][.. كل ما بنيت الحلم في القلب وكمل ..][
][.. كل ما بنيت الحلم في القلب وكمل ..][
كل ما بنيت الحلم في القلب وكمل .. قبل لا اعلنه يظهر صدى عداوته
واضحت همومي من ورا الخافق همل .. واحجامها حسب الوضع متفاوته
وأنا العزيز اللي تشبث بالأمل .. عسى يشوف من الزمن طراوته
درس الحياة قاسيه لو اشتمل .. على الجبابر لعرفوا قساوته
تلقى بعض تجارهم يمشي ثمل .. معا الفقارا يرتشف حلاوته
والقاضي اللي في كلامه ما صمل .. فاضي عمل مسترسل بفضاوته
قال المثل خل الجمل بما حمل .. صافح عدو مايبين دناوته
رجل ضلوعه للحمل ما تحتمل .. يحرم على رجلي حشى ما خاوته
مثل النعامه راسها تحت الرمل .. من ظلها تشكي مدى ضراوته
جرح الصداده في الظهر مايندمل .. عيت سنيني كلها ماداوته
