الشوق
بدعي لكم قولي معي تم
يحفظكم الله قمة الذوق
خايرني الخافق ولا انضم
وبيح معي ودموعه شروق
عبرته جرت كم وكم كم
وصويبه ذاهل للحقوق
يا ركسة فؤاد غلا ب دم
نضحت من الوجدان بحروق
احطبت م ضلوعي مكسم
وصخمتني ب ضوء كالبروق
خف البلاء وخفف من الهم
وادوي الذي تقدر بالخفوق
أظنه بعد لو شارب السم
أهون من إني أكون بشفوق
وإن كنت في عاتبك تكلم
ترتاح وتريح الصدر فوق
شوفت ظنين جرحه ألتم
وأمسى يجر بصوت مخنوق
فرحان ولفه لمه وضم
عقب العناء شارف ع لنفوق
يا شوق ما قصرت تسلم
لينت لي العاصي يا شوق

لا تقلقي

لا تقلقي..! إن غبت عنك خليلتي
أعمى براحلتي أسير ولا أرى
ولقد نسيتي سعادتي وتفاؤلي
ما عاد يجدي أن أبوح إلى العرى
تجدينني كبّلت أنقى ضحكة
وصرفت عن شغف الطموح الانظرى
اجثو بوادي الحزن لا أقوى حراك
ضيق في صدري لم يموت ولا انبرى
ولقد عمدت البؤس مني رجوته
ليريحني من بطشه المتعنترى
فأي فرح بعدها! سينال من قلب-
تشبع بالمأسي والهموم لما جرى
لا تقلقي إن صرت لا أهوى لقوت
وانحل عودي والجفاف قد اعترى
فلقد قضيت الدهر منه تلذذي
ما ساغ لي ما جائني مستبشرى
كذب يقال الاتزان مع الحوار
ويساق في جنبيه بعض الاعذرا
سيلامس القلب المعذب من بعيد
أمل يخالطه شتات بالوعيد سينذرا
سننتظر فلربما بركان بؤس منجرف
سيؤول يوما ب الخلاص الاخيّرا