طريقة عمل بسبوسة جميلة جداً وهشة وتاكلي اصابعك وراها :p
المقادير :
كوبين سميد
٣ أكواب جوز الهند مبشور
٣ حبات بيض بدرجة حرارة الغرفة
ملعقة كبيرة بكينج بدور
كوب سكر ناعم
ملعقة صغيرة فانيليا
نصف كوب زيت
وكوب لبن ساده
مقادير الشيرة :
كوب ماي
كوبين سكر
ملعقة زعفران
مسمارين قرنفل
حبة هيل
وعود قرفه ..نتركهم يغلوا مع بعض لحد ما تصير الشيرة لزجة وثقيلة شوي مو وايد ..
طريقة عمل البسبوسة :
حطي المقادير الجافه كلها مع بعض واخلطيهم
وبعدين حطي المقادير السائله بالتدريج
اخر شي اللبن وحطيه شوي شوي اذا حسيت العجينة مكتفيه بدون ماتكملي مقدار اللبن كله وقفي
واخلطيهم كويز كويز كويز ..
وبعدين جيبي صينية الخبز وتكون واسعه شوي عشان طبقة البسبوسة ماتكون سميكه..
دخليها الفرن ..
ولما تنضج رشيها بالشيرة ..بس لازم يكون واحد فيهم بارد وواحد حار ،، اما الشيرة او البسبوسة
وبالعافية ^^
