ما كل غلطــان نقبــل منه أعـــذاررره
روح علم الي نسا ان دنياه دوارة ...
لا يجرح جروح ما هو يعرف أدواها ...
قلوب بعض العرب لو دونها استاره ...
دورات الايام تفضحها وتبلاها ...
يعني المواقف قدر والخلق بحاره ...
والنفس مركب وموج الهم يقفاها ...
والوقت مثل البحر والرزق سنارة ...
وما للمخاليق الا ما الله اعطاها ....
ما كل غلطان نقبل منه اعذاره ...
بعض الغلط يهدم الاخوه ومبناها ...
نفوسنا مسيرة وما هي بمختارة ....
وفعايل الطيبين بطيب مجناها ....
من يوم ربي خلقنا نأخذ الشارة ...
ما نحقر الناس لا جتنا وجيناها ...
عيبن علي يمد الطيب بييساره ...
من لا يمد بيمينه ما خذيناها ....
ما كل حرن يعزه ماكر احراره ...
كم من صوايد ويامقرب أمعشاها ...
عن كل دربن عليها النفس امارة ...
اتردنا شيمة الشيبان ولحاها ....
لا تنبش الجرح خلي الجرح واسراره ....
حتى جروح الردا ياما سترناها ...
لو كل وجهن نجيله حسب مقداره ....
يما كثر وجوه ناسن ما حشمناهاااا ...
