هاڪً.. ميزاڼ اڷجڕوح وقيسها ذره بذره
لا تسئل عن ضيقة أيامي وقلبي لا تمره..
ضاعت دروبك على آخر ليل وجرو و وحي عطايب ..
وإن لمحت اسمي ترفق به وبادله المبره !
كثر مابادلك شوق وكثر ماودعك هايب..
لك على جرة عروق القلب يامغرور جره..
ماتواريها السنين ولا تغيررها النوايب!
ماقدرت اتوب عن ذكرك وعن حلوك ومره..
ليه عن ذبح الغلا ياصاحبي مانت بتايب؟!
والله إن قربك يسر الروح وفراقك مضره.
وانت علة خافقي وانت القريب من القرايب!
هاك ميزان الجروح وقيسها ذره بذره.!
ماوزنت إلا غلاك ولا طعنت إلا الحبايب~
كل مايطري علي ظلمك تشب الكبد حره
كن في صدري رماح القوم وسيوف وحرايب.
كيف أبنسى ليلة زعزعت قلبي من مقره
أنفرت كبدي وخفاقي غدا قبر ونصايب .!
هلت دموعي وحلفتك بربك ألف مره.
ياابن آدم خاف الله ماورا ذبحي كسايب!
أنت شخصٍ ماقدرت استوعبه خيره وشره.!
من عرفتك والدموع دموع والخفاق ذايب~
لا تصدق كذبة الأيام في وجه المسره..
بسمة في عين طفلٍ ودمعةٍ في عين شايب..
وإن تذكرت روووح اللي على صوتك تشره
ضمها في صدرك الموحش وعرضه الهبايب
انكسر حلم الليال وطاحت نجوم المجره
ابتدت شمس وتوارت شمس وجروحي عطايب
وأنت ماتدري ولا عندك من الإحساس ذره
أشهد أن مصيبتي بك من عظيمات المصايب.!
