يا ليل وش لك في تباريح الأحباب ؟
يا ليل وش لك في تباريح الأحباب ...
خلك على ظلـمتـْـك واسرح بفكري
لا تقتل اللحظه .. بتنعيس الأهداب ...
اصبر علي شوي ..وشوي وبسري
إسهر معي دام القمر ما بعد غـاب ...
ومني تحياتي وحبـّـي وشـــكــــري
والصبح له مـوعد على دقة الباب ...
بفتح له عيوني وحضني وصــدري
والشوق في قلبي ومن وحشته ذاب ...
للي عتقني وراح يحفر بقــــبـــــري
أبطى غيابه حيل والوقت كــــذاب ...
يا طول بالي وآه يا طول صبــري
له في ظلوعي ناب ذيبٍ ومخـلاب ...
وله في خفوقي حب عمره بعمـري
حبري دموع العين والحزن غلاب ...
أكتب على خــدّي ولا جـفّ حبــري
يا ليل.. تسألني الأحباب غــيـّــاب؟ ...
لو كنت أدري قلت يا ليل مـــــــدري
أسكت وخلـّك من تباريح الأحباب ...
وأنثر علي ظلمـتـْك واسرح بفكــري
