شهيق ..!
في غيبتك منهو أبسـأل ., عصافيـر؟
ولا الشجـر؟ ولا القمـر والنسايـم؟
عجزت لــ القـى ., للمحاتـاة تعبيـر
وياكثر ما أحلم فيك وأبكيك نايـم .!
أهز غصن الأمس ., وتطير الأسبـاب
...................... والأمنيات أشبـه ببنـت ٍ لعوبـه .!
وألمس ثرا قلب ٍ مشو فيه الأحبـاب
...................... وخلوه خالي ., للفـراق وهبوبـه .!
أصلا ً بقالي شي؟ وأقول مـا غـاب؟
...................... حتى الشعور اللي بقلبي نحـو بـه .!
قفرت من نبت المشاعر ., والأصحاب
...................... راحو بعد فصل المطـر والخصوبـه .!
راحو وخلو لـي شبابيـك وأبـواب
...................... أحضن شعاع الذكريات وغروبـه .!
وأحفظ بقايا عزتـي عنـد الأغـراب
...................... جريح ., والجرح الندي ما درو به .!
بقيت أنا وحدي ., تفاكيري أسـراب
...................... أرتاح نوبه ., وأبكي الفيـن نوبـه .!
أن هلت الفرحه ., تجي مثل الأجناب
...................... وأن مرّت الذكرى ., تمر بصعوبـه .!
بعد الهجر ., ماظن بي شي مـا تـاب
...................... عن السراب اللي حدتنـي دروبـه .!
دخلتها ., راغب معي قلب وأقـراب
...................... واليـوم يالله السلامـه ., وتوبـه .!
العمر صحراء ., أصلها / شمس وتراب
...................... والحب فيها حلـم بيـر وعذوبـه .!
وأنا حفرت البيـر لكـنً الأعـراب
...................... خذوه مني بالمقيض ., ورعـو بـه .!
ومدام مابه للعمر ., حلـم وأسبـاب
...................... منهو يلوم القلب لـو شـق ثوبـه .!
أعترف أنـي قبـل جرحـي ., نبيـه
.................. أثرنـي هاضـم حقـوق الأغبيـا .!
كـل جـرح يخلـي العاقـل يتـيـه
.................. وأغبيـا هالوقـت هـم الأنقـيـا .!
أنت طيّـب؟ صيـر طيّـب ماعليـه
.................. خل قلبك لإحتضر طيبـه ., حيـا .!
بس أعرف كـل وجـه ولـه شبيـه
.................. والوفـا سبّـه جـروح الأوفيـا .!
يا سنيني كـل مـا جانـي ., عطيـه
.................. مـن جروحـي موعظـه للأتقيـا .!
كان يامـا كـان فيـه وكـان فيـه
.................. أظلمت دنياي ., من نفس الضيـا .!
أحترانـي عنـد موعـدنـا أجـيـه
.................. وجيت بآخر موعد بــ نفس الحيـا .!
كنت أحس ب شيء من لمسـة يديـه
.................. شيء بارد يشبـه أحسـاس النيـا .!
كنت أحسّه مو معي ., مدري شفيـه
.................. وأسترد الأمـس بـــ عيـون أبريـا .!
وشال فرحي وقال : برحل قلت : ليه؟
.................. وضحكتي صلّت على وجهي ريـا .!
وقام منّـي كـن مالـي حـق فيـه
.................. وقال : يا مطلق ., وكان يقول : يا ...
مو حبيبي ., صرت درب وصار تيـه
.................. أشحذ من الحزن ., ضحك الأثريـا .!
بس عـادي ., لأ مـو عـادي أبيـه
..................لا يحسب إني مع الفـرح ., أخويـا .!
ويعتبرنـي مرحلـه مــرّت علـيـه
.................. مرحله فيهـا الأحاسيـس أغنيـا .!
لا ذكرتـه أبتسـم وأقـول : إييييـه
.................. ودمعتي في محجري ماتـت حيـا .!
تلويحـــةةة ..!
لو يطيح الحطب
ودي أغنّيها غضـب
ودي أبكّيها رضـا
الليله إحساسي نضب
يكفيني أذكر ما مضى
.,
غريب ضايع من زمـن
يسكت ., إذا دار الكلام
أغلب حكاياته., حـزن
وأجمل صباحاته ., ظلام
.,
وقف ., وعكّازه هموم
وقف ., وعيا لا يميل
وإن طاح ما يقدر يقوم
الله ., يا صبر النخيل
.,’,.
.,’,.
ما طاح هم الليالي ., / لو يطيـح الحطـب
وأنا أغتسل عن غرامك ., /بالصبر والونيـن
كلمة أحبك صدى ., مردود كلمـة تعـب
حكاية ٍ ما تسولف غير .,/ دمـع و حنيـن
هذا المصير الكئيب اللـي علـي أنكتـب
لوحة حزن غامقه ., /فيها عيـون ويديـن
مليت أناظر يميني وش خسـر وش كسـب
وتعبت أدوّر عذر ., / مل اليسـار اليميـن
رضيت أكون السلالم ., /ووصلك للسحب
تقطف من نجوم عمري كـل شـي ٍ ثميـن
شفتك صغير وبريء وكان وقتـي صعـب
وعودت همـي لعينـك يختفـي مـا يبيـن
وخليت قلبي حديقه ., /والمشاعـر لعـب
وكبرت فينـي وشفتـك ثالـث الوالديـن
لجلك ضحك قلب ما يضحك ورحب هدب
ولجلك رخصت الجواب وشلت لك كل سين
ما اظن عاشق عشق مثلي ومثلـي وهـب
أصابعي شمـع والقاسـي عشانـك يليـن
وخسرت أجمل سنين العمر / وأنت السبـب
ومن صدمتي ما اصدق كل كلمـة خديـن
لكـن أبسئـل سـؤال ولا تظنـه عتـب
لو تعتذر لي .,/ بتقـدر تعتـذر للسنيـن ؟
وقّف ولا ترجي الرجعه .. ولو هي غصـب
ما جيت طالب هناي ولا رجيتـك ضنيـن
دام الذهب لو تردى وقت ., يبقـى ذهـب
شفت التجارب تبيّن كـل معـدن دفيـن
غنيت لحن الشمـوخ ودمعتـي تنسحـب
وقررت أودع غرامك بـس فـي كلمتيـن
ما عاد فيني صبر., يابو الحسـب والنسـب
الله يسامحك ., والفرقا على القلـب ديـن
لكنّ قبـل المفـارق ودي اطلـب طلـب
عشان خاطـر هوانـا ., لا تقفـي حزيـن
عبـــرةةةة ..!
الشعر راحه ., ولكن ما يريّحني .,
أهرب من البوح وهمومي يدلّوني .!
بكره إذا مت ., من فيكم يبايحني؟
لا جدّت جروحكم لامن قريتوني .!
هذا أنا من همومي شامخ ومحني .,
أبكي من القلب لو ما تدمع عيوني .!
لا مرّ طاري فرح ., يعجز يفرّحني .,
وإذا أبتسمت ل عيوني / ما يعرفوني .!
ياليت حزني على كبره / يطيّحني .,
يمكني أرتاح والعذّال ينسوني .!
أحبابي أقصاهم اللي أمس جارحني .,
والباقي إن جيتهم ., راحو وخلوني .!
لـــ آلشآهق .. مطلق آلجبعآء آلدويش
