الحب لوّه زاد "ماينحكى به" ..
الي يسولف لك عن الحب ما حبّ
الحب لوّه زاد : ما ينحكى به
شفني انا وشلون ذابحني الحبّ
مِن دَق بابي ، قلت يا مرحبا به
وليا بغيت اكتبه دمعاتي تصبّ
ياكيف أُوصِّف بس حضرة جنابه
حبي انا له ((سالفه سِر في جبّ))
بس بقصيدي بان فيني مصابه
ومابين باقي الناس اضحك والعبّ
كني العليل / ولا طرالي غيابه
وان زادت الشحنه وجهت انا غربّ
صوب المكان الي قبل عام جابه
واذكر يجر الصوت من عقب ما هبّ
" نسناس " ربي يمطره م السحابه
انا الذي م الشوق ما فاده الطبّ
وما فادني : دكتورهم ، واغترابه
وآخر حكاي افهمه من دون اي نهبّ
من قلب صادق اذبحته النهابه
{ انا صويب فلان واتعبني الحربّ
من يوم ثاني العيد اقفت ركابه
العيد فرصه وصل يرضيك يَ ربّ ؟
والله ما عاد اجيه وَ اطق بابه ! }
الهنوف🌿
9.26.ألفين الغياب
