((((( عند المقدر ما تفيد المحاذير ))))))

واطيري اللي وافقته المقادير	اقفى وخلا له بقلبي وقايد
عند المقدر ما تفيد المحاذير	والطير ضيعاته علينا عوايد
في ضيعته ما شلت هم المخاسير	لا شك ذا فقده على القلب كايد
هالطير غير وباقي طيورهم غير	فعله على كل القرانيس زايد
اخطيت يومه تل في هده السير	واقفى وانا ماني متحريه عايد
قام ايترقا والحباري مدابير	لينه قطع روف البلاد المحايد
الطير كخرم والحباري معاشير	ولاهو مطرح قبل يدمي الصوايد
يومين في حروة مضيعة مداوير	غير التعب والبرد ما من فوايد
ما غير دس وبرقع بيدة القير	لا شفتهن شفت العناء والنكايد
يلايمي في ضيعة الطير قيل خير	كانك تلذذ في رقاد الوسايد
انا ثلاث ايام هم وتحاسير	وان زل هم جت هموم جدايد
كان انت تشكي من فراق الغنادير	انا فراقه شب فيني وقايد
تبي شعوري صدق في ضيعة الطير	يشبه شعور الشعب في فقد زايد

.

جميل جدا
ابدع الشاعر في وصفه
شكرا لك

تسلمين اختي تباشير الامل مرورك العطر اسعدني ياذوووق

سلمت يمناك اخي
انتقاء جميل وتواجد اجمل
دمت في حفظ الرحمن ورعايته

راق لي طرحك ايها المميز
رائع جدا اختيارك
بارك الله فيك

تسلمين اختي نواره مرورك الرائع اسعدني ياذوووق

تسلمين اختي اميره الروح مرورك الرائع اسعدني ياذوووق
يعطيك العافيه

نص جميل
شكراً لهذه الذائقه
يعطيك الله العافيه
تستحق التقييم :)'

تسلمين اختي الشيخه الفلانيه مرورك العطر اسعدني ياذوووق
شاكرا لك على تزيينك الصفحه بالنجوم الخمس ويعطيك الف عافيه
مرورك لا عدمنااااه

قصيده رائعه أخي
مبدع ومتألق دائماً بإختياراتك
دمت بخير

هلا فيك نسر ..
نص ولا اجمل واروع الله عليك الله
الف شكر لجهدك واختيارك وتفاعلك الجميل
طابت مساءاتك ..

حبي خالص مرورك الرائع اسعدني ياذوووق

تسلم استاذي رايق البال مرورك اسعدني ياذووووق