دخيلك بس جـــــــاوبني .. قبل لا روحي تتفجـر
وش اللي غيٍّر أطــباعك .. وخلا قلبك اتحجـــــر؟
كل مــــــا أجعد بروحي .. أتوه بفكري اتبعثــــــر
أحاول أنسى كل لحظة .. ولا أحزن وأتذكــــــــر
أحاول أعذرك بالحـــيل.. ولكن زلتك أكــــــــبــر
طعنت القلب لو صانـك .. وقلبك للوفا أنكــــــــــر
طلب واحد ترجيتــــــك .. أبي اعرف إذا تقــــدر
إذا باقي وسط قلبــــــك .. خلية بس تتأثـــــــــــــر
أنا في شو لك مقصــــر.؟.. قبل تنساني أو تهجــر
عطيتـــك نفسي وروحي .. عطيتي دنيتي وأكـثـر
عطيتك قلب ما خـــــانك .. وأنا في دنيتك أفخــــر
تعاتب قلبي وتنهـــــــــاه .. على عيني وتتأمــــــر
أناظر جيتك مشتــــــــاق .. ولجل عينك أنا اسهـر
حسافة مـــــــــــا توقعتك .. على خلك بتتكبـــــــر
كتبت ف دفتري عنــوان .. بلون الدم غدا احـــمر
كتبت ف صفحتي الأولى .. حلم نكران يتكــــــرر
أروح لدفتري ولهـــــــان .. لما دنيتي تصغــــــــر
أشوفك ف أول أوراقـــة .. كل ما افتح الدفتـــــــر
أقرر اقلب الصفحــــــــة .. قبل لا روحي تتكــــدر
أقرر أنسى احزانــــــــي .. ومع أوراقي أنا أبحــــر
