إجيت بقلب يتمه ' هد حاله '
ولا ظنيت بعشقه ف ثواني
بديت اخاف من كثر التمني
واشوف الوصل اول هالاماني
وصرت الثالث الي يكرهونه
مابين الناس ملغيٍ مكاني
تعبت من الجفا والوصل كله
وضاع الدرب والخطوه تعاني
عشقت الشعر من يوم الطفوله
وزاد العشق من حبه كساني
كتبته شطر ضايع في عيونه
الين أصبحت انا عنتر زماني
بكيت الي غيابه هد حيلي
بخيل الوصل خلاني أعاني
اجيه بدمع لا زادت شجوني
كأن الدمع يجبر ما دهاني
وصرت الضايع المطفي لحاله
الين الحزن هو وحده قرآني
يجي يوم ويداويني بوصاله
وشهر يغيب ماكنه يراني
انا ثالثهم الي " ما يبونه "
دفن دمعه بحفنه من اماني
غيابه صعب والأصعب وصاله
وانا ضايع وتايه في مكاني
يبوني ابتعد : ماكني إلا ،
طفل ينسى بعد عدة ثواني
الا ليت الغياب الي خذاهم
خذا حبٍ سكن وسط المحاني
يجوني وسط ليله حيل قمرا
وأسامرهم بترديد الاغاني
انا " ثالثهم " الي دون يدري
ما بين اثنينهم ماله مكاني
وصبرت شهور بين ألفين عله
لعل الله جبر عشقٍ طواني
وصرت الرابع الي ( يكرهونه )
ثلاثتهم ، ياليت الله خذاني ..
الهنوف💕
9.7.الفين الغياب
